ماقصر مشهور عرّق وهو يحاول يطلع لنا من هالحلقة بمعلومة أو تجربة مفيده لكن للأسف اجابات الضيف الفاضل كانت عامه و بديهيه واضح ان السبب كان بعدم معرفة الضيف بطبيعة البرنامج فياليت تنبه يا مشهور الضيوف بالمستقبل بذي النقطه
برنامج مهم جدا ومفيد للغاية ومقدمه سبب رئيسي في نجاحه ولو اني اعتب عليه في أنه يحتاج ضبط متى ينكت ومتى يتكلم بجدية ، ما ينفع تصير الحلقة اغلبها تنكيت رغم ان الضيف يرد بجدية في العديد من المرات عكس المقدم. الله يوفقكم ومزيد من النجاح.
الصدق مقابلة غير مثرية ابدًا يعني ما تكلم عن تفاصيل المنتجات ابدًا فقط تنظير ومدح لنفسه أو للبراند وكل سؤال ينعاد مرتين عشان يدخل أكثر في الإجابة لكن ما فيه فايدة
السنيدي يالله من جمال محلاتكم كل جمعه بروح اتفرج من كثر اعجابي في حاجاتكم بس ما اشتري 😂 عشان لازم نكون سعودين او من اصحاب الروقان والمال مو من اللي يجري على قوت يومه😂😂
ياليتكم كنتم قابلتم صاحب شركة الرماية لاني اتصور الرماية هو المبدع الحقيقي داخل الخليج وهو أول من طور فكرة الصيد والبر وابدع معدات جديدة وقام بتصنيع سيارة كبيرة تسمي النشمية على ما اتذكر
البعض ينتقد اللقاء، وجدته جيدًا. الضيف مُباشر وبسيط وسهل ومتواضع، وتاجرٌ ناجح بالفطرة، لذا لا يعتقد بأن ما فعله شيءٌ عظيم يستحق إضافة البهارات والمبالغة، فلم يقًل لنا بأنه "كافح وناضل وخسر" و "طرده أبوه من البيت ونام في المسجد ولم يكن في جيبه سوى ريـال واحد"، وما إلى ذلك من هراء رواد الأعمال. القصة أن 1+1= 2 وأدرك أن هنالك قطاع سوقي ينبغي خدمته، ورحَّبَ بالمُنافسة، وكما قال "كل هذا توفيق من اللـه وبركة دعاء الوالدين" وتجربة "الفصل بين الملكية العائلية والإدارة" هذه خلاصة اللقاء. هنالك مقولة في عالم المال والأعمال "أول مليون أصعب مليون" ومثل شعبي "المال يجيب المال والقمل يجيب الصيبان" ببساطة هذا الحال مع السنيدي، وبارك اللـه فيهم وبأعمالهم.
الضيف فريد والالتفات لهذا السوق جميل جدًا. بس أحس وجهي صار بارد وأحمر وأنا أستمع وأتخيل كيف شعور مشهور وهو مبتلش 😂 ما يدري هو الحين يحاول اعتصار المعلومة القيّمة من الضيف، أو يحاول يعيد الضيف لسياق السؤال، أو يوضح له اتجاه السؤال والزاوية المهمة، أو يشيل هم أن هالحلقة واضح انها ما بتحقق شيء وراح تزعّل المتابع والمستمع، أو يا رجال نكنسل الحلقة وما بننشرها بس فيها إشكالية وإحراج مع الضيف من جهة وتأخر نزول الحلقة من جهة الجهور. رحمته الصدق 😂 عالعموم .. ليس العيب بالضيف قطعًا، وإنما باستضافته مع انعدام التوافق بين أطروحات الطرفين.
الحقيقة مقاطعات مشهور فمحلها ولو ما تدخل كان ضاع اللقاء، لأن الضيف يستطرد كثير وماهو جالس يجاوب بالتفاصيل الكافية المطلوبة، لأن تعرف هذا برنامج سوالف أعمال ماهو جلسة دوانية، على العموم مشكور الضيف و المضيف ما قصروا و يعطيك العافية وعذراً على الإطالة.
متى تجون الدمام؟؟. انا مثل ما ذكرتو دائما ازور المحل بنفسي علشان اعاين البضاعة قبل ما اشتري وحاليا اقرب شي لنا الرياض نمر عليهم مع زيارتنا وحتى لو مو محتاج شي احب ازورهم المحل يفتح النفس وبضاعتهم ممتازة. ياليت نشوف فروع السنيدي منتشرة في جميع مناطق المملكة والخليج ايضا لنشر الثقافة وألالوان الشعبية السعودية
بكل صراحة الحلقة ضعيفة من جميع الأطراف حتى ان المقدم يطرح سؤال وبعدة يقاطع الضيف وبالنسبة للضيف اسلوبة يجيب النوم لا معلومات ولا شي تحس ظهورة فقط دعاية للشركة ويبي يمشي فقط !!
يلاحظ على البرنامج : ١- مقدمة الموسيقى عسى الله يهديكم ويغفر لكم ذنبكم ٢- أنت يا المقدم كلامك أكثر من الضيف ولا تقاطع حديثه الله يهديك ، خل الضيف يحكي نبغى نسمع منه
الشباب من عمر ٣٥ سنه وطالع ، يدرك أن الأسعار جدا غاليه والجودة متوسطة او رديئة ، والهدف ضمان استمرار الزبون في زيارة المحل ، تماما نفس نظام الجودة في قطع غيار السيارات .
ياخي شوضعكم ، تقطعون يوم ثم تنزلون ٣ مقاطع خلال ٢٤ ساعه 😂 كذا راح يصير ظلم لباقي البرامج من مشاهدات وغيرها لان نفس وضعي انا اتابع كل برامجكم ياليت تنظمون التنزيل يعني لو كل يوم مقطع
في الدقيقة 11:05 كانه في صوت بوري 😂😂 قاعد اسمع البودكاست وانا اسوق سمعت البوري اطالع بالخط مافي الا انا الحالي 😂😂😂 مدري هي من الفهاوة ولا مركز بزيادة .. بس المهم ان الضيف من العيار الثقيل يعطيكم العافية فريق سوالف بزنس وجميع الشباب بشركة ثمانية .. وكل عام وانتم بخير .
الرجل قاعد يمدح البراند اكثر من انه يتكلم عن مراحل التطور والعقبات والانجازات فقط كلامه متعلق عن المنتجات كان الاصح بتسمية الحلقة سوالف منتجات السىْيدي.
المنتجات كلها تبتكر محليا لكن التصنيع بالخارج لانه بالنهاية هو بزنس مو مهمته تكون المنتجات محليه لابد من ان الحكومة تساعدهم في جعل المنتجات محليه لان التكاليف عاليه
في الصين العامل يكلف شهريا ٥٠٠ ريال تقريبا في السعودية العامل يكلف ٣٠٠٠ ريال تقريبا راتب ورسوم اقامه ومقابل مالي وسكن وتأمين طبي وراتب سعودة وتأمينات اجتماعية للسعودة وللعامل وشهادة صحية للعامل الحين بعد مافهمت انت لو مكانه وين بتصنع في السعودية وللا في الصين
