رانا كامل فالهوا سواء انا خدمت فوق طاقتي ويزيدو يحوسو يعفصوني سورثو اني دخلت 8سنين بدون اولاد يحطوني خديمة ولا مانيش مليحة اللهم لا تذرني فردا وانت خير الوارثين
نفس الحالة انا كي ولا يصراى مشكل مع يماه يقولي دبري راسك معاها والله غير دمرت عجوزتي تحب تكون هي محور يومياتي وتحوسلي على السبة باه تحطمني همتني في ولادي وروحي وزوجي وكلشي مهم للمرأة المتزوجة ومعرفتش الكل معاها😢😢😢
بارك الله فيك كنا نية بزاف وطعنونا في الظهر حسبيا الله و نعم الوكيل عندك الحق راني نلهي في روحي وزوجي واولادي والحمد لله على كل شيئ وربي يجازيك دنيا وآخرة🤲🏻 نحبك ❤️ بزاف أختي الكريمة وربي يحفظلك ولادك وربي يفرحك بيهم🤲🏻وتشوفيهم في أعلى المراتب اللهم آمين
اول مرة نشوف قناتك بردتلي قلبي يعطيك الصحة برانية تبقاي برانية هذه الحقيقة و الخلاصة لي فهمتها بعد مواقف 7 سنين زواج alors نكون برانية على اصولها ندير الواجب برك و اذا قدرت عليه مع العلم اني نسكن تحتهم بتصرفاتهم خلاوني نكون جارة ماشي كنة راحت هذه النية لي جيت بيها من دار بابا جمرة و طاحت في الماء تعلمت الدرس دك خير من لي نشيب تعلمت ما نأذيش و نعامل باحسان و في حدود و مول النية يربح
أنا هكذا راني دايرة حاكما روحي وداري وولادي بصح غير نروح فالمرض ولا نلقاهم غير المعاني ماللي نقعد اوهوما المعاني ويعجبك الحال كامل سورتوا سلفاتي غير يجبدوا في روحهم ويمعنوا حرت كيفاش ندير
والله غير من الاحسن حدود ومسافة أمان مع كل البشر مشي غير اهل الزوج لان التواضع احيانايحسبوه الناس خوف او جبن اوعديم الشخصية ربي يهدينا وارضاء الناس غابة لا تدرك الوقت هذا نفسك ثم نفسك ثم نفسك
لكن في هذا الوقت حبيبتي التواضع مع المتواضع لكن المتكبرين لازم تبينيلهم قيمتهم الحقيقية هذا هو قانون الحياة المعاملة بالمثل العين بالعين والسن بالسن والبادئ اضلم راح تكوني مرتاحة ومكاش الي يعفس عليك رانا اكل ولاد تسعة اشهر بالتوفيق حبيبتي
هاذ شيء كامل عشناه رحنا بالنية الطيبة وعاملناهم يحسن الخلق لكن يا للأسف مكاش لي يعطيك قيمتك حتى كرهونا في كلش بصح تعلم حاجة انو مول النية عمرو ما يخسسر و ربي دايمن يعليلو شانو ......
سلام اختي علاقتي راهي على المحك من فضلك انصحيني وستري تعليقي تزوجت مع راجلي عن حب مدة عشرة سنين عندي ليسونس وخدمة في التعليم كان شرطهم نحبس الخدمة وانا كنت نحبو بزاف تزوجت وعندي ذراري وحدة عشرة سنين ومتقدرش ننسا خدمتي لأنه ناسي وبالتخص شيخي مايحبش المرأة العاملة وزوجي تاني مايحبش مخرج انا دركا عندي عام ملى خرجت برا نتعلم الخياطة راني لاهيا فيها المشكل اني راني زعفانين مدة شهرين منتكلموش انا مانيش قادر نتواصل معاه وهو تاني هارب مني على اسباب الخرجة من الدار مايحبش نخرج نشري ولا نحوس وانا راني كارها من فضلك فولي كيفاش نقنع راجلي نخرجو نحوسو وكيفاش نكون زوج نفهمو بالحياة لاني الحب لي بيناتنا حكايتو مات واستر ي عليا الله يسترك
سلام.اختي نحبك يااختي في الله حبيت نقولك اهل زوجي قلقولي طولالنهار وهوم يطللب في اللحوايج ورجلي شهار ييخلص اربع ملاين وهم يخلصو ست ملاين.اونص جاوبني يااختي من فظليك
إلا كانت لعجوزة هي لي تطلب اعطيها شتى كانت مليحة ولا لالا ديريها في روحك مثلا تحبي عروستكم دير هاكذا في يماك ولا عروستك تولي تقولي إبني ماعطانيش ربيتو وتعبت عليه وتلك الأيام نداولها بين الناس الواحد يشوف لبعيد وهاذي هي الدنيا
@@atmaneatmane4461 العجوز كتكون مليحا تطيب وتعطيها والعجوز لقلبها على ولدها كيكون قيس قيس روحوا هي لتعون ولدها باه يرفد روحوا والام تبقي ام لايطبق عليها شيء حتي وتكون ماشي مليحة
حتى لو عجوزتي شر مطلق 👈نتقي الله فيها . ندير الواجب و خلاص ما نقابلها بالشر ما نقتلها بالغمة و نولي عند ربي مذنبة و نخسر الدنيا و الاخرة على جال تفاهات.. فكروا بلي الحياة الاخرة هي الدايمة و هنا رانا كامل ضياف .. تفكروا بلي النبي قال (ليس منا من لا يوقر كبيرنا .. ) ..
كيفاش ديري مع الزوج لي يظل يدلق لدارهن وخواتاته مع العلم والله هوما مايعيطوله مايسقسوه عليا la preuve سمعوا بيا بلي راني enceinte والله ماعيطوله ماباركوله ماوالو يقارعوله غير هو ولا انا نعيطو stp قوليلي كيفاش ديري مع هذا الراجل والاهل تاعه
انا تاني ندمت ككنت مليحة مع ناس داري ومشيت بالنية بالصح هوما ميحبونيش ومبغاوليش الخير مدولي سكنة مقالوليش حتى كلمة مبروك لعجوزتي لا بيناتها وانا كنت نباركلهم في كل شىء اديروه جيبي الله و نعم الوكيل
سلام لحباب...❤مولد النبي شريف هو ..من عادت و تقاليد .... كيما ملابس العيد و نقولو فال ...كيما كي تحكم راجل تڨاطعوه كي يجي يخطب.....ب 30 مليون للفوق و لابغيغ تع دهب ...و .و..و العرس لازم هكدا..و لاغوب بلونش 😂تهدو اني والله غير حرام علينا😂..... قبل مانكون كي لكبش لي يتبعو راعي مشي تعهم ..كاين ناس راهي تحالل في امور مشي تعنا. 🌈👨❤️👨👩❤️💋👩🎅👻🎃 و تتعاد علي اعيادنا و عادتنا و تقليدنا......لازم نفطنو شويا و منتبعوش و خلاص و متخلطوش بين الدين....و العادات و تقليدي ...نتخلا عليها أمبعد نقولو إه 😮 رهم يسرقونا في عادات و تقاليد تعنا 😢......و ملاحظة فقط: لناس لتسميه (احتفال) ...هدا دكراى مولد النبي شريف..لي كنا. في جيال تعنا نجتهد عليه في بحث من حياة الرسول ص و تعبير كتابي عنون عبرررر عن الاجواء العائلي ليلة مولد النبي شريف التي تنتهي بسهر بفلم الرسالة و الاجمل يقرى علي مسميعنا...و دارس في التربية الاسلامية عن السير..و حياة الرسول ص.......لا لا متنسوش متنكروش..مشي مليح نكونو ضعف قدام واش راه صاري. .. حاجة مراناش عرفين من وين جات..الهدف منا en là partager pas تحبس تم. مع كل احترام لرايكم...احبو قانتكم و متحوي الدي تقدمون شكرااااااا ❤
نضن " المذهب المالكي" تع شمال افريقيا لم يحرم احياء المولد النبوي.يعتبروه عرف .. و "العرف" مذكور في القرآن، العرف المتعارف عليه قي مجتمتع ما و لا يخالف الدين و هو العادات و الأشياء المتعارف عليها و التي ليس فيها تجاوزات و شركيات . و الله اعلم
انا نحب رسولنا الكريم عليه الصلاة والسلام مشريتش المفرقعات درت الرشتة العاصمية الله الله رغم اني من قسنطينة درت العنبر وشعلت شميعة وفرحت انا ووليداتي انا نقول للمخوقة لي سألتك الحدود مسافة الامان بين الناس ولواحد ميدخسش عليه كلامك جواهر حبيبة
والله لقيت وحدة تشبهني في قصتي انا كلش درته على جالهم الحلوة والمرة معاهم وكي مرضت لعام لي فات في رمضان واحد ماصقصا عليا لي يومنا هدا كأني راني مية 😢😢😢
سلام اختي متحركة من فضلك ارجعي اهدريلنا على المشاريع كما كنتي في أول فيديوهات القناة كنتي تحفيزينا بزاف وتفتحي عيونا على معلومات ما لقيناش لي يمدهالنا وبالتوفيق
انا رني مع عجوزتي وشيخي كبار ومراض مانخلي عليهم والو دايرتهم كي والديا نطيبلهم ونقيلهم ونديرلهم كلش كي يجيو لوساتي من الغيرة تعهم يشارشيولي ويديرو الفتنة حسبي الله ونعم الوكيل فيهم
خياتي ادعولي ربي يفرج عليا بسكن خطرش بسبت هاذا التواضع مع ناس البيت والله درتهم كيما دارنا كلش نخدمهولهم من قلبي. لحقني شيخي في شرفي و كي ماحبيتش ومامشيتلوش في الخط و لحقت الهدرة لولادو وبناتو صدو كامل عليا ولاو يشوفو فيا بنص عين ومن هاذا الشيء حكموني الاعصاب عييت بزاف وانا والله جامي لحقت واحد ولا وحدة. ادعولي انا اختكم
سلام❤ هي صح كي تحطي حدود مع الناس ترتاحي لكن المشكل مع الزوج لي ماعندو حدود مع حتى واحد انا راجلي معلق سعادة بيتو بالبشرية جمعاء يعني من نهار جابني وهو حاط عليا العين ادا هبطت وخدمت على اهلو ونظل مع العرضات نلقاه فرحان بيا ونزيد نمدلو شهريتي يحطني فوق راسو ونهار نقلل المعاملة معاهم ولا نجبد روحي ينكد عليا مع العلم انا خدامة وماعنديش وقت خلاص وزيد هو ماعندوش خصوصيات يحكيلهم كلش ويشاورهم في كلش وانا جبدت روحي على كامل الناس عندي اهتماماتي وكثرة الصراعات ضيعتلي سنين من عمري لكن هو يحب يطبعني لوسط اهلو باه تزيد تشعل النار يظل مجمع معاهم لاطوموبيل لا دار مستقلة لا والو يعني خلاصة القول انا لما ماخرجتش عليا المعاملة تاعهم ولقيت روحي ربحت غير الهم والأمراض بعدت وحبيت نكرس اهتمامي وطاقتي لداري وخدمتي لكن كي يكون الزوج ماشي دارو هي اول شيء ومبعد يجيو الناس الاخرين ماهو الحل
سلام عليكم اختي أنا مشاهدة جديدة حبيت نحكيلك على زوجي دايما عصبي ويتشاجر معايا ويهددني بالطلاق وكل كلمة نتناقشو فيها يدير المشاكل ويدرب فلم الابواب واش يصرا عندنا فدار يحكي كلش لاهلو كبيرة و صغيرة لدرجة كي نكون تعبانة ومغسلت الاواني تاع العشا يصورهم ويبعتهم لاهلو راني ريحا نهبل لوكان ماشي اولادي منقعدش معاه
مهمشة من يومي اول عندهم لحدان حتة اولادي 😢رغماني تهليت في امهم واباهم حتى توفاو طيحت صختي عليهم وان مرضوني بلمشاكل يخترعوها من عندهم عمري ول سمعو مني كلمة جارحة وهوما 😢....
السلام عليكم ، اختي استسمحك لكن نظن انه من الاصخ تقولي انا الحمد لله في نعمة ، وليس انا الحمد للله نعمة ،هاكا تولي توصفي في روحك وليس في نعمة الله لك ،
السلام عليكم أختي شكرا جزاك الله خيرا على فيديوهاتك المفيدة ❤️ من فضلك ما قدرتش نبعثلك ميساج فالأنستغرام ما فهمتش علاه قولينا كيفاش نتواصلوا معاك و بارك الله فيك
شوفي ربي يحفظك لكان شفتي تعليقي ورديتي الله يعطيك لي في قلبك .كيفاه تتعامل الزوجة لي عايشة مع العايلة ولي من عوايدهم لازم تهبطيلهم صباح وعشية صينو يحاسبوك وديريلنا موضوع حول الراحل لي مرتو تستيكي وطيب الله الله وفحلة ومعندوش ردة فعل يعني الراحل لي لاعلاقة يشوفك بوبية كي شغل ماشافش ياكل يشرب يتفرج ويرقد
حبيبتي كي مترجعيش تهبطيي يولو يشنفو يديرو تصرفات مثلا يقطعو كلام معاك حابين تهبطي وتخدمي عليهم وعلى ضيافهم مع العلم ضيافهم بين فترة وفترة قصيرة يعاودو يجو داخلين خارجين وانا الأمر هذا مساعدنيش ندير شغل داري برك نتعب وزيد منيش اجتماعية بزاف @@motaharikabilbit
والله غير اذاوني وبعدت عليهم ومازالني نعاني من لحقرة والقهر ودوالي عشتو وسحور هلكوني لدرجة جابولي حجابات ودرتهم،وبخاهر جابولي وبخرت انا وراجلي ووووووووانا كنت واش يقولولي ندير وصلت جابو مشعوذ من لغرب وانا بييدي طيبتلو ا،وماهندروس على حوايج اخرى بنتي مارحموهاش تخبط عليها عجوزتي ناتخليهاش ترقد واللع غير عندى زمان ملي بعدتهم مي لاثار لضركا راني نتعذبةفعلاقتي مع زوحى وصحتي،المهم الله المستعان
يا اختي انا حابة نقرا في التكوين خياطة كي رحت نسجل قالوا للاسف لا يوجد و لا اي وا حد سجل في هذه الدورة و يستحيل نفتحوا باب التسجيل.الناس ولات ماتقراش على جال منحة تبون هل استطيع تنمية مهاراتي في الخياطة من اليوتوب
اخطيك أختي، أنا سألت دار الفتوى وقالولي حرام العمل هذا مهما يقولوا لك عندنا فتوى روحي سألي على دينك وحدك .. وحتى لو ما يهمكش الحرام وتحوسب على المال ياو مافيهاش ربح تقدري تدخلي المجموعات تاعهم وتشوفي البنات تعاني لي حطت دراهمها وماكان لا ربح لا والو .. يربحوا فقط لي الفوق أصحاب الشركة وأصحاب القنوات لي كانوا في البداية يصيدوا في النساء الغافلات .. ومن يتق الله يجعل له مخرجا ويرزقه من حيث لا يحتسب.
