يجب ذكر اسم الشركه ويجب عدم شراء مثل هالبيوت الجاهزه لأن من الطبيعي سيتم بنائها بأرخص شيء وبيعها بسعر عالي والغالب تجدها جميلة المنظر فقط ثم بعد ما تسكن تهل عليك المصائب .. اشتر أرض وانت تبنيها والله لو دور واحد أبرك لك
درع الصحابة وأمهات المؤمنين المشكلة اغلب شركات البناء الان شغلها زي كذا مشي حالك ولاتقدر تشهر بها لهذا الافضل للواحد انه يبني بنفسه واشرافه او يشتري بيت قديم ويرممه ويجدده البيوت القديمة بناها متين جدا والي اشتغلوا فيها اشتغلوا بذمة خذ بيت قديم من سنة 90 وجدده وغير السباكة والكهرب فيها لشيء حديث افضلك وامن لك من بيت جديد وجميل من الخارج ومن الداخل شغل تجاري مضروب وبعدين اسعارها تكون ارخص
هذا الدولة لما تكون عادله وتعطي كل واحد حقه لكن انت بدوله كل همها ترجع الراتب اللي تعطيك اياه وترجعه عن طريق شركات الإتصال والكهرب والضرايب والبنزين ... إلخ
هذا عيب الشغل التجاري فيلا بمليون 700الف وبالنهاية طلعت الفضائح مو مشكلة الواحد يتعب في البناء فتره وبعدين يرتاح جدا لانه يعرف كل صغيرة وكبيرة في البناء صاحب الحلال أدرى بحلاله
الله يعوضك يكون بعونك بعه واشتر غيرة.... كان بنيت وتفقت مع مقاول وتشرف على عينك وتجيب المعدات بنفسك....والمقاول عمالة بس شغل يد....ميكلف عليك...كلة ستة اشهر وانت مخلص........الله يفرج همكم......
انا بغيت اشتري فيلا وعليها ضمانات وكل شيء ومنظرها يجنن لاكن استخرت الله وعزمت اني انا ابني بنفسي وبنيت واقسم ب الله اني يوم اشطب البيت امر على المحلات فيه تجاري وفيه اصلي ودرجات طبعا اكيد باخذ لبيتي الاصلي ويسر الله وشفني ساكن ومرتاح وكل هذا ٨٠٠ الف وسئلتهم قلت ليش تجيبون تجاري محد يشتري ضحك قال مثير يشترون عشان للاجار وللبيع فا نصيحه ابن بيتك بنفسك لاتتكل على شركات
الله يعوض عليك وخلو الكسل ينفعكم يالسعوديين تبغون كل شي جاهز وتدفع بس ، ياخي كلها 5 شهور او اقل توقف على عمارتك بنفسك وتشتغل باجود المواد وتشرف على حلالك بنفسك ، واذا جيت تسكن ترتاااح
مليون ٧٠٠ واخذ شي جاهز يعني لو انه بانيها بنفسك ممكن يوصل مع ذا توووووب توووووب مليون و٣٠٠الف مع اثاث مع كل شي وباقي مشروع بس مشكله الثقة العمياء الله يعوضه وبس
حسبي الله ونعم الوكيل المقطع قلب المواجع التي لاتنتهي انا أحد ضحايا هذه الشركه التي تقدم لك كلام ووعود تعتقد انهم افضل شركه بالتاريخ. انا شريت الفيلا ب مليون و700 وهي عظم وتمت المماطله سنين وبعدها دخلنا في دوامه الشغل السئ ولاعندك احد من الشركه يحل مشاكلك ولا ضمانات نصيحه لا أحد يغلط ويتورط زي كثير من الي اشترو منهم
شركة الأرين ؟؟؟ !!! وهي شركة أردنية الأصل ومستثمرة في المملكة. الشركة تصاميمها ممتازة جداً وتاريخها جيد ولكن الأسعار المبالغ فيها و التنفيذ السيء والسرعة في التنفيذ بسبب اللهث وراء حصد أكبر ربحية وتسليم المشاريع بسرعة لاستلام مشاريع جديدة وسوء خدمة ما بعد البيع وعدم الاشراف المباشر على الشاريع وتسليم المشاريع لمقاولين من الباطن أدى لما نراه.
انا استغرب من بعض الانظمة اذا سرق الفقير ٥٠٠ ريال شهر فيه وجلد اما العلن في الاسواق !! واذا نصبت شركة عقارية ملايين يستر عليها ويعاقب من يشهر فيها ؟!؟!؟ شيء عجييييييب
عزتي لك يا عبدالله ربي يعوضك ويعوض جميع الناس اللي انضحك عليهم وهذا للعظه والعبره يا اخواااااان لا تدفعو فلوس على شي ما شيكتو عليه وترا احسن شي تشتري فيلا عمرها عالاقل ٤ سنوات عشان تبان عيوبها لو فيها عيوب وشكراً.
ذكرتني بالشركة المقاولات الي اشتغلت عندهم،شركه كبيره وراعيها رجال محترم بس سبحان الله، الله ابتلاه ووظف مدير حقير وجاب مهندسين وعمال من الشارع وصار شغلهم غش بغش وحراميه ،واستقلت من الظلم الي شفته في الزبائن
الله يكتب أجر من فضح مثل هالإرهابيين ذولا شركات نصب واحتيال الله يشل الدم في عروقهم وصدقوني إنهم يتفاخرون بينهم اللي بنى مجمعه أو الفلل بأقل الأسعار ويا جماعة مليون وسبع مية يشتري فيها أرض ويبني فلة الواحد يشغل عقله ولا يسمع كلام الناس المنبطحة اللي يحب كل شي يجيه بدون تعب كلها سنة سنة ونصف بالكثير وأنت ساكن ومرتاح عارف شغلك تمام
ياليت اللي يعرف اسم الشركة يضعها في التعليقات حتى يحذر الناس منهم ، شركة عندها ٢٠ الف فلة وهي تغش الناس كذا !! لابد من التشهير بها وبأصحابها حتى لايفتحون شركات أخرى بأسماء مختلفة .
الخلاصة ( من أمن العقوبة أساء الأدب ) الشركة أردنية المفروض ترفعون قضية ضدها وسهل انكم ترفعون قضية كل السكان المنكوبين مجتمعين في نفس الحارة يتفقون وتكون القضية قوية ويتم التعامل معها بحزم وسرعة إذا كثرت ضدهم الشكاوي
يا اخوان و يا اخوات خذوها قاعدة .. أي شركة سواء بناء عقار ولا غيره فيها زلامات الزلموكا اتركوها لهم ، والله لا ذمه و لا ضمير ، ناس باعت اوطانها تبونهم يبنون لكم ؟ مستحيل
المفروض.. الناس تفكر قبل تحط الريال!.. بدل ماتدفا هالقيمة تدفع نصها وتنيها انت بطرف الرياض او المدينة الي انت فيها او احد محافظتها وتكون كبيرة وشرحهه وبيت مع شاليه ومرتاح بنص القيمة والباقي تخليه بنزين لطلعاتك تنفعك10 سنين قدام واكثر بعد. توجهوا للمزارع والمناطق النائية والله يافيها حياة مريحةة وامنة وبيئة تربية صحية
الي خلاهم واشكالهم يتمادون ويهربون من العقوبات الصاااارمة هو بسبب المحاكم ومرمطتها وانوا مافيه جهة اشرافية تمثل المواطن وتتبنى ان العقود لابد تكون بشرووط وبنود من صالح المشتري(وزارة الاسكان) اعمل نفسك ميييت حسبنا الله ونعم الوكيل عليهم والمشكلة فينا يامواطنين كان الواحد مجبووور على هالفلل
نصيحه لا أحد يشري بيت جاهز أو شقق انا في الرياض حي الملقا مجمع شقق بانينه في أقل من من ٧ شهور ويعرض الشقه على 800 ألف وغير كذا مجمع يعني الله يعينك على إزعاج جيران
انا لومسؤول كبير بالدوله امرت بارجاع جميع مادفع المواطن له وعطاءه الفله وغلاق الشركه نهاي وذلك ردع لغيرهم من الشركات بس لاحسيب ولارقيب لايوجد حمايه للمواطن
ياخوان لا تدفعون المبلغ لين يكتمل شغل البيت كامل ويسلمك المفتاح ودققوا في العقد وحطوا الشروط الي تبون مثل ماهم يحطون شروطهم ان وافقوا على شروطك ولا اتركهم وشف غيرهم
بالنسبه للتشهير يجب يكون من القضاء والحمد لله القانون راح يجيب حقكم . لان التشهير لو صار فيه ناس أعداء او شركة ضد منافس شركة اخرى مثلا ممكن يستغلون الشي هذا ضد بعضهم ولذلك منع التشهير حتى القضاء ياخذ حقكم . ودعوتي للاخ اللي شاري البيت الله يعوضك خير وتسترد حقك ..حنا عيال سلمان الحزم ولله الحمد والمنه مافيه مظلوم في زمننا هذا الآ ويأخذ حقه. وجميل اننا عرفنا منكم حتى لايقع غيركم بمثل هذا الموقف .الله يقويكم ويكون بعونكم.
اش الفائدة من الفيديو اذا لم يذكر اسم الشركه انا انغبنت لاني شفت الفيديو وضاع وقتي وماعرفت اسم الشركه الوصخه هذي المفروض الدولة بقوة القانون توقف هذي الشركة الزبالة
يالغالي المصور لو ذكر اسم الشركه. الش كه راح ترفع قضيه عليه. قضيه تشويه سمعه وصدقني الشركه راح تكسب القضيه والمصور بيخسر القضيه ويدفع مبالغ خياليه. والمصور ذكر ذلك في اخر الفديو
من خاف العقوبة اساء الأدب التاجر هو عارف أن هذا المواطن الضعيف هو عارف أن مافيه احد يحمي هذا المواطن المسكين . لكن لو كان هناك محكمة خاصة للعقار ومصائب التجار في العقار
حسبي الله ونعم الوكيل صورة بدون تحية لمن رخص لشركات الغبنة والنصب والدجل وصورة لوزارة الاسكان اللتي تحد الناس على هالشركاة الخايسة ياناس هذا اقتصاد بلد حرام يضيع بسبب هالفساد وهالحرامية انتهت كلمة يخافون الله الان يحب ان يكون الجميع تحت النظام والا اسمحوا للجميع باخذ حقوقهم باايديهم اذا انتم ماتقدرون تجيبون حقوق الناس...
المفروض يكون في العقد الي بين المشتري والبائع ضمان للمشتري اذا وجد اي خلل له ان يرجع فلوسه بدون اي قيد اوشرط وبدون تاخير ولا يحسب الترخيص من هاذي الشركه.
الغبنة فعلاً إن ما فيه جهة تحفظ له حقوقه ولا نظام واضح وصارم ضد المطورين المتلاعبين ولا عقد تعمله جهة حكومية تحفظ حق المشتري وترد له كامل حقه إن ثبت أن هناك غش بالبناء المفروض ثلاثة أيام ويرجع له حقه بقوة القانون + تعويض 50% من قيمة الشراء + غرامة مالية ولكن الأمر المريب فعلاً هو مرور كل هذه السنوات دون حتى عمل (( ورقة )) تسمى (( عقد )) يحفظ حق المشتري من المتلاعبين والعابثين.
مليون وسبعمائه الف اروح اشتري ارض ب ٣٠٠ او ٤٠٠ الف حتى لو في اطراف المدينه وبعيده وبالباقي ابني بيتي بنفسي الامانه اصبحت من الاشياء النادره لذلك لاتسلم لحيتك لاحد