تجربة قيادة مازدا 3 2018 - 2018 Mazda 3 Review 

تقرير جميل من شخص اجمل بالتوفيق يانوح افندي

انا بتابع كل فيديوهاتك و فعلا ما شاء الله معلومات مش بلاقيها في اي حته بس عندي طلب و اعتقد ده هيكون كل الناس مستنياه - لو ينفع تعمل فيديوهات على حسب السعر بحيث ان مثلا ( لو معاك ٣٠٠-٤٠٠ ايه احسن حاجه تجيبها ) و تقارن مثلا بين ٣ موديلات كويسين بحيث كل واحد يختار اللي يناسبه اتمنى بجد تعمل كدا ان شاء الله هتفرق اوي معانا كلنا و اللي مش مهتم بالعربيات اوي هيهتم بالنوع ده من الفيديوهات لانه هيساعده يختار بدل ما يتسوح 😂 ربنا يوفقك دايما

بصراحة ....... افضل من يقدم من دولة مصر بمصداقية وشامل للمعلومات

بتجيب المقدمات دى منين بجد صعب انك كل مرة تجيب مقدمة مختلفة ومتعلقة بالموضوع

الريفيو ده مستنيه من سنه تقريباً . انت فعلاً أسلوبك وأدائك مختلف وبيشد الإنتباه ، إنت متميز جداً

كلام حضرتك صح جدا لإن مازدا٣ بشكل عام بره مصر بالموتير التانيه(الأقوه) بتدى أداء أحسن من أغلب المنافسين و شفت على أكتر من موقع بيديها تقيم حلو على الأداء

شرح وتفصيل اكثر من رائع والأجمل من ذلك الصدق في التقييم و عدم المحاباه. كل الاحترام والتقدير... العقبة - الأردن

الله يكرمك عايزين ال opel insignia grand Sport

بجد أسلوب تقديم رائع وملم بجميع الجوانب التي تهم المستهلك بأسلوب جذاب وخفيف....تمنياتي لك بكل التوفيق

لو تعمل لينا في الاخر تقييم برقم ونبدء نسجل ونعمل مقارنات يبقي الموضوع حلو يعني مثلا كل بند ياخد رقم من ١٠ زي القيمة مقابل سعر وشكل واداء وتجهيز بحيث في الاخر نقدر نقارن بين مازدا ٣ وريو واكسنت مثلا

شكرا علي الريفيو الجميل ده يا كبير هشتريها ان شاء الله بالرغم من ماتورها الضعيف سعر ٢٠١٩ ٤٢٧٠٠٠ جنيه حاليا بس الي يركبها فعلا يحبها

اخيرا يا افندي .. مستنيها من زمان

انا ما بحب غير سيارات بعشق الامريكي اول التسعينات بس بجد بتابع حلقاتك لشخصك الرائع انت انسان بتنحب وراقي

ريفيو محترم جدا زي ماتعودنا منك 💜

ريفيو محترم من شخص محترم لعربية محترم كل اللي قولته ده انا حسيت فيه في العربية وبسطاني رغم موضوع الموتور ده يعني جايز عشان انا سواقتي هاديه ومليش في الحرق دمت زخراا لنا يا ابو نوح واستمرررر انت في القلب

أكثر شي يعجبني في سيارات مازدا هو تصاميم شكلها الرهيب

بادي رول ازاي اكيد بتهزر او مختش وقتك في تجربه العربيه، دي اكتر عربيه ثابته وبتدك ثقه في الملفات ، لو مشيت علي ١٦٠ هتحس انك ماشي علي ٩٠ في اي عربيه تانيه من الثبات بتاع العربيه والعزل، تصميمها الداخلي والخارجي بيديك احساس بالانفراد والتميز، كل حاجه فيها جلد من جوه، تكييفها اكتر من رائع. عربيات تانيه ارخص منها ب ٢٠ الف وبلاستك من جوا وتصميمها ممل من برا

ممكن ريفيو عن فورد فوكس و هوندا سيفيك

من احسن الناس الا بتقدم حاجات مفيدة❤️ اشكرك

فى الدقيقة 7:16 موت ضحك ربنا يديك الصبر على ما توصل لسرعه عاليه 😂😂

اولا بشكرك علي اجمل ريفيو بيتعمل للسيارات بحياد كامل ثانيا ليا طلب نفسي تعمل سلسله حول ماهي السياره المناسبه في فئة سعريه من و الي وافضل فئه بها وحضرتك تقول لشاب او كسيارة عائليه او لسفر كتير بنفس الحيادية انا اتفرجت علي كيفيه اختيار سيارتك بس المشكلة ان بقي في سيارات كتير جدا في السوق وبقيت محتار بينهم جدا

كلامك غريب جدا عن المازدا و خاصة المحرك skyaktive 😷😷😷😷 ؟؟؟؟؟؟!!!!!!!! هذا المحرك من افضل المحركات اليابانية لكن اعتقد المشكلة ان السوق المصري يتطلب مواصفات محددة بالسيارة كما ذكرت انت بالفيديو اما باقي الدول فالمازدا المصدرة للخليج مثلا أو اوروبا فهي صاروخ وكفاءة محرك عالية جدا حتى شركة تويوتا طلبت التعاون مع مازدا لأخذ تقنية محرك المازداskyaktive وإعطاء مازدا تقنية السيارات الكهربائية. لذلك المشكلة مو بسيارات مازدا انما بالمواصفات المطلوبة للسوق عندكم وشكرا

من أجمل الشخصيات اللي بحب اتفرج واسمع كلامها وكتير بستفاد باسلوب جميل وبسيط وكمان كوميدي ربنا يوفقك ياحمد ودايما متألق بس متطولش علينا بتوحشنا بجد

مبدع كالعادة ... للأسف لو معايا فلوسها مش حاشتريها ... ممكن أفكر في فورد فوكس أو تويوتا كورولا

اعتقد انك افضل مراجع سيارات علي الميديا بصفه عامه ....تستحق ان احنا نشوفك في التلفيزيون ان شاء الله ...

من فضلك يا أستاذ أنل حاير بين التيجوان و الكوجا و التوسان والكشكاي أريد الأفضل والأطول عمرا أرجو الإجابة وشكرا على الفيديوهات المفيدة التي تعجبي كثيرا

ريفيو رائع ووافى كالعاده يانوح...انا اصلا بحب اسلوب السد الممتنع دا..بتجيب من الاخر يعنى..بس يانوح ازاى شركة عريقه زى ماذدا مش عارفه تعمل مواتير ١٤٠٠ او ١٦٠٠ تكون اكتر من ١٢٠ حصان وتكون اكتر من ٢٠٠ نيوتن/متر..ماهو لو فى ظلم زى منتا بتقول هيبقى ماذدا اللى ظالمه نفسها صراحه..وطبعا لو هنتكلم على القيمه مقابل سعر...فالموضوع دا رايح فداهيه طبعا 😁

لما سوقتها انصدمت صدمت عمري ، لاني مزداوي ابا عن جد وامتلكت كل انواع المازدا انا واهلي وكانت معايا ال ٢٠٠٤ منها عاوز اقولك اقوى منها كتير

من زمان يا افندينا انا معي مازدا 3 2015 1.5 سكاي اكتيف ب6 سرعات وفل الفل ابشن ب125 حصان ب6 ايرباق وistop وشفت على الاستيرنق والسيارة مختلفه جدا عن ال1.6 اربع سرعات بتمشي معي داخلي ب7.5 وخارجي 6.5 حبيت اشاركك تجربتي شكرا عالشرح يا افندينا اخوك احمد من الاردن❤

نتمني انك تجيب مازدا ٣ ٢٠١٩ روعه روعه وهتبقي منافس قوي جدا جدا

هوندا اكورد عامله موتور ١٥٠٠ سي سي تربو مع فتيس سي ڤي تي موفر للغايه مع انه ممل شويتين و لكنها بتحقق معدل تسارع من صفر الي ١٠٠ في ٨ ثواني و ده رقم هايل بالنسبه لمحرك ١٥٠٠ و لكن للأسف بتنتجها في مصنعها بأمريكا للسوق الامريكي…و معرفش ليه مش بينزل لمصر مع انه في الجمارك هيتعامل زي اي موتور ١٦٠٠ مع فارق خرافي في الاداء…احنا مظلومين اوي في تجهيزات العربيات اللي بتنزل عندنا.

2:17 سيد سيد سيد سيد 😂😂😂😂

انت مبدع تعطي ايجابيات السياره والسلبيات مثال fiat كانت بالنسبه لي سياره اقل من عادي بس انت اعطيتها عيوبها وايجابياتها الف شكر لك

انت انسان واقعي و انا بسمعلك لكل كلمه اتقولها ....... انا معي مازدا 2013 و جربت الرينو و البيجو صراحة السيارة ممتازه بس ما بقدر اقرر لاني تجاربي في اربع سيارات فقط

معاك حق فعلا في موضوع الموتور ده ١٠٥ حصان ازاي بس ...لكن كان ممكن مازدا تنزلها تربو و توصل بيها فوق ١٥٠ حصان لانها تستاهل كده فعلا

ياغالى انت مابتعرفناش اهم نقطه الأيام دى بعد الأسعار .. صرفية البنزين اللتر يمشيك كام كيلو ونوع البنزين كام .. ياريت تهتم بالنقطه دى فى الفديوهات اللى جايه انت ممتع وطريقتك جميلة فأتمنى يبقى الريفيو كامل .. تقبل تحياتى

ياريت حلقة عن الفورد فوكس

مذيع محترم... يعطي الايجابيات والسلبيات في السياره بكل صدق

انا بحب مازدا من زمان ايام ما كان معايا323 عملت أكثر 270 الف كم بدون ما تعطل مرة واحدة و مغيرتش فيها مسمار واحد. هى من احسن العربيات اليابانية و محبوبة اوى فى امريكا و إنجلترا. مازدا هى العربية اليابانية الوحيدة إلى فازت بسباق لومان سنه 1989 و قهرت مرسيدس و بينتلى فى السباق. محركاتها بره مصر 1.5. 130 حصان سكاى اكتيف 2.0 . 165 حصان سكاى اكتيف 2.5 . 187 حصان . مازدا لا تعترف بالتيربو و بتعمل ضغط بار عالى بدلا منه 14:1 بدلا من العادى 10 او 11:1 بار . و ده بيخلى المحرك عصبى جدا و يعوض بالتيربو. لان مازدا من اوائل الشركات إلى عملوا تيربو فى الثمانينيات mazda GTX و اكتشفوا أنه بيقلل عمر المحرك. مازدا هى طورت كيا الكورية فى الثمانينيات و التسعينيات . كان فى تعاون مشترك مع مرسيدس فى الثمانينيات مع محرك وانكل.

العربيه دى فضلت معايا ١٠ ايام ممتعه بالنسبالى لان سواقته هاديه جدا بس فيها حاجه لحظتها و جربتها على عربيتين لاصدقائى من نفس الموديل لو احتجت فرمله فجأه لاى ظرف حتى على السرعات اقل من ١٠٠ كم الى ادنى ذلك بالنسبه للنقطه دى تحديدا سيئه جدا اكتر من مره لازم المس الاكصدام الخلفى للسياره اللى امامى من الاخر العربيه مش بتفرمل عند اللزوم

فيديوهاتك ممتعة بشكل كبير بس أرجو لما تيجي تقيم أي عربية تخلي مدى توفر قطع غيارها ووكيلها وأسعار صيانتها جزء من تقييم

براڨو مجهود اكتر من رائع، كل التوفيق حبيبي، كنت عاوز اعرف رايك في سوزوكي سياز

ربنا يسعدك ويجازك يا افندي علي تعبك ومجهودك .. يارب اشوفك مبسوط دايما 😊

شكرا على الريفيو الجامد ده بصراحة من افضل وادق الناس اللي بتتكلم عن العربيات عندي استفسار انا في الامارات وقدامي عرض كويس للعربية فل اوبشن لكن موتور ١.٦ مش عارف اذا كنت اتوكل على الله واجيبها ولا اقتراحات افضل في نفس قئة السعر انا استخدامي شبابي مع عائلي شوية ومحتار بصراحة خصوصا موضوع الموتور والفتيس القديم نفسي اجيب حاجة من الموانير الجديدة اللي بيكون موتور صغير تربو مثلا وفتيس جديد يوفر بنزين باعتبار اني هنزلها مصر بعدين ثاني حاجة موضوع الجمارك انا هجيب ١.٦ لكن فل اوبشن فهل ده هيرفع معايا قيمة الجمارك كتير ولا فرق بسيط

عايزين الفورد فوكاس الله يخليك يا نوح ، بنطلبها من اكتر من سنة

ياعم نوح اعمل اى ريڤيو عن اى نوع مرسيدس انت متجاهلها خالص معملتش ولا ريڤيو عنها

حبيبي يا عم اﻻفنديه عارف كنا دايما زمان نقول (المازدا فاسده) عشان قطع غيارها مكناش بنﻻقيها بسهوله . نورنتنا يا كبير ايوه كده متحرمناش منك نورت الدنيا ..

من تلات سنين تقريبا اول مانزلت غبور كان عامل عليها عرض ب155الف جنيه دلواقتى ب420 الف كتير اوي على الماتور الضعيف ده اداء الماتور والفتيس مش حلو بالنسبه للتويوتا والانترا انا مشتريهاش الكورولا افضل بكتير بالذات فى اعاده البيع والاعتماديه وبعدها الانترا ad

ايوة كدة يا افندى اضرب بسرعة دا الفيديو التانى فى خلال 3 ايام انتو اكيد مخبيين عليا حاجة

هي ولا كورولا

تحياتى أستاذ نوح أنت أحسن واحد بحب اشوف له فديو وانت بتقدم محتوى مفيش واحد تانى بيقدمة عن المجال ده بأسلوب مميز ومحترف وبصراحة المفروض تكون الاول على اليوتيوبر فى مصر والشرق الاوسط على الاقل بنستفيد من المعلومات اللى بتقدمها وبنستمتع بخفة الدم أكثر من المعلومة واللى مستغرب له ان قناتك كل اللى مشترك فيها 206 الف مشترك مع ان واحد بيقدم ميوزكلى متخلف او بيقلش على ميوزكلى عدد المتابعين والمشتركين اكثر وايضا اللى بيقدمو محتوى ولكن لا نستفيد منه الاستفاده القصوى ذى الدحيح والاسبتالية وهذا ان دل على شئ فيدل على تخلف وتفاهة الشعب العربى عموما والشعب المصرى خصوصا تحياتى لك بدوام النجاح والتقدم وفى مقترح كده على جنب حابب انى اقولة احنا بصراحة مش كلنا بنشترى الزيرو لو تعمل لنا حاجة خاصة عن العربيات المستعملة نسأل فيها حضرتك عن الاختيارات اللى ممكن نختار منها عربية نكون شاكرين

دائما متألق. تحياتي من المغرب.

تمام يانوح الله ينور عليك في الريفيو ده. خش بقى على الاوبترا الجديدة شايفها منتشره جدا اليومين دول وسعرها في المعقول

يااااااا يا عبد الصمد . اخيرااااااا 😎😍😍

انا بحب فيدوهاتك واسلوبك المميز في العرض وتوصيل المعلومة ، ومعلوماتك الغزيرة لعشاق عالم السيارات. بالنسبة لمازدة ٣ فسعرها اعلى من مميزاتها

3:15ضحكتني فشخ لما كنت مندمج معاك وقولت الشاشة بتقدم حاجات بسيطة زي البنزين والساعة وnavigation اللي مش شغال😂😂😂😂

شغل حقيقي رائع .. ياريت فقط لو نتكلم بسرعة ابطأ شوية علشان في كلام كتير مش واضح مع المصطلحات ..

أحلى محتوى علي يوتيوب في مصر بدون منازع

كل التقدير والاحترام لمجهودك العظيم . بجد انت انسان محترم واسلوبك سلس جدا وممتع وبتقدم خدمه مجتمعيه للناس الي معندهاش خبره في التفاصيل زي حالاتي كده ... اتمني ان تستمر وتمتعنا اكتر . انا متابع جديد لانج 😊 كل الاحترام والتقدير لمجهود الافندي المحترم

ياريت نشوف اوبل انسيجنيا الجديده يا نوووووح

معلومات قيمة كالعادة ومجهود رائع وكبير منك أنت بتنور عقولنا والله في مجال السيارات ربنا يبارك فيك يا نوح

ممكن تعمل فيديوهات عن مشاكل مختلف السيارات مثل الكهربا أو الكير أو الماكينة أنا ببدي أشتري سيارة بس أسمع أنو هناك مشاكل في بعض الماركات وأبطل أشتري لحد الآن أجمع معلومات من عند أصحاب الورش لكي أخد نظرة عامة عن قطر الغيار أو المشاكل الأخرى قبل شراء سيارة

معجب جدا بالشرح الوافى والطريقه المتمييزه ، ارجوا شرح كامل للعربيه هوندا سيفك 2018 وشكرا .

انت فيديوهاتك جميلة جدا عاش استمر 👍 بس لو تظبط موضوع الاضاءة وياسلام لو فية شوية Color grading هتبقي احسن بكتيييير

بعد التقرير اللى حضرتك قدمته .. لو معايا فلوسها مش ممكن اشتريها

لايك من قبل ماشوف الفديو يا افندينا ،، هرمنا فعلا لاجل المازدا

tyb maho mayenfa3sh yeb2a mazda 2 fiha 6 speed clutch wel mazda 3 el heya mafrod a higher category fiha 4 speed clutch

عملت لايك قبل اما اشوف الفيديو

العربية دي كنت بعشقها زمان من اول نظره كدا مع الوقت بدأت تفقد تميزها بالنسبالي بعد حكاية الموتور والفتيس دا انت كنت بتصور علي طريق ايه ضرورى لاني اشك اني كنت معدي من جانبك بالعربية السانج يونج دي 😂

ياريت النيسان صني

عاوز مراجعة او معلومات عن volvo xc40 في مصر عاوز معلومات كافية لو تكرمت يا عمنا وشكرا

انت محترم بمعني الكلمه ومهنيا قوي وجميل في الطرح بتاعك ، بس ممكن بس توضح في فيديو يعني ايه كومباكت وكروس والانواع بالكامل عشان بتوه في فهمها

ايه رايك بتفكر اشتريها بعد ما سعرها اتعدل و بقي اول فئه 310الف جنيه

التوجيه جيد ودقيق لكنه خفيف ولايوفر فيدباك للسائق، المحرك جيد ولكن بعد سرعة ١٢٠ يتوقف عن التنفس (المفروض يكون ٢ لتر) .. نضام التعليق رهيب ..ووضعية القيادة رهيبة كذلك.

انت الوحيد الذي تكلم عن ماذدا 3 وانا اريد شراء ماذدا 3 ولكن لم القى اي فيديو عنها / انا مقيم في المانيا واريد شراء ماذدا 3 ويوجد صنفين منها هنا / الاول بقوة 100 حصان بسعة محرك 1.5 والثانية بقوة 120 حصان بسعة محرك 2 لتر / بماذا تنصحني أن اشتري

لو سمحت ياريت تعمل ريفيو عن العربيات الاكثر شهره في السوق المصري مثلا استأذنك تتكلم عن فيرنا كياسيراتو ٢٠١٠ ميتسوبيشي لانسر هيونداي ماتريكس تويوتا الجمل اتمني بس مايكونش كل توجيهك علي العربيات الحديثه فقط واسف على الاطاله

موسيقى كريم السيد واضحه جداً في فيديوهاتك 😁

تابعت اكثر من ريڤيو ل اوتوفندي ، كلام جميل ومعلومات مفيده لكن عندي بعض التحفظات على على الفئه والاضافات الرخيصه اللي مركبه على السياره واللي تأثر تماما على الاداء منها على سبيل المثال الغطاء البلاستيكي الموجود على الزجاج المثلت في الباب الخلفي المسبب لصوت الرياح، في الدوله اللي اعيش فيها الفئه الارخص vision 2,0 120hp والناڤيجيشن شغال😁😁

هو ليه صوتك جوة العربية مش بنفس جودة صوتك في الانترو؟

طب وايه رايك في الجيل السادس منها هل عدلوا الشنطة وباقي الحاجات اللي قولت عليها ياريت تفيدني وشكرا.

مساء الخير أستاذ احمد كل سنة و حضرتك طيب و رمضان كريم انا اشتريتها علي سعر ٤١٤ الف و اللي يزعل عدم الأمانة و طمع التوكيل و سوء الإدارة في سياسة التسعير العربية نزلت ٥٠ الف بعد ٧ شهور !!!!

برنس الريفيوهات I LOVE YOU

اول تعليق ومشاهدة اتمني للك النجاح

الخلاصه في مازدا 3 .. أننا منشتريهاش خالص :'D ! لأننا بنخاف علي اروحنا في العربيات التانيه :'D !

العربية دى عن تجربة حقيقى مش قيمة مقابل سعر على الاطلاق وتكنولوجى الموتور قديم واستجابة غير مرضية ومكنتش بلاقيها كتير فى الشارع صراحة واحساس طول الوقت انك راكب حاجة غير مطلوبة او مرغوبة مش عارف ليه !!! وفى الاعتبار ان كانت ولاتزال وستظل مزداا ماركة مميزة جدا وليها نسها

عايزين تجربة الفاروميو جوليا اللي تمنها انهارده بقى ٦٣٥٠٠٠ جنيه

If I’m looking for a Japanese made car with an affordable price, i would go to the Subaru Impreza and neglect Mazda 3, Subaru will provide a better performance with lots of options and accessories that I won’t find in Mazda. I’m waiting to see your reviews about the new Subaru Impreza and new Honda city.

ممكن تعمل ريفيو على سيارة فورد كوجا

رأيي ان القيمة مقابل السعر في العربية دي سيئة جدا يعني انا هدفع مبلغ كبير و هاخد امكانيات اقل بكتير اعتقد ان فوكاس هي احسن عربية في الفئة دي..اداء..اسعار.. و اهم حاجه التوكيل و running cost

اعتقد يا نوح ال body roll بييجي من صغر حجم الچنوط لأن الچنط الكبير بيغير تجربة الركوب في العربية دي جداً

في تونس موجودة بمطور ١٥٠٠ سي سي ١١٢ حصان التسارع ١٠.١ تانية و السرعة القصوى ١٩٥

باشا ي باشا انت انسان محترم والله .و حقاني وليك ذوق في الحاجه و بتعرف تفرق بين الحلو والوحش ❤❤ ياريت لو تعرف تجيب السيات ليون والفرق بين الماتور 1200 تربو وال 1600 و العربيه بشكل مجمل اي النظام فيها

نفس امكانيات كيا سيراتو 2010 هاي لاين الموتور والفتيس لا تعليق فيه Mazda 6 بس للاسف مش بتنزل مصر زي مقال احمد باشا افندي شكرا للريفيو الرائع

الموتور اللي بينزل مصر فعلا ضعيف جدااااااااا جدااااااا، و التسارع كإنك بتجري بدايو لانوس بالظبط ...العربية فعلا ثقيلة علي الموتور ده اللي بينزل مصر، احمد نوح ده عالمي بجد 🔥💜👍

المقدمه جميله جدا يا نوح ❤️❤️

افضل مقدم و يعجبني حسك الفكاهي واصل محبك من الجزائر

إعمل يا أوتو فندي ريفيو مازدا 3 الشكل الجديد

سيارة جميلة جدا و صناعة ممتازة مازدا.من الشركات التي ما.زالت تصنع السيارات في اليابان فقط ولاكن صرف الوقود عالي بالنسبة لل سنترا او كورولا وقطع غيار غالية من الاردن لك كل الحب احمد نوح

اخيرا كنت منتظرها من شهور

و الله يا خوتي غير نتفرج عليه، على خاطر المقدمات تاعه، ظريفة و تضحك👏