بالنسبة لمولات القصة انا ننصحك تدي الصح من عند الرجال،ابعثي راجل من فميلتك ثقة يجيبلك صحه واخباره نتاع الصح من المقربين ليه،وباينة أمه تكذب واكديلي على كلمة ماتخبريهش.
نقول لصاحبة القصة اقبلي يماه تبان هي الي الفت القصة لوكان مهبول لوكان حسيتلو هادي مدة وانتي تعرفيه توكلي على ربي وزيدي صقصي عليه يماه باين عليها مراة مكيودة حاسبة وليدها ما زالو صغير
من الاخير يا صاحبة القصة أقبلي هذي يماه شافتها كبيرة الفتلها قصة استخيري ربي وتوكلي على ربي راهي كذاااااابة حسبي ربي عليها وروحي أقبلي وتزوجي بيه وهذا بعد الاستخارة وخبريه بكلش
يا صاحبة القصة اقبلي وبركي ماتتعڨني كان معاك اربعة سنين كنت قادرة تفيقي به قبل كل شيء صلي صلاة استخارة وربي يهدي عزوجتك وياخد فيها الحق عاجلا غير اجلا والله يسخراك في زواجك
اسمعي مليح أختي زوجي شرطي من عنابة نهار جات أمو تخطبني قالت لماما ولدي قبيج و قلوقي و يدي بنتك يشبعها مخبط و مهوش تع دار قالتلها انا من راي ما كان لاه الزواج هذا... بيناتنا ثلاث سنين فارق سن.....المهم أنا صممت و قبلت بيه و خبرتو وش قالت أمو ....حاليا راني في اربعة و عشرين سنة زواج و عندي معاه ست ولاد و بالعكس عمرو الا هز يدو عليا ....ردي بالك تأمنيها كيفاه سقسات على عمرك باه قاتلك مهبول ؟؟ و عجوزتي مزالها حية كل منشوفها نتفكر لكذبة تاعها . و متخبريهش دركا متعيطهاش اي فرصة تدير مشكلة و الا حبت تفهم قلها معليش ان شاء الله معايا يستعقل و ندي الأجر و الثواب😅
صاحبة القصة نقوللها كيفاش أنا عاونتو باش اديري العملية على عينيك وضك وليت كبيرة فالعمر حتى هو راه كبير،لازم تهدر معاه وتقوله الحقيقة واش قالت أمه عليه ، وإذا قالك اقبلي ونتزوجو أقبلي لأنك راح تسكني وحدك معاه.
ضيعتي 4 سنين من عمرك و وقفتي مع امه باش تحل عينيها و ترفضك ،،،،هادبك الجنة رها فيها ان شاء الله ,,,, ديري رايي و الله غ مضيعبهش ça va pas الرجال المخيرين راهم قلال الله يسخرلك❤❤❤❤
حبا جيبلو تع 16 لوكان بنتها في عمرها 40 معليش الله يهديكم خلو ولادكم يتزوج بالي يخترها انا نقولك اقبلي بيه هذ النوع تع لعجايز لوكان يحبها قورية حتى و في عمرها 50 تقولك مافيها والو المهم يتفهمو كي تعود بنت بلادو يخرجو فيها مئة علة اختي انشاء الله يكون من مكتوبك
شوفي يا بنتي باش تتاكدي ادا كان مجنون أم لا لازم تسقسو اقرب الناس ليهم عن سبب خروجو من العسكر ومن ثم قرري اذا تقبلي أم لا وخلي امو بعيدة عن الموضوع في حالة الموافقة .
