🔹 اخوان ارجو تفتهمون قصدي زين قبل ما تنزلون للتعليقات وتتهمون اتهامات خاطئة ما تمثلني 🔹 اني مدا اكول لا تتوكلون على ربكم بل على العكس الله سبحانه وتعالى هو خالقنا ولازم نحمده ونتوكل عليه في كل صغيرة وكبيرة 🔹 ونفسيا علاقتك بربك حتنطيك قوة وطمأنينة لان من اعرض عن ذكر الله فان له معيشةً ضنكا، بس بهذا المقطع اني لا تطرقت للناحية النفسية ولا تطرقت للاخرة اني داحجي عن النجاح الدنيوي المادي 🔹 دا اوضح انه نجاحنا بالدنيا وركزوا على كلمة بالدنيا مو شرط متعلق بعلاقتنه بربنه وانطيت الدليل الاف الناس الملحدين او مسلمين بس ميتوكلون على ربهم الي نجحوا بحياتهم ، اكيد مهم اننا نتوكل على ربنه حتى يوفقنه واني ذكرت بالمقطع انه الله سبحانه وتعالى ممكن يوفقك بس بنفس الوقت هذا مو معناه انك لازم تكضيهه دعاء وتترك العمل والاجتهاد والدراسة لان المعدل يريد منك دراسة قبل الدعاء والدليل الطلاب غير المؤمنين الي جابوا معدل، واسال الله العافية ، الانستا مالتي 👇🏼👇🏼👇🏼 @dent_zack
ترا ذول الملحدين الي حجيت عنهم مو معناته اذا دخلوا طب خلص دخلوا الجنة كلامك متناقض،يمكن الله يريد يمتعهم ويستدرجهم لزيادة الاثم+ ارادة الله فوق كل شيء اذا راد دخلوا واذا منع لو كتلوا نفسهم من القراية ميدخلون لذلك لاتنشر الافكار الشركية للمراهقين الله يهديك...
@@Quran_1357 اني ما جفصت بيهه اني ما جان عبالي اكو هواي عالم راح تفهمني غلط وتتهمني اتهامات باطلة ، جان عبالي متابعيني اغلبهم واعين وحيتفهمون قصدي بسرعة بدون ما اضيع وقت هواي بالتوضيح
@@Ayoo-gz3id ماكو داعي متسوة لأن كلشي مكتوب إلنا عند الله عز وجلّ ﴿ما أَصابَ مِن مُصيبَةٍ فِي الأَرضِ وَلا في أَنفُسِكُم إِلّا في كِتابٍ مِن قَبلِ أَن نَبرَأَها إِنَّ ذلِكَ عَلَى اللَّهِ يَسيرٌلِكَيلا تَأسَوا عَلى ما فاتَكُم وَلا تَفرَحوا بِما آتاكُم وَاللَّهُ لا يُحِبُّ كُلَّ مُختالٍ فَخورٍ﴾ [الحديد: ٢٢-٢٣] مجرد الواحد يتدبر هاي الآيتين وياخذهة قاعدة بحياتة يصير كلشي بحياتة سهل وتهون عليه كل الأمور، بس الواحد ياخذ بالأسباب ويسوي العليه حتى ضميرة يرتاح وبالنهاية الي يجي هو هذا المكتوب والحمدلله على كل حال، وبالتوفيق.
صحيح كلامك من ناحية انو الشي يعتمد ع جهد الانسان نفسه مو بس يدعي ويريد معدل بمعجزة ،بس كتجربة و الله الانسان من يتقرب من ربه وخاصة بالفترات الصعبة بالسادس حيحس براحة و يتوفق بدراسته و حتكون صلاته ودعائه هو الشي الوحيد الي يطلعه من السلبية و الضغط بهالفترة اضافه الى انو الصلوات الخمسة تنظم الوقت ، من جنت مبتعده عن ربي جنت انسانه مشتتة و يومي مخربط حياتي عبارة عن نوم و اشياء بلا فائدة تقريباً بس من التزمت بيها صرت انسانة ثانية و كُل شي تغير
ما الفت انتباه اغلب الجمهور رأي الأخ زكريا حول علاقة الانسان بربه ،هو موضوع يحتاج الى تعمق فقهي ، أود أن أبين دون إقحام وتكلّف أن نجاح الإنسان في الحياة الدنيا أو فشله هو أمر غير مرتبط بالشروط التعبدية إنما مسعى دنيوي ، لو سألت سؤالا يخص الدين الإسلامي لكافر ومسلم ، ربما يجيب الكافر لا المسلم وهذا برهان قاطع على أن الله لا يحابي الجهلاء، فالمسلم جاهل بناءً على ماتعلمه وليس على مكانته الانتمائية ، والكافر متعلّم بناءً على ما تعلمه وليس على مكانته الانتمائية ، وهذا لا يعني أن الله غير عادل أو منصف لقومه بل تعالى الله عن ذلك ، إنما ماتكسبه في الحياة من معرفة هو الذي يزيد مرموقيّة مكانتك الإجتماعية اما عملك تجاه ربك فهدفه واحد وهو ليس دنيوي إنما عمل مرتبط بالانتماءات الحتمية لمصير الإنسان ، بمعنى أنت من تختار مكانتك في الحياة الدنيا و الآخرة وشتان ما نفرق بينهما . وعند طرح التساؤلات الكثيرة منها ما مصير الذين تركوا أثرا تعاقب مع الأجيال للبشرية وغيّروا مسارها إيجابا ولم يعتنقوا الإسلام ، يتبين لنا أن الله قد أعطاهم حقّهم ولم يظلمهم وهو متمثل بالشهرة والعلم والمكانة والجاه والمال وغيرها الكثير ، لكن عند وصوله لمصيره الذي يرتبط بالشروط الانتمائية التي تتمثل بمصير الإنسان ، يجد نفسه جاهلا مجردا من كل علم .
التوكل هو أن تسعى وان تنتظر من الله التوفيق لكن مجرد انتظار التوفيق بدون السعي حيصير شي إسمه " تواكل" واذا احد مفهم زين يكدر يبحث باليوتيوب عن معنى هالشي🤍
الوحيد الي فعلا حجى الصح ، اني حاليا بفترة مراجعة وحرفيا اليوتيوب صار مليان هيج شغلات وشلون ادرس صح ولازم تنام اربع ساعات حتى تجيب معدل عالي ولازم ولازم غير المقارنات الي تصير مع العلم اني ادري انو من بداية السنة واني ملتزمة بكل دروسي مجرد مراجعة رح تفي بالغرض ، اشكرك زكريا مقطعك اجى بوقته فعلا كل شخص اله قصته وطريقته بهاي المرحلة مو لازم يكون تقليد كلامك هذا بحد ذاته يرجع ثقة الواحد بنفسه 🫶🏻
4:30 قصدك توكل على الله ولكن لاتتواكل عليه، التوكل هو الاعتماد على الله مع الاخذ بالاسباب وهو صفة محمودة اما التواكل هو الاعتماد على الله بدون الاخذ بالاسباب وهو صفة مذمومة بالدين لو قلتها بهاي الطريقة كان أفضل......❤ وفقك الله وغفر الله لك
@@user-1ell كملي قال بس اذا سختت راح يصير العكس ..يعني تخيلي تطلعين ساعة ٩ الصبح ترجعين ب1 لازم تتغدين وتروحين الخصوصي ب٢ ونص وترجعين بال٥ وتروحين ب٦ بس باليوتيوب تقدرين تقرين بكل هذا الوقت وتخلصين المواد حتى قبل الخصوصي
4:43 لا اخوي زكريا خطا الطلاب الملحدين الله ماراح ينزل مستواهم حسب قوله تعالى ( لا اكراه في الدين قد تبين الرشد من الغي) وماراح يدخل بيهم همه يعتمدون على انفسهم ولكن اي خطا بالامتحان حتى الهام مايجيهم وهمه يتحملون خطأهم بالكامل بس اذا وي الله انته تحس مرتاح واكو شي جاي يقودك للطريق الصحيح ❤
على شنو يقدمون شكوى عليه 😂ترى حچه حچاية الحق! و كلها جاي تكبر الموضوع و توتر الطلاب بحيث حتى لو هو ماشي صح و بكيفه او بدون جدول مثل ما گال دكتور زكريا راح يحس نفسه غلط و لازم يخرب الي مسوي💔
و بعد نقطة اتمنى الناس تفتهم انو السادس مرحلة حاله حال غيره و يوقفون هالتهويل اله هالشي هوه الي يخلي الطالب يخاف طول الوقت و يفكر زيادة حتى لو جان هو ممقصر ، السادس مجرد تقرا المواد تضبطها طبيعي وكل طالب حسب طريقته ممكن حتى اكو طالب مراجعة ميراجع بس يضبط المادة ويراجعه بليلة امتحان ويطلع معدل اكثر من الشخص الي مراجع مرتين واكثر ، هالشي مرات حتى يأثر عليه بس ارجع اذكر نفسي بحقيقة انو السادس مرحلة عادية و النجاح بالحياة مو مقتصر عليه و بس
@@dffft223 طبعاً لانُ عندة خبرة ودارس عن هذه المادة بشكل عميق وتفصيلي، هسه الاستاذ الواحد گام يدرس 5 مواد مو اختصاصة، والطلاب گامت تدرس رياضيات وانگلش واحياء وحتى عربي، صارت الشغلة بلا معنى راكضيين على التدرييس انوب!
كلامك منطقي جداً و صحيح وخاصتاً بنقطة انو طالب طب ينزل مقاطع عن السادس لان مو شرط اي طالب جايب معدل يعني هو سوة شي صحيح فاوكي لازم اروح اقلدة وسوي نفس السوا كل واحد عندة ظروفة وعندة قابلية فهمة بس مشكلة مجتمعنا حالياً ميتقبل بس كلمة طب فنصيحة انت اذا طالب سادس خلي اليوتيوب بس للدراسة ولتتقرب من ذولة الينشرون تحفيز وجدول شكاكي يضمنلك المعدل الذهبي وبل تليقرام اذا تستخدمة خلي بس للمتحانات ولتفوت القنوات ابن فلان وابن علان
شُكراً زكريا بسببك عرفت أستاذ حيدر عبد الأئمة ونقذتني بالرياضيات لأن چان الكُل ينصح بأستاذ حيدر وليد واني ابد ما افهم عليه وحسيت نفسي غبية ما دَ افهم 😅.
سلام عليكم بما انو انت طالب سادس أريد نصيحة هل السادس صعب لو سهل و دائما يكولولي ضبط اساسك بالمواد بس ما اعرف شنو الشغلات المهمة الي تفيدني بالسادس و تضبط اساسي ممكن اتكلي شنو هذا الشغلات ❤❤❤❤
معقولة كل عقلج يعني الي ما يدخل دورات ومعاهد ومدارس أهلية ميطلع معدل!!؟ هسه لو تشوفين أغلب طلاب ألي مطلعة معدل هي ألي دارسة عاليوتيوب، فلذالك لا تخافين أبد أبدي ادرسي عاليوتيوب وما شاء الله بي مدرسين أفصل حتى من الخصوصي وتكدرين على شرحهم تجيبين معدل آل 100 مو بس 98 وألله العظيم إذا درستي صح والتزمتي واهم شي توكلتي على رب العالمين قبل ما تبدين ،، كلشي تريدي تحصلي وخلي ثقتج بنفسج عالية كلش اطمئني ❤
انتي بس اوصلي لفترة المراجعة وشوفي اراء الطلاب الوياج الدخلو خصوصي اهليات شلون متندمين + ويايه كامو يكلولي نيالج انت يوتيوب مو خصوصي ضليت صافنه و مستغربة ++ السادس كله يعتمد عالطالب ابد ابدد مو على فلان مدرس ولا ذاك صرف هلكد حيطلع اكثر كله انتي واجتهادج شكد متعبين معدلج ان شاء الله اعلى جنتي يوتيوب او خصوصي وثقي رب العالمين ميضيع تعب احد
لا احلا شي زكريا يحجي على منصة ابواب واول ما فتحت الفديو طلعلي اعلان ابواب بهذي الحلقة😂😂😂 المهم باقي ٣٩ يوم للوزاري ٢٠٢٣/٥/١٣ راح اجل كيمياء وعربي وادرس للبقية امتحنهم دور اول وان شاء الله خير .
شفت كومه فيديوهات عن السادس اول مره اسمع احد يعجبني كلامه وحسيته طبيعي وما يوتر كلامه او يخوف وره كلامه حسيت بالهدوء وحسيت راحت كل مخاوفي شكرا جزيلا لك
انة دفعة 23 وان شاء الله اكمل نقوصاتي وابدي مراجعة هسة بنص الخامس ويا رب الحك وراح ااجل كيمياء وحتمال حتى عربي اذا ما لحكت وهذا شي مو بيدي بس الله موجود وياي جاي تعب بدراستي وهوة يشوفني وراح يوفقني ويسرلي دربي وان شاء الله احقق حلمي واجيب المعدل الي اريدة ❤ ذكروني حتى اكلكم❤ 2023/5/9 تعديل : خلصت سادس صارلي اشهر تقريبا والحمدلله نجحت معدلي 93.57 والحمدلله والشكر راضي بالي قاسمة الي ربي🤝 صح نظلمت بالتصحيح بس مو مشكلة هذا الي مكتوب ومقسوم الي من رب العالمين🤝 ولا اعتراض على حكم رب العالمين 🤝 هوة يعرف مصلحتي وين ومن رزقني هذا المعدل هوة يدري بية انة درست وتعبت واجتهدت بدراستي 🤝 ومستحيل يرزقني بمعدل ما بي خير الي ان شاء الله هذا المعدل يكون بي خير الي وبمصلحتي باذن الله 😇🌹 وطبعا حلمي طب اسنان بس ما كدرت اروح طب اسنان لان معدلي ما يساعد بسبب الظلم ولهذا اكول انه راضي بالي قاسمة الي رب العالمين والحمدلله والشكر 😇🍁
مو بس انت وحدك اني اجلت من ٤/٥ العربي والكيمياء وهسه اراجع على خمس مواد بس ❤ ونصيحه من اخوك اذا تاجل العربي اجله من هسه احسنلك حتى تكدر تسيطر ولوو باقي انكليزي بعدني ماكملته فه بديت مراجعه وانكليزي قسمته على عدد ايام المراجعه وخليله ايام بسيطه للمراجعه وبالتوفيق ❤🎉والنجاح والمعدل الي يرضيك
بداية السلام عليكم .. رح احچي تجربتي بناءاً على محتوى الڤيد الرائع الي طرحته دكتور ، اني حالياً اعتبر طالبه سادس وبعد ما خلصت الخامس بأعفاء ععام ، بمرحلة الرابع "چنت" بمدرسة متفوقات والمديرة چانت تضغط علينا حتى ندرس من الرابع للسادس ومو كلش اقتنعت بهل شي لكن حبيت ماده الانكليزي الي بالسادس وحبيت ادرس مصطلحاتها والقواعد الي ممكن تفيدني حتى بالخامس عموماً .. ،.بسبب هل شي اتجهت لهاي الڤيديوهات وچنت بدوامه حرفياً بدوامه من الافكار والتشتت مخليت يوتيوبر منهم ومخليت مقطع يعتب عليه ، شفت كل الاشخاص ، كل الافكار الي كالوها كل التجارب ، بعدها صرت بحاله شبه الانهيار كلمن يحچي انجازة ويعظم من الموضوع لدرجه چنت ايام وايام ابقى بس اتصفن وافكر ، اگول لا خلص حقرا المواد من هسه للسادس يلا الحك ، لا لا لازم اراجع 20 مرة حتى اضبط وما الى ذلك .. ، لكن من جبت كتاب الانكليزي وكمت اقرا بطريقتي الخاصه حتى بسببهم استعجلت وجبت ملازم قسماً بالله مقريت عليهم مرتين لو 3 وشمرتهم لليوم مشمورات ، وقريت الانكليزي بطريقتي كل المعاني اكتبهم بيدي القواعد بيدي الخ .. حسيت الماده فد بسيطه! بحيث من درست انكليزي الخامس حسيته ممل وحسيت انكليزي السادس اسهل منه ، واتذكر نزلت ڤيديو بذيچ الفترة كلت بي طلاب الرابع ماكو داعي يدرسون للسادس فقط يقوون اساسهم وفعلياً هيچ سويت الى جانب ماده الانكليزي فقط معاني وقواعد درستها ، وحالياً من بديت بمرحلة السادس فعلياً مخليت هيج اشياء تأثر علية ومشفت ولا مقطع ولا شي ولا اعترف بكلام احد لان كله تصفيط و fake ، وحتى اكو بيهم تحس انتحاس احد غيرهم ينجح ويكولون اشياء غلط عيني عينك واطلع واتونس وعادي تقرا شكم يوم ونام شكد متريد وهواي هواي ، فـ الحمدلله مابگلبي وبعقلي حالياً اي تشتت تجاه السادس لان بديت بداية صحيحه وكلت راح اسوي كلشي حسب الي يعجبني وحسب طريقتي الي متعوده عليها هي هاي تؤدي الى النجاح مو بأهم مرحله دراسيه اجي اغير كل الاشياء والطرق الي متعوده عليهم ، وامشي بكلام فلان وعلان ختاماً الڤديو مالتك جداً واقعي ويتحدث عن الظاهره المشينه الي صايرة كلها ترند وترويج لا اكثر ، كلش فخورة بهيج شخص وبيهج وعي وفعلاً حضرتك تستحق كلمه دكتور الي تنكالك ، الفديو هاذا يعتبر رسالة لهواي اشخاص هدفهم السعي وراء الشهره والمكاسب الماديه والشخصيه ووضحت فشلهم بحياتهم الواقعيه ، شكراً لجهودك واحس رح اخلي رابط المقطع مالتك بكل ڤيديو من هاي الاشكال حتى اكبر قدر من الطلاب تشوفه وتتوعى وتصحى ع نفسها . عاشت ايدك #دووكتوووور
لدفعة ٢٠٢٤ كل الكلاممم الي بالفيديو صح واغلب طلاب السادس الي اني وحدة منهم من وصلت الفترة المراجعة وبعد مشفت الفيديو اتاكدت انو مرت السنه الدراسية علية بهواي اخطاء بسبب هل اشاعات الي يطلعوهة ف طبقو كلام زكريا لان هو الصح وكل الكلام والتحفيزات جذب واغلب حجيهم وقصصهم متعبة لتوصل نفسك لهاي المرحلة الي تحصر روحك مثل ما هسة احنه دنسوي ونفسياتنه متدمرة دمااااااررررر وبما انو انتو بعدكم هستوكم دخلتو للسادس لتستهانون والله العظيم واني اباوع للفيديو اتذكرت شلون اول يوم بلشت سادس وشلون مر الوقت بسرعة مو طبيعة وجاي اتذكر اخطائي خطأ خطأ ومقهورة على نفسي والامتحانات مبقالهة شي ونصيحة اتمنننننننه اتطبقوووووهة فدوة بيكم ومبيكم ضغطو على نفسكم بالعطلة واقرو المواد وحاولي اتكملون كلش هواي منهة حته من تبدي المدرسة انتو مسيطرين واذا مكملين المادة بعد احسن تعتبر مراجعة وي المدرسة واذا مكملين جزء هواي حتخفف عليكم النقوصات الي تجي بفترة المراجعة الي احنه هسة مشكوكين شك بيهة ومجاي نسيطر عليهة ولتستهينون بامتحانات المدرسة مو لاهميتهة لا بس حته تجيبون درجات عالية واتضمنون دخولكم واتكعدون من وكت واتكدرون اتركون امتحانات الجزء الثاني (وهو هاذ الشي الوحيد الي مندمانه انو سويته) واسفة على الاطالة وكل التوفيق وادعولنه نطلع معدلات عالية امتحاناتنه قربت 😢
اتفق وياك بكلشي ما عدا نقطة وحدة هي *علاقتك بربك مالها دخل بمعدلك * لان انت بهذا الكلام جاي تبين او توصل رسالة الي هي * معدلي جبته بفضلي وليس بفضل الله * (حاشا لله) ما ادري اذا جان قصدك هيج لو لا بس 😬😬 الله سبحانه بس تتوكل عليه وتدعي بيأس ممكن تتغير حياتك كلها بسبب دعوة ف علاقتك بربك لازم تصير قوية بكل الاوقات مو بس سادس ومو بس علمود معدل
أي فعلا ممكن بسبب دعواك الله يغير كل المقادير علمودك يعني مثلا الأشياء الي أنت قريتها و ركزت بيها هي هي بالذات الله حيخليها برأس الي يسوون الاسئلة و الشغلات الي ملحكت عليها ممكن ماتجي أصلا فلازم تعلم ان كلشي كلشي بيد رب العالمين ان الله قد جعل لكل شيءٍ قدراً
شكرا عل فيديو + فد ملاحظة اتمنى توضح فد فكرة ... انو الواحد يسعى بس بنفس الوكت يتوكل عسى ولعل يخفف ثقل التخطيطات وانو حتى اذا ما صار الي يريده يكدر يتقبل..
افضل افضل واحد تكلم عن السادس زكريا جنت ميت من الخوف والله وبالي مشتت كل واحد يحجي شكل وماعرف منو الصح منو الغلط الف رحمة على امك وابوك زكريا لا تعوفنة ضل نزلنة على هيج شي وعلى تفكير الزائد رحمة الوالديك
أخوي زكريا وإعذرني إذا كان كلامي طويل قليلاً لكنه مهم. بالنسبة لموضوع التوكل على الله وعلاقتك بالله سبحانه وتعالى فالتوكل على الله معناه التفويض إليه والاعتماد عليه سبحانه فالانسان يخرج من بيته متوكلاً على الله، يصوم متوكلًا على الله، يصلي متوكلاً على الله، ويعتمد عليه في أداء هذه الأمور لا على نفسه، بل هو يصلي ويتوكل على الله أن الله يعينه على أدائها، ويصوم ويتوكل على الله أن الله يعينه على أداء الصيام، يخرج يبيع ويشتري يتوكل على الله أن الله ينفع بأسبابه، يستدين ويتوكل على الله أن الله يعينه على أداء الدين، يخرج إلى الحج وهو يتوكل على الله أن الله يعينه على أداء الحج، وهكذا يستعين الله في كل أموره ويتوكل عليه جل وعلا، مع فعل الأسباب مع تعاطي الأسباب التي شرعها الله وأمر بها يعني تعمل وأنت تعلم أن كل شيء بيده، وأنه مسبب الأسباب، ولكنك تأخذ بالأسباب الشرعية والمباحة معتمدًا على الله، راجيًا له أن يسددك، وأن ينفع بأسبابك والأخذ بالأسباب لا ينافي التوكل على الله، بل ذلك مما أمر الشرع به، مع الاعتقاد أنَّ الضر والنفع بيد الله سبحانه، وأنه هو الذي خلق الأسباب والمسببات. ومن هذا قوله تعالى: ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنفُسِهِمْ [الأنفال:53]. فالعبد عنده أسباب، عنده عمل، عنده إرادة، عنده مشيئة، ولكنه بذلك لا يخرج عن قدر الله، فالواجب عليه أن يستعمل ما استطاع من طاعة الله ورسوله، وأن يستقيم على ما أمره الله به، وأن يحذر ما نهى الله عنه، وأن يسأل ربه العون والتوفيق، والله هو المتفضل وهو الموفق وهو الهادي جل وعلا، وله الفضل وله النعمة وله الإحسان في يده توفيق العباد، وبيده هدايتهم، وبيده إضلالهم، يهدي من يشاء، ويضل من يشاء. وبالنسبة للذي يدعي الله ويريد أن ينجح من السادس بدون أن يسعى ويبذل جهد فأكيد هذا مخطئ ومقصر لا شك في ذلك، وكذلك بالنسبة لمسألة دعوة ٤٠ غريب مستجابة فهذا الكلام لم يثبت فهو غير صحيح وإنما الرسول ﷺ قال ما من مؤمن يدعو لأخيه بظهر الغيب إلا قال الملك الموكل: آمين ولك بمثله. بارك الله فيك واسأل الله يوفقك ويهديني وإيّاك للحق 🌷
توضيح مهم التوكل على الله شيء مهم لان الي يتوكل على الله راح يطمئن والاطمئنان شيء ضروري وكلش مهم حتى تكمل رحلتك بالسادس اما بخصوص الملحدين الي مايتوكلون ولايؤمنون باالله العلي العظيم هذولي رب العالمين يريد يمتعهم وهمه راح يزيدون بطغيانهم ومتأكدة حياتهم عبارة عن كركبة ومشاكل ونفسيات
نصيحة لطلاب 2024هذا اليوتيوبر صادق بكل كلمة كالها لان اكثر ما يضيع الطالب هو المقاطع التحفيزية وبعدين يكرة السادس لان يدمن ما يدرس اذا ما يشوف كذا مقطع تحفيزي الخطأ الاخر مو شرط تكتب كل حرف وكل كلمة حتى اتجيب معدل لان اني شخصيًا ما اكتب فقط الشي الي احتاجكة فعليا ولحضت طلاب معايا في الصف يكتب خطية كل حرف وتجي الامتحانات الشهرية واني اعلا منه بهواي رغم اني ما اكتب هواي مقارنة بيهم ❤تحياتي الى هذا اليوتيوبر حكى الكلام إلي بقلبي
الصراحة كلامك هو الاول ع اليوتيوب كل الي سمعته وكل نصيحه سويتها كلها متندم عليها لان ضيعت وقتي الصراحة الي يريد قصة نجاحه لازم يصنعها بيده يعيشها بظروفها ويعشيها باخطائها وكلشي وبالاخير راح تحصل الي تريده ماكو شخص يجيبلك المعدل الي تريده غير نفسك فلا تخلي احد يتحكم بحياتك
فعلاً ، الشخص لازم يعرف شلون يدرس ويعرف نقاط ضعفو وين ويطور منها ويستغلها لصالحو ويصنع منها قصة نجاح، ما يمشي على كلام الناس خصوصاً ألناجحين فيلتزم بكلشي يكولو وما يركز على نفسو ومقدرتو واستطاعتو بحيث يكع بالفخ بدون ميدري وما يعرف إلا بعد فوات الأوان، فلذالك لازم الانسان مايقلد كلشي يشوفة ويسمعة لأن مو كل الاشخاص نفس العقل والتفكير والمقدرة والالتزامات كل شخص يختلف عن الثاني وهذا هو الجوهر ألي رب العالمين ميزنا واحد عن الثاني ، حتى ما تصير حياة الاشخاص متشابهة، لازم كل واحد عنده قصة مختلفة سواء بالنجاح أو الفشل أو أي شي.
بس حبيبي الفيديو كلش حلو بس شغلة مال اتوكل على الله هي اهم شي واثبتلك هذا الشي اني طالب ثالث بنص السنة جان عدنه امتحان احياء 5فصول وماقريت بس4 فصول وماظبطتهن فرحت دعيت واتوكلت على ربي وامتحنت والحمدالله جبت 79❤
لا يهمك كثافة المنهج وضيق الوقت وضغوط الدراسة ، أنسيت أن الله خلق فيك الصبر والقوة والإرادة ، لاتضيع جهدك بالتحسّر على كل فرصة ضائعة إغرس أقدامك في أرض العلم ستكون يومًا في الريادة ماكنت هشة لكسر أمام كل ريح عابرة، مهما كانت صعوبة البداية ستنجح وتفخر بنفسك بالنهاية💪👍 كونوا_أقوياء👩🏻🎓✌️👨🎓 ربي_يوفقكم_ياأبطال 2023#
أهلا! أنا أفهم تمامًا مدى صعوبة إدارة الوقت عند الدراسة. هنا بعض النصائح للمساعدة في تنظيم وقتك: 1. قم بإنشاء جدول زمني: حدد أوقات محددة للدراسة والاستراحة والنوم. هذا سيساعدك في تحقيق التوازن بين الدراسة والاستراحة. 2. افصل بين الأولويات: حدد المهام الأكثر أهمية واعمل عليها أولاً. هذا سيساعدك في التركيز على المهام الأساسية. 3. كن منظمًا: استخدم جدولًا أو تطبيقًا لتنظيم مهامك وواجباتك الدراسية. هذا سيساعدك في متابعة ما تحتاج إلى القيام به. 4. استغل الأوقات الفارغة: قم بالدراسة أثناء الانتظار في الصف أو أثناء ركوب الحافلة. هذا سيساعدك في استغلال الأوقات القصيرة بشكل فعال. 5. اطلب المساعدة: إذا كانت هناك مواضيع صعبة، لا تتردد في طلب المساعدة من زملائك أو المعلمين. أتمنى أن تساعدك هذه النصائح في إدارة وقتك بشكل أف
الصراحة يا خوية انت اول واحد شفت قصته وي السادس واتأثرت بيك (شفتك بالشهر السادس العام) والله نفس الأسلوب مالتي لا تنساني بالدعاء اخوك حيدر طالب سادس تطبيقي
