شوفي اختي هاديك الپاتيسري ... حاشا نعمة ربي والله غير مرض و عفن كون تشوفي كيفاش يخدموهم توحدي ربي بالنسبة للخرجات حاولو تخرجو شبعانين يعني مور لفطور ولا مور العشاء ولا وجدي فالمنزل و روحو ديرو بيكنيك ماشي غير علاجال الاقتصاد مام علاجال النقاء انا نوجد فالمنزل سندوتشات دي اومبورڨر ... و ندي معايا و العصائر و المشروبات الغازية نحيتهم نهائيا نشربو الماء فقط و الفواكه لكن راني نقولك و نعاودلك ماشي علاجال الاقتصاد بالدرجة الاولى لكن علاجال صحتنا أولا ثم الاقتصاد ثانيا
Bien parler MADAME bravos a vos paroles top c.est vrais y.a des femmes qui enleve toute la paye a leur conjoint rabbi yahdihom Je salut tous les maris qui travaille dur🙏🙏
اختي سارة ولي يدي مصروفو و يكملو ويزيد يطماع غي ميزنية المطبخ يزيد يقولي اعطني قبل ما يخلاص شهر يكمل دراهمو هبلني هدا شهر دا مليون و ربعمية كملهم في 15انيوم 😢😢😢😢
الرجال مايعرفوش يصرفو انا راجلي لوكان يديهم في يوم يطيرو هههه المرا لي تقتصد بكري كانت امهاتنا ما يخدموش و عندهم عيش بطناش لكن كامل دارو ديار دارو سيارات شراو اراضي عندنا مثل المرا لي ما تدسش دورو في نهار مشي مرا ضك الازمة هذي جات من الكماليات لي ولات عقدة لبعض الناس لي تحب تقتصد تركز على الاساسيات فقط
سلام عليكم اختنا سارة انا نشجعك بكل قوة ومقتنعة بان قرارك صح ✅نفس الامر مريت بيه مصاريف لا معنى لها حلويات سقايط خرجات هناوات لكل من هب ودب كل هاذي الامور استغنيت عليها و واحد في الدار ما حس بالنقص بالعكس عوضتها باشياء اكثر متعة مع افراد الاسرة ربي يوفقك و تقسيم الفين دينار للعيد لرمضان ناكدلك بلي ناجح والله نهار تروحي تجبديهم مثلا باش تشري الادوات تقول شكون اعطاهملك 😊 ربي يقدر نا جميعا
يا اختي انا راجلي يسلك لكان يحكمها هو سمانة يقولك معنديش منين نجيب ونا راجلي من نوع الي يمد لخاوتوا او لصحابوا ونا نقعد هكاك باقي شهر انا راجلي ميعرفش كي يسلك يعطيني سهرية منكدبش عليك انا نعرف نتصرف خير منوا على خاطر كي يحكمها هو او تخلاصلواوفي 4/5ايام يولي عليا انا ونا راجلي يسلك حمد لله شعرية تكفي وتوفي ❤
أنا بالعكس كي طحنا في مشاكل وتكسر من رجله وقعد كثر من ست أشهر مش خدام وأنا قبل هاذ الشيء كامل كنت مدايرة بيت خزين ونخبي صوارد وجبدتله كلش في وقت الشدة عاد يمدلي الشهرية كامل والله ما يخلي دورو عنده ووالف وعدت كي نقوله خلي عندك يقولي لالا نتي اللي تعرفي تتصرفي وفي الصح عنده الحق نتيجة تقشفي وعرفت كيفاه نسير أموري شريت ٱبارتمو عدل وتهنيت من الكرا واشنو كي مدلي الصوارد درتلو أظرفة خاصة بيه يعني ظرف للسيارة وظرف للملابس تاعه وظرف لاحتياجاته أنا الحمد لله راجلي مايتكيف وخاطيه مام القهاوي صافي الاظرفة تاعه دايما فيها صوارد وكل واحدة تشوف نوع الزوج اللي عندها لأنه الرجال يختالفو عندي بابا مثلا يما لوكان تموت مايمدلهاش دورو ليدها باش تصرف لازم هو اللي يشد الشهرية صافي كل رجل كيفاه أنا الحمد لله زوجي من النوع اللي كان يحب يخرج وياكل برا ويلبس بصح شوي شوي بدلتله العقلية وكي شاف الشيء اللي كنت نديره جاب نتائج ايجابية خلاص طيشلي كلش وهو دوركا مرتاح نفسيا ماعلابالو واش شريت وواش خبيت والو.شوفو خواتاتي والله بالتجربة تاعي ديرو بيت الخزين يا لوكان بمية ألف راح يساعدكم بزاف أنا والله والله خرجني من بزاف أزمات وقعت فيهم تكسر راجلي ساعدني ست أشهر ما رحتش لسوبيرات كلش عندي.فاتت هذيك وين كان يخدم صرات سرقة حاوزو كامل العاملين وجابو جدد وقعد 4أشهر بلا خدمة ساعدني بيت الخزين والشحيحات جات كورونا الناس كامل كانو يحوسو على الزيت والدقيق وووووو وأنا كنت مرتاحة شوفو ماكانش اللي ماتطيحش في أزمة سبحان الله هاذي دنيا والنصيحة اللي نمدهالكم بحكم تجربتي اللي بغات تخبي وتدير التاويل تبروفيتي كي يكونو ولادها صغار لأنه كي يكبارو يزيدو المصاريف وتعودو ماتقدروش تتحكمو فيهم أنا تاع عدل درتها كي كانت بنتي صغيرة وكنت نتقشف رغم أنه شهرية راجلي كانت كبيرة والله وصدقوني كنت ناكل دجاجة في شهر يعني كل شهر نشري دجاجة والباقي كنت نخبيه.نتمنىتدو من تجربتي ولو القليل راح تنجحوا باذن الله
@@FaridKh-dm6ngالنصيحة باش تخبي صوارد تبعدي عن الخروج نهائيا وديري جدول وجبات أسبوعي وروحي اقضي واش تسحقي في هذيك السمانة أنا نروح للحانوت نهز بيدي الشيء اللي نستخدمه زعمة نشوف روحي مانكونسوميش بزاف الجزر مثلا نشري شوية برك وهكدا.ثاني شيء مادام درتي جدول الوجبات لمجة ولادك ولا باش يشربوا الحليب ديريه في الدار صح ديفوا نعجزوا بصح ديري كوراج وكلش طيبيه في دارك أنا باش رجعت نوفر عدت مانروحش مثلا الأعراس في نهار العرس اللي يعرضوني سورتو تاع الجيران نستنى كي يفوت الحال ونروح للدار نبارك لها باش نربح صوارد اللبسة اللي لازم نشريها والحفافة وتعرفي مصاريف الاعراس.المواعن توقفت نهائيا عن شرائهم نستخدم واش عندي ومايهمنيش ومانعاند حتى واحدة أنا كان عندي هدف كان لازم نحققه.عندي بنتي كبيرة في السيام كانت تصرف صوارد مؤخرا باش نمنعها ولا باش تتوقف عن الشريات درت تحدي بينها وبين أختها درت لكل واحدة شحيحة قلت لهم راح ندير لكم كل شهر خمسين ألف لكل واحدة بشرط نتوما اللي تطيح في يدها دورو تحطها في شحيحة وكي يوصل عام نشوفو شكون كانت شاطرة ولمت مبلغ كثر من الاخرى ووعدتهم الشيء اللي يلموه نشريلهم حاجة يستفادو منها والحمد لله بداو تطبيق التحدي وبنتي عادت ماتصرفش صواردها في السقايط ومام يطيح في يدها مصروف تحطه في شحيحتها.هاذ المصاريف اللي تبانلكم صغيرة هوما اللي يخلوكم ما تخبيوش
@@nadiaboudjema6886 الله يبارك ما شاء الله عليك انا منخرجش معندي وين روح لاجار ولا فاميلية بعيدة عليهم حمد الله على نعمة وربي يفرحك ان شاء الله ويرزقنا ويفرج علينا بارك الله فيك
عجبتوني لي راكو تقولو يعطيني دراهم المصروف تاع الدار حاجة وحدوخرة متهمنيش ؟؟؟؟يعني أكبر عبأ تاع المسؤولية نتي ترفديه والباقي تاع الدراهم مليون ولا زوج ولا ماعلاباليش بديهم هو على خاطر راجل يشري لصحابو يخرج يدبر راسو ... الراجل يصرف على دارو وولادو ماشي تقولي يدي دراهم ويدير بيهم واش يحب نعطيلو المسؤولية ... ادا نتب تقضي وتخبي لرمضان للعيد للعطلة للدخول المدرسي اين هي المسؤولية لي راكي عاطيتهالو ... راكي عاطيتلو الحرية كلامي موجه للجميع ليس لشخص معين وشكر لصاحبة الفيديو على طريقة التقسيم
