عندنا مثل هالسياره ماشاءالله عليها بالخط مريح وقوي وجربنها بطعوس دايم قويه للامانه كنت ناقد على اخوي اخذها بس من جربتها صراحه غيرت نظرتي لها عجبتني كثير تصلح عائليه وشبابه والاخ الي يقول مافيها دبل الا فيها دبل والله يعطيك خيرها ويكفيك شرها
اتكلم عن الفل ابشن وارد الوعلان بس اشكالية صغيرة عزل الهواء وانت على السفر احيانا كانك فاتح الدرايش بس بشكل عـــــــــــام ممتازه في البر نسم الكفرات وافصل التركشن ضغة طويلة حتى تسمع نغمة وانتبه من المطبات الرملية وبتوفيق للجميع
حسب خبرتي فالسيارات وتجربتي اشوف السيارات ممتازه وممتازه مو معنى اني اقارنها باللاندكروزر واللكزس وغيرها من السيارات ولكن سيارات سعرها طيب جدا ومعقول وسيارات خدومه وانصح اللي على قد حالهم مثلي فيها
ماشاء الله تبارك الرحمن سياره عائليه جميله تنفع سفر وطلعات بر خفيفه يعني ترقالك طعس وتنزل عزبتك لاكن الامور الثانيه مسايف ومراقى الموتر مب مصمم لها طبعآ لايقارن بالآندكروزر والباترول والله يعيطيك خيره ياراعيه والظاهر أني بشري لي واحد
انا معي سانتافي ٢٠١٢ فل كامل فتحة وبصمة ومكيفات ورا ولله العظيم اني مطلعلي جمس والسيارة ولله انها قويه في البر وفيه ناس كثير تسب السيارة ولا بعد ركبها ونا ولله راعي بر ولله الحمد مابعد طلعت بر وغرزت و ذاك اليوم مغرز فتك وداق الدبل ثقيل ونا واقف جنبه لين خلص ومشيت
كلامك صح وانا معاي 2014 فل،الفل،،، ماعمري غرزت فيه وفي الخط يطقع ع التويوتا مشي ومريح وراسي وله مقاطع كثيره في التحدي سحب الباترول وتويوتا ربع وبرادو الكوري الان زق عالتويوتا والوكاله والصيانه زي العسل انت ابو خالد ولا لا
Zingo Ringo معي ٢٠١٦ ٦ سلندر لها معي ٥ سنوات كادها كد تحميل عفش و كل يوم دوام ٧٠ كيلو ما شاء الله ممتازه بهالفتره كلها ما خرب الا الكومبرسر مره وحده و ووزنت الاذرعه مره وحده بسس الباقي وكااله حتى التواير ما غيرتها
مشاء الله تبارك الله كم سلندر وقوة الاحصنه تنصح فيها يالغلا؟ اسعار كم بضبط ؟ بالطعوس وكشتات وهل الذى حملت تنزل كثير من وراه والله يعطيك خيرها ويكفيك شرها
ماشالله تبارك الله اولا على السواق لان واضح عليه محترف والثاني علي السياره.الصراحه انا معاي سنتافي 2014 توي شاريها ولي شهر واللصراحه ما افهم بكيفية التعامل مع الرمال والطعوس ولاعمري جربت لاني خابف فاتمني تفيدني بخبرتك ومشكووووور
الله يعطيك خيرها ويكفيك شرها الموتر ما شاء الله رسمي وحق بر وشبابي نفس الوقت وعائليه بس ينقصها الكاميرات الاربع الي تجي من كل جهه والمكينه ياليتها 3،5 مو 3،3
مشاء الله الله يعطيك خيرها ويكفيك شرها السيارة جيدة على الخط و سعرها و موصفاتها ممتازه بس احس انها تصرف على الخط وتانكيها صغير مدري ،،،،، ان شاء الله يزين الجو ونجربها على الرمله تحياتي
وعليكم السلام اللي اعرفه انا انه يفصل على 80 لانه دبل مستمر و الزر اللوك الدبل هذا تستخدمه في طرق الوعره لانه يعطي قوه للكفر اللي يحتاج القوه عن الكفرات الثانيه علشان ماتغرز
اخوي انا افكر بامتلاك السيارة وحقيقه سيارتي السابقة من هونداي وكانت ممتازه. هل تنصح في السنتافي و اش العيوب الي توجد في السيارة من وجهه نظرك؟ علما اني محتار بينه وبين المازدا CX9
ريحنا بسسسس ههههههههه قال سنتافي قال مالها غير لكروووز ووالتجربه خير برهان عششرت سنين ماتفك به مسمار👍 عن تجربه عندنا لاندكروزززر ماشاء الله موديل 97 قير عادي ماخذهمن الوالد ماشي 240 الف شبه مخززن ماشاء الله كان مع الوالد وماغيره الا على 2011 بلاند جديد وكان معاي كابرس 2009 وخرابات وعفتها والحين وولله الحمد اخذت الكروووز 97 له سنتين معاي ياربي لك الحمد ماغيرت به شئ ماغير عبيت الفريوون ولله الحمدد ماشاء الله مماشي 270
انا ابوي كان معه واحد اول مانزل 2013 اشتراه ما شأ الله 6 سلندر فل كامل لاكن ابوي كل مايشوفه يحزن لانه صار عليه حادث وقالو تالف ابو كل ما قلناله كيف صار يقول مادري لانو دافع في ميتين وشوي
ماشاءالله يعطيك خيرها و يكفيك شرها الصراحة موتر ماعليه كﻻم مقارنة باالسيارات اللي من فئتها بس لو هونداي يخلونه دبل كامل والله تخيس مواتر في وكالاتها معي 2011 و ماشاءالله له ثﻻث سنين ماقال شي وتحياتي للجميع
اسمح لي الكورلا ممكن تمشي مع التنسيم بس التغريزه الاولى واضح انها رمله ناعمه مره والدبل اثبت نفسه والمقطع الي قدامك الهواء ٣٠ جب الكورلا ولاتنسم وخلها تغرز و ورنا
انا اقول على السواق ياما سحبت جيوب لاندكروزر على خط الرياض الدمام بسيارة اكسبلورر 2010 و الله على ما أقول شهيد و كل يغني على ليلاه و الي يقول لاند و الي يقول باترول و الي يقول باجيرو انا اقول كل يمد رجله قد لحافه
السياره ممتازه وبالبنسه للفخامه ابداع وخاصة في الليل وبالنسبه لعيوها هي ثنتين الاولى الشنطه صغيره مره اذا فتحت المرتبه الثالثه رح شفها في الوكاله و العيب الثاني اذا مسكت خط طويل يعني نقول مسافر تسمع ضجيج الهواء (ازعاج) اكثر شي عجبني انها راسيه في الخط
بالنسبه للهوا ء ركب جلد ولكن فيها رساوة ماشاء الله مجربها وماشاء الله نشيط في الخط ولا يصرف انا عندي ٦ سلندر تانكي واحد يوصلني من الرياض للشرقيه وفيه فوق الربع
ماشاء الله انشهد انه موتر كفو وعلي مقاس كفراته 19 رياضيه ويمشي في البر دليل علي قوته ولومقاس الكفرات 18ولي 17 كان ميرده شي بس ان مسغرب اشلون بدون بنوراما وهو اظنه فل
الان عندي سوال وابي اجابه بدون كذب زايد وخرابيط فيه زر اسمه lock اذا ضغطه يطلع اربع كفرات وعلامة اكس في النص هل يعتبر قفل للدبل بحيث انه يكون دفع امامي فقط واذا اشتغلت اللنبه في الطبلون lock وانا علی الخط السكة عادي او هناك مشكله و ياثر علي السياره لان باين انه قفل للدبل وما احتاجه الا في البر والا انا غلطان ابغي احد يفهمني وش فايدته بالضبط والافضل علي اي وضعيه يكون ومتي نضغطه... جوابني علي اني ما افهم شي لا تطلع تتفلسف بانجليزي وعربي مشكل ثلاث جواهر فيه ناس تبغي تفهم المفيد لان فيه ناس توهقت وتعطل الدبل عليهم بسبب ان الدبل شغال علا طول حتي في السراعات القليله داخل الحواري والمشاوير وقالوا لازم نضغط الزر (لوك) قفل الدبل لعدم الحاجه له وحتي يخف الضغط نرجو الافاده
وانا زيك ابغه اعرف ياطويل العمر لانه عندي سنتافي موديل 2013 ودخلت رمل وهواء الكفرات 30 وله طلع معاي الموتر غرز لين نزلت الهواء الي 10 طلع معاي الموتر ايش السبب طيب في بعض السيارات تدخل رمل والكفرات 30 عاديه وش معنا اله ع السنتافي يعني مايتحمل وله شنو
يا شباب هو دفع رباعي مستمر يعني بدون ما تضغط الزر الكمبيوتر يوزع القوة على الكفرات الاربع واذ غرزت تضغط الزر لان الزر يعطي الكفرات كلهم نفس النسبه يقفل مره هذا يطلعك من وقت التغريز ان شاء الله
مساء الخير للجميع من واقع تجربة ومغامرة للسنتافية 2013 الشكل الجديد وفوق فهو للأمانة سيارة جميلة وعملية ومواصفاتها خيال للفل كامل عموماً يشهد الله علية اني مجربها في البر وفي الطرق الوعرة وفي الرملة وفي الأودية أثناء هطول الامطار قوية وكل ما عليك تنسيم الكفرات الى 10 وفصل ال ABS وعيش المغامرات البرية وطلعات الوناسة وفي السفر سيارة تجبرك على إحترامها للعلم سيارتي ماشية 74 الف ومواضب على صيانة الوكالة أول بأول واذا تغير شكلها الحالي باخذ الشكل الجديد بدون تردد ( ىباختصار جيب ثلاث مراتب فل كامل شاشة وجي بي اس و زنون واوتو بريك واوتو هولد وتلفون وبا نورما وستاير ووو.................الخ ب 128500 الف ريال جميل جداً جداً وين تلقى نفس المواصفات في سيارة ثانية بنفس السعر وعملية من واقع تجربة وما زلت متمتع في ة ولله الحمد والشكر تحياااااااااااااااااااااااااااااااااتي
يا مرحبا انا عندي وحده ٢٠١٣ فل كامل سفر بر في المدينه في اي مكان زي الفل زي الحلاوه زي اللوز مو بس عشانها سيارتي لاكن كأنها مرسيدس ولكززس وانصح الجمييييع فيها ممممتااازه على قد الكلمه
بالله هذا غراز والله العظيم كان معي فورتشنر ٤ سلندر دبل والله اني مانسمت الكفرات والله على وزنية السفر ومافيه مطر واني رايح للطعوس اللي بعد نزلة الغاط ومطعس فيها بدون ما اشبك الدبل وطعوس القصيم اغلبها والله اني اطعس وارقى روس النفد ما اشغل الدبل ابد الا الثقيل نادرا اذا صرت ابكمل الطعس وباقي كم متر على القمه اشغل الثقيل واكمل هذي طعوسك والله العظيم امشي بها بدون دبل وبدون ما ادوس بنزيم وبدون ما انسم كفرات والله شاهد على كلامي ارق طعوس ثم نزل فديو
+ARWA SLMAN السنتافي مواصفاته جميلة وراسي ومراتبه مريحه جدا،وعنده تبريد المقاعد أنا وش أبي بقوة الفورشتر اذا مو مريح وقاسي وغير راسي ف السفريات، لا يكون بنام ف البر
عندي سانتفي فل دبل 6 سلندر يمشيني البنزين 400 الف وبس سيارت قريبي 4 سلندر دبل تمشيه 450 الف ... الاوبتما حقت اخوي 4 سلندر نفس مكينه السانتفي 4 سلندر تمشيه 600 الف كيلو شايفين كيف الدبل نكبه كل هذا مع المكيف تري يا اخوان حسبتها وبكل دقه
لا والله وزن ثقيل بس قوة في الإنطلاقات وعائلية وشبابية ورياضياة ايضاً حنا عندنا ايها من 2013 صراحة سنتافي عز مابعده عز في فئتها بس لو يرفعونها شوي وحطون دبل ثقيل
يارجال من قال ان فيه دبل فقد كذب على نفسه والزر اللى يقولو حق دبل بالعكس ينقص من الدفع الخلفى وهذا مكتوب فى الكنالوج حقه ولى مو مصدق يركز فى نفس علامة الزر يلقي علامة اكس يعنى قفل وليس دبل والرجال اللى قال مافيه دبل صادق وانا مجربه فى طعوس جامدة وما طلع وصراحة مافيه زى الجيب الربع والباترول الربع