سلام حبيبتي مشكورة على نصائحك عندك الحق العمل عبادة أنا تاني ندير القاطو ونحطو فالحانوت اني أكثر من عام وأنا نخدم الحمد لله فرغت راسي من كل المشاكل لاهية مع اولادي وداري اختك ام الاء ❤️❤️
هداك كامل صحيحة تعيشي الأخت اهدرينا على سورة البقرة وشجعينا بأه نقروها والله كنت نقرأها كنت غاية منباعد حبستها ومنجمتش نعاود نولي راني نجاهد في نفسي وربي ان شاءالله ميخلينيش
الهدرا كامل لي قولتيها صحيحة مية بلمية والله نيشان اصعب شيء هوا الفراغ يجيب غي الاكتئاب ويزيد الامراض كل خطرة تخرج حاجة عكس المراءة لي تخدم ولا تعرف كيفاه تخطط وتعمر الوقت
ياأختي أنا نحب نخدم من داري بصح زوجي مايخلينيش نخرج مايخرجني هو وماخلانيش نحل فايسبوك ويخدم بعيد عليا ولله كرهت حياتي عايشا على وليداتي وبرك كي نقلق نبكي ومسلماامري ربي صبحانو ربي يوفقك حبيبتي ويعطيك على قد قلبك🌹🌹🌹
ربي يكون في عونك حبيبتي بصح كاين بزاف حاجات اشغلي فيهم نفسك في دارك اتعلمي ماليوتيوب كاش حاجة لنفسك ولا ديري دورات عن بعد المهم حاولي تخرجي مالظفط لي راكي فيه الوحدة صعيبة وتمرض وتقنط ربي يكون معاك ان شاء الله
وعليكم السلام حبيبتي والله مراني شافية واش من لامارك الكرطونة رماوها ولادي وبالنسبة للسعر انا ماشريتوش صاحب راجلي عطاهولو بصح يتباعو من 270الف وطلع وكاين بزاف انواع
راني درت تعليق للاخت لي فوقك وشرحتلها الطريقة واذا عندك رأس مال تقدري تديري إشهار مدفوع لكاش وكالة هي تشهر بالخدمة تاعك طبعا اذا كانت متقونة وبيانفيني المهم متفشليش وربي يسهلك ان شاء الله
يعطيك الصحة على النصائح في ميزان حسناتك صح عندك الحق شفتها في روحي راني محطمة ليل مانرقدوش وفنهار نولي مدبدبة عيت ربي يفرج وخلاص أسمحيلي والله نحسك كي ختي على بيها نحكيلك ونسنى فيديواتك بفارغ الصبر ❤❤❤❤
حبيبة قلبي حتى انا حاسبتكم كيما خياتي رانا نفضفضو لبعض عالاقل نفرغو قلوبنا مافيها والو ولكن حبيبتي حاولي تخرجي نفسك من هذا الضغط نوضي بكري صلي الفجر اقراي قرآن مع صباح هوي الحالة واشري مكملات غذائية و حاجات يساعدوك على النوم عالاقل تتنظم حياتك ربي يفرج عليك عاجلا غير اجلا
اول مرة نشوف يتيوبورز تشكر استاذة مش كيما قناة يوميات شاوية 2 ليفيديو وهي تسب في المعلمين وترخس فيهم وتهدر عليهم بطريقة غريبة وهي على نفسها متحبش واحد ينتقدها وتحبها على غيرها سبحان الله
ياحبيبتي قلك كاد المعلم ان يكون رسولا مكاش مهنة صعيبة كيما التعليم وراني نحكي عن تجربة انا كانت عندي تجربة في مدة صغيرة حبست في ظرف 15يوم ربي يكون معاهم ماشي ساهلة تتحملي مسؤولية30ولا 40طفل سيرتو اذا كانو فسيام ولا فليسي يقرو قريب 10اقسام مهنة صح صعيبة حنا راهم ولادنا ومرات منقدروش نحملوهم فمابالك هوما راهم يبذلو جهد كبير
قصدك كوموند ولا الله في سبيل الله اذا كانت كوموند بدراهم أكيد اخدميلها مي اذا كانت بليزير من عندك هنا نتي أدرى بظروفك اذا كانت السلعة من عندها ونتي عليك الخدمة وقادرة تخدمي علاش لالا نتي تعاونيها وربي يفتحلك باب من جهة اخرى ولكن اذا كان كل شي من عندك و الخدمة عليك صراحة بزاف عليك سيرتو اذا كانت كمية كبيرة واكثر من نوع واحد القرار الأول والاخير يرجع ليك نتي أدرى المهم النصيحة لي نقولهالك عمرك ماتديري حاجة رغما عنك مكاش حاجة بسيف ماكيش حابة عادي جدا قلها اسمحيلي منقدرش ظروفي متسمحليش كنتي قادرة اللهم بارك ربي يكون في عونك
@@omthamoha1406 انا ايضا مريضة عندي خمول الغدة الدرقية وكم قلتي فلفديو متخمام من الظروف تلم عليا كلش وجات فيا وفي صحتي بصح الحمد لله زكاة نفس ان شاء الله حبيت نسقسيك هل تاكلي كلش ولا لا انا مدايرة رجيم منحية سكر والحلويات الفرينة البيضاء هك قتلي طبيبة
@mouhamedmouhamed8903 ربي يشافيك ويعافيك عاجلا غير اجلا انا ناكل كل شي على خاطر عندي التهاب فقط بصح نمشي بالدوى طول حياتي والحمد لله على كل حال هكذا ولا كثر
سلام طموحة صح واش قلتي وكاين لي ينجح في مشروعو وكاين لي لالا مثلا انا خياطة الافرشة دروات ولي كوات وتروسو البيبي وخدمتي ماشاء الله بشهادة الزبونات واكن اي كومند قلال شوية ادعو لي ربي يرزقني ونخدم على روحي وعايلتي وربي يوفقني ويفتح عليا اللهم أمييييين ياارب والحمد لله على كل حال ❤
الله يبارك ماشاء الله هذا وقتهم اذا تقدري تخرجي روحي للمدرسة لي يقراو فيها بناتك واعرضي خدمتك على الأمهات ممكن تعجبهم ويديرولك طلبيات الحوانت ثاني كاين لي يخدمو هاذو الصوالح شوفي معاهم ربي يوفقك ان شاء الله
طموحه انا فتح صفحه بصح مكانش دعم حطه فيها غير حوايح قلال معنديش راس مال باش نخدم. ونحط فيها جديد راني حزينه مكانش طلبات على الخياطة ميعرفونيش ناس ساعه هذي غير جارتي تخيط عندي فرات
سلام حبيبتي روحي لسيبار خرجي إعلانات وحطيهم فالحومة لي تسكني فيها وادخلي للمجموعات تاع المنطقة تاعك كامل حطي منشورات وحطي فيها خدمتك ودايمن حطي ديستاتي فالفيسبوك لي عندها حاجة تتخيط مرحبا بيها وحطي خدمتك روحي لورشات الخياطة ممكن يحتاجو خياطة تخدم من دارها ولا تعاونهم روحي لمحلات بيع الالبسة نوع لي راكي تخيطي فيه وادي معاك حبات وشوفي الحوانت ممكن تتفاهمي معاهم وتعودي تخدمي بالكونتيتي المهم متقعديش غير تخممي لازم تتحركي باش تتحرك الخدمة تاعك وربي يوفقك ان شاء الله
يا اختي العزيزة طموحة انصحيني لي وجه الله في البلدية راح يمدو المنحة الماكثة في البيت حاجة قليلةما تلبلكش كل الطلبات الاولاد مع العلم عندي بنتي معوقة ذ هنيا تخلص مليون ومتين وراح يعيطولي نخدم ها ليمات منضفة في ثكنة عسكرية ونخلص زوج ملاين ونصف راني حايرة واش انخير مع العلم انا مطلقة و عندي ثلاث بنات وخفت على بنتي وحدها في الدار مع المعيشة اغلات بزاف راني في حيرة انصحيني راني من المتتبعات تاعك و ان شاء الله تربحبي المليون مشترك ❤❤❤
ربي يشافيلك بنتك ويعافيها عاجلا غير اجلا والله مشكلتك صعبة سيرتو كي قلتي طفلة معندكش لي يشدها معناها متقدريش تروحي تخدمي وتخليها انا في رأي العمل عند الدولة عالأقل مضمون وتخرجي بلاروترات تاعك بصح المنحة مش مضمونة قادرة في أي لحظة تتنحى ومبلغ رمزي اذا عندك وين تخلي بنتك زوج سوايع ولا ثلاثة الخدمة احسن مي اذا معندكش انسانة ثقة تشدهالك ماتريسكيش ببنتك المجتمع ميرحمش وقادر يستغلوها أبشع استغلال خممي مليح قبل ماتاخذي أي قرار وربي يسهلك ان شاء الله
ختي طموحة كما قتلك قسمت وراجلي لينقولو اشريهالي لازم يجيب لامو منعرف خوف منعرف واش برغم امو دارت فيا لباطل ياك علبالي مع العلم امو تهز زوج ملاين وبباه يهز مليون وهو كان يقول معنديش وسلفتلو على خويا عشر ملاين بأه يبني سكالي وكي قتلو قالي ندي رضاعة امي وباش متزعفش نجيبلها كما نجيب ليك ولي يجي يديرها يخاف من والديه وانا كنت نشفق عليه مي ضرك نولي نطلب حاجات انصحيني غاضتني عمري
ياحبيبتي في هذا الموضوع بذات مانقدر نقلك والو ماتقدريش تقولي لراجلك متصرفش على يماك حتى ويكون عندها مال قارون تعودي تباني نتي لي مش مليحة ولكن في نفس الوقت تتهلاي في روحك ومتبخليش نفسك كولي والبسي مليح وخليه يدبر راسو ماعندك ماتديريلو
هاذو راهم والدين ولازم يجيبهم ويطيعهم ويديرهم فوق راسو ويصرف عليهم ولوكان يكون مال الدنيا في يديهم جنتو راهي تحت رجليهم وجنتك راهي تحت رجليه لازم تعاونيه على برهم ولي دارتو فيك وكلي ربي وخلاص
@@saifisaifi1125 ختي تعيشي رأيي عليا راني كون نصيب مشفتهاش وهو جامي قتلو عليها غير كي تعاندني ملي كنت نتوحم تقول سحروني عليها كون نصيب قاع منشوفهاش قبيل راجلي قريب يضربني قالي ندي طفلة لجداها قتلو محال تروح بنتي عندها قتلو ربع شهر مهزتها مشافتها قالي لابغا تبقا ما ونديها تشوفها وقريب نضاربو
