مزبوط معك حق وانا وضحت بالفيديو عن الانواع الموجودة وانه اللي معه خريطة اسهل بكتير بس انا ذكرت بالفيديو انه جايبه لمكان ما فيه نت وبيت صغير كتير يعني بس لينضف اماكن معينة وفيه فيديو تاني نازل للي بشبك واي فاي وفيه للغرف وكل واحد وشو بفضل ولشو بحتاجه شكرا الك لنقل تجربتك بالهنا ان شاء الله
تأكدي انها مركبة صح ومشحونة فل قبل الاستخدام وازا عالتطبيق تكون شابكة مع الموبايل وازا عالرموت اتاكدي من البطاريات واكبسي كبسة التشغيل اللي بالجهاز وانت ضاغطة عليها كم ثانية
تسلمي يا رب 🌺 سعرها بتراوح من ١٠٠٠ ل ٢٠٠٠ ريال / درهم حسب المواصفات اللي بتهمكم من انه يكون فيه واي فاي واله تطبيق او عن طريق الريموت كونترول بس كلهم بيجوا نفس المواصفات ومبدأ العمل اسمه ECOVACS DEEBOT
حبيبتي بيطلع عن العتبية وبيروح عالغرفة اللي جنبها ولا لا .. يعني انتي هون مسكرة الباب وفي عتبة لو كان الباب مفتوح بيقدر يدخل عالغرفة او لا وكمان سؤال هو ما بينظف الدرج وما بينزل درج درج صح
حسب العتبة ازا صغيرة بيطلع عنها ازا كبيرة بيدقر فيها وبياخدها انها حيط وبغير اتجاهه عنها والدرج لا ما بيقد ينضفه بينزل اول درجة وبتلاقيه اخر الدرج مكسر 😅
الدايسون الها استخدام والروبوت اله استخدام انا عندي الاتنين بس لو خيروني بين واحد بختار الدايسون مو لانه الروبوت سيء بالعكس ممتاز بس انا بيتي كبير شوي وبنتي ممكن توسخ باي مكان اكل او لعب فبالدايسون بجيبها على طول وبنضف فقط مكان ما وسخت عدا عن التعزيل الاسبوعي تكميس سريع جدا لكل البيت وتنضيف فرشات وسجاد من الغيرة ومسح غبرة عن الاشياء اللي صعب نضفه بغير طريقة اما الروبوت لمكان كبير مثلا صالة برفع كراسي السفرة وبشغلة على البرنامج اللي انا حاطه وكل يوم تلى وقت معين بلف بالصالة بنضفها من الغبرة والوسخ كاملة بدون ما احتاج انا اتابعه الروبوت بده مساحة كبيرة وما فيها اغراض كتير والحلو فيه انه بمسح الارض يعني بس يخلص تكنيس بحط خزان المي والمخطط بدون السجاد وبخليه يمسح الارض كلها فهو الموضوع حسب الاستخدام ازا المساحة كبيرة او صغيرة وازا فيه اغراض كتيرة او لا وازا فيه اطفال تضلي تلفلفي من وراهم بس ازا بدك تجيبي الروبوت جيبي ايكوفاكس نفس البراند بس اللي فيه انترنت وبتقدري تحطي مخطط البيت يعني فيكي تشغليه وتطلعي او وانت طالعة تتحكمي فيه بريحك اكتر واكتر من ما هو مريح 😉 بالتوفيق يا رب ان شاء الله اكون فدتك وازا عندك اي سؤال انا جاهزة
@@Nadaghanim2910 حبيبتي اولا تسلمي علي ردك كلك ذوق شكرا جزيلا ليكي 🙏🏻♥️ مساحه بيتي كبير بس في حاجات زي كراسي و ترابيزه مش كراكيب خاااالص لا و عجبتني اوووي الروبوت عشان بتمسح وبتشتغل لواحدها وهي اللي متاحه في مصر ماركه يوفي لكن لقيت التعليقات عليها مش حلوه انها بتنضف الاماكن النضيفه بس ومش بتوصل لكل الاماكن و ناس ندمانين انهم جابوها مع الوقت مش بتنضف كويس بيقولوا لكن دايسون صراحه الكل مجتمع عليها انها ممتازه محتاره بينهم لان دايسون ممتاز جدا والروبوت بتمسح وبتشتغل لواحدها وده اريح مش عارفه بصراحه ♥️♥️
ازا متوفرة اكتر في مصر الروبوت جيبي الروبوت بتحطي مخطط البيت بكنس وبمسح بدون غلبة منك الاكيد انه اي واحد رح تجيبيه ما رح تندمي عليه لانهم عنجد بريحوا وبالهنا ان شاء الله
ممكن تشتغل لحد ساعة او اقل او اكتر شوي حسب نوعها وموديلها وعمرها بس الحلو فيها انه بس تخلص شحن بتروح عالشاحن لحالها هو فيه كتير انواع انا جربت هاي ان شاء الله ازا جربت انواع اخرى بالمستقبل بنزل عنها
الساعة من اول كبسة موجودة بالريموت عليها كبسات ساعة اما الريموت الاصدار هدا ما بتنزل الريموت عالموبايل لانه ما فيها واي فاي بس الاصدارات الاخرى من نفس النوع بتنزلي التطبيق وبتحطي رقم الاصدار وبتقدري تتحكمي فيها عن طريق الموبايل
لما اشتريته قالي البائع من ضمن شروط الضمان عدم إضافة اي مواد كيميائيه ولا اي نوع تنضيف حتى لو بيعرضوا عايكي بأماكن تانيه ان مخصوص لروبوت التنضيف بيخرب والضمان بيعرف فورا وبتسقط مدة الضمان يعني ماء فقط تحياتي
يعني الها مسحوق خاص للتنضيف؟ ممكن تحطي لينك المنتج او اسمه او صورته للكب يستفيد منك انا صراحة لما اشتريتها ما انذكرتلي هاي النقطه والضمان ضله موجود طول فترة استخدامها وما لاحظت ابدا عن منتج للتنضيف يستخدم فقط للروبوت
الأمازون مليان منهم بيكونو حاطينه كإختيار عا اساس انه بيخلي التمسيح افضل من غير علامات بس كرمال لتاخدي نتيجه من غير ما تخرب الروبوت بحط سائل تمسيح الأرض مخفف بماء ببخاخه وبرش الارض وبتعطي نتيجه ممتازه عدى انه المنتج غالي كتير بيوصل سعره لل ٢٠€ بالإضافه لنتائجه السلبيه عالروبوت
