سلام صفية اختي نقول لصاحبة القصة ما تروحيش هاذو ما يستاهلوش تقيميهم و الحمد لله كجاو المصلين و كلاو كلش بصحتهم و ربي يجعلها في ميزان حسناتك و يعطيه الصحة خالك
اختي عزي روحك عزك ربي ديري قيمة لنفسك تعلاي عليهم انت خير عليهم علاش قاعد طيحي من نفسك دري الخير في اللي يستاهل نقلك انا بنتي مرضت و طاحت في غيغيبوبة في السبيطار بسيف لا فطنت 3 ايام و11 نيوم وهي فالسبيطار و جاوش لفامي تاع خويا ربي يرحم و مجاوش كي بنت خويا دارت براسيون على النرارة عيطتلها غير فالتيليفون و ما حبيتش نروح كما هما بحبوش جيو انا ضرد وليت اللي يمشيلي نمشلو و اللي ما يمشيليش ما نسمعش بيه دزو معاهم
صحيح يا اختي أنا مين قافزة ومبلعة بابي ونخدم في بيتي وحمد لله خياطة وصانعة حلويات كي مولات القصة وخيري على الكل مين شريت بيت قاطعوني ماعليهش ولكن المشكلة والكارثة الي فاتت القصة الي سمعتوها داروني شغلهم الشاغل كل شهر يرشولي سحر جديد صحتي طيحوهالي اعييت نجري ونرقي وريح بعاودوهولي وصلت لدرجة الي رقاة ولاو يسألوعليا ولادي وزوجي الى راني مليحة وبعرضو على زوجي باه يرقو بيني يأيام على أيام ونايحبوش يخلصو يقولو لزوجي الله يكون في العون وهادو شواطين الانس راهم مسلطين عليكم أنا مليت الرقية كل مرة وهوما ماكرهوش السحر والمشعوذين مرة عمري في حياتي ماننساها دارولي في شموع عند بابي دبت كي شموع الي شعلوهم عند بابي مين لقيتهم قلتلهم غدا تحملني الاسعاف تصورو وصلت بيهم دارولي سحر أسود جمدولي الدم في العروق دخلت للغرفة الانعاش 3اشهر وأنا تحت الماكنات الداكاترة حارو قالو لزوجي هادي الدم جمدلها تموت ولكن ماماتشي وماعندهاش مرض يجمدهولها الطبيب قالي 25 سنة راني نخدم عمري ماأامنت بسحر ولكن فيك أمنت الاطباء ولاو يدخلو لي الرقات لغرفة الانعاش وولادي مشتين وأنا في دنيا أخرى وبنتي صغيرة عندها 3سنوات قالولي جاراتي تبات في ليل تبكي عليك جيبولي ماما وهوما يبكو في ديارهم حتى أزواجهم ويبكو معاهم كل ناس غضتها ولاية كاملة نهزت لهاد الحكاية الشيوخ في المساجد ولاو يوم الجمعة يدعولي الكل نهز وأحن قالولي خوتي رجال مانعرفوهمشي ونساء يسألوهم عليا وبعد 3 أشهر خرجت من غرفة الانعاش مشلولة الرجلين ومن بعد تعافيت شوية شوية الحمد لله راني مليحة ووقفت على رجلي ومن هاد الحادثة ماحبستشي الرقبة الاطباء يوصو برقية الاهل والاصدقاء ولاو الرقاة هوما الي يطلبو من زوجي باه يرقو الدار وكل يوم رش جديد أشكال وألوان وزوجي يجيب الراقي يقولو تجديد وهادو مايخافوش من الله مايمتوش باغي يعيشو الدهر حسبيا الله ونعمة الوكيل حكايتي كاش نهار نحكيها لصفية
اختي انا خبيرة دولية في الأعشاب والنباتات الطبية استشاري تغذية علاحية تخصص عقم تأخر الإنجاب لدى الزوجين وغضتني اتصلي بيا وراح ندويك وبربي ان شاء الله يكون ولدك بين ايديك
مش يكرهو البرانية هي أصلا ماعندهاش أم تتحڨر عن تجربة انا سلفتي عندها امها اخافو منها ومدايرينلها قيمة ونا لا رغم اني انا كنة اولى ولوقفت معاهم سنوات طويلة في فرح و القرح
هاذا حسد وغيرة مقدرتش يتحملو نجاحك خليهم لربي .هكذا صرالي تقريبا قصتي كيما قصتك كامل دارو عليا رغم اني مخليت حتى واحد بصح انا كطاحت بيا ملقيتش حتى واحد.شدة في ربي
ما تروحيش والمثل يقول اللي ما دار القلب يموت كالكلب..حاشاكم وهاذي فاميلة راجلك ماشي فاميلتك والله ما يحاسبكش عليهم واذا كانت هوايتك تديري الخير كاين بلايص الخير
والله عندك الحق ،جامي سمعت آية والا حديث يامر ببر وطاعة عائلة الزوج والله جهلنا بالدين داروه مصلحة وحرفو فيه راهي شايعة غير على الديانات الاخرى انها محرفة ونحن نلاحظ مجرمين يستظلون تحت الاسلام وقلة تفقه المسلمين وقلة العلم
والله خالك ربي يكثر من امثاله ونعم الخال والناس الاخرى ربي يهديها اما انت درتي الي عليك وهذا درس باه الدينار الي تجمعيهتزيديه على ولادك ودارك برك لا غير
انا نقول لصاحبة القصة الرسول صلى الله عليه وسلم يقول لا يأكل طعامك إلا تقي ونتي الحمد لله كلاو طعامك ناس مصلين ودعاولك دعوة خير اما فيما يخص الحنث في الحلف اذا حبيتي ترجعي ليها الاولى انك تطعمي 10 مساكين او كسوتهم اذا مالقيتيش باه تصومي 3 ايام وفي وقتنا صعيب باه تلقاي 10مساكين في ضربة اغلب الناس عادو موسوسين انا نقولك روحي مدي مقدار 180 او اكثر لكاش مطعم قوليلو يوكل بيها 10 عباد تكوني كفرتي الحنث تاعك والله اعلم
اصلا مهمش من الارحام نتاوعك اقطعي جدهم كامل والله ميستاهلو لا حولة ولا قوة الا بالله العلي العضيم حسبي الله ونعم الوكيل فيهم اصلا الارحام باباك او خاوتك او خوالك او عمومك متروحيش خلي عندك كرامة بالاك ربي يهديهم
اءا حبيتي تروحو و متقطعيش رحم لقالولك عليه نقلك روحي غير واقفة طلي و قلها الحمدلله على سلامتك و شدي طريق و متويديش تعطيهم فتاتة من رزقك و تعبك اذا مقدرتيش تروحي بدك فارغة ادي معاك عسرة باطات ياغورت ولا عشرة بيضات 😂😂😂 و متزيديش تخدنيهم يخدمو بعضهم كما يحبو بعضهم خبي صواردك لبناتك و دللي ولادك و صايي
وقت هذا اختي ناس موالاتش تحب الخير انا العام هذا ثالث مرة ندخل المستشفي لكن ولا واحد عيطلي ولا سقسى حتي في تلفون وقال علي فعيلها وخلي وخلي حسبي الله ونعم الوكيل
ربي يهدي ما خلق و الله فكرتني مين كانو اولادي يربحو و من الاواىل ما كانوش يباركولي الغيرة تهدر يوقف معايا الله سبحانو و الحمد لله انا درتهم في لتوش ان شاء الله تشوف وليداتها في أعلى المراتب هايل و يكون عبرة نو
نفس الموقف انت كنت فرحانه وانا بنتي كانت في السبيطار بين الحياة والموت لكن الله جابلي حقي أضعاف مضاعفه نصيحتي روحي طلي عليها غادي ربي يعوضك ويزيدك من نعيمه انما الاعمال بنيات ولكل مرء مانوى
ما تروحيش رخيتيلهم لحبل بزاف باش تكسبيهم بصح هاذو مالناس لي ما يقنعوش لازم تتخذي موقف و تشنفي و تقطعيهم هكا يعرفو واش دارو و اذا ما انضعروش خليهم يعياو و يعرفو قيمتك ما طيحيش بروحك باش تكسبيهم هاذي حاجة قراف انا انضريت في بلاصتك عايلتك ذوكا هوما راجلك و وليداتك و خوالك و بس
ياختي الفاضلة الف مبروك على بنتك كي دات الباك وانا مفهمتش لاه تكسري في راسك ليمجاش انتي مرة اخري كي يعرضوك ماتروحيش روديهالهم هدي هيا الوقت ليرانا فيه لجاك روحيلو وليمجاكش كيفكيف.متعمريش راسك افرحي ببنتك.انتي وباباها واخواتها.انتم المهمين. ربي افرحگ نشاله ديما مبكرا في العديد.😂😂😂😂😂😂❤️❤️❤️❤️👍👍👍👍👑👑👑👑🎁🎁🎁🎁
السلام عليكم ورحمة الله وبركاته يا أختي بغيت نوضحلك حاجة هي ماشي ملزومة بيهم ماشي رحمها ماشي اختها وماشي امها بصح راجلها وولادها رحمهم😢وفي بعض الأحيان البعد الأحسن وهاذ المرأة ذلوها بزاف بخيرها وخميرها ودارها روحها ودلقلهم والله يلا بزاف وشي لي داروهلها صعيب.. حسبنا الله ونعم الوكيل في القوم الظالمين 🎉🎉
صح العشااا في المصلين....و أهل الزوج...هم صلة أرحام الزوج و الابناء فقط......الباب ليجي منو الريح سدو و استريح......بعديهم باش ترتاحي ....و ما تبعيش خباراتهم.....و عيشي حياتك مع راجلك و ولادك..و وكلي ربي...يخلصوا و عينك تشوووف....الغيرة و البغض😢
يا أختي أبغاك مابنالك قصر ولكرهني ماحفر لي قبر والأهم زوجك راضي عليك ربي يحفظهم ويفرح بوليداتك إن شاءالله أما الباقي عامليهم معامله سطحيه زيارتك لهم تكون في الأعياد والمرض فقط والأيام كفيله تبين الحق ويعرفون أنهم خيروك .
انت ربي يحفظك ونيتك زينة وخالك راجل ونص دار حاجة شابة بزاف ربي يباركلك في دارك وصلة الرحمة لازم صومي ثلاثة ايام روحي لهذي المرأة وربي يخلصك ان شاء الله
والله يااختي قاع رانا كيف كيف أنا ماتت أمي أم زوجي ماجاوشي وعزاوني علاه خاطر احنا ناس ملاح أنا تاني نخدم خياطة وصانعة حلويات مايبغوش المرأة القادة والقافزة الي مبلعا بابها ومحافضة على روحها وناس كامل يشكرو في سجاوتها وعقلها ورتوبيتها والأكثر ماكاش الي يقول عليها كلمة مشي مليحة مبلعا بابها وتخدم بعرقها يبغو هادوك الزنقات الي مايعرفوش حتى يقلو حبة بطاطا أحتاج كل صبع بصنعة عمري ماقلت خاصني أنا ولا راجلي وهادا شيء غضبهم والله يا اختي مربييني 2رجال ابي وحدي وأمي وجداتي ودارو فيا العجب وحقروني خير الله حسبيا الله ونعمة الوكيل والله ياخوتاتي قاع المرأة الي في دار تنحقر قراو يابناتي وديرو بلايص يحتارموكم على شهرية تاعكم الي يقراو تعليقي يقولي الى صح وإلى لا الي تخدم ببلاصتها تقولي الى يحترموها غاشيها ولالا والعكس ربي معانا
باين غايرين منها ولله في بلاصتها نعامل بالمثل هكذا يعرف قيمتك انا صرالي هكذا او جميع لي ماجانيش مرحتلوش هكذا ولاو يدر ولي حساب قبل كنت على نيتي كانو يقلو عليا بهلولة
Samhouli ya ness mais de nos jours , la gentillesse et la sincérité ne payent plus ! Trop bon trop con ! Donc qu on ne s étonne plus de ce qui se passe à l heure actuelle , chacun pour soi , les gens deviennent mauvais jaloux envieux méchant donc koul ouahed yeghle9 Babou plus de fréquentation plus de famille plus d amis rabbi idjib elkhir !
مكانش وحدة تحب تروح لعيلتها كيما انا و كي زيدت بنت خالتي جمعت معرضتنيش أيا ملا خلاص مبقي بينتنا واااااالو نقادرك وشنو تحبي تقطعيني مشي مشكل اني قطعاتك منا ليوم دين هذا مكان
اسمحيلي سلفتك ما راهيش من الارحام روحي لشيخك وعجوزتك وفقط وربي مين يبغيك دار الاسباب باش يبعدك عليهم فكرتيني بروحي عطاوني سكن اجتماعي بعد 20سنة معاناة مع الكرية عند الناس وولدي ربحلي البيام في نفس الوقت وحماتاتي رفضو باش نجيب عجوزتي تباركلي وتشوف الدار من بعد ماتت بفترة قصيرة بعد ما رحت عندها مع ولادي دخلت لسبيطار قعدت يومين وماتت كان زوجي يروح عندها فالليل في رمضان وانا مارحتش مين رحت نعزي عاملوني معاملة لكلاب حاشاكم وحتى زوجي بعد الفروق قالي هنا خلاصت العلاقة معاهم خاطرش تمادو بزاف بصح الحمد الله راني هانية
واه اختي صفية عندك الصح انا ثان اقطعت كلش بعض الناس ولاو منافقين 😈كرهت منهم وين انروح نسمع هدرا تخلع كل واحد يهدر في خوه والمشكل كيتلاقاو يعنقو بعضهم بعض الحمد لله الي جيت انا نشد السر وخطيني القيل والقال ونبقى انقول قول في قلبي ياااااه لوكان يعرفو شاهم قايلين في بعضاهم 😊 الله يهدي ما خلق هوما فرحنين وانا مخلوعة على هاذا كرهت نخرج ونشوفهم وعلاه نخرج اذا ما نكونش مرتاحة ولاو الجمايع يا ديري البوليتيك يا ماكيش مليحة على هذا انقطع جدهم
انا تاني هبلوني يهدرو في بعضاهم وكي يتلاقاو دوخي كيفاه يحضنو ويبوسو في بعضاهم انا ليكيديت الناس كل منيش راح نخسر قبري على عبد منافق انا النفاق والرخس خاطيني
أختي سمحيلي الغلط فيك راهم شحال من مرة صرا عندك فرح و قرح ومجاوكش،،، انا تاني صراتلي في بنتي الأولى عرضت مرت اب راجلي و خواتاتو و على جالهم درت الحفلة بالجمعة و مجاونيش و في سلفاتي يروحو يجرو،، تم قطعت في طهارة ولدي درتها في البلاد وحدة معرضتهاش،، راجلي عرض غير صحابه الرجال،،، و في سلفتك متروحيش قيمي روحك شوية و متصوميش ٣ ايام على جالها متستاهلش
انا من عندي ياكلوا الرهج الي يرهجهم اما عن صلة الرحم فمن الناحية الشرعية ليسوا من رحمها .وبالنسبة للذهاب نقولها ما تروحيش لازم تتقرص باش تعرفواش كنتي تحسي بالمعاملة نتاعهم.واعطي شوية قيمة لعمرك خاطرش حتى واحد ما يعطيها لك