عايزة اقولك يا ندى ان الكول سنتر دا ضيعت فيه ٤ سنين من عمري وبجد أسوأ experience عشتها في حياتي نفسيا وصحيا وكله ،. بيتعاملو مع البني ادم كانه عبد بالسخرة وبيقللو من مهارته وثقته بنفسه بشكل رهيب ! شغل استعباد
طب انا معايا فرنش و عايزة اشتغل بيه محتاجة مساعدتكم بجد عايزة اجرب ع الاقل سنة او كام شهر انا لسه طالبة اكمل و اخوض التجربة و لا اية رأيكوا ... محتاجة اعرف منكم و كمان محتاجة شركة تكون محترمة فير فودافون طبعا و الشركات دي
انا كنت عايشه في ايطاليا لمده خمس سنين وكنت في المدرسه هناك خلصت اعدادي وسنتين ثانوي ولظروف معينه اضريت انزل مصر ، انا حاليا في اولي جامعه كليتي فيها وقت فراغ كبير وكمان داخلين علي اجازه ، مش مبالغه في نفسي بس اللغه الايطاليه بتاعتي شبه خريجين اللغات بالظبط عشان انا كنت بتعامل بشكل يومي لمده خمس سنين مع ايطالين بس . حاليا انا عوزه احافظ علي اللغه بتاعتي وبدور علي شغل كول سنتر يكون ايطالي بس دورت كتير ومش لاقيه وعوزاه من البيت عشان انا مش من القاهره فلو ممكن ترشحيلي مكان ادور فيه اكون شاكره جدا ليكي ♥️
ما شاء الله ... اللهم بارك ... انا بحب اشوفك و اسمعك كلامك مرتب و أفكارك منظمة و مش بتقولى اى كلام و خلاص كل كلامك ليه معنى و ليه هدف ..... ربنا يحفظك و يسعدك أيا كان مجال شغلك و اينما كنتى فى هذه الدنيا .... من القلب شكرا جدا يا ندى يا جميلة 💐❤️💚🌼
اللي فهمته من كلامك ان الايطالي بتاعك كويس فمقدم على شغل بيه، فتحتار بينه وبين شغلك الأصلي، الألماني ايه دخله في الموضوع ؟ رأيي تكنسله موضوع انك محتار بين الكول سنتر وشغلك الأصلي فرأيي اعمل زي م عملت ابدأ كول سنتر واستثمر فلوسه فشغلك الأصلي لحد م تكبر فيه، الكول سنتر حقيقي ملوش مستقبل ومش ارض صلبة تستند عليها ملحوظة: الأفضل تطلب نصيحة من حد فمجالك وحد فمجال الكول سنتر بس الاتنين قدام أوي فمجالهم (١٠ سنين خبرة مثلا)
لوسمحتي انا باقدم في فودافون يوكي بس الشغل من البيت ما عدا طبعا فترة النستنج اللي هي شهرين في الفلور و بعدين ارجع البيت تاني . فعندي سؤالين . 1) انا مش طايقة اصلا الوظيفة من دلوقتي و قلبي مش مرتاحلها من قبل ما ادخل اشوف الفيديو ده اساسا بس ماديات ففكرت ادخلها و اطلع منها بعد 4 شهور ( اللي هو شهر التريننج اونلاين و شهرين النستنج في الفلور و شهر كده جدعنة ) فهل دي فكرة كويسة ؟ و هل في شرط جزائي لو حبيت اسيبها بعد 4 شهور ؟ 2) بما انها من البيت هل ده ممكن يساعد حبة من ناحية الوقت بما ان كده مفيش قرف المواصلات و الجو ده كله ؟
نقطة الشرط الجزائي اتأكدي منها من ال hr وأنتي بتمضي العقد (بأسلوب زكي طبعا). رأيي إن أي شغل فأوله صعب، جربي وخدي خبرة وجمعي شوية فلوس ومنين ما تزهقي اخلعي (عملت فيديو تالت عن الكول سنتر هيفيدك شوفيه).
m.facebook.com/story.php?story_fbid=pfbid02ccTvyEtpfEfzGjadeUuZhyiZhhkojQEj8wek1JusPqk3HBpmSuuiMiVwSJud89nHl&id=100088643376887&mibextid=Nif5oz تابع الصفحة دي، بينزل لفودافون ايطاليا على طول
آه طبعا يا سارة بالإيطالي (أحياناً أول انترفيو انجلش والتاني إيطالي، لو الأكونت طالب اللغتين). امتحان الجرماتيكا بيختلف دايما بس هو غالبا mcq على الجرماتيكا بتاعت مستوى b1.
خد كورسات - بس المهم يكون المحاضر شخص مقبول ودمه خفيف - لازم تشوف أسلوبه الأول قبل ما تدفع الفلوس - عشان ماتخسرش فلوسك - لأن ساعات بيكون المحاضر ضخص رخم ودمه تقيل وانت مش فاهم منه حاجة فتكتشف إن فلوسك ضاعت - واسمع دروس على يوتيوب
انا شايف ان كل المشاكل اللي حضرتك قولتيها موجودة في اي شغل طالما مش شغل خاص بيك مفيش شغل في شركات مريح خالص لا بدنيا ولا ذهنيا +هو المرتبات بتبقي في رينج كام ؟
لا في شغل أريح بكتير بس مرتبه تعبان، فعلاً الشغل الخاص هو الحل ودا اللي بعمله حاليًا. في اسكندرية رينج ٨ ل ١٠ على حسب معاك انجلش ولا لأ، اعتقد في القاهرة أعلى شوية.
كنت عايز أستأذن حضرتك ما تعرفيش شغل كول سنتر عربي من شركه مضمونه لإني دورت كتير ما لقيتش غير مجموعة نصابين و ناس كتير أكدت علي كده ، فقلت أسأل حضرتك لأن حضرتك مريتي بالتجربه دي
ربنا يعينك راعي بردو انك بتشتغل بلغتك الأم اللي اكتسبتها بالفطرة، لكن اللي بيتعب في تعلم لغة بيعمل كدا عشان يبعد عن ظروف الشغل دي. نصيحتي: اتعلم لغة أو برمجة أو ابدأ شغل فمجالك الأصلي حتى لو بفلوس قليلة بس هتكبر مع الوقت.
انا في لغات وترجمة سنة أولي عندي الفيرست أنجلش والسكند الماني لسه في المستوي الاول في الاماني كنت حابة أن اشتغل وانا في الجامع انا حاليا مش باخد اي كورسات بتعلم ذاتي بس هبدء بعد رمضان يعني علي السنة الجاية هكون خلصت اربع مستويات واشتغل بالاماني كنت بفكر اشتغل كول سنتر من البيت علشان بردو هكون بدرس وانا عندي المحاضرات اون لاين عادي ف هعرف اظبط الدنيا اكتر من اني انزل الشركة نفسها ايه راي حضرتك ولا اخليني لما اخلص جماعة ولا اعمل ايه ممكن تفيدني وشكرا جدا لحضرتك ❤️
شغل الكول سنتر مرهق جدا مش كله بيعرف يوازن بينه وبين الدراسة + انك الأول لازم هتنزلي السايت على م يوافقوا ينزلوكي م البيت فيها شهور كتير، ادرسي الخطوة كويس
@@WeilaNada الموضوع مغري و في نفس الوقت مخيف ..اشكرك علي النصيحة و إن شاء الله ربنا يعمل اللي فيه الخير.❤ انا فعلاً مليت Application علشان Training و خايفة أروح😅
ملخص الكلام - هو جشع الرأسمالية وظلم البزنس - إذا كان شخص جسمه رفيع هيتعب من كل الضغط ده - فما بالك إن انت جسمك مليان ف طبعا اتعذبتى واتقهرتى لمدة شهور وشهور - ثم دخلتى فى متلازمة الاحتراق النفسى - انت عشان بنت صبورة وطيبة ف صبرتى معاهم شوية - لكن طبعا اتعذبتى - بس المهم إنك أخدتى خبرة فى ( العمل تحت ضغط ) - واتعلمتى نقط مهمة - إن راحة الشخص أهم من الفلوس - الراحة النفسية أهم من المرتب - البعد عن الظلم والضغط الزائد نقطة مهمة - نقطة تغيير الشيفت دى ما بين ليل ونهار دى لوحدها مصيبة - أنا كرجل وقعت فيها زمان وبهدلت نفسى وصحتى وجالى اكتئاب بسبب السهر فى الشغل - لكن بعد مرور سنة فى الشغل المعفن ده أنا اتعلمت إن مافيش أى شغل يستاهل تدمير الصحة وتدمير النفسية حتى لو كان المرتب كبير
ماقصدش والله أضايقك - حقك عليا - بس أنا عارف الفارق بين الشخص النحيف والشخص الفات فى تحمل أعباء الشغل - رمضان كريم عليكم - كويس إنك حكيتيى للشباب حجم المعاناة الشديدة فى شغل خدمة العملاء والدعم الفنى - بيظلمو شباب كتير - شركة وى سرحت شباب كتير من خدمة العملاء عندهم لأن سمعة الشركة دى وحشة ف مافيش مبيعات - شركة وى مدمرة النت الأرضى فى مصر للأسف - رمضان كريم عليكم - و تقبلى اعتذارى @@WeilaNada
@@WeilaNada انا فعلا بدات اتعلم اسبانى لان مجال الهندسة ف مصر راحت عليه الهندسة حرفيا الصيت ولا الغنى ...معلش تعرفى الاسبانى ليه شغل ف مصر ولا لا ومرتباته عاملة ايه ؟
ادمج اللغة مع الهندسة، شوف دولة لو اتكلمت لغتها تشغلك مهندس او تاخد منحة للماستر ودا بردو هيفتحلك سكة شغل ان شاء الله الايطالي والألماني كويسين لمجال الهندسة وابدأ تابع جروبات المنح
سبحان الله لخصتي معاناتي انا ايضا كول سنتر ومش عارفة اخلص الشهر عشان استقيل 😂 وفضلت مأجلة القرار لحد ما تدمرت نفسيا وحاليا اخذت قراري وبحاول كل طاقتي انه اخلص الشهر حتى اخذ مستحقاتي من اوفر تايم و مبيعات للاشهر السابقة اتمنى تدعولي بالتوفيق عن جد شغلة صعبة كانت سنتين مليانة بكاء و تعب نفسي وضغط
@@sendrellastar4119 اسباب مثل اولا تعامل الناس كثير ناس تتجاوز وتستفز وتتافه وحتى المحترم ف مطلوب منك انه تضلي تطولي بالك معه وتقنعي فيه وتجاملي ف هالشي يمتص طاقتك النفسية بشكل كبير ثانيا لود المكالمات يدخلك بضغط عصبي وتعب من كثر الكلام ثالثا ضغط التاركتات الي لازم تحققيها واغلبها تكون تعتمد ع تقييم للزبون وكثير منهم يقيم اقل من استحقاقك ويظلمك رابعا الشفتات الي يوم تكون صبح يوم ليل يوم عصر مافي استقرار ونظام تمشين عليه يعني كل ما اضبط نومي يتخربط بسبب الشفتات والخ اسباب كثيرة بس ممكن تشتغلي فيها لمدة سنة مثلا انا استمريت تقريبا سنتين وصلت لمرحلة الانهيار لكن ممكن الواحد يشتغلها لفترة قصيرة ويستقيل قبل ما يستهلك نفسه
@@sendrellastar4119 انا رديت بس ماعرف ليش تعليقي مديظهر ف رح اكتبه مرة ثانية الاسباب كثيرة منها اولا انه الناس احيانا قليلة ذوق وتضغط وتستفز الموظف و تتعامل باسلوب مزعج وحتى احيانا تحرش والفاظ سيئة يستخدمون بعض المشتركين لازعاجنا ف هالشي كان يخليني عصبية و محبطة طول اليوم ويتعب نفسيتي وحتى المحترم ف يتطلب منك مجاملة و اخذ وعطى والموضوع يستهلك الطاقة ثانيا ضغط ولود مكالمات طول وقت الدوام ف نتعب من كثر الحكي وننهار بسبب الضغط انه من مكالمة لمكالمة منلحك نهدأ او ناخذ نفسنا ثالثا ضغط التاركتات الي اغلبها تكون مو بايدك بس مطلوبة منك
@@sendrellastar4119 رابعا واخيرا الشفتات الي تكون باوقات مختلف. مرة صبح مرة ليل مرة عصر ف هالشي يخربط نظام يومك لو مهما حاولتي تصلحي وميكون لك روتين ثابت وبنفس الوقت مرات يكون ايجابي هالشي انه لما يصير عندك شي الصبح تحاولي تبدلي الشفت لشفت مسائي وهيك في مرونة يعني يعتبر سلبي وايجابي وكمان كثرة التعامل مع المشتركين يقوي من ثقتك بنفسك بالتحاور مع الناس وهيك ف لو حابة اشتغلي فترة قصيرة ولما تتعبي اطلعي كتى ماتوصلي مرحلة الانهيار وتتأثر صحتك. النفسية والجسدية مجرد اكتبسي خبرة حتى تقدري تقدمي ع وظائف ثانية
مع احترامي ليكي ده شئ عادي حضرتك لو اشتغلتي اي مكان برضوة نفس الكلام سوا بشهادك أو من غيرها إذا كان تعب من الوقوف او جلوس .. معظم الشغل دلوقتي يبقي ع شفتات.
شغل من غير الشهادة ممكن اتفهم المجهود اه. لكن دارسي اللغات مش بيلجأولها عشان في الآخر يلاقوا التعب. فمع احترامي لرأي حضرتك دا كلام مش صحيح، أنا حاليا شغلانة فريلانسر وظروف الشغل أريح كتير وخبرتي بتزيد يوم بعد يوم ومتحكمة فحياتي بشكل كبير مقارنة بالأول. نصيحتي متفكرش تستسلم لابتزاز الشركات الكبيرة بمبرر ان كله كدا، عشان مش كله كدا.
@@WeilaNada انا اجنبية وعندي ماستر لغة عربية وبدور على شغل مفيش غير التدريس وصعب القى شغل مدرسة وحتى لو لقيت الراتب ضعيف مقارنة بالكول سنتر هل عندك اقتراحات او ازاي ابدأ او ادور شغلانة فريلانسر مع العلم اللغة الانجليزية عندي متوسطة بس مش ممتازة
@@WeilaNada كلامك مش صح خااالص . لسببين الاول إن شغل الفرى لنسر ده ماينفعش مع بيت مفتوح لان الدخل مش ثابت انتى دلوقتى علشان عايشه مع أهلك ف حاسه إن الموضوع عادى ثانياً مش كل الناس تقدر تشتغل فريلنسر بالعكس نسبه الناس اللى تقدر تشتغل فرى لنسر اقل من 1% من عدد الخريجين و أخيراً حضرتك فى كل كلامك انا درست 4 سنين انا انا انا فى ايه !! حضرتك احنا درسنا 5 سنين فى الجامعه و الدكتور درس 7 سنين و مش بيقول كده و داخله تقولى لى واحد مهندس رد عليكى ادرس انجليزى و سافر بره !!! ايه الكلام ده !!!
@@thetruth-sw8nh ألف به كلام أنا قولت فأول الفيديو إن اللي مضطر يشتغل الشغلانة دي ومش هيعرف يسبها ميكملش الفيديو، فاللي فاتح بيت وعايز يعيش ع الوظيفة مكنش يشوف الفيديو أصلا. كلامي مش عرضة للتقييم دا رأيي لو مش مقتنع بيه عادي محدش ضربك على ايدك تنفذه وميشغلنيش تشوفه صح ولا غلط. نقطة الفريلانس مش هضيع وقتي في إقناعك بيها لأن براحتك ولإني مش مهتمة. وآه أنا درست لغة ٤ سنين بتعمق عشان اشتغل بيها شغلانة أحلى من الكول سنتر ايه دخلك بقى مش فاهمة انت ولا اللي درس ١٠٠ سنة حتى؟! أنا مالي بأي حد أنا بتكلم عن نفسي هو مش سباق عبودية عشان نشوف مين درس أكتر وشغله أوحش!! لا المهندس يفضل فمصر يتمرمط بملاليم ميتعلمش لغة ويسافر عن طريقها بلد تحترمه فعلا انت معاك حق جدااا
@@thetruth-sw8nh والدكتور اللي درس ٧ سنين بيمشي فاجراءات الهجرة بعدها وبيتعلم لغة يسافر بيها، ومش كل البنات اللي عايشين مع أهلهم مبيصرفوش كتير، ففكك من ماية البطيخ اللي عايش فيها واعمل اللي انت مقتنع بيه من غير وجع دماغ عشان مش ناقصين تنظير كفاية القرف اللي عايشين فيه
المرتبات هناك كويسه...ممكن الواحد يشتغل سنتين تلاته يعمل فلوس كويسه وبعد كده يعمل مشروع خاص...مشكلتك انك بتصرفي كتير ...او معندكيش خطه للادخار ...كان لازم تحوشي لمشروعك الخاص وبعد كده تستقيلي... الترجمه مش دايمه
لنفترض جدلاً إني حوشت ١٠ الاف في الشهر × ٣ سنين، يعني ٣٦ ألف (مش هيتحوشوا بردو بس لنتخيل) .. ايه المشروع اللي يتفتح بالرقم دا وينجح في بلد اقتصادها متدهور؟ معنديش اعتراض ع الفكرة فعلاً بس هي مش منطقية خالص وعلى فكرة أنا بدأت أحوش فعلا ولولا اني بحفظ الفلوس في دهب كان زمانهم بقوا ولا شئ وبعد سنتين تحويش مش عارفة حتى اوصل لربع المبلغ اللي محتجاه عشان أسافر!
@@WeilaNada 10 آلاف في 3سنينب360 الف لو حطتيهم في دهب زي ما حضرتك بتقولي يبقي مش وحش والله...ده اضعف الإيمان ...لانه فعلا مفيش شغل بالمرتبات دي...انتي عايزه تطوري من نفسك ليه هتشتغلي ايه مدرسة مثلا... برضو هتفضلي طول اليوم بره ومعرضه يجيلك ضغط وسكر وإحباط والدروس شغلانه ممله برضوا ...معاكي ان الكول سنتر عذاب لكن مفيش غيره...اي شركه ايا كانت مبتديش اكتر من 8 آلاف.. الكول سنتر حاليا 20الف وطالع...
@cinemachild555 لا حاليا بعد الغلو المرتبات فاسكندرية اخرها ١٢ وبسبب ضغط الشغل محدش بيعرف يحوش أوي زي ما حضرتك متخيل أنا عن نفسي حاليا بشتغل في الترجمة والكورسات وملاحظة تطور كويس جدا والاتنين مع الوقت بيجيبوا دخل بالدولار واليورو، عكس الكول سنتر اللي بتفضل في مكانك وبتخسر فيه صحتك غير طبعا المرونة فشغل الكورسات والترجمة وانك مش مربوط بتارجت وضغط عصبي يومي حقيقي تجربة متمناش اكررها ابدا
@@cinemachild555 وتحويشة ال٣ سنين دي متجبش شقة صغيرة فمنطقة شعبية وكل م هتحوش أكتر الأسعار هتتضاعف، فيإما تشتغل شغل ارحم بنفس المرتب وكدا كدا مش هتحوش بس ع الأقل هتشتري صحتك، يإما تستثمر فنفسك لحد ما تعرف تسافر او تقبض بالدولار ودا مش هتلاقيله وقت لو شغال كول سنتر. أنا شوفت أكتر من نموذج لرجالة فاتحة بيوت استقالوا وبدأوا يدوا كورسات رغم ان كان منهم ماسكين مناصب .. فطالما كدا كدا هتتجه لمجال تاني الحق عمرك وابدأ بدري واعمل اسم بدري
طب من فضلك أنا متحمس جدا جدا لفكرة تدريس اللغة ايطالية في مراحل التعليم و مش عارف احاول ابدأ منين ولا منين و بجد خائف الحلم دا يضيع من ايدي ف نصيحة منك اقدر أعمل أي بالضبط علشان احقق الكلام دا علشان تعبت والله من كثر التفكير 😥😥
ليه يا عمر الموضوع أبسط من كدا متقلقش، قريب هعمل عنه فيديو تفصيلي إن شاء الله بس مؤقتا باختصار: ١- الجرماتيكا والنطق بتاعك لازم يكونوا ممتازين. ٢- جهز الماتريال اللي هتشتغل بيها. ٣- سوّق لنفسك صح. ٤- اشتغل في الأول بأسعار رمزية لحد ما تتعرف. وعادي هتغلط وهتتعلم من غلطاتك وهتطور نفسك والدنيا في اللذيذ يعني متقلقش.
