السلام عليكم مرحبا بكم فقناة يوميات أم طموحة أم لطفلين طاقة إيجابية روتينات وصفات تدابير افكار حكايات للعبرة افكار لتربية الأطفال كل ما يخصك سيدتي اتمنى تشجعوني وتدعموني وشكرا لكم مسبقا
هذا الدعاء مستجاب بعون الله فقط ادعو الله بقلب موقن بالاجابة.. إلهي كيف أدعوك وأنا أنا وكيف أقطع رجائي منك وأنت أنت إلهي إن لم أسألك فتعطني فمن ذا الذي أدعوه فيستجيب لي وإن لم أتضرع إليك فترحمني فمن ذا الذي أتضرع له فيرحمني إلهي وكما فلقت البحر لموسى ونجيته من الغرق نجني مما أنا فيه من كرب بفرج عاجلٍ منك غير آجل برحمتك يا أرحم الراحمين
صدقيني يا ختي عندي عامين ملي رحلت لداري وخدمتها قبل ما نرحل ولكن ما فرحتش بيها عايشا غير في القلق مع انو راجلي عاقل ويساسني ربي يحفظو كي نكون برا نقول كي ندخل لدار ندير ونعمل مي غير ندخل تحكمني القنطة ونروح ديراكت نرقد هملت داري والله ماعلابالي واش بيا ربي يجيب الخير نشا الله
ان شاء الله عتبة مربوحة اول حاجة حبيبتي الانسان مراهوش آلة خاصة المرأة تتعب تمل تكره على خاطر عندها بزاف ظغوطات ولكن كي تشوفي الحالة تطولت بزاف حاولي تتغلبي على الأفكار السلبية لي تقعد تدور في راسك وحاولي تتحداي نفسك ومتأجليش لانو التأجيل مايخليك تديري والو كل ماتنوضي صباح متقعديش في فراشك وتهزي تلفيون روحي صلي صلاتك وافتحي تواقي وديري سورة البقرة فالتلفاز ديري القهوة تاعك طيب وروحي هزي المصحف اقراي صفحة ولا زوج لي قدرتي عليها من بعد روحي اتهلاي في روحك امشطي شعرك ديري ريحة شابة ماكياج خفيف عالاقل غوجالاف البسي جبة شابة باش يطلعلك المورال من بعد جيبي ورقة وستيلو اكتبي فيها كامل واش راح تديري اليوم طبعا وخلي ساعة ولا زوج لنفسك باش تريحي ولا ترقدي ولا ديري رياضة ولا تتفرجي المهم لازم تمدي وقت لنفسك واهم حاجة اكتبي كامل الحاجات لي راهم يقلقوك ويزعفوك وحتى يبكوك واوعدي نفسك انك تتغلبي عليهم وتنحيهم من حياتكم وتتجاهليهم كامل واحرقي هاذيك الورقة وابداي بداية جديدة واهم شي دايمن قولي ربي راهو مخبيلي ماهو احسن
والله غير صح هدرتك انا كنت نضيف باليامات ومكانش لفطني قالي ديري سكنةمدام بنياتك صغار حتى رحلت من دار لدار وغهادي عام ملي فطنت بحالتي وغاضتني عمري خصنا نتبدلو ونبدلو عداتنا.
صح ياختي عين وحسد حق انا نعرف لكروشي نخيط حويجات خفاف نعرف للاكسسوارات طياب ولكن عندي سنوات كرهت كلش ومرضت ودريت رقيت ومزال مرتحتش ضاعت حياتي مفرحت بدار مفرحت بذرية مصقليت زواجي من ناس حسادين وكاين والله عظيم منعرفهم من بعيد ويعسو فينا حسبي الله ونعم الوكيل ولي تلقايه قريب ليك ويمشي تحت تحت ربي وكيلهم وربي يدوم عليك فرحة ونشاط تستاهلي وديما عسي روحك العين حق
راني نفس حالتك كنت نخدم وندير الحاجة لي نقدر عليها باش ندخل مصروفي عندي عام مامسيت والو ونعجز لا نخدم ربي يقدرنا ان شاء الله ويسهلنا ويبعد علينا الحساد
أنا الحمد لله زوجي ماشي بخيل مايعز عليا ولا على ولادو والو ربي يحفضو ويرزقو من حيت لا يحتسب خاطر راهو عندنا شوية دين كيما تعرفي جاتنا مع العملية تع بنتي درناها بدراهم وزدنا سلفنا على جال الدار أدعيلي حبيبتي نقدو الدين أنا وڨاع المومنين يارب ❤❤❤❤❤
ههههه هاذي هي الحاجة لي كل مرة نقول منغلطش ونديرها من بعد نلقا روحي صورت والإيموجي ماغطا والو ولكن منا وجاي حتى ورانا فصيف كل مانكون راح نصور نلبس حاجة مستورة وهذا وعد
سلام عليكم حبيبتي طموحة معاك صاحبة قنات ام عبدالله حاليا راني متوقفا علا تصوير 😢 مرضت بي السرطان دم ادعيلي اختي الكريمه انتي وكل البنات الي معاك ونسقسيك اذا انت من ولاية المدية 😊لأنها مدينة امي ربي يرحمها نتمنا اقراي تعليقي وربي يوفقك
وعليكم السلام حبيبتي ربي يشافيك ويعافيك عاجلا غير اجلا طهورا ان شاء الله لعلها آخر المصائب 🤲🤲نعم انا من مدينة المدية ربي يرحم الوالدة ويرزقها الفردوس الأعلى وربي يصبرك على فراقها ان شاء الله
ان شاء الله حبيبتي ربي يفرج عليك ويشافيك عاجلا غير اجلا ويرزقك بسكن خاص وتتهناي من كل المشاكل شدة وتزول بإذن الله هاذي هي سنة الحياة طيحة ونوضة ولي تجي من عند ربي سبحانو مرحبا بيها
مدام راكو تورو في حياتكم في مواقع انتضرو الحسد والعين وكل شييء استرو او يا ربي يحفض الواحد في دارو او ميمنعش. فما بالك انهار كامل اورو في غرفة النوم والصالون والكوزينة هاذي هي العين حقا حذاري حذاري زماننا زمن الفتن
ياحبيبتي حسد الناس لي تعرفنا راه كثر من حسد لي ميعرفوناش فالمواقع رانا نحكو غير رؤوس اقلام ولكن فالواقع يعرفو علينا كل كبيرة و صغيرة ربي يحمينا من كل سوء ان شاء وقل لن يصيبنا إلا ما كتب الله لنا
يعطيك الصحة والعافية ام طموحة بصح حابة ننصحك في سبيل الله ومتزعفيش مني لانو تباني انسانة طيبة وطايعة ربي علاه متنحيش هذا اليوتيوب ولا تخلي غير كتابة وصور لانو راح تتحاسبي على كل رجل ويد وضحك المرءة عورة الرجل لذالك مش اليوتيوب لرح يغنيك بلعكس ربي هو لرزق ممكن كون تخليه فسبيل ربي يغنيك عن اشياء لاتتوقعينها صدقني صح انا استفدت من نصايحك بصح منحبش تروحي لنار على جال ناس دنيا غرارة متغركش وكاين ياسر اشياء تقدري تعيشي بها مش اليوتيوب لتعيش الشخص ودراهمو اصلن انا منشفهمش دراهم المرءة المتخبية التي لايعرفها هيا التي يحبها الله انا نصحتك وكاين اكثر منك الله يهديهم دارو اليوتيوب مباشرة ونسو الله فانساهم اتمنى تفطني من الوهم ناس كاين لتدي نصحية وكاين لهدر على شرفك وكل واحد وش يقول انا والله معلابالي باناس انا نشوف ربي علا بيها ختي نحيه خير او خلي صور وكتابة فقط لانو صدقيني مكانش لينفعك وراح ترتاحي كتنحيه وان شاء الله ربي يعوضك سكن ويعوضك افضل من هذا الشيء والله رح ترتاحي كتنحيه وان شاء الله ربي يحفظك ويسعدك ويوفقك انا عارفة كاين اكثر منك مي الله يهديهم وان شاء الله ومرا اخرى انا ناصحة فقط متزعفيش مني انا صح نشوف ونسفاد بصح منحبش مرا تبين ولو ايدها ان ضد هذ الشيء ونتم احرار وصلي ركعتين وشوفي شحال ترتاحي كتنحيه ومتقوليش لبنات يحبوني وكذا والله مكانش لحبك قد الله وامك واهلك لازم تشوفي ربي وان شاء الله ربي يعوضك الف خير لانو مش ساهل عند ربي كلش نشوفوه سهل ونتي كما تحبي من ترك شيئا في سبيل الله عوضه الله الف خير منه
سلام حبيبتي والله كل كلمة راكي تقوليها عندك فيها الف حق وانا راه عندي شحال وانا نخمم فالموضوع والأيام القادمة ان شاء الله نحسم القرار إما نغير محتوى القناة أو نغلق القناة نهائيا لأنو انا صراحة مش مرتاحة فاليوتيوب