ادعولي ربي يرزقني سيارة مستعملة حتى اشفي غليلي يارب اهل زوجي عندهم ونا قدامهم ميخرجوني معاهم لا للعرضات للمناسبات بحكم مكاش البلاص يركبو غير كناينها لمعاها وحتى طبيب ميبغوش يمدوهالنا يارب ادعولي من قلبكم خواتاتي
انا في عمري 30 سنة بعد 10 سنين زواج فطنت لقيت روحي مادرت والو كنت غير ناكل و نشرب و نخرج نحوس ضيعت رزقي و وقتي .....الخ فطنت متأخرة زعمه نقدر نعوض وقتي و مالي 💔
أنا عمري 25 سنة مطلقة.... خدمتي وشهريتي على قد حالي مليون... مليون وميتين..... وراني دايرة هدف باش نحقق حلمي ونكسب سيارة بإذن الله وربي يفتح علينا وعليكم بيبان الرزق. حاجة ماهي بعيدة المهم يكون الرزق حلال وتكون الإرادة كاينة
طريقة جيدة وانا كنت قبل ندير هك و الحمد الله شريت طوموبيل على قد الحال بكني من بعد وليت وليت نصرف وما نقدرش نخبي دراهم و حتى السيارة تاكل دراهم شهر شهرين تخرجلك خدمة و مصروف 😢 لكن الحمد لله
بصح السيارة مذابيك تشريها جديدة لأنها مع الوقت تهتلك وتنقص قيمتها وزيد قديمة تصرف عليها دراهم قد ما تشري وحدة جديدة أنا عندي مشروع شراء سيارة في عمري 31 سنة وعازبة إن شاء الله ربي يوفقني ونعوض سنوات البطالة لي فاتت في سن الزهور
ديري روحك تخلصي ست ملايين برك وحاولي وكان طيري وتنزلي متمسيهاش حيها عند صايغي موثوق وكدور عام اشري حدايد اشري قع واش تلقاي عندك ذهب ديري خزنة في داركم وكاميرات باه وكان ناس تعرف كيسرقوك تقدري تشكي بيه ومن افضل مك متعرفش واش راكي ديري لانك كدقولي راك تحبطي وبعد خمس سنين بيعي ذهب واشري كروسة انا قتلك دسي دراهمك ذهب باه تصبري عليهم راها خمس سنين راك تولي تكلميتي وعقلك دارك تخلصي ستة ملايين برك وانت تعودت تتحايل باه يكفوك وقتها تقدري تخليه في كونت تاعك واوتحلي كونت وحدوا وديري مثلا هدفك دار عاودي املي بعد خمس سنين تشري دار وماكيش حارمة روحك راها ستة ملايين تعيشك راه كاين لعايش بزوج ملاين وبولادوا هذاك هو لمحروم مخلوق اما انت فالحمد لله يا بنتي دوروا خبيه ودوروا تمتعي بيه ودوروا صدقيه تربحي دنيتك واخرتك واهم حاجة صدقة باه ربي يباركلك في رزقك وصحتك وكيخطيك مرض ومشاكل راك تلحقي باذن الله قضية قرار يا تقري تربحي دنيا واخرة يا تخلي روحك في عشوائية وناس ديري في تاويل بلقليل وانت قاعدة