وأنا أتمنى أنه مايوصل لأغلب الناس،، لأنه كله لخبطه مستغرب الناس ما تبحث يعني من جدكم مصدقين ذا هو ومقطعه,,,!! واضح عشان موتره التيما يطلعها بأفضل الأسعار،،، والدليل أنا أعرف أسعار سياره من إلي في المقارنه مدبل أسعارها بشكل كبير،، ف عيب إلي قاعد تسويه وتوهم الناس بالكذب
السلام عليكم شاااااكر لك على هذه التغطية الممتازة ؛؛ لا موسيقى ولا إزعاج ولا غثا وريحتنا كثير ولا كلام سيئ ، ولا تخديش ب أي وكيل .. تستاهل 👍 وتستاهل اشتراك 🤝 الله يوفقنا وإياك
من زمان معروف قطع غيارها نار انا كانت عندي اكورد وخربت عندي اتروس القير غيرتها ب٤٠٠ريال ولا واحد من اخواني نفس مشكلتي بس عنده مكسيماء غير التروس ب٣٠٠ريال فرق مييه 😂😂
يعطيك العافية محتوى ممتاز والكل يحب فيديوهات المقارنات استمر يا بطل اتمنى الفيديو القادم مقارنة بين السيارات العائلية مثل مازداcx9 و هوندا بايلوت والتيلورادو والباليسيد وغيرها
الله يجزاك خير والله ماادري وشلون اشكرك كانت الفكره براسي لاكن صعبه اسويها ولقيت مقطعك والي يعجبني فيك انك ماتحط اغاني بمقطعك والله انك شخص تستاهل الدعم واكرر شكري لك مره ثانيه والله يوفقك ان شاء الله
ما قصرت والله مقطع شامل كامل وواضح للكل. الإشاعات إلي كنا نسمعها سنين وسنين عن أن النيسان غالي هذا هو طلع هنا وطلع في كثير من التعليقات أمثال فهد الشمري وتجربته مع ٣ فتكات وألتيما جديدة. بالنسبة لي معي ددسن وقطعها أعتبرها من أرخص القطع إلي في السوق وشيء غريب أن النفارا ماهو ماخذ حصته من السوق. الشيء الوحيد إلي ناقص نيسان ممكن المكائن الهجينة والديزل ماهو متوفر عندنا.
اشكرك على المقطع المفيد👍🏻 بالنسبه لداخلية المازدا شبيه لداخلية الالتيما من شكل المكيف والشاشه والقير ومن ناحيتي اشوف واجهيه المازدا الاجمل بين كل المنافسين👍🏻❤️.
شكرا شكرا شكرا الف والله انك مبدع انا في بالي السيارات اليابانيه الي نزلتها ومن اول ودي اعرف اش ارخصهم من ناحيت قطع انت اختصرت لي وقت وجهد البحث كامل وكفيت ووفيت ❤
الاكورد قطعها نار دايماً لكن موتر يجبرك تحبه بذات موديلات 2017 وتحت ، ولحظت ان بعض قطع المازدا ارخص في الوكالة من المحلات اتوقع المحلات يستغلون انها ماتتوفر عند الوكيل وطلبية غالباً تكون . يعطيك العافية على التغطية الجميلة ويشكر مجهودك 👍🏻💛.
ما شاء الله تبارك الله. اولا شكرا لك اخوي ع كل المعلومات اللي ذكرتها والمجهودات اللي خليتني اقتنع في شراء سيارة نيسان ألتيما. ولكن يهمني ان تذكر الفروقات بين فئات سيارة الالتيما من الاستاندر إلى الفل كامل وجزاك الله خير 🤗 💖
مجهود تشكر عليه والمقطع بيفيد ناس كثير للي بياخذ احد هذه السيارات بس لو تسوي نفس طريقة المقطع بس تكون للسيدان الحجم الكبير زي الافلون والمكسيما والازيرا والسيارات المشابهه لها ٦ سلندر
للامانة الكامري افضل من الالتيما بمراحل وافضل سياره في فئتها وبدون تعصب افضل في ١/ مكينه ٢/ وقير ٣/ وتوفر القطع ٤/ والاعتمادية والمكده القويه ٥/ والسعر وقت البيع ٦ / ومكيف ٧/ اطول عمر افتراضي في كل الفئات علما باني كنت اكره تويوتا قبل عام ٢٠١٨ ولكن للامانة وبكل صدق تويوتا نجحت في الكامري والافالون بشكل خرافي وزادت الرساوه فيهم عن تجربه الكلام يطول
ما شاء الله تبارك الرحمن الله يباركلك في السياره ياأخي الكريم كنت موفق كتير كتير بشراء الالتيما وهي افضل منافس اشوفه من كل النواحي صراحه بس ليش مااخذت المكسيما بدل الالتيما
انا معاي فورد فيوجن بس بسبب وقف تصنيعها ماجبتها معهم بحكم امتلاكي لها لمدة ١٠ سنين ماشاءالله اقدر اقولك هي الارخص من ناحيه القطع الاستهلاكيه فلتر مكيف ٤٠ ريال فلتر مكينه ٦٠ ريال سير ١٠٠ ريال بواجي ١٣٠ ريال طبعا اسعار وكاله مشكلتها فقط قطع البودي في الوكاله جلطه غاليه جدا لكن متوفر صدامات وشمعات تايواني رخيصه و بالتوفيق
ماشاء الله عليك شغل متعوب عليه اهنيك فكرتك ماشفت احد سواها وانصدمت اسعار قطع الالتيما توقعت ان هي اغلى سعر وهذا الي منتشر عندنا بين الناس جزاك الله خير واستمر يالغالي
وحش صراحة ما قصرت ... مجهود جبار ومقطع نظيف ... ما شاء الله عليك أسلوبك حلو وتعطي الزبدة بدون موسيقى وقرف وكلامك كلام ناس طبعهم راقي ما شاء الله لا فيه تجريح لأي أحد وموزون تبارك الرحمن
مقطع مفيد جداً والله الله يجزاك خير وضحت لنا الاسعار مو نسمع فلان يقول والله السياره الفلانيه اغلى ومدري ايش كنت اسمع الالتيما والمازدا والمالييو قطعهم نار والله طلعو كلهم ارخص من الاكورد والكامري 😂
سوي مقطع لاسعار القطع الاساسية مثل القير والمكينة و العكوس والانوار الامامية والمسجل - انا صاحبي عنده لكزس خرب المسجل وطلع قيمته 35 الف ريال ولايقدر يركب من محلات الزينة لانه مدمج في الطبلون ويتحكم في التكييف وحاجات ثانية
النسيان بشكل عام سيارات زينه بس مشكلتها في الوكيل كل شوي متغير، الشي الثاني بعض القطع الاستهلاكية مثل الركب ماتجي الا مع المقص كامل ماتنباع الركبه لحالها طبعاً ذا الكلام على المكسيما طبعاً المقص سليم لكن مضطر أرميه لأن ماله فايده بدون ركبه القديم بعكس باقي المنافسين موجود ركب مقصات اصليه بدون مقص وقس عليها...
الصدامات ما تعتبر من القطع الاستهلاكيه فدخولها مع القطع الاستهلاكيه غلط اذا السواق ممتاز يعيش معاه 20-30 سنه عادي الصيانه الدوريه ( زيت المحرك مع الفلتر - زيت القيرمع الفلتر ان وجد - فحمات الفرامل امامي وخلفي - فلتر الهواء - بواجي ) ولو تسعر عضلات كل موتر يكون ازين من دخول الصدامات مثلاً ( مسامير توازن مع الجلد امامي وخلفي - مساعدات امامي وخلفي - جلد مقصات امامي وخلفي - اذرعه - كراسي المساعدات - فلنجات امامي وخلفي - عكوس ) هذي كحد ادنى بعد 300 الف كيلو الى 400 الف كيلو للإستخدام الطبيعي
ما شاء الله شغل عدل معقول الاللتيما اقتصاديه لهالدرجه ؟! انا محتار بين الكيا سيراتو والاللتيما لو ماهي من فئتها بس ماتوقعت ان الاللتيما رخيصه قطعها لهالدرجه
بخصوص السوناتا انا شاري صدام امامي ب ٧١٣ من قطع الغيار طبعا الصدام يجي فاضي بس بلاستيك وباقي القطعه تشتريها منفصله بس تقريبا سعره مع القطع الاماميه كامله توصل ١٠٠٠ ريال او نفس تسعيرته بالضبط
شسم المحل اللي اخذت منه قطع غيار الالتيما ، لأني اشوف انه مره رخيص بالنسبه للي عندنا صدام امامي حق التيما من قطع الغيار ب1000 ياليت تفيدنا باسم المحل او رقمه