السلام عليكم ورحمة الله وبركاته.... كان الله في عونكم أنا مهندس من السودان... لكل السعوديين تحديدا رجاء خاص لاتهتم بشكل البيت ولا بتصميمه من تشوفه من برا ولا بشكل المبنى المعماري... في أي مبنى من المباني في شيئين مهم الأول سباكة المبنى من التوصيلات والسبتك تانك والحمامات وتصريف المياه الثاني تتأكد من الكهرب والأحمال الداخلة وان الكهرباء والعدادات شغاله تمام وبعدين تشوف الباقي.... بس لأن مشكلة السباكة والكهرباء إذا فيها غلط ماراح تلاقي حل ويصير التكسير والخراب والدمار.... انتبهوا الله يحفظكم ويعوض اللي خسروا والله مايضيع حق أحد وينصر كل مظلوم.....
اسأل الله ان يحررررق قلب راعي هالشركه بنفسه وبأغلى ماعنده وان يجعل جزاه من جنس عمله وان يخسره في نفسه وماله ويجعله يبيع ثوبه من هم يحاصره ولا يحصل معين.
عندي تعليق بسيط بحكم اني مهندس مدني تعليقي على الأخ فيصل انه قال إذا شريت بيت جاهز جيب مهندس يفحص البيت والله لو تجيب اكبر مهندس في العالم ماراح يبين لك إذا في مشكله في البناء ممكن يكتشف 15٪ فقط فقط ! اما القواعد مبنية على دفان او تربة رملية وعمق الحفر والتأسيس هل تم صبة نظافة ماهو نوع الخرسانه وكم نسبة محتواها الأسمنتي وكذلك والأهم عزل الرقاب والقواعد والميدة والخزان، وعزل دورات المياه نوع السباكة الداخلي وأشياء كثيره فانصيحتي لكم ابتعدوا قدر الامكان عن المباني الجاهزه ولا تغركم الاعلانات والعروض والسعر.
@@user-ns2sq4ui7k بسيطة شوفلك مهندس مدني فاهم وعارف تلاعب المقاولين ولفهم ودورانهم تعرفه عز المعرفة وخليه يشوف شغلهم قدامك أو اذا ماتعرف مهندس مدني شوف لك مكتب هندسي استشاري قلهم ابغاكم تشرفون على بيتي واكيد بتدفع مبلغ وقدره بس بنفس الوقت ترتاح من المعاناه
والله أنك تشرف بنفسك وتطلع بدال المهندس اثنين وثلاثه وتتعب وتجتهد ولا انت سالم ١٠٠٪ ماهو غش ولكن هي كذا ... غصب تطلع عيوب تبي ترتاح أبن البيت عظمة وخله مثل العمائر التجاريه الكبيره ٣ او ٤ سنوات بعد ماتصب الميول ثم بعدين شطب ...
قال الرسول صلى الله عليه وسلم : ( من غشنا فليس منا ) طمع وجشع تجار وهو يملك ملايين انت كيف بتنام كل يوم وانت مرتاح ي غشاش ترا مصيرك حفره 2 في 3 تدفن به
صحيح انه لازم يفحص البيت عن طريق مهندس قبل يشريه لكن حتى لو جاب مهندسين قبل ماراح يكتشفون غير المشاكل الظاهرة في المبنى أما بالنسبة لتسريب المياه والسداد وتمديدات الكهرباء ومشاكل الدهانات ماراح تظهر اضرار هذي الأمور وتنكشف إلا بعد مدة من السكن والاستخدام .. انا مهندس عندي مؤسسة مقاولات وعارف هالشي صح .. والحل الوحيد انه يجيب مهندس يتابع الإنشاء من الصفر حتى تسليم المفتاح
يالربع نصيحة اخوكم...لاتشتري جاهز لا ثم لا خلك في ايجارك وجمع قروشك.....اشتري ارض صغيرة300م وابني دور الدور مايكلفك 250 الف...واااقل..جاهز طبعا هذا سعر انك تسلمه مقاول وانت ترقد لكن لو انت تجيب النواد..وكلها شغلت تلفوون توفر حول 80 الف...ممكن مايكلفك 170 ادري بعضكم يستغرب....ويحق له لانه مانزل السوق ولاشاف العقار ولا وده يتعب
صالح الحربي والعوائل اللي ماعندهم رجال والأرامل والأيتام من بيبني لهم إلا كل خاين ونصاب لازم يشهرون فيه علشان نحذر من التعامل معه حسبي الله ونعم الوكيل فيهم
عاشقة الخيل ...انا اعذرك...لان الحكم ع الشي فرع عن تصوره...لو احد له خبره ولو بسيطه..يعلم ان السوق فيه الصالح والطالح.....اذا فلوسك جاهزة...ابحثي عن مقاول امين وصاحب سمعة طيبه..وهم كثر جداً جداً....وفوق هذا تتعاقديني مع مهندس يطلع كل فترة يشيك ع العمارة..وكل طلعه ياخذ 500 ريال...ومايطلع كثير اصلاً الموضوع بسبييييييط..جداً جداً لكن مشكلتنا..يقولون...
صالح الحربي كلامك عين العقل يا أخ صالح لو الواحد يفكر وينزل للسوق ويرتب وضعه كان كلنا سكنّا في بيوت ملك. مشكلتنا إننا نبغى نعمّر قصور وفلل كبيرة وبكذا نستصعبها على أنفسنا ونقول البناء غالي ويكلف دائما المفروض نبدأ بالتدريج إذا كانت عندك أرض فأنت قطعت نصف المشوار للسكن .. كلها أرض ، وصمم بيتك على قدك أنت وعائلتك ولا تتكلف كثير وفيه طريقة حلوة لا تبني السطح بـ اسمنت مسلح فيه طريقة حلوة واقتصادية اللي هي القرميد ، ووقت ما أنت ناوي تبني دور جديد شيل القرميد وإبني وبعدها حط القرميد فوق الدور الجديد وبكذا أنت وفرت على نفسك قيمة الاسمنت المسلح اللي يكلفك كثير
ياخوك نصهم يقولك الارض والارض يعمي كل الناس معاها اراضي مايدرون انو اذا غليت وبنيت كل القيمة ما تجي نص قيمة الفلل بس وش تقول البعض مستعجل مايدري ان في العجلة الندامه مثل اخونا الله يهديه
أتمنى تجون بجدة حي السنابل والأحياء اللي حوله جنوب جدة بكثره من مكتب الظاهري و الراشدي ومدري مين وناس وناس يبنون فلل ويقول تبي بسرعه 3 أشهر و نخلصها والله ذي خراب راح تكون في ثلاث أشهر التعمير ع حسب من 6 اشهور الين سنه واكثر حسبي الله عليهم💔💔.
يا اخواني ابتعدو عن الفلل الجاهزه والمهزله هذي انت اشتر لك ارض وجمع شوي شوي ثم ابنهاا ع راحتك وبجوده عاليه ولا تتبهذل زي كذا وحسبي الله عليهم ونعم الوكيل
Morning Midnight ابتعد عن الاراضي الغاليه وخلك ع نظام شخص اعرفه شخصياً جلس 15 سنه قرض شخصي ارض 5 سنوات ثم بعد ماقفل القرض الشخصي ريح سنه ثم خذى قرض ثاني وبدى ع الوضع هذا لين زبط دور كامل وسكنه وهكذا
المشكله دي انا شفتها في منزل سعودي اعرفه و العن من كدا بسبب الغش في البناء و ان الشركات المنفذة تستعين بعماله من الشارع ليس عندهم اي خبره في البناء . و أكثر كارثه تكون في عدم الإنشاء الصحيح و أرجو من صاحب المقطع انه فعلا يشهر بالناس دول لأنهم يهددون حياه الناس
افضل حل مثل ما ذكر العبدالكريم قيل ابواحد يشتري يعاين البيت من مهندس واثنين قبل لا يوقع العقد. والحين الله يعينه ماله الا المحكمة والله يعينه على طولها.
حسبي الله عليهم والله حرام باللي سويتوه بالرجال والله وجهه كأنه وده يبكي بس مو قادر لكن ما اقول الا الله يعوض عليه ونصيحة شخص محب لكم قبل تشترون فلة او قسيمة لازم تجيب احد يفحص قبل السكن اخوكم من الكويت والسلام
فيه ملاحظة منكم اخوي فيصل ,, لماذا لا يتم الاشهار بالشركات العقارية ؟ لماذا يتم التستر عليهم وهم اساس المشكلة ؟ أليس من باب اولى ان يتم تشهيرهم حتى يكونوا عبرة لغيرهم وحتى يتم معاقبتهم ومطالبتهم بتحسين المنتجات السكنية وتعويض من تضرر او سحب رخص البناء والتسويق منهم الحل بالتشهير فقط فقط فقط ,, وشوف كيف غيرهم يتعدل وينضبط
البيت كله محفر ومكسر وعسى الله يعينكم شاريه بمليون و٥٠٠الف والحين حطيت فوق ٢٠٠الف شغل بالبيت والمشاكل تتوالى يالغبنه والله اسكن بخيمت ولا انغبن زي كذا..عسى الله يعوضككم
وش اللي ابني بنفسك ، على أساس كل الناس فاهمين في البناء ، انا ما ادري وش السالفة ولا أفهم في البناء ولا شي ولا هو عيب اني ما افهم مافيه احد فاهم الدنيا كلها ، المفروض فيه معايير ومواصفات للشركات اللي تبني بيوت ومراقبة وضمانات وتعويض كامل إذا وجد عيوب أثناء فترة الضمان
أخوي الله يعطيك العافية على هالتقرير ورجيت أنك قلت أسم الشركة لأن هذا ظلم وأكل لأموال الناس بالباطل قال تعالى ۞ لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا (148). فحسبنا الله ونعم الوكيل فيهم وفيمن على شاكلتهم من الشركات والمؤسسات اللي يحسبونها شطارة .
كلامك صحيح وحتى قبل الشراء ماتقدر تعرف لان المشاكل تطلع بعد الاستخدام المهندس ممكن يلاحظ اخطاء في التخطيط مثلا بلاعه الحمام مكانها غلط ويقدر يعرف اذا في مشكله اما تسريب وغيرها مايقدر الا لو معاه اجهزه
الحل سهل جدا .. مع كشف مهندس خارجي بأوراق رسميه يتحمل فيها مسؤوليه احرص انك تستوفي اوراقك النظاميه اللي تحميك او لا تشتري .. ضمان مفصل وواضح بشتراطات جزائيه
الحمدلله الذي عافانا مما اصابهم انا بفضل الله اشرفت على اكثر من ثلاثين فله في شرق الرياض ولله الحمد كان يتم البيع عن طريقي ولم يحصل عندي اي مشكله في اي فله مع انني اسلمهم الظمانات كامله للسباكه وللكهرباء وفواتير الشراء للإناره والادوات الصحيه مع صور للقواعد والميدات والاسطح وصبة النظافه والعزل واسلمهم فلتهم وانا مرتاح انني سلمتهم شغل تبرأ به الذمه وكنت اتشاكل مع بعض اصحاب الفلل واترك الشغل عنده اذا ماعدل الاخطاء التي انا ملاحظها على المقاول او على الشغل
الموضوع بسيط .. يرفع شكوى وتطلع لجنه تقرر حسب ما هو واضح : مافيه عزل أو سوء عزل والسباكة والكهرباء وتحصرها وتكاليف الإصلاح وتعويض للتضرر النفسي وتجبر الشركة على التعويض كامل .
اي سلعه لها تأمين مثل السياره خاصه اذا صارت اقساط ليه ماتكون الفلل او الشقق الى اقساط خاصه فيها تأمين ؟ مايقل عن ٥سنين و يتجدد كل ٥سنين لمده 20سنه ؟ و مبلغ التأمين او ١٠سنين على الشركه او المقاول الى باني البيت و ال ١٠سنين الأخيرة على المشتري و يكون التأمين ب 20الف لكل 5 سنين
والله جزاك الله خير على التوعيه يا أخ فيصل الله يكثر امثالك بهاذا البلد وضروري ذي الشركات تكون عليها رقابه حرام الواحد سنيين ويجمع ويشتري بيت العمر ويتورط
ياريت يا اخ فيصل تجي وتغطي المصايب اللي في ضاحية الملك فهد في الدمام كوارث مو طبيعية وغش عيني عينك والحكومة ماحد حولك .... ابني بنفسك قسم بالله أضمن لك ولعيالك ولجيبك ومشكورين على التغطية التوعوية
هذه الشركة ، دعايتهم كانت قويه، يهتمون أصحابها بالبهرجه والتصميم على الطراز الأوروبي من الخارج وهذا المشروع في شمال الرياض ربما حي الياسمين ولكن الجوده الفعلية سيئة جداً والمشاكل ليست بسيطة وأنما أساسية مثل هبوط المباني و التهريبات في السباكة وتسليكات الكهرباء و للأسف بعد ما تدفع لاترى إلا الإهمال والتجاهل من الشركة، الله يعوض على من تورط وعرفهم واشترى .
لاحولا ولاقوة الابالله صرلي بالسعودية عمر وانا ابني مع اخواني ولا مرة حدا شكا بشي.. وشغلنا بنور الله وسمعتنا اهم شي... من يتوكل على الله فهو حسبه... الله يعوضك ياصاحب البيت. اذا البداية كذا فكيف بعدين...
اكبر غلطة ترتكبها انك تدفع مبلغ كبير على شي جاهز مثل البيت بالعقل الواحد يحسبها ترا مو خسران شي ابني بنفسك وتعلم من اخطائك واسألك وتابع كل كبيره وصغيره من جهتي انا والله عانيت فالبناء بس الحمدلله حسيت بطعم التعب وفالنهاية لا مشاكل ولا شي / في مثل يقول اوقف على مالك ولو سبعه من عمالك
طيب والمطلوب عارفين إن معظم الفلل غش وبشهادة وزارة الإسكان. وين راحت شهادة استدامة. وين رسوم الأراضي حتى يتم إصلاح الخلل واين العقوبة على مثل هؤلاء اللصوص جزاك الله خير يا فيصل
والله بيتي مسلح على البناء القديم عمره ٤٨ سنة ولله الحمد الحين ساكن صارلي ١٣سنة مالاحظت عليه تهريب قطرة ماء مشكلته الوحيدة ان اغلب الكهرباء فيه خط ١١٠ وكنت افكر اشتري بيت الحين هونت خلني على بيتي اظبطه على اقل من مهلي وحسبي الله على كل من اكل اموال الناس بالباطل
السلام عليكم ورحمة الله وبركاته الله يوفقك ويسعدك يا استاذ فيصل عسى الله أن يجعلها في ميزان حسناتك يارب أفضح المفسدين لنا طلب طلع أسما المقاولين المفسدين اضرب بيد من حديد صدقني في موضفين بنوك متعاونين مع المفسدين
Extreme PC القانون لايحمي المغفلون ، تقدر تشرذ عليهم فترة تجربة ودفع مبلغ جزئي واذا فيه مشاكل ترجع المبلغ وياخذون اجار الفترة اللي انت ساكنها ، الدولة ماهي مقصرة لكن تبون الدولة تصنع لك مخ تفكر فيه ماعليش يعني ركزو شوي
حسب خبرتي المتواضعة لايمكن فحص البيت ب الشكل المطلوب بعد مايلبس المبنى ثوبه بكثير من الحالات لان كل شي مغطى الا ب التجربه مثلا احمال الكهرب تشغيل جميع المكيفات لاختبار الاحمال لان البعض يحمل على مفتاح واحد او سلك ضعيف كذلك السيفونات اغلب التهريب من الوصلات وماصورة الكرسي اذا كان عربي كذلك عزل الحمامات اقل شي ارتفاع 30 سم اضف الى ذلك الكمر المقلوب ب السطح الافضل يكون 40 سم مع جودة مواصير السباكة والكهرب انصح ان يحجز المشتري مبلغ مدة الضمان لاتقل عن 6 شهور بعد استلام البيت من واقع تجربه الله يعوض صاحب المنزل
لا طبعاً .. مو شرط إنه دفع مليون ونص يعني يقدر يدفع مثلها.. ممكن ماخذ قرض حتى لو من جيبه غبنه حلالك راح كذا على الفاضي.. حسبي الله ونعم الوكيل عليهم وبس
وعليكم السلام ورحمة الله وبركاته.... وأهم حاجة الدفان يجب أن يكون تربة نظيفه فليس من المعقول أن تجلس وتصلي وتنام على أخشام وقطع بلاستيك وأكياس فارفه وبقايا أطعمة....
العيب والله بحكومتكم اللي سامحة للشركات بالنصب والغش وما في قانون يجبرها على دفع التعويضات والأضرار والمحاسبة عليها بالعقوبة القسوة مفروض يكون هناك كفالة للبيت من المنشيء لا تقل عن عشرين عام
ياخوي انا اشتغل مقاول السباكه للمبنى فيه ثلاث مراحل يكشفون عليها الشركه والكهرباء ايضا فيه كشف وغالبا الانابيب خضرا والفنار يعطونك ضمان ١٥ سنه اما بالنسبه للاساسات والقواعد تكون تحت اشراف هندسي مع المقاول اللياسه غالبا تكون سئيه مو بسبب العمال بسبب ان الاسمنت الي هنا ردي والبلك كذالك والجيد غالي جدا والزبون مايبي الغالي يبحث عن الرخيص
تشهير اجل هاه ههههههه والله لا ينسجن ٣ اشهر + غرامه ماليه اقل شي مليون الى. ١٠ مليون حسب الضرر اللي نتج عنه من التشهير وحسب م يطلب المتضرر نظاميا ما يحق لك تشهر في كشك مساحته نص متر او اي انسان او مكان ،، بس عشان تفهم وتعرف في ناس كثير زمان شهرت ودفعت غرامات ماليه وتقدر قوقل تشوف قضايا ابتشهير والغرامات
بارك الله فيك هذا الإعلامي ويستر عليك لا أنت ولا زملاءك بارك الله فيكم يا اولادي وستر عليكم بقدرة قادر إن شاء الله ربي يفتح عليكم زي ما فتحته على هذا الأوادم المساكين اللي ما يدرون وين يروحون ما يدرون في جها تقبل هم الله يفتح عليكم يا اولادي ويسعدكم ويوفقكم ويعطيكم الحظ والقدر إن شاء الله بإذن الله زي ما اعطيتهم الأمل إن الله يعطيكم الأمل في الدنيا وفي الآخرة يا اولادي أنا والله نفتخر فيهم كم الصراحة انتو اولادي وبارك الله فيكم ويستر عليكم أنا والله ما يرضى بالظلم صراحة أنا من النوع اللي قلبي يتقطع الا شفت المظلوم أن قلبي بتقطع عليها صراحة وبارك الله فيكم يا عيالي ويستر عليكم إن شاء الله بإذن الله أنهم معي ربيعادكم الله واحد الله غيره أنت الاعلاميين أن استودعكم الله وصاحب البيت واهل البيت استودعكم الله واحد الله غيره ويعوضك لكم الله بالبركة فإن ما راح
مشكلة اغلب الناس انه اذا جا يوقع عقد ما يقراه عشان صفحاته كثيرة ولهذا السبب ما يكونون عارفين وش لهم ووش عليهم او كيف يقاضون التاجر، والله يا شباب اني اخذ قروض واقرا عقودها والمصيبة ان التورق طلع ربا على حسب ما قريت في عقد البنك اللي مكتوب فيه انه يتم اقراضك المبلغ الفلاني وبعد اقراضك يتم بيع السلعة معناته السالفة فيها لعب فرفضت اخذه الا اذا تم البيع وبعد البيع استلم مبلغ السلعة لانه لو اخذت القرض قبل البيع معناته اني دخلت في الربا، فأرجوا من الجميع قرأة كامل العقد اياً كان سواءاً قرض او سيارة او بيت او اجهزة الكترونية عشان تعرف وش لك ووش عليك.
السلام عليكم ورحمة الله وبركاته اخوي فيصل احنا مجموعه من المواطنين اشترينا شقق تمليك وموعدنا الاستلام في شهر رمضان ولكن للاسف لحد الان ماسلمونا اي مفاتيح وفلوسهم معهم ونبغى نشتكي والمصيبه الكبرى أنها المشاريع حق أشخاص غير سعوديين وبااسم سعودي الحاصل نصبو علينا كيف نشتكي دلنا الطريقه الصحيحه جزاك الله خير
والله العظيم قلبي عورني وانا اشاهد هالفيديو ، راعي البيت في صيحه بس كاتمها ( الله يلعن تجار العقار الفاسدين منهم ) وربي تعبت نفسياً ، من هالمنظر ، كل الشكر والاجلال للاخ العزيز فيصل ، ياريت يتم تعيينك في مركز مهم بالدولة وبالخصوص مع هيئة الفساد
