استأجرت محل بقيمة ٤٥ الف ريال واستاجرت غرفة عمال في السنه ٤٨٠٠ ريال. غير استخراج سجل تجاري ورخصة والتسجيل في منصة قوى ودفع رسوم البربد والغرفه التجارية وكروت صحية للعمال وديكور مع اثاث المحل .مبالغ طائله .في النهاية يجي واحد في نفس الحي مع سيارة مليانه خضار ويبيع في الشارع .ويبيع ويحقق ارباح افضل منك وراس ماله سياره وقيمة البصاعه .فقط .
@@user-zi5xr1sp6p يقول الله تعالى ( وَأَحَلَّ اللَّهُ الْبَيْعَ وَحَرَّمَ الرِّبَا ) هذا أول شي وثانيا .اتحدى اي شخص يبيع في الشارع أن يعرض نفس البضاعه التي يعرضها صاحب المحل الرسمي .من ناحية نظافة البضاعة حيث أنهم يشترون الدرجه الثالثه ويستهدفون العمالة وأصحاب الدخل المحدود الذين يشترون البضاعة الرديئه لا أن العمالة تستهلكها بشكل يومي .بعكس رب الأسرة لايشتري الا الشي النظيف . مثال أنااعرض عندي تفاح ماركة جالا وكيله الشربتلي هل تعتقد ان شخص يبيع في الشارع يستطيع أن يعرض تفاح جالا او برتقال ابو سره مايخارجه سعر كيلو التفاح جالا في كل المحلات لايقل الكيلو عن ٨ او ٩ ريال .هايبر بنده يوجد لديهم خضروات وفواكه نظيفه يستطيع الشخص أن يتسوق منها.
الحل في تسهيل العمل "النظامي" ليس في مطاردة العمالة غير النظامية. نحن جربنا التشديد ومطاردة العمالة غير النظامية عشرات السنين، فما فاد سوى في زيادة التعقيد والعقبات على النظامي، والتكلفة على المواطن. بدل ٥٠ منصة ، يكتفى بمنصة موحدة ورخصة مبسطة ورسوم بسيطة تعين الذي يطلب الرزق الحلال.
المشكلة ان لوبي الوافدين لن يتركه يعمل سيحاربونه حتى يخسر ويقفل والقصص كثيرة جدا جدا ولن تعرف خفايا وأسرار تلك الحرب إلا إذا زاولت نشاط خاص بك ٫ والمؤسف أن هناك خونة في بعض الجهات الحكومية تتعاون مع لوبي الوافدين في محاربة السعوديين الذين يزاولون العمل الخاص .. هناك عمل منظم ومؤامرة كبيرة وخطيرة ينفذها لوبي الوافدين بتخطيط واوامر وإشراف من عصابة الفساد والإرهاب الصهيوماسونية من أجل السيطرة على البلد وإقتصاده وتهميش ابن البلد وإفقاره .
حلوه الفكره من ورا التريلات 😅 لكن الكلام الصدق والصراحه ماينزعل منها 1 مكتب العمل يحط كرت العمل 9600؟؟ مبلغ فلكي من غير 2 جوازات 650 3 منصة ابشر اعمال 4 منصة قوى 5 منصة مدد 6 تأمين 7تأمينات شغاله شهري على الموسسه 8 راتب العامل + سكنه + اكل وشرب ونقل نهاية السنه تدفع لكل عامل تقريباً 35000
قبل ماتجي الرسوم القويه هذي كان المتسترين عبر المؤسسات الوهمية ياخذون على الوافدين مبلغ شهري أو سنوي، يسمونها نسبه، وكذلك يوم يسوي له إجراءاته الحكوميه يوم يسوي له إجازه أو يجدد إقاماته ياخذ منه مبلغ كأتعاب ويسمونها رسوم تعقيب، واللي وضع الأنظمة هذي بحجة ترتيب السوق وتنظيفه من المتسترين قام زاد المبالغ هذي وفرضها على المؤسسة أو الشركة ومايدري إنه بذلك نكب الناس النظاميين وأهلك أرزاقهم، فاللي بيقضي على التستر ينزل الميدان ويشوف العمال اللي خارج عمل مؤسساتهم، وأيضآ يحقق مع المؤسسات والشركات وكيف تكسب رزقها؟، فاللي حاصل فعلآ: من وراء التريلات، تحياتي.
احسنت ,, السوق متعب ويحتاج جهد كبير والحقيقة يوجد كثير من المعوقات الافصل لمن يدخل السوق حديثا ان يكون بخيل جددا جدااا في الصرف ولاتنسى بأن المصروفات خصوم يجب الحذر منهم
ياسعودي اذا نويت على نشاط معين ..محل بلاط مثلا فلازم تروح وتشتغل في منشأه وتتعلم وتعرف كل التفاصيل من الداخل.. وغالبا راح تفضل البحث عن وضيفه على التجاره بعد ان تعرف معاناتها. تعلم بفلوس غيرك واستفيد راتب وخبره. لاتتعلم من فلوسك وصحتك ووقتك وفالنهايه تكتشف انك لست تاجر بل موظف . اما اذا توظفت في نفس النشاط عند الغير ورأيت كل التفاصيل من الداخل وقررت انها مشروع يناسبك . ففالك الملايين باذن الله. وقدامك مستقبل باهر .. وبكذا تكون اتخذت القرار السليم ١٠٠% لاتقول سنه ولا سنتين اتعلم طويله لا السنه والسنتين تعتبرها جزء من بداية تجارتك وهي ليست طويله ابدا بل ستختصر عليك اكثر منها اذا بدأت بدون خبره . الكلام طويل في هذا الموضوع لكن اللبيب بالاشاره يفهم. وكلامي عن نجربه وخبره ومعاناه طويله بالتجاره
ابو اياس انا كذلك فتحت محل والحمدلله اني عرفت هالنقطة بدري قبل ادخل لكن يبقى أن تغطية التكاليف تبقى تحدي خصوصا المبتدئين مثلي وودي تتكلم اكثر من شدة مافيه تكتم بالمواضيع التجارية تحس انك مجرم او شاذ عن الناس لما تتكلم بهالمواضيع مادري هو من طفرتي والا من طفرة اخوياي 😂 الله يسعدك اي نعم نبي المزيد فلا تردنا
الحل الوحيد هو عدم استقدام عامل الا على موسسة وبعقد اذا اخل بالعقد يسفر ولا يستقدم مرة ثانيه ،، اشتراطات السعودة والضريبة يجب تختلف المدن الكبرى عن المحافظات عن المراكز والقرى والهجر ،، لكي تضمن نشاط تجاري واقتصادي عادل ومنصف. مثل حلاق بالرياض يحلق ٣٥ ريال وزبائن بالكوم ماهو زي قرية يحلق باليوم عشرة او اقل ١٠ ريال. اغلب الوزراء ما جربوا الحياة مجرد سنحت له فكره طبقها وصار المواطن حقل تجارب. مايصير اي قرار يمس لو عشرة اشخاص المفترض يدرس جيدا. واللي يخص شريحة كبيرة من المجتمع يطرح قبل اعتماد للمناقشة وابداء الراي. خصوصا ممن يعملون بهذا المجال او يتعاملون معه. لان الهدف تطوير اقتصاد بلد وتطوير المراكز قبل المحافظات والمحافظات قبل المدن عشان يكون عندك بلدك متكامل والتنمية تشمل الجميع.
الوضع تعدا المقابل المالي فيه شركات عمالتها انتحرت بسبب عدم القدرة على الخروج لتراكم المقابل المالي على المنشاة ودخولها فالنطاق الاحمر يمنعها من تجديد رخص العمل والنضام الجديد يقولك لابد للعامل الراغب بالخروج ولا عليه التزامات يخاطب سفارته لانهاء اجراءاته والخروج والسفارات الاجنبيه حدث ولا حرج وكلت مناديب بعضهم يطلب ٥٠٠٠ ريال لانهاء اجراءات الخروج والملاحض انتشار العمالة الهندية والبنقاليه في مكاتب الخدمات العامة فيه شخص له ٤ شهور ماقدرو عماله يخرجون بسبب الاسباب الي ذكرتها
شهر ٨ قبل رمضان بتنتهي مهله التمديد وبيكون كل عامل حتى لو شخص واحد من ٩٧٠٠ كرت عمل وتتوحد كل عامل ب ٩٧٠٠ وماتنفع السعوده ولايعتد بها واعتقد بسبب القرار هذا ٢٥ بالمئه من المحلات الصغيره بتغلق والى مليونين عامل بيخرجون نهائي من السوق
سلام عليكم ، اخوي الياس المبلغ اكثر من كذا بكثير و قد يصل تكلفة العامل الواحد الى 35000 الف ريال لو كان راتب الموظف السعودي 4000 + التامينات 800 و نضربها في 12 شهر و نقسمها على عاملين عشان نجدد الاقامة
الله يزيدك من فضله أيها النبيل خالد الحربي أحتاج مساعدتك أعاني من مشكلة التكيف منذ سنوات ولم اهنأ ببمنزلي لنصب وخدااااااع المقاول والمتستر عليهم والضحية المواطن أنا رحمة لمعاناتي أريد مساعدتك لإيجاد الحلول النهائية وإنني ملتزم بالتكلفة التي سيأتي بالحلول للحل الجذري أبو حمزة مكة
يا رجل انت تكلم عن المشكلة الاساسية و هي المقابل المالي و اترك الغير نظامي لها حلول اخرى المشكلة في المقابل . و المخالفات اللي كسرت ظهورنا و كلامك كانك تقول خلو كل الاقامات ١٠ الاف
تعرف مكمن مشكلة وزارة العمل انها حاطه جميع العيون على الناس النظامية اصلا اللي هم المحلات والمعارض والمطاعم ، وتاركين أس المشكله اللي هم في الشارع واللي هم تستر واللي هم مخالفين لنظام العمل والإقامة، العمال اللي فالشارع هم مرتكبين لجميع الجرائم والمخالفات العمالية هل سمعت بموظف مقيم يعمل في مؤسسة نظامية ويستلم راتب يرتكب سرقات او جرائم فالشارع هنا مكمن خلل وزارة العمل والعمال يذهبون للمؤسسات النظامية ويتركون أساس مصيبة السوق اللي يسرحون ويمرحون فالشارع
انت ناسي تكلفة السعودي الي انت ما راح تستفيد منه لان راتبه ضعيف وراح يكون شكلي بس 5 سعوديين في راتب 4000+800 تأمينات يعني 4800*5 = 24000* 12 شهر = 288000 + 747000 =1035000 ومافي عامل ياخذ اجازة شهرين بالسنه 😂
استاذ خالد عندي سؤال اريد ان امدد مواسير التكييف الى السطح ملحق الفله دورين وملحق لكن متردد لان مواسير النحاس مكلفه فكم سيكون الفرق بين التمديد للملحق او يكون على جدار المنزل
جيب فني تكييف واعطه 100 ريال لكل دور على اساس يحدد لك مسار مواسير النحاس من اقرب النقاط وافضلها .. ويخططها على الجدران .. بعدها استاجر صاروخ ب20 ريال وعامل يوميته 120ريال ينجزها لك في بوم ، بعدها اشتري النحاس وجيب الفني اللي خطط لك المسارات يركب المواسير في وضع Ready واذا انهيت التشطيب كلم ابواياس يركب لك المكيفات وترى اسعاره منافسه 👍
عندي عامل منزلي نقلته لي فزعة مني له وقلتله لله مابي ولاريال المهم الرجال من وراه بنيت عمارتين الحمدلله هو يشرف ويجيب عمال وانا ادفع الين ماعرفت اسرار كثيرة فالعمار الان له فترة يقنعني افتح موسسة فردية حتى ندخل مشاريع وانا متخوف رغم ان عندي كل شي متوفر الارض وسكن لهم وسيارة نقل ومعدات خفيفة للبناء .. افيدونا يالمقاولين
لاتفتح نشاط تعتمد فيه على وجود العامل هذا. اذا وصلت مرحله ان العامل هذا اذا راح تقدر تغطي دوره فعلياً. من ناحية جيبة العمال والتعاقدات والمواد وكل شي. وصار هو بنفسه يعرف ان وجوده وعدمه سوا . افتح ولا تتأخر. لكن اذا فتحت وهو عنده مفاتيح الشغل راح ينقط عليك بكيفه. .. استمر كما انت مع زيادة الحرص على التعرف على العمال واخذ ارقامهم ومعرفة اسعارهم . وفهم كل صغيره وكبيره فالشغل. وتوصل مرحلة اتخاذ القرار بنفسك بعدها افتح سجلك. اما الان فراح تمسك عماره وحده والسعوديين بيجون يشوفون شغلك . والعامل بيتفق معهم من وراك ويتفق معهم ويرسل لهم العمال وانت مجرد جسر محبه
صدقت والله فيما قلت، والحل هو تعديل الأنظمة اللي مكتفه النظامي وتاركه المخالف، والمؤسسات الناشئة ماتعاملها معاملة الشركات اللي لها عشرين سنه وأكثر، رسوم سجله ورخصه ومنصاته المفروض السنه الأولى مجانآ والسنه اللي بعدها مخففه واللي بعدها تزيد إلى أن يوقف على رجليه ويقدر يتماشى مع إلتزاماته، وتراه يوم ينجح بينجح وراه ناس كثير، ورسوم الإقامات هذي المفروض ينلغي نظام الكفيل وتصير الدولة هي الكفيل عبر وزارة الموارد البشرية وياخذون من الوافد الرسوم العادله واللي على حسب مهنته أو دخله، لأن ماهو عدل إن السباك يدفع له صاحب العمل رسوم مثل المهندس، وكذلك المواطن اللي يتعامل مع المخالف وتارك المؤسسات النظاميه، المفروض يحاسب ويغرم لأنه قاعد يخسر أخوانه ويخرب بيوتهم وكذلك قاعد يقلل من الجوده المأمولة في السوق ويشجع على الغش، والله المستعان.
@@user-yt2hz8yw7y من حقه يدور الأفضل، وإن دور على الأرخص فقدامه الغشاشين اللي مايهمهم، وشوف زلزال تركيا يوم طاحت كثير من العماير وماتوا عشرات الآلاف من الناس، أول ماتكلموا الناس عن المقاولين الغشاشين، والمقاولين الغشاشين هذولي من ساعدهم؟، ساعدهم صاحب البيت اللي ماسأل إلا عن الرخص.
العامل ما هو إلزامي الا اذا انت تحتاجه سجل تجاري من موقع وزارة التجارة ممكن تحتاج فتح ملف للمنشأة في موقع الموارد البشرية رخصة بلدية من منصة بلدي شهادة صحية من منصة بلدي عقد جمع نفايات اذا كنت في احد المدن التى تطلب ذلك عقد مكافحة حشرات تأكد من الباقي.. تأمينات هيئة الزكاة
شباب السوق متجه الى تخصص في كل مجال. خلاص مو اي واحد جاب مهندس فتح مؤسسة بناء. ادخل شراكه ولا تلعب لحالك ابدا. السوق دخلته ٦ سنوات اكلت تبن وطلعت منه لانك محارب من العماله الغير نظاميه. حاليا افضل نشاط دكان جوالات او منصة تبيع فيها بدون اجار او تكلفه ومصاريف. اعلن بالسوشيال ميديا وحط رقمك وتابع CR7
لا تلومنا اذا رحنا للرخيص يعني انا مئات الآلاف اللي يدفعها كل محل للحكومة تبغاني انا اللي ادفعها؟؟ انا مع النظام لكني لست مع الاستغلال، لذلك الغير نظامي في نظري هو الافضل مع الاسف وانا ادعم الغير نظاميين ظالما اسعار النظاميين بهذا الشكل
