تفكير منطقي والله يا أستاذ كريم أنا مش شايف عيب في شغلانة الكول سنتر.... دي بترجع لشخصية الواحد، أنا من تحليل شخصيتي لقيت ان شغلانة الكول سنتر تنفعني لأني بعرف اصبر على اللي قدامي في كولا تقعد ساعتين بحالها من المناهده مع العميل غير أني بعرف اshow empathy وبحب اساعد الناس. - ضيف على كده لو اشتغلت في اكونت مفهوش رش انت كده هتقلل التوتر والاكونتات دي موجوده وبتعبر بسكوتة الكول سنتر. - ضيف على كده المرتب اللي بتقبضه لو اكونت انجليزي او لغات أخرى ... انت هنا بتحقق استقرار وراحه ماديه ليك ولعيلتك (انا حسبتها انهارده لقيت أني لو متجوز محتاج بس بتاع 5000 جنيه للبيت ده غير مصاريفي. - ضيف على كده كمان انك بتريح يومين في الاسبوع كاجازه غير انك لو كسنتلت يوم بتقبض الضعف وبتقبض الضعف كمان (الاوفر تايم بيتحسب كمان ) في ايام الاجازات الرسمية ده غير رمضان اللي بتتحسب في اخر ساعتين في الشغل باوفر تايم ده غير مصروف الفطار او السحور على حسب، ده غير أن TP عملت العيد الكبير اللي فات ده اليوم مش دابل بل ضربت اليوم في اربعه. لو انت Money wise أنت هتختار المجال ده عموما الكول سنتر من الشغلانات اللي حلتلنا ازمة البطالة في البلد دي وخلتنا نتغلب على الغلاء. انا لو هدور على شغل في مجالى اللي هو انا خريج تجارة ومش عارف أنا هشتغل ايه ومخلص الجيش في 11 اللي فات ولسه بدور على حاجه لحد دلوقتي ومش لاقي وبقالى بتاع 7 شهور سواء هنا او هناك أنت شغال موظف برضو في الاول والاخر واي شغل كده كده روتيني أعملوا الحاجه اللي بتحبوها فعلا يا جماعة. مش اي اعلان لكورس او منحه تجروا وراها وخلاص.
الاستاذ الفاضل. السلام عليكم ورحمة الله وبركاته. شكراً لجهودك الرائعة الجميلة. بنتي تخرجت من معهد المنصورة للغات. واستلمت الشهادة وعليها ختم شعار الوزارة فقط ولايوجد ختم المجلس الأعلى للجامعات.
لو سمحت يا كريم معروض عليه شغل كول سنتر شركه اورنج لكن أوت سورس من البيت بمرتب ٢٨٠٠ انا شايفه أنه مناسب عشان معايا اطفال لكن كل اللي حواليه بيقولوا انها مدمره ومتعبه رايك ايه
اللي بيقولك مدمرة قصده انها مش هتزود خبرتك ولا هتشتغلي فيها بشهادتك وف مجالك. ولكن لو موضوع الخبرة مش مهم بالنسبالك وعايزة اي شغل يوفرلك مرتب فهي مش مدمرة خالص وفرصة كويسة ولو على التعب كل الشغل متعب
طب لو سمحت ى دكتور انا طالب واتعرض عليا شغل كول سنتر اونلاين 8 ساعات شغل 4500ج ف الشهر بس المصدر مش مضمون حد انا معرفوش فعاوز اعرف دا بجد و موجود ولا ✨ وهم ✨+ شكرا ❤️
متشغلش ف حاجة مش عارف مصدرها، وشغل الاونلاين ابعد عنه دلوقتي لازم تكون شركة مضمونة وتنزل تعمل انترفيو وبعد كده يشغلوك اون لاين، ودايما قيس المرتب على طبيعة الشغل.. يعني اللي يقولك هدفعلك مرتب ٥٠٠٠ج ف شغل ٨ ساعات عربي متصدقش. خليك ف الشركات المضمونة، وادخل على صفحة الشركة ع الفيس وعلى تقييمات جوجل واسأل قبل ماتروح
بعد اذنك هو معهد طيبه العالى قسم تسويق وتجاره الكترونيه بيبقا مسمى الشهاده اى وهل هكون مقيض تبع نقابه التجاريين وله لاء وهل التخصص ده افضل وله احول السنه الجايا تخصص نظم ومعلومات الاداريه ؟؟؟
