اعلانات قاع مراهمش يطلعوا في فيديوهات تاوعك باش تربحي دراهم انا تفرجت على فيديوهاتك ذروك شابين ماشاءالله بصح مطلعلي ولا اعلان ان شاءالله يولو يطلعولك إعلانات باش تربحي لخطرش يوتيوب فيه تعب بزااااف في كلشي
اصبري اختي بالشوية تطلع قناتك ان شاء الله راكي تفاجي علينا نقارعو للفيديو نتاعك و اكثرنا غير كيما انت نلمو الدورو على الدورو و نحققو طموحاتنا الله يرزق الجميع و الحمد لله نلبسو و ناكلو قد امكانياتنا ما راناش سامحين في رواحنا ربي يوفقك و يوفق المومنين الجميع لما فيه الخير،🤲🏻♥️
الله يبارك عندك افكار واهداف رائعة فقط مجرد نصيحة يليق تكوني قيس قيس ظربي حساب تاني لبعيد راكي تقولي نلبس لبالي جامي تحرمي راسك راه كاين قش بون بري خاطر ولادك ولا راجلك راهم يشوفو والراحل ولا مفيهش الامان عيطا نسا حرمو روحهم م كولشي وعاشو بالاقتصاد تاليتها كي تطلع براجل يبدا يخمم ف زواج ينسا قاع تعب لمرا لي نحرمت م كولشي باش تطلعه فقط مجرد نصيحة وشكرا حبيبة
أكيد حبيبتي عندك الحق ولكن مفهمتيش قصدي انا قلت منكثرش حوايج بزاف ويقعدو فالخزانة نحكي على حوايج تاع برى بالنسبة لحوايج الدار الحمد لله صح منشريش بزاف مي منين ذاك نتفكر عمري الدنيا فانية لا إفراط ولا تفريط ماشي معناها ننسى روحي وفنفس الوقت نعرف وقتاش نشري ووقتاش لالا ربي يعطينا على حساب قلوبنا ان شاء الله
وعلاش يالحبيبة حبيتي تحبسي والله غير كي نشوف الفيديو تاعك تعطيني طاقة إيجابية ونحس روحي نعرفك ونحبك في الله ماتعمريش راسك كاين ناس يهدرو باش يهدرو غير ماتحبسيش وربي يرزقك واش راكي متمنية يارب ❤❤❤❤❤
يوووو متخلينيش انا لازم ديما نتفرجك والله العظيم رني في غمة مدمرة نفسيا بصح كي نتفرج فيديواتك يطلعلي المورال و نقول هيا كوراج كي ام طموحة حتا انا ان شاء الله نوصل و ندير كلش والله نشتيك من قلبي❤
ياعمري حبيبة قلبي حتى انا والله غير بالوجود تاعكم نزيد نتشجع كثر وكثر ان شاء الله ربي يفرحك ويعطيك ماتتمني ♥️ خلي عندك إرادة وان شاء الله تحققي كامل احلامك المهم إلى الأمام سر ههههه
حبيبتي ما يهمك والو من هدرتهم وعندك الحق انا حليت القناة عندها اكثر من عام والو ما فيش دراهم راهو صعيب اليوتوب والخلاص شبه مستحيل والله يعاونك ويزيدك من نعيمو❤❤
سنتعرف بيك نتي عقليات كيما اناحوايج تاع الدار نقصتهم وخدمة الناس نحياها من بالي والحفافة ما نروحلهاش حتي ولاو يقولو حابسة ماعندناش ذوق يصح أنا الصوالح لي كانوا في بالي دراهم بفضل الله
شوفي حبيبتي صح الوحدة تتهلى في روحها وفي ولادها واكيد كاين حاجات ممكنة وحاجات شبه مستحيلة انا باش نقلك راني نقتصد على جال حاجات كبيرة منكذبش عليك أبدا ولكن راني نقتصد على حاجات ممكنة وعلابالي بلي بشويا تخمام نقدر نحققها والحمد لله راني نحقق فيهم ربي مافيه غير الخير والاعمار بيد الله ربي يقدرنا ان شاء الله
@JgggBcgv والله ياختي غير المرى كي تكون فحلة تلقايها تلبس وتعيش وتخبي فنفس الوقت القضية قضية تنظيم افكار هذا مكان انا متقتلكش راكي غالطة الحياة مش مضمونة لازم نعرفو نستغلوها ربي يسهلنا ان شاء الله
ربي يعطيك قد نيتك ويحفظلك ولادتك وزوج تاعك متخميميش ان شاء الله ربي يفرج عليك من ابوابه الواسعة نحوس نسقسيك لكاميرة لتصوري بيها شحال شريتيها ليصورو بها الفيديو تاع اليوتيوب ويخدمو فنفس الوقت معرفتش كيفاه
ان شاء الله حبيبتي ربي يحفظك انا معنديش كاميرا نصور بالهاتف فقط مام السيبور تكسرلي راني نحطو غير فوق البراس تاع القهوة هههه هههه ربي يوفقك ويسهلك ان شاء الله
نتي بذات نحسك تفهميني ههههه انا منحبش نشري الحاجات التافهة لي تاكل دراهم في باطل انا نحب نشري الحاجات لي تفيدني في حياتي وتفرحني وتفرح ولادي اللبسة راه كل يوم الجديد ولي تعرف تشري والله غير بنص السومة تشري غير التوب ولكن مع الأسف كل واحد و تخمامو ربي يفرج على كل واحد من بابه الواسع
شوفي حبيبتي ماشي لازم ترجعيه هو نفسو ولكن حاولي ترجعي حاجات كيما هو ولا المهم ترجعي حاجات تاع ذهب تلقايهم فالشدة يالوكان تشري حاجات خفاف ودايمن زيدي عليهم حتى توصلي للثقال
السلام عليكم حبيبتي ربي يوفقك ويفتح لك ابواب الرزق حبيت نبهك الحاجه بالنسبه للحلف لا يجوز الحلف بغير الله قال الرسول صلى الله عليه وسلم من حلف بغير الله فقد كفر متحلفيش لاراس اولادك لا باي حاجه واحده اخرى تحبي تحلفي قولي والله او بالله اوت الله بالتوفيق حبيبتي ودمتي متالقه❤❤❤
@@omthamoha1406 انشاء الله ادعيلي رني حبة نسبغ ونصقم الدخلة ودروج اورجلي ماشي منوع ليسهل حتى تكره الحاجة يا ختي انصحني كيفاه ندير معاه جوبني راه عندي واحد المكتوب حبيت نقول عليه مي خفت صح هو عقل مربي خطيه مي حشت التويل 0 حتى خوتو اوخياتو رجعو يقول لوكان ماشي هي ميدير والو هو من النوع ليخمم على المصلحة العمومية
شوفي حبيبتي نتي ضركا تعرفي الزوج تاعك مليح مليح اذا كان يستاهل تعاونيه عاونيه وعينيك مغمضين وكي تخدمي دارك راهي زيادة فيك نتي حتى نتي ترتاحي وتنقصي عليك التخمام والدار ماشي بساهل تتخدم تم تم لازملك شويا صبر وكل مرة نقصي حاجة ربي يسهلك ان شاء الله وتديري كل شي
خلاص مالي هاذي مافيهاش تخمام ابداي تخدمي في دارك بشويا على خاطر نتي هي المستفيد الاول على العموم. وتاني باش تنحيها من راسك ومزال قدامك وقت زيدي خبي بشويا وديري حاجات وحدوخرى ان شاء الله
يا طموحتي وحنونتي اسمحيلي كنت غايبة وراني جيت شوفي حنونتي قوم كما هذا متبريلوش لانهم تمناو يكونو كما انت ومقدروش انت باينا الله يبارك قافزا والله غير عندك الحق كملي هكذا والله توصلي لطموحك وانت صغيرة وكي تكبري تكوني ريحتي من الضغوطات 😊 كاين لي يغلطو يعيشو في صغرهم وفي كبرهم وقت الامراض لتونسيو والسكر يلقاو رواحهم ماعندهم لا دار لا طونوببل لا تاويل 😮 وانت العكس نشاله بصبرك هذا ترتاحي في كبرك احبك حنونتي انت فخر لينا ومتحبييش ولفتك 😢 ام عبد الحق ❤
شكرا حبيبتي ربي يحفظك ويعطيك ماتتمني طمنيني عليك وعلى زوجك كيفاش راكم راكي دايمن في بالي ان شاء الله ربي يفرج عليكم عاجلا غير اجلا ان شاء الله شدة وتزول ولي خلق مايضيع
@@omthamoha1406 والله يا حنونتي رانا بخير 😌 والحمدوله يسقسي عليك الخير والربح اما بالنسبة لزوجي بحكم يعرف يسوق راهو عندو اسبوع ملي بدا يخدم مع واحد عندو طونوبيل نهار لي يكون خدام في البلدية يعطي لزوجي طونوبيل يفرودي بيها ويقسمو الدراهم يكثر خيرو حتي يصيب خدمة مناسبة وانا حاولت نخدم الحلويات ولا المعجنات وين نروح يقولولي عندنا لي تخدمنا المهم راني وصيت ونستني الرد وانا عندي حرفت البرودي بصح بحكم البلاصة اللي راني فيها ميعرفوش قيمتو خدمت مخايد وحبيت نبيعهم تخيلي قالولي عشرين الف تخلعت وخبيتهم لاني انا من المدية من المصلي وزوجي من البلديات المجاورة والحمد لله علي كل الاحوال والله ربي لن يخيبنا اسمحيلي علي الجرنان لي كتبتو ههههههههههه
حبيبتي نتي مزلتي صغيرة وراكي ثقيلة وهرمونات الحمل يأثرو على نفسية المرأة استغفري ووسعي خاطرك لازم تتعاملي مع اهل زوجك وكأنك راكي في داركم باش تقدري تخدمي ونتي مرتاحة وتاني باش متحسيش روحك تخدمي فوق القلب ودايمن داومي على الاستغفار واتعوذي من الشيطان باش ميوسوسلكش ان شاء الله ربي يطلعك على خير ماتدوم حتى حاجة كل شي يفوت والندامة متنفعش وسعي خاطرك قد ماتقدري والله غير لمصلحتك
انا ماشريتش هذاك الذهب الثقيل الله الله ههههه شريت على حساب دراهمي حاجات فالمعقول ولكن مع الوقت نزيد عليهم بشويا حتى نوصل وين راني حابة ربي يقدرني ويقدركم ان شاء الله
الله يباك فيك وفي زوجك انا زوجي خدام لباس عليه كان حواج من ذهبي والله مرجعتوا وخياتي رجالتهم زواو ل وامين من الصباح حنى للعشية زادو على ذهبهم انا مراني كريه سكنه مشاء الله لكن يدي مثقوبه تقولي رايك شين اخت واحدة سكنتها غير صغيرة اخرى ساكنة عند شيخها واخرى فوظوي انا ولادي يلبس مركة وانا مشاطة ومكياج على مكاش لماعن حتى مسبتش وين ندير بلاكار وخزانة في سكنة تحت وفوق حاجةاخرى عييت نتغير لكن للاسف انا وسطانية فيهم متزوجة قبلهم اناسبعة عشر سنة زواج وهما من بعد😊ستة سنين عاد تزوج واحة من بعد وحدة
