يا اخ عادل هذا المنتج فقط ينفع في الخدوش الخفيفه اما العميقه ما يشيلها يا ليت تبين لهم لان كثير منهم عنده خدوش قويه ويروح يشتري ويخسر مبلغ وقدره ولا يستفيد كثير منهم يجوني ومعهم هذا المنتج وعندهم خدوش عميقه لا ينفع فيه وشكراً لك
الله يعطيك العافية ما تقصر دائما بالطرح الرائع انا شريت المنتج من فترة وشريت البفر الخاص فيه الا ان ما عندي الجهاز وبإذن الله راح اروح لمحل تلميع على شان يستخدم المنتج على سيارتي طبعا سيارتي تعاني من الترميل بسبب طريق الرياض الشرقية وتم معالجة الكثير من الترميل بالصلصال او Clay وبإذن الله المرحلة الثانية بأني ألمع الزجاج الامامي بالسوناكس الخاص بالزجاج
نصيحة اول ماتشتري السيارة لحماية الزجاج الامامي؛ ١- ظلل الزجاج الامامي من الخارج تظليل أصلي 00 ٢-انتبه للمساحات كل صيف لازم تغيرها ٣-أثناء غسيل السيارة احرص على رفع المساحات وغسلها من جميع الاتجاهات لتراكم الغبار تحتها. ٤-احذر من تشغيل المساحات والغبار متراكم انت كذا تدمر القزازه بنفسك. ٥-التظليل طبيعي بيتأثر بعد سنه او حسب استخدامك ولازم تغيرة وتكلفة تغييره اكيد أقل من تكلفة القزازه
يعطيك ألف عافية أستاذ عادل. أنا أشتريت المنتج وكنت منتظر أحد ينزل مقطع شرح لطريقة الإستعمال 👍 عندي بعض الأسئلة: ١- كم المدة الزمنية لعملية التلميع؟ بمعنى مقارنة بتلميع البودي عارفين انه فيه مدة أو فيه دلالات و وأقف التلميع. كيف في عملية تلميع الزجاج؟ ٢- هل البفر له عدد محدد من الإستخدامات ويعتبر بعدها "خير صالح"؟ ٣- هل يمكن تنظيف البفر مثل طريقة تنظيف بفر البودي؟ ٤- هل يمكن للبفر والمنتج إزالة نقرات الحجارة الصغيرة من الزجاج (مثل السافي) ؟ ٥- ماهي الطريقة الصحيحة والسليمة اذا كان بالزجاج شروخ بسبب الحجارة؟ وبالطبيعي تكون تم معالجة هذه الشروخ.
اذا الزجاج مشطوب او في سافي ترميل لا يصلح للتلميع مدة التلميع اقل من ١٠ دقائق عشان لا يسخن و يتعرض للكسر البفر يستخدم مره او مرتين بالكثير و لا ينفع توصيفه زي البفر العادي
ماجاني رد .. بس سألت عن الموضوع قالوا لا ماتاكل طبقة من القزاز لكنه تنظف المسامات اللي يتركها الترميل، كذلك تلمع مكان الخدش فيضعف ظهوره على السطح، ويجب اول ماتلمعها تركب بعدها تظليلة شفافة فورا.
السلام عليكم ورحمة الله وبركاته اخونا عادل ، كرما فيه محل عنده الادوات هاذي نسوي عنده سياراتنا ؟ 🤔 والمشكلة هاذي موجودة عندي وصراحة صايرة مزعجة وكل ما رحت محل يقولون ما عندنا الادوات ، فهل عندك محل معين عنده الادوات هاذي تنصحنا فيه ؟
الحين تتوقع يوم انك منزل هالشرح الكل عنده جهاز والادوات هذي؟ طبعاً لا- رح لساكو تحصل عنده ملمع قزاز واشتر منشفة ماكروفايبر وغسل القزاز قبل تبخ من الملمع وابدا نضف ولمعها من الخدوش
كلامك صحيح لكن نصيحة اللي كثير سفر لا يغير اصلي لأن السافي يعدم حتى الاصلي يعني الواحد لا يخسر فوق ١٠٠٠ ريال وهو مصيره خلال سنة ينتهي من السافي حسب تجربتي الشخصية مع السافي
صباح الخير اخي الحبيب ، ابو عزام هل لكم فرع بالدمام او الخبر الزجاج للسياره عندي وضعه مزري ترميل وخدوش او تعرف احد بالشرقيه يقوم بنفس التجربه واامواد حفظكم الله ورعاكم
انتبهو القزاز بعد التلميع صار اسوء خسرت قزازي حسبي الله على صاحب المقطع كان عندي خدوش قليله بسبب المساحات و وديت القزاز لتلميع و لمعته و ظهرت عيوب كثيره
