سلام،كلامك صحيح ،انا تقريبا صرالي وش راكي تحكي كي تزوجت كنت نقرا وكانو اهل زوجي ما يعاملونيش مليح نروح تعبانة من السفر كنت نقرا بعيد ما نلقاش لقمة ناكلها وكانو يضحكو علياكي نجيب حاجة زعما ما تعجبهمش ،المهم ما لقيتش الحنانة لي كانت عند بابا ويما ،المهم ،بعد ما كملت قرايتي وخدمت وعدت لاباس عليا ،الكل عادو يديرولي الف حساب ،بصح صامطة ،خطر كي كنت محتاجتهم ما وقفوش معايا وضرك عادو يلحلحو للاسف ،الطفلة كي تخرج من دار باباها تتمنى تلقى عجوزتها كي يماها والسلافات كي خواتاتها بصح للاسف الغيرة هي لي تفسد العلاقة ،ننصح كل فتاة مقبلة على الزواج ما تنتضريش الكثير من اهل الزوج عامليهم باحترام لكن خلي دايما الحدود بيناتكم ..
صحيح أختي وانا نقول لكل وحدة مقبلة على الزواج تسهل للزوج وتحاول تستغنى على الشرط والجهاز ووو وتطلب بيتها وحدها يا لكان يكريلها باه تبحي راحة بالك وتفيتي مشاكل دار الشيخ بكل
أنا أهل زوجي ربي يهينهم ولكن أنا دائما المبادرة أنا دائما لي يلقوني في وقت الشدة و أنا في وقت الشدة تاعي منلقى حتى شيء . وبعد طول السنوات مليت من علاقة تعطي فيها بلا أخذ
بلاك تعليقي جا متأخر شوية ، لكن حبيت نعلق على هاذ الموضوع بالذات و نمد نصيحة لكل وحدة مقبلة على الزواج ولا حتى عروسة جديدة: أهم حاجة في التعامل مع أهل الزوج هي أن تفرضي الإحترام ديالك أولا ، و ما تسنايش يحبوك كيما تحبك يماك ، لمحبة لي تولد بينك و بين ناس دارك محبة يولدها الزمان و المواقف ، و أهم حاجة ما تحاوليش ترضي الجميع باش يحبوك على حساب نفسك حذاري.... رضي ربي سبحانو أولا ، و حبي نفسك و قيميها ، وحدهم يقيموك.
لي ماتصبرش مع زوجها على اهلو ،مارايحاش تصبر معاه على مصائب الحياة، الصبر الصبر الصبر ثم الصبر ، ودوام الحال من المحال ،يجي نهار وتتمتعي بثمار الصبر تاعك، ✌✌✌
والله كلامك حكمة واصبتي الهدف نتمني كل امراة تسمع كلامك وطبقوا لانه كل كلمة قلتيها صح كاين ناس ما يحدوش يشوفوا واحد ناجح ويحبوا يحطموه ويشوهولوا صمعة نتاعوا ما لزمش نعطيوهم فررصة سلام
كاين عجايز يغيرو كي تشوف ولدها يحبك ومدايرلك قدر وقيمة تولي ماتعاملكش مليح رغم أنك مليحة معاها وتحترميها وجامي درتيلها حاجة ماش مليحة بصح هي الله غالب تكرهك وتغير منك على خاطر تشوف في ولدها مهتم بيك و تولي تمعني عليك وتبروفوكي فيك وتقول بلي ولدها تبدل ونتي خاطيك ومادرتي والو و بعيدة على شرهم ومتلهية بحياتك وعمرك ما حاولتي تبدلي راجلك عليهم وبريئة من كل الاهتمامات ربي يهديهم لعجايز لي كيما هادو وحسبنا الله و نعم الوكيل في كل ظالم
السلام عليكم. يا أختي ربي يحفظك قوليلي كيف اتصرف إتجاه استغلال اهل زوجي له سواءا أمه او اخواته رغم انهن متزوجات إلا انهم لايتركون فرصة إلا ويبعثو لزوجي باش يقضيلهم حاجاتهم مثلا يشريلهم وش يحتاجو او يخرجلهم اوراق أو يديهم للطبيب يعني حاسبينو أعزب عندو غير هوما. لأنو لايرفض لهم طلبا تخيلي حتى أنهم يبعثوه بيناتهم "جيب هذي وإدي هذي" ولما أنا نحتاج أي شيء يزعف لأنو تعبان ويأجل الحاجة لي نقلو يخدمهالي أما هوما فيلبي الأمر مباشرة بدون تذمر. والديه معليش لما يحتاجوه بالسيف عليه رغم انو عندهم ولادهم آخرين إلا أن زوجي الوحيد لي يندهوه والبقية ميقولولهمش وزيد اخواتو لي دائما يبعثولو ومخليين أزواجهم ولما قلتلو قالي متدخليش روحك بيني وبينهم أخواتاتي ونتندهلهم. وهوما قصدا يبعدو فيه على دارو . وزيد كل الوقت في دار أهلو . وقتو قليل عندي. ولي مافهمتوش أمه كل مايكون ناقصهم مصروف تقلو اشريلنا وخلصتو تنتهي من بداية الشهر واولادو منقصها عليهم. أنا على بالي بصح هو يقلي تروح الخلصة غير عليكم رغم أن كل شيء في البيت من اثاث ولا اواني ولا حتى المنزل أنا لي شريتهم الحمد لله نقصتها على نفسي وزيرت باش درت الدار لاني عاملة. وش تقولي في الناس الانتهازيين حسبنا الله ونعم الوكيل في كل من يبعد رجل عن بيته نفسيا او جسديا.
سلام مشا الله حبيبتي عقليه نيفو تاع الصح رانا نرتقيو معاك وانت اختي الكريمة هي الراقيه الفيديو عاودتو 3مرات باه نتعامل بيه مع جميع الناس ماشي مع اهل الزوج برك👏👏👏👏👏👏👏💖
يا الزينة ماخليتي والو فينا هههه طوجور فور فور اني قتلك تهبلي تهبلي مواضيعك ف الصميم ومناقشتك قمة انا عجوزتي الله يرحمها عندها 13 سنة من لي ماتت نشاء الله تكون راضية عليا الامور لي هدرتي عليها كامل والطريقة هي لي اتبعتها وكانت عشرة 9 سنوات كللت بالنجاح نشاء الله بنات اليوم يتبعو الخطوات لي يحب الهنا يعيش فيه هو لي يخلقو ولي يحب الحس هو لي يزيد يشعل النار ربي يباركلك كل فيديو نزيد نحبك ونتعلق بيك كتر
غلطتي كي زوجت حكيت لزوجي على اهلي لمليح ولي مش مليح عطيتو اسررنا وهذي ندمتي ليومنا هذا والان اهلو يقيمهم ويحضرهم كل اسبوع نتاع تحبي ولا تكرهي يجو ويتعشو ويروحو وانا راني في عامين دارنا مرحتلهمش وهو داركم ميحبوكش مرخسينك ولو كان يجو في يومهم يروحو من تصرفاتو والله العبد كل ما كان نية في دنيا هذي تجيك من كل شيء وصيتي متعطي سرك لحتى عبد لا راجلك لا هم يحزنون هاني ادفع الثمن الان نتمنى من صاحبة القناة تعطيني حل
ههههعجبنى بزاف المثل الايطالى والله غير صح وكلامك صح اقول المثل الجزائرى وحدة مدات بوها ولا خوها يعنى بكل صراحة عدوها اتعاملى معاه عين مفتوحة او عين مغلوقة شكرا اختى الكريمة واصلى لانك توووووب
انت لي راكي تعطينا طاقة ايجابية و نورتينا بافكارة و طريقت تخمامك ولو انك تقراي كتب لكن النفس الطيبة تقتانع ب الكلام الطيبة ةو ترسخو في ذاكر كاين ناس قارين وواعين لاكن عنفيين حتى و يقراو الف كتاب عن الالفة و المحبة كل نفس تتجه نحو ماتهواء و هذا الكلام يخصك انتي نفسك طيبة و مشكورة بيك راني نصلح في بزاف امرو رغم الصعوبة لي نواجها
صح والف صح الله يعطيك الصحة جبتي محتوى طليتي على قلبي ربي يعطيك الراجل هو لي يقيمك قدامهم و هو لي يرخصك انا شيء لي نديرو نلقاهم علابالهم به كلشي يحكيه ابسط الامور نلقاهم علابالهم رايحة نهبل انصحيني يحبني ديما نهبط من روحي قدامهم
شدي اسرارك اعطيه غير الخفيف ماشي ضربة وحدة تقطعي اخبارك عليه يفيقلك لانو حويط وما تحكيش اسرار داركم واخواتك وحتى جيرانك يعني خلي روحك علامة استفهام انا كنت كيفك كتاب مفتوح كولشي نحكيه حاسبة روحي فالهوا وليت غير ندابز معاه يعايرني بدارنا وخواتاتي ومشاكلهم وسري كامل عند خواتاته اجبدت روحي منهم خطرة وحدة ووليت محتافضة بكل اسراىري نعطيه غير فتات الخبز وقيمي روحك بروحك لانك لوكان تنقصي من قيمتك ولا تحتارميهم يحسبوك خايفة منهم وحتى هوما ما تحكيلهمش واش يصرا في داركم ولا دارك من بعد يدورو عليك ويعايروك
أتوسلو من الجزائريين يتبرعولي بالتليفون ولو مستعمل نعمل انا بيه اليوتيوب لأنني نحب بزاف الخياطة نتبع تريكوات و برودي وليدروات ولكن عندي التيليفون سامپل وانا من البويرة وأقسم بالله عندي تريكوات في البيت وروبات هايلين نحب بزاف نخدم ولكن راني فالبيت وعمري 53 عام
جزاك الله خير وبارك الله فيك وفي إيجابيتك.. لو كان عنوان الفيديو ايجابي احسن .. وضريف كيف تجعلي عجوزتك في الجيب تبدو سلبية الكلمة( في الجيب) في راي كيف تكسبي عجوزتك او كيف تمتلكي قلب عجوزتك ويعطيك الصحة على التوعية والخير لي تنشريه للناس ربي يحفظك
ختي واش نقولك بارك الله فيك، مستوى راقي جدا، ممكن اذا حبيتي مرة على مرة حطينا فيديوهات من هذا القبيل، مع العلم راني كبيرة عليك في العمر و لكن عقليك و تعاملك مع الحياة نحس روحي صغيرة عليك ههه،
نصيحة لكل امراة..زوجك و اهل زوجك يعرف على داااركم واااش يعرف صااحبو !!!! حتى و لو بعد 50 سنة زواااج ...اسرارك خليهم عندك..و ماااتحكيش اسرارك..و ماتشتكيش من امو..و اختو..او خووه...حتى و هم اسوأ الناس..لانو اذا ظلموك..صدقيني..يجي نهااار و يتفرش كل شيء..النية الصادقة و الصبر..كاااين شي عجايز..حتى و دااارك وحدك..ماتخليكش طرانكيل..المسألة مسألة عقلية !! تبببقى يا اختي مركزة معاااك...انا نقولك
سلام يابنتي شكرا على كل ما تبذليه من مجهودات وهاذا كل في ميزان حسناتك إنشالله قصدتك بعدة الله اذا امكن اواستطعتي ان تساعدي في إيجاد عمل لابني ماستاغ2كنطبليتي وين حوس قالولو لا ملك خبرة كيفاش ايجيب خبرة اوهو ماصابش خدمة
انا عجوزتي من فاميلتي عشنا سنوات ماشاء الله لاتخلو من النقاءص ولكن الحمد لله كانت تحبني وانا نحترمها بزاف جبت 5اولاد معاهم حتى واحد الوقت تزوج عليا بالسر وكانت عجوزتي من اكبر الناس اللي سانداتو وقفت معاه .من ذاك نهار وليييت نشوف فيها كحله وكرهتها الله غالب القلب لحمه
الموضوع تاع الزواج فالعاءلة واحد ميهدر فيه غير لي جرب والمشاكل متكونش غير فالاول تخلق تاني بعد زمان وتتجدد انا 15سنة والمشاكل قايمة ومازلت في بيت وحدة وصابرة والله متخليك متهنية العجايز اغلبهم يهنيو بناتهم ويدمرو ولادهم
قلتي الفرق بين المرأة المتزوجة و المطلقة هو ان هذه الأخيرة ما صبرتش، لا لا راكي غالطة، مثل الأزواج المنحرفين اللذين لديهم #اضطراب_الشخصية_النرجسية_السيكوباتية، العيش معهم هو الجحيم بعينه و الكثير من الزوجات مكرهوش يكونو أسرة طبيعية سوية لكن الظروف القاسية هي لي خلتهم يختارو الطلاق، واش رأيك في قصة الصحفي هشام بو قفة و السيدة فريال لي الزوج تعها كان يغتصب أولاده الثلاثة و الأمثلة عديدة لا تعد ولا تحصى.
سلام ختي براك لله فيك .عندك لحق علا مراكي تقولي ولكين ختي ولله صعيب صعيب تعيشي مع اهل زوجك ومعندكش قيمة وتحسي ديما روحك محڨورة .ومتسالي ولو في هديك الدار .وتعيشي مذلولة وتخدمي شغل وباس معندك حتى كلمة .ومتحطي مترفدي ديما ماشي درك وعلا علم زوج لا يتكلم .وهو كذلك مدلول .لأنه اخترة زوجة المناسبة له .وتعيشي
انا نقول زوجة تعيش مع العاءلة عام او اثنين او ثالث سنين باش تعرف العقلية وسيرة. بصح يستحن دير دارها من بعد لاخطرش العشرة في دار العايلة واعرة وصبر لازم لاخطرش ودعولي ندير داري وربي يرزقني بذرية صالحة عندي 14سنة🥺🌱🌿🌾🥀
