تنبية : ‼️⛔️نسخك للمحتوى او عادة رفعه يعرض قناتك للاغلاق .
إشترك وفعل التنبيهات في قناة المصمم الــــسـاطــي الرسمية للحصول على الجديد
طلب التصميم رابط الواتس مباشر 👇🏻
api.whatsapp.c...
تصميم
الساطي - القناة الرسميه
سنابي حياكم الله شرفوني
/ 9vnvuhou
#الساطي
#خالد_ال_بريك
النهار انكف والليل ايتغشاني ظلامه
واستهاض الهاجس الي لانطق ثمن مقاله
والله ان هُجوس شعري مثل همال الغمامه
تروي الضميان ولاّ تفرح اللي ضاق باله
اتركوني مستعد احط هامه فوق هامه
شاعر(ن) ترفع له البيضا ليا جا في مجاله
رغم صغر السن جيت الشعر وعطاني حزامه
لين صارت بيني وبينه علاقات وزماله
وسط راسي فيه حربً يشبه لحرب الرغامه
وسط صدري بحرً امواجه تلاطم فوق جاله
والشعر ماهوب لايق فالبخيل وفالهلامه
مايليق الا على الطيّب وكساب الجماله
ازبن اللي فعله تشوفه قبل تسمع كلامه
تصغر اكبار الامور وتارد الجمّه حباله
وترك بخيلً لسانه يشبه لساق النعامه
كل ماشاف الكريم اتقول ياخذ من حلاله
فيه حسد وفيه غيرة من يحط اللثامه
لعنبو جد البخيل اليا متى حافظ رياله
لو تصنع بالمراجل والله ان عرق الرخامه
يطرح عيال الرخوم الي على جرف وهياله
الشعر من غيبتي لجيت يذبحلي كرامه
اقلط بصدر المجالس وتقهوا من دلاله
ومدح الي صفهم مافيه ميله وإنقسامه
وعتذر واستاذن العرّاف وصحاب الجلاله
والله ان لاد المنيعي ذورة المجد وسنامه
فيهم حميا وفيهم فزعه وقاله وطاله
الصبي منهم لوّقْف ماتثنابه عضامه
والرجل من دون ربعه يفدي بحاله وماله
خصمهم فالحرب لايمكن يبشر بسلامه
كم عقيدن حاربوه ويتمو عقبه عياله
سعد عين اللي نصاهم يوم شاف الوقت ضامه
يمنونه لو جراله من زمانه ماجراله
وبن عاسف كل ماجيت امدحه يكبر مقامه
واتصاغر مدحتي وقول مافيها عداله
شيخ قومن يكسب الطالات وعروش الزعامه
ترجف البيدا تحْت ماطاه ماهزت عقاله
لو ابفخر في خوالي وامدح ليوم القيامه
والله ان مارد حتى من جمايلهم جماله
ولجل سادات التغالب والله ان اطش العمامه
لعنبو رجلّاً مايفخر ويتنومس في خواله
اكلب اهل الخيل واهل السيف حامين الجهامه
مجدهم في عصرنا الحاضر وفي عصر الجهاله
تنقله صحف الرواه ومصدره قصر اليمامه منبع التاريخ تغلب بالأدله والاصاله
والختام الله يجنبنا التشره والملامه
الجزاله والله ان مافيه اخير من الجزاله
13 окт 2024