البلوز .. المتقاعدين .. الأسد الأزرق . نادي تشيلسي الانكليزي ..سادس أغنى نادي كرة قدم بالعالم .. بيملك برصيد لقبين بدوري الابطال .. أو ذات الأذنين .. و حصل على الدوري الإنجليزي الممتاز ستة مرات.!!
.. بس وقفو شوي …وانا عم اتطلع على السنوات اللي اخذ فيها الألقاب الستة … 5 مرات من الستة حصل عليها بعد عام 2003..!!
أنو معقول هذا النادي العريق مالو تاريخ كبير مثل مانشستر يونايتد أو ليفربول أو حتى ارسنال ؟
يعني من بداية الالفية لهلا… يعني ب ال٢٢ سنة السابقة … تشيلسي هو أكثر نادي إنجليزي فاز بالألقاب .. يعني ٧٠ بالمئة من القابو اجو بعد عام ٢٠٠٠ ؟! اوف اوف شو صار .. معقول بلشو يتعاطون المنشطات !!!
اكيد لا ؟
طبعا وانا عم دور وبحبش …لقيت انو صار شي كتيير مهم
2003..!!
بهي السنة أجا الجول اللي غير مصير نادي تشيلسي و مستقبل كرة القدم …بس بتعرفوا عن طريق اي لاعب و كيف و مين .؟!
طبعا رح قلكن.. اصبرو علي شوي .... بس أو شي خلونا نرجع ل عام ١٩٥٠ … لبداية ولادة الاسد الازرق ..!
تشيلسي قبل عام 1950 كان يلقب بـ نادي المتقاعدين لانو ملعبون الستامفورد بريدج كان قريب كتير من مشفى لرعاية قدامى المحاربين … أو المتقاعدين (خريطة تبين قرب الملعب للمشفى)… حتى أنه أول شعار للنادي كان عبارة عسكري متقاعد كبير بالعمر… بس هاد الشعار ما طول لحتى اجا المدير الجديد تيد دريك الذي أمر بشكل سريع انو يغير الشعار لانو يعطي النادي صبغة العجز والضعف ..!!
وبالفعل تغير الشعار اللي بيشبه شعار اليوم … بس هاد ماغير شي بالنادي … ضل نادي متلو متل باقي الأندية المتواضعة بالدوري الإنكليزي … لا وبل أدائه كل ماله اسوء واسوء حتى الثاني من نيسان عام ١٩٨٢ لما كان النادي على مقربة من الهبوط للدرجة الثالثة … لانو وقتها كان عم يلعب بالدرجة الثانية …و ووصل الدين على النادي ل مليون ونصف باوند لذلك العائلة المالكة مييرز اسمها .. قررت تبيع النادي لرجل الأعمال الإنكليزي كاين بايتس بواحد جنيه استرليني .. اي.. كانو بس بدون يخلصو من النادي أعبائه المالية .
مشاهدة ممتعة أصدقائي
23 июн 2022
