انا حبيت بنت عمي من الطفوله وكبرنا سوا وكنا نحب بعض لدرجة محد يتخيلها عشنا وربي اجمل قصة حب واجمل ليالي افتكر مكالماتنا الي من الساعة 10 الين الفجر ايام كانت جميله وحب واحلام ورديه وربي حبيتها اكثر من نفسي لما تشتكي لي من شئ وتشهق تبكي واكون عاجز اساعدها اقوم ابكي معها كنت اخاف عليها من كلشئ لو جاها زكام بس مارتاح الين تتعالج افتكر ايام الثانوي لما يكون عندي اختبار كان ماتكلمني عشان اذاكر وتقولي دراستك اهم ولاحق عليه مارضى الا اكلمها تقولي خلاص روح ذاكر وانا بطل سهرانه الين تخلص وتكلمني وربي اروح اذاكر مذاكرة العجله عشان اجي احلف لها اني ذاكرت وتكلمني اجي اكلمها تسالني ذاكرت اقولها ايه كانت تنصحني اجتهد وانجح عشان نكون مستقبلنا وفعلا مشت الايام وجت ايام ولما خطبتها اهلها رفضوني عشاني فقير تخيلو عمي مايوافق عشان مايشوفني قد مقامه البنت استمرت معي جوال مدت سنه وكانت توعدني ماتتركني مالقيت وظيفه دورت ودورت ودورت ماحصلت البنت بعدت عني بدون اي سبب ولما سويت المستحيل عشان اكلمها اتفاجا الا وهي تقولي انساني ولي بينا انتها وقفلت بوجهي وكلها ايام الا واسمع انها انخطبت اليوم هي متزوجه وعايشه حياته وصار عندها طفل وانا لليوم هذا وربي عاجز انساها او احب غيرها كل لحظه وكل وقت في بالي كل يوم امر من عند عمي كله عشان افتكر الايام الي كنت اشوفها من عند الباب انصحكم لا تحبون ولا تتعلقون واجعلو قلوبكم في خزاين صدوركم الين تتزوجون
ولد الجنوب 07 اشغل نفسك و طور نفسك و ابعد عن كل شي يذكرك فيها ز احذفه مثل صور و ابعد عن الاماكن الي تذكرك فيها و ادع الله انها يبعد حبها عن قلبك الفجر و بعد صلاه العصر الى المغرب و بين الاقامه و الأذان و بالأيام المباركه مثل يوم الجمعه
مرت ثمان سنين حل ٍ وترحال مرت ثمان ٍ كلها مِدلهمّه سألت عنها سنين وشهور وليال ولا فيه فج ٍ غير وجهت يمه وبعد الثمان اللي تعبها شقي الحال جاب الزمان الكارثة والمطمه جاني ولدها يبتسم بين الأطفال ومن بسمته ذكرت أنا بسمة امه شفته وصاحت داخلي كل الآمال وصوت ٍ عجزت بكتم الأنفاس ألمه واستلهمت نفسي مقاديم الأهوال وتم الضياع ووكدت لي متمه ساعة حضنته والطفل في يدي مال وشميت ريحتها على أطراف كمه والحين بنت الناس في بيت رجال وحب ٍ على غير الشرف لي مذمه برجع غريب ٍ سكته بر ورمال يموت , يحيا , يندفن , مايهمه ..
الله ي حفضك شاعرنا المميـز احمد الرسلاني انا احد ابناء العراق الشقيق للمملكه العربية السعوديه شمريي الاصل افتخر بنشرك الحلو وذات قصص جميله ومؤثرهه والشـكر موصول لكك
ههههههه الله يحييكم اهلنة الي بالسعودية نفخر بيكم والله دولة محترمة واشرف من الشرف ( انا عراقي ) مراح افسر الكلمات خلي اخواني السعوديين يفسروهة طال عمركم احبكم في الله
الحياة لم ولا ولن تتوقف على فتاة ..... ياخي عيش حياتك اجمل الايام هي ايام العزوبية وستتذكر عندما تتزوج وتجيك هموم الدنيا على راسك من مصاريف وتربية ومشاكل أسرية الخ........ عيش حياتك وخل عنك ذي الخرابيط لين يجي لها دور
كلامك صحيح بلا اسم. ان كانك حبيت وربي ماكتب لك نصيب. عييش حياتك. والدنيا ما توقف على فتاة. وش بتستفيد من الحزن والهم وتذكر أشياء ذكرها فيه مضره لك. الزوجة تتعوض. تقدر تتزوج مره ومرتين وثلاث. فيه ناس بحياتك ما يتعوضون اب أو أم أو اخ أو أخت. ركز في حياتك واستمتع فيها. والله اغلب اللي تزوجو يقولون ليت نرجع عزاب أو ياليت تجلس عند اَهلها لو أسبوع ونبعد عن بعضنا ويمدي نشتاق لبعضنا ونرتاح بهدوء. والعزابيه يقولون لك يا حظ المتزوج استقرار وحب وشخص يشاركك ايامك وتفاصيلها. عييش حياتك ربي كتب لك نصيب أو لا مع من تحب أو غيرها. فأعرف ان هذا قضاء ربك وفيه خير انت ما تعلمه. وان كنت عزابي عيش حياتك واستغل وقتك في أشياء تسعدك. وخل اخر همك رضاء الناس وكلامهم و اول همك رضاء الله و والديك.
من الاسلوب واضح ان الحياه عندك لها اتجاه معين فقط ،،، كيف خرابيط ،، سبحان الله كيف ان البعض عايشين في قوقعه منعزله كلياً عن المشاعر .. يعني الانسان اذا حب الطرف الاخر حب طاهر شريف وصادق اصبح هالشيء خرابيط .. انا برآيي الخرابيط هي ان الانسان يركض ف الدنيا هذي ورى الامور الدنيويه بدون فعلا مايعيش بحب وسعاده وصدق ، المصاريف والتربيه والمشاكل انت تعيشها بحياتك يوميا بدون زواج .
والله ياعمي أنت اشرف من الشرف وعلى راسي أنت وأهل الكويت ألمانطيت بينه رغم حرب صدام عليكم بس انتم اخوتنه مهما يكون والله كلش احب أهل الكويت أني تحياتي اخوك من العراق بابل
النصيب يصيب و ان كل شي بهالدنيا خير مهما بعد المحبين مردة يجي اللقئ بكتبة الله القلب يذكر و ينسى و النصيب يخليه يقسئ لكن المحب و العاشق يقول يا خفوقي لك الله الحب بقلب الآدمي فطرة من بعد الاسلام لكن يا قلب مالك غير تسلم لأمر الله هذي هي حال الدنيا ماشية بالدهور و بطول الايام ان كان للعاشقين بالله إيمان بيجتمعون بإذن الله يا عاشق تراك ميت بعين نفسك و حي عند الناس لكن الحياة و الممات بيد الله هذا انا و هذا الدنيا و هذا انت و هذا اهي الايام لكم نصيب ببعض لكن كل اللي صار امتحان من الله
اللي يقولو مافي حب غلطانين او مجروحين من الحب او ماجربوه /الحب فطره اعرف واحد كان يحب وحده ماصار نصيب. تزوجت وهو تزوج ....بعد مرور ١٥ سنه تطلقت راح خطبها وتزوجها واحين ماشاءالله لهم ١٢ سنه متزوجين وفي واحد ثاني برضو كان يحب وماصار نصيب تزوج وتزوجت ....بعد ٢٢ سنه تطلقت راح خطبها وتزوجو ماشاءالله لهم سنتين متزوجين راح العمر وبقى الحب بالقلب والنصيب جمعهم اخيراً يسعدهم ربي ويجمع المحبين بحلاله 💙
يارب ياكريم ياذوا الجلال والإكرام يارب العالمين ان ترزقني في من احب بالحلال وجعلها من نصيبي يارب ياكريم الان لنا 10 سنوات مع بعض 😔💔ويرزق كل من يشوف تعليقي وقال امين
الم الحب كفارة لكم عن عذاب الاخره حرااااام تحب بنت قبل الزواج حرااااااااااام .ما يجوز تشوفها الا بالنظره الشرعيه وما يجوز تكلمها الا بوجود اهلها في حدود الضروره .. حرام تكلمها بالجوال من ورى اهلها لا سيما لو كان الكلام عاطفي والمكالمه طويله حراااااام قولوا عني متخلف متحجر الي تقولون لكن صدقوني هذا غلط غلط غلط وحراااام انا شاب عندي شهوه وابي اتزوج لكن حدود ربي فوق كل شي
لا يابوي الحب حلال بس لازم تتزوجها ربي عز وجل عارف ان المشاعر مو فل يد صح حرام تكلمها وكذا روح اكتب هل الحب حلال ويطلع لك الشيخ وسيم يوسف وحط عليه بس وشوف
