اجمل تقرير شفته عن السيارات، شكراً لك واستمر يا اخي، اغلب اللي عندهم قنوات شريطيه، وانت تبارك الرحمن عليك واضح انك دارس ميكانيكا وفاهم كل التفاصيل لاااازم تستمر ياولد طيبه
بيض الله وجهك اخوي أمجد ماقصرت ماعليك زود أنا والله بغيت أستفسر عن مواصفاتها وصرفيتها لكن عندنا في مصر متغاليين في أسعارها مره جزاك الله خير يالحبيب 🎉🎉🎉🎉
كفؤ جزاك الله خيرا .. شرح وافي وكافي وشامل بصراحة خير من يقدم شرح علمي عن السيارة وبأسلوب مبسط والسلبيات والايجابيات يمكن أعيد النظر عنها بسبب موضوع أن السيارة تطفي عند التوقف عند الإشارات ، هذه الخاصية بالإضافة إلى الحفاظ على البيئة لكن في الهند حيث يتم تجميع السيارة هذه الخاصية أتوقع وجدت لهم وتناسبهم بسبب ارتفاع أسعار الوقود وكذلك الزحمة الرهيبة التي تزيد من استهلاك الوقود... من زار الهند يلاحظ عند الإشارات يطفون محرك السيارة للتوفير لان سعر لتر البنزين لديهم قريب من 5 ريالات حسب مابلغني السائق ..
اذا عندك عائلة كبيره خذ التويوتا راش لأنها ٧ ركاب واذا لا خذي السزوكي فرونكس كلهم سيارات أعتماديه ويكفي انها ياباني لاكن الأسماء الثانيه اللي ذكرتها لا تقربها ابداً السيارات الصينيه ما لها امان لا تسمع كلام الناس اللي يقلون كويسه ومدري ايش كلهم مستخدمين جدد طبيعي السياره ما بتخرب من ٦ شهور ولا سنه بالكثير؛وطبعاً كله يرجع لميزانيتك وبس اتمنى اني افدتك وما راح كلامي على الفاضي
اهلاً وسهلاً اما الصيني فهو مازال يتحسن ولا انصح فيه حالياً "هذي وجهة نظري الشخصية" واما التويوتا راش فهي اكبر من هالسيارة وايضاً لا انصح فيها لأن انتاجها توقف والسيارة المكينة اللي عليها مكينة الياريس فهي ضعيفة ولا راح تنفع 7 ركاب اما الفرونكس فالسيارات اللي في فئتها على سبيل المثال لا الحصر ⬅️ هيونداي كونا + كيا سونيت + نيسان كيكس + تويوتا رايز ، وغيرها ، الاختيار راجع لك ولكن بعد ما تجربين والتجربة جداً جداً مهمة قبل الشراء والله اعلم
السيارة مصممة للاستخدام داخل المدينة فقط لسببين صغر حجم تانكي البنزين و صغر حجم المحرك لأن اذا تريد تاخذ خط و تريد المكينة تكون مرتاحة اقل شي تأخذه 4 سلندر 2.0 لتر و افضل تأخذه 6 سلندر اي سعة ماعدة السعات المبالغة
بطاريات الليثيوم عدوها الاول هو الحراره واجوائنا ما اظن تناسب سيارات الكهرباء لانها راح تستهلك وتضعف بشكل سريع جداً شوف جوالك لو استخدمته خارج المنزل بهذا الحر فترة ويعلق عليك
اولا يعطيك العافيه على مجهودك ومعلوماتك اللي توصلها لنا ومدى الدقه بارك الله فيك ثانيا ابا اخذ رايك بين سيارتين ضروري كيف رايك با امجد ابني مشواره من ابحر الى بحره يوميا 120 كيلو طريق الخرمين رايح جاي ايش افضله سوزوكي فرونكس ولا كيا سيلتوس ؟ من ناحيه الامان واستهلاك الوقود ؟ ضروري انا ف خيره الله يسعدك تجاوبني
الله يعافيك🌷 ابشر ياخوك شوف سلمك الله ، الكيا سيلتوس اكبر من الفرونكس كجحم وكفئة ، السيلتوس تقارن مع الجراند فيتارا الجيل الجديد الحالي اكيد بقول لك السيلتوس افضل من كل النواحي ولكن ايضاً اغلى في السعر وانا سويت مراجعة للسيلتوس موجودة عندي في القناة هنا والسيارة حقيقة ممتازة من كل النواحي إلا التكييف فيها لابد من تحسينه الفرونكس اصغر من السيلتوس وارخص منها وهي تقريباً تقارن مع الكيا سونيت من ناحية الامان كلا السيارتين الامان فيهم مقبول وليس عالي ، اما استهلاك الوقود فالفرونكس افضل ولكن في المقابل اصغر في سعة خزان الوقود من السيلتوس اقتراحي عليك تجرب السيارتين وبعدها تقرر ، لأن الفرونكس فيها شوية ضعف في المحرك من ناحية الآداء مثل ما ذكرت في الفيديو وهذا الشيء مُلاحظ فيها مع ملاحظة اني قلت لك ان السيارتين من فئتين مختلفتين
@@iamjad_alharbi شفت اسعار القطع في الموقع بس يعني يوفرونها اللوكاله ومثلا لو ابغى قطع للمحرك ممكن احصلها في تويوتا ب اسم الاوربان كروزر بحكم انها نفس المحرك ؟
@@7xr4 هذا الموضوع لابد تستفسر فيه من الوكيل ، ولكن ترى وزارة التجارة عندنا في السعودية نجبر الوكيل على توفير القطع الاستهلاكية بشكل دائم ، والقطع الفير استهلاكية خلال مدة اعتقد انها لا تتجاوز الـ15 يوم ، والمفترض ان قطع الاوربان الميكانيكية هي نفسها قطع الفرونكس "المكانيكية فقط بحكم انه نفس المحرك بالضبط" ، لكن هل تركب او فيها اختلاف فهمنا ما اعرف والله اعلم
تحصلها في امزون او غيره من المواقع واذكر احد المتابعين دلني على موقع سعودي اذكر اسمه "ديزل" واذكر اني حفظت الموقع عندي ولكن الان لما شفت تعليقك بحثت عن صورة الموقع اللي حفظتها عندي ولم اجدها للاسف ولكن بشكل عام اسم القطعه ⬅️ فاصل نظام اطفاء المحرك او حولين هالاسم
@@wxsw1233 في البداية انت اشتريت الراش ليش؟ اتوقع عشان قالوا لك انها ثلاث صفوف مقاعد ، ولكن في الحقيقة السيارة ما ينفع تشيل فيها اشخاص بالغين في الثلاث صفوف بسبب ضعف محركها ، والراش الأن توقف انتاجها واستبدلت تويوتا الراش والافانزا دفعة واحدة بالفيلوز رأيي👇🏽 بغض النظر عن استخدامك او ليش شريت الراش ، اقولك خلك عليها الان بما انها سيارة جديدة ولا تتخسر في سيارة جديدة ثانية ، مش فيها كم سنة وبعدها فكر في التغيير ، إلا إذا كنت مقتدر مالياً فهنا كلام ثاني ، ولكن ترى ما نقدر نقارن بين الفرونكس والراش بسبب اختلاف الحجم والفئة والله اعلم
@@iamjad_alharbi انا بنت خذيتها عشان قالوا عمليه وتويوتا ومكيفها بارد ومساحتها وسيعه وعندي عيال اوديهم المدرسه واجيبهم بس متعذبه في حجم مكينتها سيء عزمها ضعيف وكذلك قساوة المراتب وماهي مره اقتصاديه بالبنزين يعني الفل يمشيني ٣٧٠ كيلو لذلك فكرت بتغيير بس شورك وهداية الله بنخليها كم سنه لين نشوف المناسب
