_ فى البداية يفضل انك تتواصل مع التوكيل هاتفيا لحجز الصيانة ولمعرفة تكلفتها المبدأية . 2_ أقراء الملاحظات المكتوبة هنا ف أخر المنشور لانها مهمة جدا . صيانة ال 1000 كيلو 900ج لو هتستخدم زيت 10 الاف , لو زيت 5 الاف 425ج ل600ج صيانة 10 الاف كيلو 1050ج لو زيت 10 الاف , لو زيت 5 الاف 640ج صيانة ال20 الف كيلو 1860ج لو زيت 10 الاف , لو زيت 5 الالف 1280ج صيانة ال40 الف كيلو 5000ج لو زيت 10 الاف , لو زيت 5 الاف 4500ج فى حالة لو هتغير طقم السيور صيانة ال60 الف كيلو 1860ج لو زيت 10 الاف , لو زيت 5 الاف 1280ج صيانة ال80 الف كيلو 5000ج لو زيت 10 الف , لو زيت 5 الاف 4500ج فى حالة لو هتغير طقم السيور ، لو بتستخدم زيت 10 االاف برضة هتروح التوكيل كل 5 الاف كيلو تعمل صيانة على الكهربة وتربيط العفشة وتشيك على العربية كلها بدون تغير الزيت وتكلفتها 230ج ،، طبعا دى الصيانات الاساسية هنضيف عليها ان ممكن مع الفحص الشامل للسيارة يظهر حاجة تانية ف السيارة محتاجة انها تتغير فبالتالى التكلفة هتزيد فأعمل حسابك فى فلوس زيادة باستمرار وانت بتعمل الصيانات بالاضافة ان الاسعار المذكورة متغيرة نسبيا من وقت للتانى فلابد من وجود زيادة مادية معاك تحسبا لأى جديد ,,, بعض الملاحظات المهمة عن الصيانات :- يفضل ودة الافضل أنك تتواصل مع التوكيل لحجز الصيانة ولمعرفة التكلفة المبدأية للصيانة , الصيانات التى تم ذكرها هى دى الصيانات الاساسية ومع فحص السيارة بالكامل ف كل صيانة ممكن يظهر اى شيء اخر بيتم استبداله مثل تيل الفرامل او طرمبة المياة مثلا فهيتم اضافة تكلفتهم على التكلفة الاساسية . بالنسبة لمن يستخدم زيت 5000 , فصيانة ال5 الاف هتبقى زيت وفلتر وفحص بالكامل للسيارة , وبكدة التكلفة هتختلف لو استخدمت زيت 10 الاف , زيت ال 10الف أغلى ولكن هيتم تغيرة كل 10 الاف كيلومتر ودة هيوفر معاك . وبالنسبة لصيانة ال 80 الف قولنا انها مثل صيانة ال 20 الف ودة فى حالة لو غيرت طقم السيور على 60 الف فكدة هتحتاج تغير سيور تانى على 120 الف او 100 الف كيلو على الاقل ولكن لو غيرت السيور فى صيانة ال 40 الف فبالتالى هتغيرها تانى فى صيانة ال 80 الف فالتكلفة هتتحدد على امتى هتغير السيور ممكن تغيرة على ال40 او ال50 او ال60 الف كيلو مثلا فاهنا هتيتضاف سعر طقم السيور فى الوقت الل هتغير فية السيور ,, بالنسبة لتكلفة الصيانات بتبقى متغيرة نسبيا ودة امر طبيعى فلازم يكون تعمل حسابك فى زيادة مادية للفلوس علشان متغيرات الاسعار . اذا افتراضنا انك عايز تكمل صياناتك خارج التوكيل فعلى الاقل استفاد بضمان كهربة السيارة وضمان الكهربة لحد 20 الف كيلو ممكن بعد كدة تعمل صياناتك خارج التوكيل . ممكن فى اى وقت تتعامل مع التوكيل عادى بعد كدة مفيش مشاكل فى اى وقت بس هيكون فترة الضمان انتهت فهتعمل صياناتك عادى واى قطعة غيار بيتم استبدالها داخل التوكيل بيبقى معاك ضمان شهر او 1000 كيلو لو في حاجة ظهرت فى القطعة دة بترجع بيها للتوكيل .وبالتوفيق للجميع ..
حضرتك انسان محترم وشرحك مممتاز وبسيط والله بحثت على شرحك ده للموضوع ده بالذات لاصحاب قنوات عندهم الآف المشتركين ماوجدتش، السؤال بس لو سمحت لو افترضنا ان صاحب السياره متابع مع التوكيل حتى100000أو 150000ك هل بعد المده دى يتابع بردك مع توكيل ولا مركز صيانه عادى وبيبقى نفس الصيانه الدوريه كل 10 الف كيلو ولا لها حسابات تانيه
شكرا لزوقك 🙏 بص الصيانات الدورية بصفة عامة هى هى بنفس الوقت وبنفس الخامات سواء عملتها فى التوكيل او خارج التوكيل الفكرة من التعامل مع التوكيل بيبقى فى البداية كما موضح فى الفيديو ودة للحفاظ على الضمان لحين انتهاء الضمان ، بعد كدة عايز تكمل صياناتك مع التوكيل براحتك ، عايز تكمل صياناتك بنفس الطريقة برة التوكيل برضة براحتك ، وانا بنصح ديما ان اول ما فترة الضمان تنتهى وخصوصا ضمان الكهربة الل مدتة 20 الف كيلو بنصح تتعامل برة التوكيل وفية اكتر من مركز صيانة كويس ، وزى ماتفقنا الصيانات هى هى بنفس الوقت وبنفس قطع الغيار سواء مع التوكيل او برة التوكيل وربنا يوفقك وكل عام وانت بخير
أنا اشتريت جرانتا كسر زيرو 1500كيلو لكن للأسف ما اخدتش الضمان لأن صاحبها سافر للخارج فهل فيه حل للمشكلة دى مع التوكيل ألف شكر على زوقك ومعلومات الفيديو
انا تواصلت مع التوكيل حالا ، لو تم عمل صيانة ال 1000 كيلو يبقى برقم الشاسية بتاع العربية تتواصل مع التوكيل يفعلك الضمان ولو متعرفش اذا كان عمل صيانة ال 1000 كيلو ولا لاء توجة للتوكيل ان شاء الله يفعللك الضمان
@@MohamedSayed-tk5ws انا تواصلت مع توكيل اسكندرية بصفة شخصية ، دة الموقع الرسمى على الفيس للادا جرانتا هتلاقى علية مواقعهم وارقامهم 01200800005 دة رقامهم ودة صفحتهم الرسمية facebook.com/ladaegofficial/
لو الحرارة جاية من هوايات التكيف ومن عند الدوسات يبقى الغى سربنتينة السخن قول للفنى عايز الغى سربنتينة السخن ..ودى وحدة تسخين خلف الدواساات للتسخين ف الشتاء بتاخد من دورة الردياتير بتاع العربية علشان تدخلنا هوا سخن... بتخلي بتاع الردياتير أو بتاع تكييف يعمل طبة عليها ويركب الخرطوم الداخل ليها والخارج منها مع بعض .. بس كدة التكيف هيشتغل بارد بس
@@mohamed.mahmoud.m.z طيب لو غيرت مية التبريد لتركيز 50% هل تعتقد حضرتك ان ده يهدي من حرارة المتور شويه انا شاكر تعبك جدا جدا و اهتمامك و سرعه الرد من حضرتك
@@mohamedzayed457 لا طبعا ملهاش علاقة .. لكن سربنتينة السخن دى هى مصممة علشان لما اشغل التكيف سخن تدخلى هوا سخن فى الشتاء ودة مش عيب ف العربيات .. بس للاسف العزل ف جرانتا مش اعلى حاجة فعشان كدة بتحس بسخونية .. مع انى والله عربيتى مبحسش خالص بسخونية .. ممكن يكون علشان التقفيل عندى روسى فالعزل فيها افضل .. لو الحرارة عملالك ازعاج الغى السربنتينة بتاعة السخن وكدة كدة معظمنا مش بنحتاج هواء سخن ف الشتاء لان بيسبب نزلات برد لما بننزل من العربية .. ولو عايز تشغل السربنتينة تانى شغالها .. تواصل معايا عل الفيس ابعتلك صورة توضيحية بشكل السربنتينة وزاى هنلغيها 👇facebook.com/modern.modern.52
للاسف مفيش عندى فيديو لتركيب القربة مع انى غيرتها بنفسى قبل كدة بس مصورتش لانى مكنتش لسة عملت القناة ، لو هتغيرها بنفسك ، تغيرها سهل مش صعب بص عليها وهتفهم فكرة تركيبها ، لو مش هتعرف يبقى ركبها عند فنى وبص علية وهو بيركبها ، قربة اسكودا a4 بتركب عليها ،،
الحاجة الل بتتغير ف الصيانات بتبقى بناءا على الصيانات السابقة اية الل اتغير فيها واتغيرت امتى لو احنا ماشيين على الصيانات السابقة مظبوط يبقى الصيانات دى هتتعاد تانى بنفس ترتيب الوقت ... صيانة ال 100.000 هتبقى زى صيانة ال 20.000 هيتغير فيها زيت موتور والفلاتر كلها .. وبوجيهات .. وتيل الفرامل نشيك عليه .... صيانة ال 120.000 هتبقى زى صيانة ال 40 الف هيتغير فيها زيت موتور وزيت فتيس والفلاتر كلها ... طرمبة مية ... طقم سيور الكاتينة والدينمو ... بوجيهات ... ونشيك عل تيل الفرامل ...
هتلاقى هنا كل مايخص سائل التبريد الفرق بين الوانة المختلفة وكل نوع بيتغير امتى ومكوناتة 👇👇ru-vid.com/video/%D0%B2%D0%B8%D0%B4%D0%B5%D0%BE-lkE_KWTILgI.html
لا المياة مش هتتغير .. هتتزود بس لو محتاجة تتزود .. هتشترى من اى بنزينة جيركن مياة نفس لون الل موجود عندك ف العربية والصبح قبل متدور العربية زودها لحد المستوى المظبوط متقلش ولا تزيد ... ولو المياة ناقصة عن المطلوب متستناش لما تروح التوكيل علشان يزودوها . زودها انت عادى والفيديو دة هيعرفك المستوى المظبوط للمياة والزيوت 👇👇 yt6.pics.ee/3damld
من اى بنزية مياة موبيل تركيز 33٪ نفس لون الل عندك ... تزويد المياة لو ناقصة مش محتاجة توكيل والتوكيل ميعرضكش علية .. دا غير انهم هيعرفة منين انك زودت ولو انت قلتلهم مفيش اى مشكلة نهائيا .. نقص المياة خطر عل العربية .. وبصفة عامة فى حجات كتير التوكيل او الضمان ملهوش دعوة بيهم .. عل سبيل المثال زجاج العربية لو اتكسر لاى سبب.. مش ف الضمان وممكن تغيرة برة التوكيل عادى ...