جبتها من شهر برضه وحلوة اوي باعمل فيها كل حاجة وطعم الاكل احلى واخف من المقلي عليها عرض اليومين دول في موقع زهران فيه برومو كود بتدخلوه تبقى بعد الخصم ب٦٨٠٠ انا جايباها أغلى من كدة هما لسة عاملين العرض ده من يومين
ايوه بتاخد ف البطاطس 40 دقيقه بس ع حسب الكميه يعني لو كميه قليله بقلل الوقت لو كبيره يبقي ع 40 دقيقه بس مش بتجلد الاكل ومش بتسخن من بره الحمد لله معرفش فيها تجفيف ولا لا مجربتش الحقيقه وبسخن فيها الحاجه عادي بظبط درجه الحراره زي مانا عايزة والوقت كمان
الحمد لله لغايه دلوقتي مفيش اي عيوب وصوت المروحه مش عالى اوي عادي يعني ولا مش صغيرة حجمها حلو ما شاء الله احنا أسرة اربع أفراد وبالنسبالي حجمها حلو وبغسلها بعد كل استخدام بالصابون وليفه اسبونج وسهله جدا