لازم تخلي خصوصية لحياتك دارك خط أحمر مدخلي حتا وحدة لدارك لا خدامة ولا فاميلية استري حياتك ودارك انا مثلا عايشة في الغربة 🇩🇪 معندي لا صحابات لا يديك لا يردك حياتي غير انا وراجلي ديما ما بعض
حدود الله كان يطبقه بعدما يرجعلك ذهبك وارضك ولا يكتبهملك ومايجمعكش معاها في دار وحدة الشيطان دخل وهي داته خسرتيه متخسريش دار اولادك ترجعيله وعيفيه خليهلها تاكله ولا يديها لدار باباه تخدم على امه ونتي اشري راسك ارجعي لدارك واشرطي عليه وحدك ارض بوك ومات بالقنطة على رزقه لي ضيعتيه شوفي كيفاش ترجعيه وخليه يتخذ معاها ربي يفرج عليك اختي الرجال والزمان لايتمان هذي الدنيا
او يكتب لها نصف البيت باسمها بما انو الارض نتاعها والبناء مشترك ويقسمها بحائط وكل واحد وبابو وبعد ذلك هي تقرر تستمر معاه اولا في كلتا الحالتين يكون الابناء قراب من باباهم طبعا بعد الاستخارة والاستشارة. وربي يقدرلك لفيه الخير.
انا بعد ماسمعت القصة قريب حكمتني سكتة قلبية انا رأيي ترجعي وتحاولي تشوفي طريقة ترجعي بيها دارك وخرجيه هو و ضرتك برا المهم ترجعي دارك و تريحي باباك في قبرو
قصة صعيبة بزاااااااااااف ربي يكون معاك أختي الغذر من القريب و زيد زوجك لوقفتي معاه و درتيه راجل أنا خدامة و عندي 4 أولاد و جامي نخمم نجيب امرأة تخدملي داري
انا قولك نصيحه روحي عند محامي وقوليله علي السكن نتاعك ربما تكون هبه وهبه تقدي تتراجعي عليها وتولي سكنتك وادا لا ولى راجلك وبنت عمتك ربي وكيلها ومدامها خنتك يجى نهار وتخونه ويعرفها على الحقيقه
قصة مكالمة بصح ننصحك ونقولك كوني فحله ورجعي لدارك القلب حرقيه وخمي باعقلك هذاك نعيك ورزقك ولي علجال ولادك وديري كراعك كرهيه حياته ندميه علا واش دار فيك وبنت عمتك ربي يعطيها ويخلص فيها وكي ترجعي خلعيه ولي بنت تاع 20 عام البسي مكيجي وتهلاي في روحك مشي تدخليها غير طياب وشغل تخلي في روحك وفي ولادك اما راجلك ماتنسيش ربي يحاسبك عليه ماتنسيش بعض الحقوق بصح ما تطلقيش روحك تعاملي بالحيلت كوني ذكية باباك تجوز عليه الرحمة قصتك كانت غيل سبب لموت باباك دعيله بالحمة والمغفرة انشاء الله ماواه الرحمة وكوني امرة ورجعي حقك ربي معاك
ديري لي تنجمي عليه باش تولي لدارك لبسي غاية ديري الريحة الغالية وشري ملابس نوم مثيرة وكرهيلها حياتها عفسي عل قلبك هدي الدنيا صعيبة والله القليل ما يعيش فيها ويلا ماعندكش باش تشري بارفان اوريجينال نرسل من فرنسا راني معاك بصح حنا نقعدو غير نسمحو في حقنا ديري بارفان اوريجينال وسقمي روحك ولبسي ملابس حريرية وشوفي يلا يولي يشوف في هديك الخاينة العشرة
ياحبيبتي ڨاع رانا فيها وعايشين القهر.انا عندي خمسة اطفال وبعد 17 سنة خداعني وبغا يخرجني مالدار وانا كنت بونيشة نخدم عند الناس ونعاونو ومنين رفد روحو بغا يهبلني ويرميني 😢
سلام حبيبتي صفية شوفي انا عندي قاعدة في حياتي زوجي حبيبي ونور عيني وعمود بيتي لكن كي توصل لزوج حوائج الاختبار يبدى من عندوا الا مرضت وهزني نهزو ولاكان بعتني عند امي نبعته عند امه ورزقوا لاكان قدر وتنازلي اعليه نتنازلوا عل اي حاجة عندي بلا مانندم الله غالب انا هكا ولي عندو رأى ثاني انا قانعة بقاعدتى عل بيها كل اختبار للزوج الخلاصة تاعها تعرفك واش راكي معيشة معاك يقولون الراجل والزمان مافيه امان الموس تحكميه من القبضة تاعو لاكان احكمتيه من لمضوا مين تحركيه يجرحك ربي يفرج همك اختي
لي ولد الأصل يبقا ولد الأصل مثلا انا عندي 18 سنة زواج عندي 5 اطفال 2 بنات و3 اولاد والاسفل و الحمد الله اصبحت بمرض الغدة الدرقية نتيجت الحقرة تاع لعزوج ربي وكيلها والاسفل طحت في طبيب بزناس كلالي دراهمي ولعب بيا وضرك عندي 12 عام وانا مريظة في حالة نتيجت خطء طبي وراجلي كل ما نجبدله سيرتو الزواج يزعف ومايخلينيش حتا نكمل الفكرة ويقولي من مرت الاولاد والاخير ونكمل معاك حتا ربي يدي امانته انا ولا انت صدقوني الحالة نتاعي غيل ربي لي عالم بيا وهكاك صابر معايا وحامد ربي علا فكرة كانت بيني وبينه علاقات حب قبل الزواج وماندمتش عليه ونعم الزوج بصح يغيضني بزاف عانا بزاف معايا دعولي بالشفاء
ضحكتيني خفتي يك ربي منتقم جبار وعندك الحق في النصيحة ترجع لزوجها ومادام راكي تخدمي لمي دراهمك وخليه هو يتحمل كل المسوءلية وربي يرحم الوالد متخليهش تتهنا في دارك بلخصوص منها بنت عمتك ليعميها
صديقة وفية 😂عن اي وفاء نتحدث في الوقت الحالي ياااو راه الكل يخون اذا اتيحت له الفرصة😉 والله غير النساء مرات يتهيبلو تاع الصح ومازالو يامنو بالوفاء تاع الصداقة الآن تغفلي على راجلك يطيرولك بيه😉وخاصة اذا دخل الشيطان ولعب لعبتو معاك غير بااااي نصيحة ختي ارجعي لدارك متيتميش وولادك غير راح تتفر فيك وولادك راح يضيعو والطلاق يأثر عليهم متضيعيهمش وهاذي القصة فعلا عبرة لكل وحدة مازالها تامن بالصداقة الوفية
سلام اختي صفية شكرااا ربي يحفظك ويسعدك ننصح كل اخت تتحمل مسؤوليتها وماتخلي حتى وحدة تدخل حياتك الرسول صلى الله عليه وسلم رفض الخادمة كي طلبتهابنتوا فاطمة الزهرة رضي الله عنهاقاللها عليكي بالدعاء لوكانت الخادمة مليحة كان الرسول صلى الله عليه وسلم دارها لبنتوا ليكان كان والولد الله يرحموا اجله جاء في ذيك اللحظة حاولي تنساي وارجعي زكارة في عمتك وبنتها لي دمرولك حياتك وحياة بناتك وممكن تطلق هي كي ترجعي ماتسمحيش في حقك وحق باباك واولادك وادعي وصلي بإذن الله يفرج عليك
سلام ختي حابة ننصح ملات القصة سمعي يا ملات القصة ديري كيد النساء ( رجعي لبيتك انت اولى بيه وجبيه بلحلاوة و طمعيه كعاد طماع حتى وين يثيق فيك ثقة عمياء ثم رجعي ملكية البيت لك ثم طلقيه وخرجيه هو و مرته الغداره.
أتفق معاك صعب إحساس الندم و طالما ترجعلو عمرها ما رح تعرف تتخطى و تكمل حياتها و بعد لي عاشاتو تستحق تكون سعيدة مشي ترجع ل مكان دمر فيه نفسيتها مكاش سبب يخليها تحزن نفسها
يعطيك الصحة اختي صفية على الحكاية بصح نصيحة لوجه الله قوليلها تولي لدارها متطلقش ربي يحفظك ولينا انا اختي متابعين الحكاية حنا من البليدة او تعجبينا بزاف ربي يحفظك او نتمناولك الخير او بالتوفيق ان شاء الله نطلب كل من شاف تعليقي يدعي بالرحمة ليما لعزيزة او اخي لعزيز ربي يرحمهم او يدعولنا بالصبر او احلا لايك اختي صفية ربي يحفظك ان شاء الله❤❤❤❤❤❤❤❤
نقول لمولات القصة حاولي ارجعي على جال ولادك وبلاك زواج راجلك من بنت عمتك مجرد نزوه فقط جزء كبير من المشكلة انتي لتسببتي فيها ربي يصلح حالك وحال جميع المسلمين
كانةوحدة كتبت تعليق قلت تناولت الفراولة مدة 15.يوم ورحت إلى الطبيب قالي المرارة سليمة ومنعت من العملية الجراحية كنت نكل فى الفراولة فقط لا غير نفطر بيها نتغدا بيها ونتعشا بيها 🍓🍓🍓
لصاحبة القصة يختي بلاك تخلي دارك ارجعي لدار ولادك وبوك و ماتعطيلو حتى فرصة لا هي لا هو بصح ارجعي بقوة 💪وارادة وخليه يندم غاضني بوك😔 الله يرحمو هو خسرتيه وتزيدي تخسري الدار لي خلالك ارجعي وشدي في خدمتك وعيشي حياتك نتي وولادك اما هو خليه يتحمل مسوؤلية ولادو ورظي بالك تعطيها فرصة تهدر معاك 😰
نصيحة للأخت ارجعي لدارك وربي وليداتك متخليهملهاش واش ذنبهم كاشما دير فيهم ضحي من أجل هادوك الملايكات هو طيشيه عليك عيشي من أجل وليداتك وتوجهي ربي وصلي وتحسبي على هاد الخداعة والله ماش المشكل عاود زواج المشكل والغيضة كيفاه المهم ضك فات كلش ومديريش فيها لمان عندك من سحور ديما سورة البقرة فدارك متاكلي من يدها والو متسامحيهاش دنيا وآخرة هيا كانت سبب فكلش حسبنا الله ونعم الوكيل فيها ماش هادي طريقة تخربلك دارك وروحي مكرة فيها وفي امها ومتمرضيش روحك خي تروحي لدارك متعيشيهاش ومتشوفيهاش لدارت لاواش عاشت مع راجلك هيا باينة راح تخرجلك قلبك باه يخوالها الجو وتمنكر فوليداتك عيشي وكوني مليحة على جالتهم ربي يعينك ويوفقك ويقويك اختي ويسعدك وتقربي لله هو الوحيد ليراح يخفف عليك ويخرجك من هاد الغبينة بإذن الله
سلام اخت صفية انا ننصح الاخت انها ترجع لدارها بشرط تتطلب من راجلها ارجعلها حقها اللي هو الارض اللي تبنات عليها الدار راهي ملكها باباها خلاهالها ونص الدار بحكم انها كانت تشاركو في مصروف البنيان هكذا اكون العدل وتحس بأنها سيدة في دارها اما بنت عمتها تعتبرها والو لانو انا متأكدة انها مجرد نزوة وهي الصح بالإضافة الى انك توعديه بلي راح تحبسي الخدمة من جالو عندك دار ذرك ماكيش محتاجة كما بكري وهذا الشرط الاخير انت حرة فيه وان كان انا نشوفو ضروري باش تروحلو النزوة تاعو واحاوز بنت عمتك يوما ما من تلقاء نفسو في الاخير نأكدلك باش ترجعي اشرطي عليه على الاقل ارجعلك ارض باباك اللي كانت السبب في المرض تاعو ربي ارحموا . المسكين غاظني كان اظن انو دارلك الصح اعطالك الارض باش يتهنى من جهتك ويلقاك مديتيها بكل سهولة شوكيتيه مسكين كي شافك كفاه ماعرفتيش تحافظي على شيَّك. ربي يهدي راجلك واحس بالذنب تاع موت بابا ويقبل ارجعلك حقك. حقك ماتخليهش مالك ومال اولادك و مستحيل تقبلي اجي يوم واولاد راجلك اشاركو اولادك فيه.
هذا كان عند بباه يمشي فيه بالكف وحاقرينوا وعندك دار لقرووون حرشي عليه خوتك يعطوه طريحة ويشكوا بيه وقولهم كتبتهالوا تحت التهديد... ع كل حال مكاش لمان فالرجال كما يقولوا مكاش لخذات بوها ولا خوها.. كحل الراس أكويه لا داويه😢😢😢
سقسي محامي و حكيلو واش صرالك و انتي متسمحيش في تعبك على جال خامجة انتي حنيتي فيها رجعي و هجريها من دارك و شوفي طريقة كيفاش تبصميه على تنازل تاع السكنة و طلقيه
لوكان انا من صاحبة القصة نخرب في دار عمتي حتى نفرقهم قاع ونطلقلها بناتها والله ما نخليك حقي وحق بابا يروح والله نخرب في ديار بنات عمتي حتى نفرقهم علا رجالهم خليلو ولادو وبدليه ب راجل الله الله
اخواتي في الله انصحوني فأنا معنديش حد غيركم فلا تبخلن علي. انا امرأة متزوجة من 20 سنة اكتشفت خيانة زوجي لي في الفايسبوك وكلامه معا عاهرات من كل أنحاء العام وليست هذه المرة الأولى بصح المرات السابقة اعترف وطلب السماح وانا سامحة وماقلت لحتا اءحد من الأولاد. ولكن هذه المرة غير ابن هو إلى فاقلوا وانصدم كثيرا في والده وابنى هاذي العام عندوا بكالوريا انا منهارة وعندما واجهت زوجي أنكر تماما الأمر ثم وضع كل الأسباب علي قالي انتي الي فتشتيلي في الهاتف انتاعي وقلت لبنك راكي تحرشي في اولادي عليا معا العلم ليس لدينا غير سند في الدنيا غير الله ونزع الانترنت من المنزل وكي قتلوا ابنك باهي يدرس قالي الله لا قرأ انا تاءهة ارجوكم انصحوني كيف اتصرف حكايتي طويلة لا تنتهي .......
وليدك ديريلو ابونمو .باه يقرا و فهميه يتبع مصلحتو راعي في قرايتو و انتي اصبري و خلي راجلك مع ضميره و ربي وكيلو ....حاولي اهتمي بوليدك.حسسيه بأنك قوية .
ختي عمتك حاباتك تطلقي ما تبرديلهاش قلبها و تطلقي و لي لدارك وعيشي حياتك و تجاهليهم كلي ما كانش بنت عمتك هادي قليلة اصل ما تخليهاش تتهنى في دارك(يكون في علمك انت غلطت على خاطر جبتيها و قالك زوجك ما زيديش جيبيها حطيتي النار قدام البنزين ) و حاولي عالاقل تتفاهمي مع زوجك يكتبلك و لو نص الدار قوليلو انت راجل ولد اصل و فحل و ما تاكلش الحق انت بنيت و الارض تاع بابا اكتبلي نص الدار و هكا نكونو متسالكين لانه حقي و جيبيهاله بالسياسة و ان شاء الله يهديه ربي و يكتبلك النص معليش عالاقل ترجعي اعتبارك و هدا الشيء بلا ما تعلمي بنت غمتك غير بينك و بينه . ربي يسرلك
مولات القصة نقولها عمتك جاتك خاطر خايفتك تولي . شافته نادم عليك و بغاتك . تطلبي الطلاق ولي بسرعة لدارك وهكذا تردي حق باك الله يرحمه ولي حبيبتي وكوني أكيدة بنت عمتك راح تطلق .كونيي مرة و ما تسمحيش في حق ولادك.
السلام عليكم اختي نصيحتي ليها الله يرحم باباك كان نعم الأب اما زوجك فكيد النساء هو لي دفعه لهذا ولقى الثغرة لذلك وراه دار معاها الحلال ولكن راه باغيك ترجعي لانك ما زلتي في قلبه وحبه الأول لهذا السبب وتاني من أجل اولادك ارجعي له لكن ارجعي بقوة ومرفوعة الرأس وانتي المعلمة وغيري المعاملة مع زوجك ولي ما كنتيش ديريهله ديريه وراكي مرا وتعرفي المهم بلعي النقاءص لي كانو بكري وربي اولادك وعيشي حياتك وواقعك ورايحا تشوفي الايام كي تتبدل وزوجك راح يندم على شيء لي داره المهم ما تخليلهاش الدار تسرح وتمرح فيها ما تنسايش بوك لي اعطاها ليك العبرة كاين قانون الهي كاين اخطاء نرتاكبوها وربي يعاقبنا بالمثل انتي غلطتي وكتب الدار باسمه وهو جابلك ضرة فيها تشاركك لازم تكوني قد الامتحان وتخرجي منه منتصرة اتمنى تكوني فهمتي قصدي
لي يدو ف ماء مشي كيما لي يدو ف النار لما ينجرح قلبك من إنسان يكون صعب تعطي يمكن تمثلي لكن ما الهدف أنك تمثلي السعادة ل إنسان ..و إلى متى تقدري تمثلي عندك الحق مي أنا نحس طالما تخدم و عندها مصدر مدخول تطلق لأنو ب رجوعها تدمر نفسها نفسيا دائما رح تلومو على موت أبوها و تلوم نفسها على زواجو رح تعيش أيام صعبة تدمر نفسيتها و ربما متقدرش تستحمل و و علاجال واش هي تستحق بعد لي عاشاتو تحصل على قدر من راحة باش تتخطى و تبدى حياتها و ضربة لي متكسركش تقويك هي أم تحتاج ل نفسية سليمة باش تقدر تربي ولادها ولا إذا رجعت يقسم الدار ب حيط بيناتهم وكل وحدا و بابها يولو زوج ديار بنهاية لازم نحافظ على نفسيتها لأنو أطفالها ب حاجتها و هي بحاجة نفسها
@@sarasoti3215 اكيد لي يدو في الماء مشي كما النار هي الان في حالة نفسية سيءة ما تقدرش تفكر وانا اعطيتها الحل للمدى البعيد هي صعبة العيشة بعد ما صرا لي صرا لكن هل راكي ضامنة أنها تكون في حالة جيدة في دارهم وعندها ثلاث اولاد حتى واحد ما يجزم لكن نحن ننصح بناء على تجارب الكثيرات من فاتت على هذه المحنة لا ننصح بالفراق ما دام الزوج ما عنفش المرأة وخرجهاش من بيتها ومشكلة زواجه ولا اريد لومها لها دخل هي فيها هي من ادخلتها بيتها وسهلت لها الأمور حتى اصبحت ضرتها تنازعها في زوجها احيانا لازم ندفع ثمن اخطاءنا ونعيش الواقع ولا نهرب منه ولكي تعتبر الكثير من الاخوات من هذه القصة نحن هنا لننصح ولا مفر من قول الحقيقة تبقى في النهاية خيارها هي ومسالة وقت لكي يندمل الجرح
@@aliaziza3073 جرحها عمرو ما راح يندمل إذا رجعت و عاشت معاهم خصوصا أنو هي تحس بلي هو سبب بعد للّٰه في موت أبوها وخدع و نوايا سيئة مش أقل من ضرب و أنا مش ظامنة أنها راح تعيش أحسن في دار بابها وأنا مشي ضد ترجعلو بصح رني نقلك ف واقع حنا نعيشو ف حياة مرة وحدة إذا كان عندها بصيص أمل أنو تقدر تعيش ب مفردها ف من أحسن تبعد على كل هذي مشاكل و تريح راسها و تبدا حياتها من جديد و أولادها يروحو يزورو أبوهم قلتي بلي لازم لازم الشخص يدفع ثمن غلطة تاعو و أنا معاك في هذا شي وأنا نشوفها دفعت ثمن و زيادة ف هذي دنيا مكاش. خسارة أكبر من خسارة الصحة و أحباء لازم تكون مرأة قوية و تكمل حياتها فهذي الحياة لازم الوحدة فينا تهتم ب نفسها لأنو هي بحاجة نفسها هذي المرة لازم تخمم ف مكان لي تعيش فيه مرتاحة وصدقني خسارة شخص أو حتى المال يهون أمام صحتي نفسية
حنا اعطيناها الحل ولها الاختيار وما تتسرعش إذا كانت عارفة زوجها ما يستغناش عليها تشرط عليه يكري لضرتها ولا يديها لدارهم عند والديه ياك مازال قشو وصوالحو عندهم وهي تبقى في بيتها وبهذا تكون المناصفة إن شاء الله تأخذ بالراي لي يريحها ونتمنى لها الشفاء من جروحها وبارك الله فيك
