راحت حياتي
لا ضاق صدري يارفيق الدرب من سود الليال
اللي على متني تحط ظروفها و حمولها
عرضني الضلع المشرف والمراقيب الطوال
لين المس مزون السحاب اللي تهل ثعولها
خل الهوى يطرق على صدر الشمالي من شمال
لين استلذ النسمه اللي ساريً مفعولهاا
راحت حياتي بين رد الناقه وحل العقال
والكيس كم هوبه و كيف الديره و محصولها
عامين ماطقطق سماها والمطر ماله مجال
ماغير قوع الرمث ثاويتن على سملولها
كن الجحاره في طرفها جرة ضلوف الغزال
والا عليها القوم مرخيتن كعوب خيولها
ياكلك وجهك من تضاريس الصحاري والرمال
اتقول تنخى الغيمه اللي ترتجي هملولها
الله يعين اهل الحلال اللي يديرون الحلال
ثلثين منهم فكوا البل مابقى الا فحولها
والله يجيب اللي يولع في مراويح الخيال
برقً مثل عاتق هنوفً نقضة مجدولها
دعوة دريكً مابقى له لا جواب ولا سوال
الله هو اللي عارفن دعواه قبل ايقًولها
سجيت واعرف الحياة الفانيه سجات بال
والا الرساله قبل هاذي واصلً مرسولها
ياحمود ياحيك وحي المعرفه و الاتصال
اللي يعرفني على ربعن نعرف فعولها
انته ولد عودن لا صب الكيف من صفر الدلال
عدو له الفنجال الاول يوم يدرج دولها
مناحي اللي كرمته تتعب كريمين السبال
مضايفه من كثرة الواطي تبيد زلولها
تمدح بني عمك زحول القوم وقروم العيال
الاد حاسن سادات سروج الرمك وزحولها
من روس قطمان المحازم يوم للخيل اجتوال
حمولتن تركي على نجد العذي حيمولها
والاد عاصم مركي عتابه زحازيح الرجال
في ساعتن منها هل الحكمه تخف عقولها
قبيلتن ماهيب حي الله قبيله وال وال
اتدق خشم اللي على الهيه تدق طبولها
ياراعي الوضحى الغزيز اللي تماوح بالسبال
نوطاً يادوب حوارها يلحق على دحلولها
لو هو على هرشً فديغة راس وعظامه جلال
لاحدن يلوم حوارها وامه هذا وش طولها
على نظرً قرمً عسى عينه مايلطمها الخلال
يطق صدر البل ويترك للرعاة سمولها
نوادر يتبع هواها ف الجنوب وف الشمال
يمكن منازلها قبل لا يكثرون نزولهاا
ماينزل الا ف الشعاف ولا يرب الا العبال
لا بان عذر اهل الزمول اللي تدس زمولها
ماهوب مثبورن يرد الناس ويرد الجمال
بوابته تلمع تحت شمس العصير قفولها
كلمات :
سلطان الحويقل
اداء :
جفران بن هضبان
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#راحت_حياتي
#الناقه
#جفران_بن_هضبان
22 сен 2024