لله درك يا الشيخ...أعجبتني في إنصاف نوع سيارتك و الأنواع الأخرى.. أنا مستخدم لتايوتا و للنيسان سنوات.. والله كلها مواتر طيبة وكلها فيها عيوب و لها مزايا.. ياليت نرتقي في حواراتنا و نترك التعصب لنوع معين من السيارات.. نحن مستخدمين فما بالنا لو كنا نحن من صنع تلك السيارات
احسنت مالمانع ان تنتقد عيب في سيارتك حتى لو كانت من افضل السيارات انت في النهاية دافع مبالغ طائلة والتجارب الميدانية للمستخدمين في كل التضاريس تتفوق على كل اختبارات المصانع
@@Kh19223والله ما فيه أي مانع أبداً من الإنتقاد.. أنا مؤيد لكلامك تمامآ.. لكن أنتقد اللي يتحزبون لنوع معين مثل اللي يمدحون نيسان و يذمون تايوتا أو العكس في المنتديات و المواقع.. أذكر قبل عشر سنوات في منتدى مكشات سألت في قسم السيارات عن الباجيرو.. تصوّر أحد الأعضاء يقول أبعد عنها سيارة أجانب... يعني حتى الإنتقاد يدل على سذاجة مع جهل مركب.. يفترض أن نقول فيها عيوب كذا و كذا و فيها كذلك مميزات معينة.. هذا التحليل المنصف و سلامتك
@@Kh19223 أخوي انت ذكرت انو فيه نوع من زيوت المكينة لهذه الموديلات تناسبها بعد نزع الرصاص من البنزين...!!! وشهو اسمه ورقمه النوع اللي تنصحبه؟!.... انتظر ردك مشكور
كالعادة مبدع بالطرح وبأذن الله أبي أشوف باقي فديواتك عندي تعليق على بعض النقاط الجميلة بالجملة بداية الزيوت الخفيفة تناسب البلدان الباردة ولا تناسب أجواءنا والكلام هذا موجود بالكتلوجات أما توصية المصنع لمثل هاللزوجات أحيان يكون المناسبة لبلد المنشا وأحيان لتقليل صرفية البنزين فالمفروض الجميع يقرء الكتلوج بتمعن اما النيسان والتايوتا وغيره نتفق ببعض النقاط ونختلف ببعض بأختلاف الرغبات والميول والأحتياج لكن أستغرب من اللي يبي يفرض رايه مثال أنا لا أرغب اليوكن ولكن لو سألني عنه أحد قلت له غير مبرد القير وأكشت عليه لكن انا أفضل النيسان لقوته وراحته ورساوته وتحمله وتعليقه يمشي بالهيار كنه على عزاز هذا حد ذاته يكفي أما العيوب المزعومة مثل الحرارة لا أوافقها وعدادات التجتل موجودة للي يبي يتأكد كذلك الصرفية هو بدون أنظمة جربناه مع سيارات بأنظمة تفوق على بعضها حتا اللي تفوقت عليه بفرق بسيط ولو جبنا باترول كربريتر ٩٧ نظيف لو قارناه بأي سيارة دفع رباعي كم يبي يصير الفرق هل يسوى الكلام أو عدم شراءها المنصف يبي يجرب ثم يحكم أما الجاهل يبي يقارنها بالسيارات الأقتصادية وبالنسبة لموضوع البيبان مع أني أميل للبيبان بس المفروض كان فيه تعدد بالخيارات وسبب تفضيلي للباب الشنطة لو بغيت تحط شيئ أو تاخذ شيئ يظايقك الباب تظطر تركب لكن الباب تفتحه يبعد عنك
اي والله تسلم مثل هذي الفيديوهات مفيده للناس ولكن نتمنى ان تحتوي السياره بالكامل مثل الكلام عن الجير مافيش مشاكل الدفرنسات استهلاكها للذراعات ووالخ وشكرا لك وبارك الله فيك
مقطع جميل اشكرك اذكر الوالد معاه واحد موديل ٩٨ GX تانكين استبنتين وآخرتها جبت فيه العيد الله على ذيك الايام انشهد انه موتر اهنيك على المقطع الله يسعدك الله يبارك لك بحلالك يارب
بارك الله فيك اخوي ونعم الإنصاف، انا بتكلم عن تجربتي من 2009 لين اليوم تقريبا 14 سنه، موديل 1998 اول موتر من هالجيل استعمالي خطوط ومدن واستعمال خفيف جدا جدا للبر، ماواجهت ابدا مشكلة فالدودة من 14 سنه لين الشهر الي قبل وبدلتها بتجاري مع الأسف وندمان لليوم، واما المقصات ما واجهت فيها أي مشكلة لانه مثل ماقلت استعمالي مدينة عكس اخونا بارك الله فيه استعماله بر بالنسبه للعيوب صرفيته عاليه اسعار القطع ترتفع سنويا القطع قاعد تصير نادرة وخاصة الاكسسوارات اما القطع الميكانيكية متوفرة اما المميزات موتر اعتمادي بحت اذا خرب شي ركب وكاله وانسى تخرب القطعة موتر طق سلف وامشي وانسى سالفه يجي يوم ومايطق سلف كل مرة غرزت فيها ماعمري احتجت احد يسحبني الدبل مسوي شغلة وبقوة واخيرا امتع سيارة سقتها بحياتي رغم اني جربت انواع مختلفة من السيارات ومن شركات كثيرة لكن امتع منه مافي
فيه معلومه مهمه أرجوا من الله أن تكون مفيدة لكم... تغيير كفرات السيارة بمقاسات وحجم يختلف عن الكفرات الأصلية يأثر تأثير مباشر على أنظمة التعليق بالسيارة ويقلل من عمرها الأفتراضي ومنها الجامبينات والمقصات واذرع توجيه السيارة
نعم يؤثر على المدى البعيد خاصة كفرات البالون ولاكن فيها مزايا ترفع السيارة عن الصخور سلسة في الرمال المستعصية مريحة في المطبات وتحافظ على تماسك بدي السيارة هذا في مايخص سيارت البر اما استخدامها في المدن بكثرة لا أراه مناسبًا
الله يبارك لك فيه ، استخدمه الآن صار له ثلاث سنوات حقيقة ممتاز واستهلاكه للوقود مقارنة بباقي الجيوب مقبول لولا ارتفاع سعر البانزين الآن ، ومثل ماتفضلت مشكلة هيئة الوكالة ضعيفه تخرب العكوس والدوده ، يحتاج مساعدات ويايات استراليه تضبط اموره
سبب نجاح " تويوتا " وتميزها عن جميع الصناع اليابانيين والعالميين هي (( الجودة العالية والاعمادية )) بتصنيع سياراتهم حيث تتفوق على جميع المنافسين بلا استثناء وفق دراسات تقييمه وتجارب واختبارات وتم تقييم ذلك حتى في نقاط التلحيم والشاسيهات والمواد الداخلية وعمر انظمة التعليق العالية فيها وعمر محركاتها التي سجلت ارقام خياليه في عدد الاميال المقطوعة حيث وصلت ل (( مليون مايل )) دون ظهور اي مشكلات ويرجع السبب في ذلك ان لديهم اقوى ادارة في التحكم بمستوى الجوده في مصانعها على مستوى العالم فمستوى جودة التصنيع في اي مصنع لها بأي دولة نفس جودة المنتج باليابان وهذي استراتيجية تويوتا المعروفة عالميا ب QCT وتعني (qualitiy control of toyota)
السلام عليكم ورحمة الله وبركاته أسعد الله أوقاتكم أولاً: صح لسانك ولسان الشاعر. ثانياً: الله يبارك لك بحلالك. والله يعطيك خيره ويكفيك شره. ثالثاً: الله يعطيك العافية على الشرح البسيط .
من وجهة نظري افضل جيل نزل في اللاندكروزر من 90 إلى 97 جمع بين القديم والحديث ، القوة والاعتمادية والصبر ، ولا تنسى نظام التعليق الأمامي دفرنس كل شئ قطعة فيه مصممه تعيش عمر السيارة مقصات ومساعدات غير ما يتمتع به من قوة في الجبال والاماكن الصخرية وارتفاع مناسب ، هذا عن تجربة شخصية .
عموما المواتر الممتازه اللي في متناول الشعب الكوري و الياباني و الامريكي اليباني كلها ممتازه وافضل الامريكي يعطيك راحه اكبر بس بجوده اقل من اليباني بس جوده حلوه واذا بتعرف تصينه وكل شي تغيره في وقته بيعيش معك بدون قروشه
الله يفتح الباب عليك ويقضي مافي قلبك شكرا لك على اعجابك وعلى دعمك لقناتي النحل والطبيعة زادك الله رزقا وفتح لك ابواب الرزق اخي الكريم اخوك من الجزائر تحية طيبة لك
حبيبنا الغالي... إبداع في جميع مقاطعك... وإنصاف وكلام واقعي. اذا ما عليك أمر نبي مقطع لتوليف المساعد الاضافي. موضح فيه مكان لحام القاعدة العليا والسفلية... ونوع المساعد لأي سيارة...وتكلفة العمل ووين.
حياك الله الترهيم عند الصمعاني القصيم بريدة واللحام غير اللحام العادي هذا مخصص لشاصيه قاعدة في الشاص من اعلى والسفلى في نصف المقص والمساعد نوع بلسترين غاز وهذا الكلام قبل حوالى ٨ سنوات والتكلفة ٢ مساعد مع الشغل تقريباً ٥٠٠ ريال واذا نزلت فديو يخص السيارات سوف أتطرق لهذا الموضوع بأذن الله
الله يوفقك ويسعدك أسلوب راقي من أنسان راقي أنا من مستخدمي مثل هذا من عام ٢٠٠٣ ومستحيل أصبر أو أفرط فيه لكن فيه عيوب مثل ماقلت من الأمام والعيب الثاني صرفيه البنزين جدا عاليه هذي العيبين اللي فيه فقط الباقي جيب لايعلى عليه
الله يحييك اخوي اغلب هذا النوع من الجيوب على خزان البنزين الرئيسي يمشي حوالي ٥٠٠ كلم على الطرق الطويلة اما داخل المدن حوالى ٤٠٠ كلم هذا في حال القيادة العادية من دون سرعات عالية
@@Kh19223 اعطيك ياها بالمختصر وانا خوك ومن تجربه شخصيه اناصاحب فكساروقير عادي وفاصل الدفع الرباعي عنه ومركب فرارات قدام الصرفيه انت الي تحكم فيها انا طلعة من تبوك وقبل القليبه اخذة يسار طريق الجوف وبالصدفه لقية صاحب هايلكس وعلى قولتهم مجاكر انا وياه قبل فجروقفة وصلية العصر ولاخ واصل طريقه وحركة وبعدالحوي في محطة الهياظله لحقته ومع بعض لين دخلنا بسيطاء وخلص علي التانكي الكبير حدود٤٠٠اويزيد عنها شي بسيط وانا راجع عبيت من محطة شاهي بطريف وسرعتي من ١٢٠ماتعداء ١٣٠وصلني لين لوحة تبوك ٩٠كيلو التانكي الكبير مشانا فوق ٦٠٠ بنزيم احمر هذي تجرتبي مع الخط بس تعتمد على اهتمامك بالسياره لاحديجيني ويقول البواجي لها ٣سنوات وفلترالهواء من عام السبله ماغيره وصفايه وبنزيم ترا كلهن لهن دور بالصرف ؟ وعفاك يالامير
لاهنت على الشرح الوافي ، ودي اسئلك عن الفلنجه وين نركبه وهل تفصل الدبل نهائيا ؟ ، والكفرات الماكسس سمعت انها سيئه في الخط عطني علمها في الخط وهل فيها رجه؟
يامرحبا بك الفلنجة كانت تجي مع السيارات الجيوب فل كامل في التسعينات من الوكالة وهي ميزة اضافية ، الان اختلف الوضع صار نظام الدبل والقير مختلف اذا كانت سيارتك دفع رباعي على طول مثل الفي اكس ار ٨ سرندل حتى لو الدبل مفصول عمليا يكون شابك مع الكفرات الخلفية مثل الدبل الخفيف بس بدرجة اقل وهذا نظام ترس تفاضلي ماتناسب له الفلنجة اما اذا كان نيسان او جي اكس ار ٦ سرندل الفلنجة مناسبة له ،، اما فصل الدبل نعم تفصل الدبل وتفصل دوران العامود اللي ماله لزوم ونت داخل البلد او على الطرق السريعة اما اذا شبكتها ترجع السيارة نفس نظامها العادي تفصل الدبل وتشبك مثل شد الوكالة هي الفكرة منها تريح العامود والدفرنس الامامي من الدوران داخل المدن ، بالنسبة للي معي موجودة عند قطع الغيار صناعة برازيلية جيدة وقيمتها تقريبا ٥٠٠ واغلب الورش وميزان السيارات يشتغلونها
لو تجي للناحيه العمليه الشنطه ماهي عمليه ابداً لانه بعد فتره تطلب قطع غيار مثل مساعدات الباب اللي فوق لكن البيبان الصفاق مايطلب قطع غيار ابداً مثل بيبان الشنطه
أنا شخصياً لا اعتبرها مشكلة مقابل مزايا الشنطة لراعي البر ، غيرتها مرتين فقط طوال هذي السنين الطقم ٨٠ ريال صيني اما البيبان اتفق معك افضل للعائلة اثناء الصعود والنزول علماً ان حتى الأبواب تحتاج صيانه وفيها مشاكل إذا تراكم عليها الغبار الدقيق ( الريغا )
انا مااقتني الا السيارات الامريكيه مهما تخرب كل يوم مااخذت الا امريكي فيها متعه قياده و رساوه وراحهع لا يعلى عليه ابداً واذا ع يدك من الوكاله هذا افضل ولكن تويوتا انشهد انه من السيارات القويه بكل ماتعنيه من كلمه من اليارس الى جيب اللكزس الجوده واحده ماتفرق وقليل الاعطال واذا حصل عطل سهل الصيانه وتكييفه جدا ممتاز طبعا الياباني بشكل عام لكن التويوتا الاول.
تسلم عالشرح الوافي والله كنت افكر آخذ لي من هالنوعيه ل ٢٠٠٧ بس هونت .. وبعدين عندي ملاحظه يوم تقول الهيئه الأماميه ترى ناس كثير ماراح تفهم عليك حتى انا مافهمت وش تقصد إلين شرحت عالموتر لكن قل نظام (التعليق) سواء امامي او خلفي وسلامتك
كلامك صحيح ونا بعد بقولك ان كثيرأ من الناس ماتعرف نظام التعليق هههه وانا واحد منهم ولا ادري لماذا وصف بهذا الوصف وانا اخترت وصف الهيئة الامامية مع مشكلة الدودة التي خارج نظام التعليق مع هذه النوعية من السيارات وعلى كل حال كل ماذكرت في الفيديو من سلبيات عن السيارة مقصورة فقط على الطرق الوعرة والاستعمال الشاق ،، تحياتي
الله يعطيك العافيه تقرير مميز و مفيد 👍🏻 و يقول الشاعر لافي الغيداني : راكب اللي كن زوله زول ذيب ان نطحته و ان قفيته من ورى و ان عرض لك قلت: مابالوصف ريب جنب ذيب لاحقه جوع و عرى
السلام عليكم ورحمة الله وبركاته جزاك الله خير ودي استفسر منك شفت لك حلقه عن الدرابيل وشفتك تمدح دربيل من عبد الواحد دخلت ولقيت مثل دربيلك ولقيت واحد قطر العدسه ٥٠ والتكبير من ١٠ الى ٢٢ تقدر تغير( منظار نيكون اكيولون (10-22x50) (BAA818SA) ) إيش رايك آخذ مثل اللي معك او اللي يكبر من ١٠ الى ٢٢ استفسر آخير أيش الفرق الجوهري بين الدربيل العادي مثل اللي معك و الغالي السوارفسكي
وعليكم السلام ورحمة الله وبركاته هذا الدربيل اللي ذكرت يعتبر نوع تلسكوب اقل زوم فيه عشرة يعني فيه اهتزاز لاكنه يكبر حتى ٢٢ مرة ولا اعلم هل ترتاح عينك له اولا ، اما اللي عندي زوم ٧ اقل اهتزاز واسع الرؤية وأنت عليك اختيار اللي يناسب حاجتك ، وافضل شي تفحصها عند الوكيل اذا امكن ، اما الفرق بين السوار والدرابيل التجارية كبير جودة العدسات وصفائها قوة الهيكل العدسات تحت اشراف خبراء مختصين في سلامة العيون الضمان ٣٠ سنة وهذا لا يعني ان الشركات الاخرى سيئة ومنها نيكون فهي تصنع اجود انواع العدسات ولاكنها لم تلتفت الى الدرابيل بل تركز على عدسات الكميرات
لااوافقك الرلي هذا افضل طراز من سنة 98 الي 2007 لانه ليس به زوائد من الذي قبله واثبت وهو في نفس الوقت افضل من الطرازات 2008 للحد 2021 لانه هذا الموديل الدبل فية عصا وتشغيله مضمون والبنافر فيه اصلب ولا تتعفس بسهوله وحجمه اصغر ومركز القياده اكثر سيطره
احترم رأيك وانا كلامي في الفيديو مركز على نقاط معينه في هذا الموديل وأضيف ان الدبل سواء زر او عصا ليس فيها مشاكل تذكر حتى ان دبل الزر جاء في الشاص منذ الثمانينات حتى مديل سيارتي هذي فيها دبل زر في بعض الفئات الفي اكس ار والجي اكس ار وياهلابك .
كلامك صحيح ١٠٠٪ عن عيوب الموتر واللي ينتقد كلامك اعتقد انه من الشريطيه اللي يلمعون صورة السيارات القديمه ويحاولون الضحك ع الناس بكلمة ( قديمك نديمك ) فعلاً الموتر هذا حلو جميل ولكن عيوبه تكرهك فيه اذا كنت راعي بر وجبال 👎اما اذا انت تقتني الموتر هذا وموقفه بس للطلعات والسفر انصحك تشتري بدون تردد 👍
الله يبارك لك ماشاءالله تبارك الله ، اللاند الموديل ذا جيد ولكن عيبه زي ماقلت ثقل الوزن وتحس يحتاج عزم اكثر مدري عشاني جربت الفتك😅، ميزت اللاند في الصخور جيد لكن نفود لا بالله مامثل الفتك مطامر قشع موتر يصمل فيه متانة تعليق وقوة عزم ومن وجهة نظري افضل جيب بعد اللاند ال ٩٧ الدفرنسين
ماقصرت على المقطع وبنقل تجربتي ورائي بالنسبة للنظام هذا يسمى التورشن بار او عامود الالتواء ومثل ما الياي يتغير تقدر تغيره بشيء رياضي مثل دبينسون ومن ميزات التورشن بار انه تتحكم بالرفع بمسمار وبالنسبة للمساعد ركبت مساعد رياضي دبينسون وفرق معي الموتر واجد ولكن تقول كل هذا ما اعجبك فيه نظام جديد يكنسل التورشن بار ويصير ياي امامي مثل الجديد وسعره بحوالي ال5 الاف وبالنسبة للفرارات ممتازة الصراحة خاصة للي موتره رفيع يطول بعمر العكوس ومشكلة الطرمبه والدوده ركبت مبرد الصراحة فرق معي كثير
اشكرك على المشاركة وتجربتك في ماذكرت ولعل من يطلع على التعليق يستفيد اما انا فقد عانيت في السابق مع هذا الموديل تخيل لا يوجد مساعد امامي في ذالك الوقت سوى شد البلد وكل رحلة قنص ارجع اغير مساعد او مقص يوم كانت الامور سهالات والصيد واجد ، اما كلامك عن الطرمبه صحيح 👍 وسيارتي فيها مبرد والان ٥ سنوات ادائها ممتاز
طيب ليه مانصحت بالموديل اللي قبله !! اللي يجيك من موديل ٩٧ لين ٩٢ مكينة ٢٤ بلف بنزين عزالله مامر علي مثله بالبر لي ٢٥ سنه استخدمه وكل سنه يزيد حبي له .. ويايات من قدام وورى شي شي جبار الجيل هذا
@@Kh19223 عزالله بعيد عن كل شي انك رجال واضح انك كفو ومحترم .. الكتاب بيّن من عنوانه .. اما بالنسبه للجيل من ٩٧ وتحت اشوفه متوفر بالسوق مايمنع ان ياخذه رجال ويكمل اساسياته من تكميل لانه يايات زي ماتفضلت والمكينه وحده والكبليتر اللي الناس متخوفه منه ماادري ليش ومهولين موضوعه هي كلها ٣ سنين ويحتاج غسله بمية ريال والصرفيه والله واحد بينه وبين البخاخات ممكن في قادم الايام ان يسر الله بنزل عنه مقطع يوتيوب ومنك نستفيد ياصاحب القناة اللي يزيدك من العلم ويغنيك
يعطيك العافية حافظ ولا فوق ٢٠ اعلان في حراج لواحد مثله من مؤديل 2000-2004 بحكم ميزانيتي و للحين محتار فيه ادور اوتو لانه بيكون استخدام يومي بس ما يمدحون صرفيته
تصدقون جميع الشاحنات اليابانيه الصغيره مثل الددسن والL200 والمازدا الBT والايسوزو الديماكس ماقدرت مجتمعه انها توقف بوجه الهايلكس بالسوق اليابانيه ووقف بيعها هناك من عام ١٩٩٨ م واستمرت الهايلكس حتى عام ٢٠٠٤ واجبرت الحكومه تويوتا على ايقاف بيعها بالسوق المحليه بسبب القوانين والاشتراطات الجديده من وزاة النقل وطالب اليابانيين الحكومه لأرجاع بيع الهايلكس بسوقهم فوافقت الحكومه ورجع بيع الهايلكس هناك من عام ٢٠١٧ حتى الان وهي الان متفرده ومتصدره هناك ولكن سعرها غالي جدا كذلك ان سيارات الدفع الرباعي مثل الباجيرو والباترول فشل بالمبيعات باليابان ووقفوهها من عام٢٠٠٢ وعام ٢٠٠٤ تقريبا على التوالي وماقدرت حتى انها تنافس اللاند وان اللاند من قوة شعبيته عند اليابانيين يشترونه هو والبرادو على الرغم ان الضريبه عليه عاليه عندهم جدا والحين صارو يستوردون التندرا والتاكوما والفورنر والافجي من امريكا لليابان على الرغم ان الحكومه حاطه ضارئب وجمارك فلكيه بسبب حجم السياره والمحرك وكذلك تصدقون ان سيارات السيدان اليابانيه دخلت للسوق اليابانيه عشان تنافس الكامري وانسحبت جميعها بفشل ذريع لدرجة انه توقف بيعها باليابان دخلت الاكورد من عام ١٩٩٨ وانسحبت عام ٢٠٠٢ ودخلت المازدا ٦ عام ٢٠١٤ وانسحبت عام عام ٢٠١٨ ودخلت الالتيما عام ٢٠١٣ وانسحبت عام ٢٠١٥ بسنتين فقط !! بسبب عدم الاقبال عليها وضعف مبيعاتهم وبقيت الكامري بالسوق اليابانيه متصدر لأكثر من ٤٠ سنه بدون منافس والان الكامري متصدرة المبيعات هناك حتى الان
وفي اليابان وقفوا تصنيع الكامري مو فشل للمنافسين زودت التطبيل العالم متجه سيارات الجوب الصغيره والكروس اوفر ولا صار لسيدان رغبة هاذا السبب لا تزود المدح وقفت الكامري مثلها مثل غيرها 🤝
بالعكس يااخي انا مدحت كل شي في هذا الجيب وذكرت دون تحديد سيارتي انه يمكن ان يصل الى المليون كلم دون تبديل ماكينه او قير وغيره بشرط تهتم بالزيوت اللي انا ذكرت في الفيديو والعيب الوحيد في هذا الموديل هوا الذي ذكرت سلفا تحياتي
نعم صحيح ماتفضلت به فكرة اضافة ياي امامي ممتازة لاكن المشكلة في المساعديات الامامية جربت انا اغلب الشركات المتخصصة في الطرق الوعرة وأسعارها غالية وتعتمد على ضغط الهواء اغلبها فشلت معي وخاصة في الصيف ( الحر الشديد) وما عدا ذالك فهي ممتازة
السلام عليكم ورحمة الله وبركاتة ماشاءالله هذه السيارة كم ثمنها مصروفها قليل لا وكثير كم تمشي في رغيف الخبز أريد سيارة مصروفها قليل تمشي برغيف الخبز ثلاث ايام انا والعيال كلهم
امين يارب يرزقنا ويرزقك من حيث لاتحتسب جزاك الله خيرا وبارك الله فيك أخي الكريم انشاء الله كل يوم تبيع سيارة يرزقك بجاه لا جاه إلا جاه وصل الله على محمد وعلى آله وصحبه وسلم
غدًا ان شاء الله احتمال انزل حلقة ويكون فيها لمحة عن سيارتي بعد ما حولتها ديزل والمقصود اللي في هذا الفيديو الجي اكس ار ،، اما بخصوص اختيارك احدى السيارتين فهذا يتوقف على نظافة السيارة واهم شي تكون الماكينه تيربو واذا كان ترهيم لابد من التأكد من سلامة ترهيمها على شان تطابق المواصفات والمقاييس من اجل الفحص الدوري الذي اصبح الزاميا الان
خليت التايوتا عشان العيب هذا وطحت فالفتك ولقيت طلبي فيه خف وزن مهوب طبيعي النيسان لاصار من حفيزه تحت يدك ولا يستخدمه غيرك خطير جدا جدا معي سبع سنين على يد يوكاله ماحتر يوم واحد هيبوني منه يحتر وحرارته مستمره والله مارتفع امبيره ثانيه وحده ولي الان حول ١٢ سنه من فتك في فتك والامور طيبه
@@user-qu7vn4is5r اولا هذي تسمية ما هو من اختراعي الاسم ثانيا فعلياً نيسان ما كان عندها جيب مخصص لمنافسة الجي اكس ار والفي اكس ار ماعندها الا الفتك حوض مصندق ينافس مصندق الشاص الربع الطويل عندك اعتراض
ومن قال لك لازم يقارن النيسان بالتايوتا التايوتا وقتها نزلو ال٨ سلندر مافيه فرق يسوى عن ال٦ سلندر حتا لو قير عادي لكن الفتك يوم نزل البعض يحسبونه ٨ سلندر من قوته وهو تمتيك اترك بطل الدروب ما بعد وصلنا له سيارتين مالهن علاقة ببعض