حلقه جميلة بس تعديل العربية مش الفينات اتاكد منها الضهر موديل تسعينات تقريبا هو معدل وش العربية بس لالفينات معلومة الاوبل فيكترا b1 اللي هي في الحلقة بتبدء من موديل 1996 ل1999 دي اللي باب الشنطة كنز وكشاف الاستوب في الازاز من تحت والاكصدامات لونين اما الفيكترا b2 اللي هي موديل الالفينات بتبدء من موديل 2000 ل2003 دي بتبقا احدث وشكل الاكصدامات بلون العربية وكشاف الاستوب في الازاز من فوق تحت السقف وباب الشنطة عريض وتحس انها اكبر
انا العربيه في السفر مريحه جدا + ان العربيه سحبته حلو وكمان ثبات العربيه فوق الممتاز عشان انا بخد بيه غورز علي البحر وغورز غشيمه وعمر العربيه ما عامت مني خالص + اني درفت بيه ابل كده استجابت اعربيه فوق الممتاز
@@abanobebrahim1297 مش للدرجة ، القطع الاصلية طبعاً بتكون غالية نسبياً وبرضو مش اغلى حاجة فى السوق، فى عربيات اغلى منها بكتير، دا غير ان مش كل حاجة هتجيبها GM فى ماركات تانية المانى وتشيكى كويسة جداً واسعارها ممتازة،وفيه قطع مش هتلاقيها اصلية جديدة والجديد منها صينى ومش حلو، وبتشتريها استيراد والاهم من دا كله انك لو جايب قطعة غيار نضيفة بتعيش فعلاً.
@@abanobebrahim1297 اهم حاجة تعرفها انك لازم تروح لصنايعى شاطر جداً وعنده ضمير جداًاًاًاًاًاًاً عشان فيه حاجات فى العربية دى زى مثلاً زرار فتح وغلق الزجاج ممكن فجأه تلاقيه مش شغال ممكن واحد يغيرهولك ب٧٠٠ جنيه فى حين ان لو انت نفسك فكيته واديته رشة اسبراى هيرجع زيرو ببلاش، فاهم قصدى؟
كلامك مظبوط لكن بصفة عامة دة كدة أأمن ضرر الحرارة علي موتور السيارة بيكون عواقبه أسوأ بكتير من ان الحرارة تكون أقل من الطبيعي والعربية دي معروفة ان الحرارة مش مستقرة بسبب ان ترموستات الكوعة بتبوظ كتير فإنها تتلغي كدة أأمن وفي الغالب مصر كلها عاملة كدة لو حابب تمشي بيها ستاندرد من غير مشاكل اركبها في اوروبا والدول الباردة لإنها أصلا مصممة لكدة لكن علشان تمشي في مصر بدون مشاكل التعديل بيكون افضل وشكرا
اخي انا صراحه عجبتني اوبيل فيكترا ٢٠٠١ اتوماتيك ماتور ١٦٠٠ بس ماحد نصحني فيها ابدا وحكولي بتضل كل كم شهر تغير ماتور عدا مشكلة التكييف ممكن تفيدني اخوك من فلسطين
الكلام دة مش مظبوط يافندم العربية بجد اعتمادية جدا هي اصلا مع حد صاحبي من عشر سنين العربية ذي الفل دى كلها اشاعات بس لازم تجيبها حالة كويسة ماتبقاش هلكانة
مجهود رائع تحياتى لحضرتك رايك يافندم ايهما افضل لحد لسه هيتعلم سواقة جديد 39 سنة عربية اتوماتيك مستعملة رانج من 40 ال 55 الف اجيب كورى او يابانى او المانى موديلات من 95 الى 2000 ولا صينى موديل حديث شوية من 2007 الى 2011 وهل فى خوف انى اجيب موديلات قديمة فى الكورى او اليابانى علشان موضوع الاحلال وشكرا لحضرتك
دي حاجة ودي حاجة تاني خالص طبعا انا بفضل الفيكترا عن النوبيرا ووجهة نظري انك لو عملت كدة هتتنقل نقلة تاني خالص بس الفيكترا او اي ألماني بلاش تجيبها إلا لو كانت سليمة 100% بلاش تجيبها فيها مصاريف ولازم ماتسيبش حاجات كتير تتراقم في العربية علشان العربيات دى لما بتفتح بقها بتبقي سيئة جدا وبلاش تجيبها مانيوال الاوتوماتيك بتاعها جميل جدا واعتمادي
السلام عليكم ورحمة الله وبركاته أستاذي الكريم أنا بصراحة حاب اشتري وحده بس أنت ذكرت حاجه مهمه وهي حل مشكلة الحراره بتغيير حساس الحراره ياريت توضح أكثر كيفية التعديل . تحياتي أستاذي الكريم. أرجو الرد
انا بالفعل اشتريت واحدة و حقيقى مفيهاش مشكلة حرارة و الحاجات اللى معمولة هى ١. حساس الحرارة الاساسى الأوروبي الاصفر (بيفتح بدرى شوية). ٢. من حساس البريشر بتاع التكييف، الكهربائى شغل السرعة الاخيرة (الاولى +التانية) بدل التانية بمعنى ان العربية لما توصل دلوقتى ١٠٢ تفتح اقصى طاقة للمراوح و ده حاجة مهمة جدا علشان تحافظ على المكنة بالتكييف. ٣. تنظيف دورة المياه عند حد متخصص و انا لزمنى انى اغير ريدياتير مع انى كنت بعمل كده وقاية بس اكتشفته صدفه . ٤. تقوية الكبلات فرقت جدا و اتأكد ان المراوح مش ضعيفة بالذات اللى بره بتاعت التكييف علشان عادة ممكن تبقي ضعيفة.
التكيف فوق المتوسط بالليل هتبرد منه لكن بالنهار او في الشمس المباشر محتاج وقت علشان يحسسك ان الجو حلو وبالمناسبة اغلب العربيات اللي في الفئة والسعر دة كدة او اقل ماعدا التويوتا والميتسوبيشي او الياباني بصفة عامة لكن الكوري والصيني والفرنساوي في الفئة دي تقريبا نفس قوة التكيف
العربية اللى ف الفيديو كانت مشكلتها ان المراوح بتشتغل عند ١٠٢ و ١٠٨ و بعد الحساس اللى لونه رمادى ( اعتقد) بقيت ٩٤ ٩٨ ، الحساس ده اصلى عادى من محلات قطع الغيار مش متوفق عليها يعنى زى ما اكدلى صاحب العربية
مجهود رائع تحياتى لحضرتك رايك يافندم ايهما افضل لحد لسه هيتعلم سواقة جديد 39 سنة عربية اتوماتيك مستعملة رانج من 40 ال 55 الف اجيب كورى او يابانى او المانى موديلات من 95 الى 2000 ولا صينى موديل حديث شوية من 2007 الى 2011 وهل فى خوف انى اجيب موديلات قديمة فى الكورى او اليابانى علشان موضوع الاحلال وشكرا لحضرتك
اولا أعتذر عن التأخير ثانيا رأيي الشخصي خليك في الياباني القديم ويستحسن تكون تويوتا أي حاجة المهم تكون أعتمادية وقليلة الاعطال لإن وانت بتتعلم ماينفعش العربية تعطل بيك مش هاتعرف تتصرف وموضوع الاحلال مش هعرف افيدك فيه لأن القرارات بتتغير من يوم للتاني
