الله المستعان و ربي يفرج على كل واحد و الله القدرة الشرائية تاع المواطن الجزائري راهي في تدهور مستمر و الغلاء غلبنا ما قدينالوش و ربي يكون معانا و معاكم و خلاص
والله تقسيم لي درتو ما خرج عليا دايما نزيد عليه ما فهمتش أنا عند سبيرات نخلي 12000 دج وكوسمتيك 2500 دج خلي يا لحوم والخضر والفواكه والخرجات والتبوريك خليها على ربي وخلاص الله المستعان مع العلم أنا عائلة متكونة من الأب و الأم وثلاث اطفال ❤❤
الله المستعان اختي رانا كامل كيف كيف وخاصة التبوريك رجع يأخذ ميزانية معتبرة من مصروفنا تبوركي دراهم وتزيدي تدي قضيان ولا قاطو ومرات يلحقو خمسة ستة تبوريكات هذ العادة نتمنى تنقرض لأنها تقسم الظهور
صح راهم كاينين بصح انا حبستو لانو من قبل كان كاين غير تحضيرة ومع الوقت ولات عندي حساسية من حليب ومشتقاته كي انا كي ساجد على هذا موليتش نجيبو لانو علبالي ناكلو منو
سلام حبيبتي. عندك الحق. انا تاني جحيحة تاع الصرف ولاة تعيني. قررت ندخر من الشهرية ونقسمها إلى اظرفة ونعرف كي نمشي اموري خلال الشهر. الله يبارك في أيامنا و يحفظنا مع وليد آتنا. سلام
انا ثاني دخلت جديد اول مرة جاني 60الف وهذي المرة مانيش عارف شحال ومن قبل كنت نخلص مع شيخي تجينا غالية زوج ملاين ونص حتى ل3ملاين خاصة الصيف الكليماتيزار ميطفاش انت خلي 300الف كل شهر مراهيش رايحة تجيك من اول مرة زوج ملاين
ربي يقدرك اختي. انا عن نفسي ما نحبش الشحيحة غير للصرف لي يبقى و الا التحدي و لازم نكملها و نعمرها ما تصلحش لي يحب يلم ينحي مبلغ الادخار بجهة و ينساه تماما و كي يلم المبلغ يدير به واش كان ناوي اما مصروف البيت اهل البيت اولى به و زد هذا التحدي منهك تولي تخممي غير كفاش تعمريها وقتاش تحليها مليح الواحد يدير شحيحة و كل ما تطيح في يده مصريفة يدخلها او مع المدخول الشهري يحط لاشتا 100 الف و يكملها بعقله و لكن تحدي 5 آلاف و 10 آلاف ووو كلها لعبة اطفال هذي 😂 التحديات معمولة للي عندها شهرية و خدامة و لي عندها مدخول زايد بدل ما تصرف يمين و شمال تنظم روحها اما انك تنحي من مصروف البيت و الأطفال باش تعمري شحيحة هذا ما يصلح. ديري مبلغ ادخار و لو كان 100 الف شهر بعد شهر يولي مبلغ مليح و مصروف البيت للبيت هذيك 100 دج تجيبلك زوج صاشيات حليب و معاها خبز توكل عائلة كاملة لانه الناس ماهيش لاحقة
ياختي ام ساجد انا ولادي مراضين بزاف تقريبا فشهر يداوو مرتين او اكثر ..وعندي الحليب وليكوش وسقايط والياوورت تاع ولادي زوج واحد عمره ثلاث سنين ونص وواحد عام ..المهم يصرفو مليون وثلاثميا..زعما راني نورمال ولا نقتصد عليهم شوية
المرض والله كامل رانا كيف كيف المهم الحمد لله على كل حال بصح كيما السقايط نقسيلهم شوية راكي تضري فيهم مراكيش تنفعي فيهم والياووغت اخدميلهم في الدار وحتى في الدار ونقصيلهم منو
ربي يطرح براكتو ياختي حبيت برك نقلك ان هداك اللبن والياغورت المنزلي راه كارثة اكثر من لي نشروه لانو هداك لي نشروه يكون مصنع في ظروف ملاءمة ويكون معقم وروحي حوسي على لحليب هداك لي تخلط نص طايب ونص اخضر (البكتيريا تتكاثر بمجرد انو لحليب يتسخن ومابالك اذا زدتي وخلطتيه بحليب بارد )
