والله يا اختي غير هذو الشركات قاع عندهم مبدأ واحد وهدف واحد هو الربح وفقط يختلفون برك في الأسماء انا أدخلت في شركة اسمها Gtc خلصت مليون ونص كانت غلطة عمري لوكان غير سقسيت الشيخ قبل ما انسجل، حتى ألقيت روحي ضايعة في شغلي في داري وهاملة انتبع غير في الفايسبوك مع الإعلانات وانحلل اشكون تدخل واتسجلي باش انا نخلص 😢 والله غير اكبر كذبة هذوما الشركات بلاكو بلاكو بلاكو لبنات متخدموش معاهم راهم يعيي كم في باطل
😂اكيد الهدف هو الربح، ماشي جمعية خيرية. انتي اصلا طريقة العمل تاعك خاطئة. اكبر خطأ فالتسويق الشبكي انك تحلي الناس باش يدخلو معاك. لوكان كنتي فالشركة الصح اصلا انتي تعرضي الفرصة على من احب استغلالها ماشي كامل الناس مسوقين. كاين لي ينجح فيه او كاين لي لالا. بصح شركة نيو فيزيو ما فهاش الخصارة مقابل المال لي تدفعيه تستفادي من منصة تعليمية. و مقابل لاشيء و بارادتك في تطوير من نفسك او حياتك تعرض عليك عمل. و هو التسويق للمنتوج وين راهي الخسارة هنا. اذا شفتي الخدمة صعيبة عليك او ما قدرتيش او انسحبتي وين راه المشكل راكي ديتي منصة تعليمية لاولادك، لغات اجنبية،صوروبان لعام كامل باسعار جد مغرية مع احتمال الحصول على شهادة في الغات و الصوروبان. او كي تسجلي عندك تدريبات او متابعة من اقوى القادة باطل. فكرو مليح ليست كل الشركات كيفكيف. و حبيت نزيد حاجة الناس ولات عندهم نظرة خاطئة على التسويق الشبكي بفضل هاذو الناس لي يحللو من اجل العمولة. حنا علمونا القاء عرض فرصة عمل لي جا فاهم واش جا يدير مرحبا لي ما حبش هو الخسر ان. نحن في المكان الصحيح
@@merahbouzid2945 شركتنا نيوفيزيو حلال بالادلة، او حاجة في هاذ الدنيا ما جي بالرقاد، اكيد الخدمة بسيطة بالتيليفون من دارك بصح ماشي ساهلة بالجد و الاستمرار تحقي ارباح
@@moaadamine4102 اختي كل واحد واش عطاه ربي طين لي يعرف يخدم بيدو كاين لي بعقلو وكاين لي بلسانو وكاين وكاين مخلناش ربي كيفكيف باش نخدمو كامل نفس العمل .
كن جا صح عندها مبدأ تقول كاين شركات يخدمو هكا وهكدا وماتذكرش اسم شركة معتمدة من طرف الدولة اوعندها مصداقية راهي استغلت اسم الناس كامل تحكي عليه باش تطلع نسبة المشاهدة وهذا بحد ذاتو اختراق للقانون وباش تجي تقولي ندير مشروع ب200الف حسيت روحي عايشة في عالم ٱخر
انا ركزت على اللبسة لي كنتي تخيطي فيها أكثر من الموضوع تاع الشركة ههههه والله خدمتك متحوفة علاش ماديريناش دروس تاع خياطة والتفصيل لي راهي معايا دير جام
اللهم صلي على حبيبنا محمد صلى الله عليه وسلم ازكى الصلاة وازكى التسليم اختي ربي يعطيك ماتتمناي انا مبتدىة فالخياطة وراكي عطيتي راي ماشاء الله تبارك الله ربي يجازيك الأخت شجعينا كتر باش ننونقاجيو وربي هو الرزاق
@@user-sv4hj2dt6t لا لا ماشي هكذاك انتي تقري ابنك لمدة عام خلاص ابنك ينتقل لسنة جديدة يعني راكي مستفادة وزيد ارخص من دروس الدعم لبرا تدي 3 مواد اساسية ب7000 افار اذا ابنك يقرا واذا مافهمش الدرس تقدري اتعاوديلو الفيديو مرات عديدة انا شخصيااا من ناحية الدروس عجبتني ❤❤😊
@@lammariryma4960 ايه نفس التجربة بديت براس مال صغير وذك راني نخدم مع انو المدخول قليل وربي يباركلنا فيه الثقة بالنفس والاتقان في العمل والارادة تصنع المعجزات
مشاء الله حبيبتي والله غير زدتي كبرتي في عيني كمادخلتيش لهاذ الشركة وتقولي فيها بكل ثقة كنتي قادرا تدخلي وتقنعينا ندخلو معاك وتربحي دراهم كبار عندك قناعة مشاء الله ربي يحفضك
@@motaharikabilbit حبل الكذب قصير ودراهم لحرام يروحو فظلام هاذو الشركات هاجو بقوة راهم يسرقو فناس بمنتوجات لااساس لها من الصحة ومنتوجاتهم غاليين بزاف كثر من الماركات العالمية الضعف الحمد لله بدا ربي يكشفهم للعباد وربي ينجينا منهم ويرزقنا العمل الحلال
وي انا تاني كان علابالي هكدا مع لول حتى بداو يسقسو على توازن خلطوهالي ڨاع تكوشي رياضيات صعيبة شوية هادا لازم الوقت ولي راسها خفيف ومثقفة وتعرف حوايج هادو
راهم يحكو على الاولياء لي يصرفو اموال بزاف على لي كور يعني تقري وليدك في دارك وقدام عينيك من قبل اساتذة اكفاء ومكان لا إشهار لا اي حاجة تعطل وليدك في الفيديو يتفرج ونتي هانيا عليه خير من يخرج يقرا برا تخافي عليه من الزنق وصاديبو توصل المعلومة ولالا وفي نفس الوقت هاذوك الدراهم لي شريتي بيهم دروس رح تعتبري عضوة في شركة تاعهم وكي تجيبي معاك شكون يشري دراهمك لي شريتي بيهم راح يرجعو وكي تكوني شاطرة رح ترجعيهم اضعاف وبهذ الطريقة مراكي خاسرة والو بالعكس راكي رابحا مليون في المية
يااختي بيعها هرمي بامتياز والمعاملة فيها غرر! كيف ذلك؟ تعرفي ماهوش اي واحد يقدر يستقطب ناس فالمستفيد الوحيد هو اليوتيوبرز اما اللي تحتهم مايقدروش يستقطبوا!! ثانيا راهم يقولوا المدربات غدخلوا بمرتبة الgoldاي الذهبية اللي سعرها اكثر من ثلاث ملايين !!! اما الدروس فهي موجودة في اليوتيوب بالمءات خير واختار يا مختار!!!! زيادة على فتوى اللجان الاسلامية جميعا تفتي بحرمة العمل الشبكي ونعاودهالكم شركة نيوفيزيون تعاملها شبكي ما تكدبوش على روحكم الله المستعان!!! المهم بارك الله فيك اختي
الرزق على ربي الإنسان لازم يكون قنوع باللي عندو وما يتغرش بكل حاجة يسمع بيها يروح يجري موراها.....واليوتوبوز على حسب ما رانا نشوفو راهم يتعاندو و رجعو يجرو مور الدورو مهما كان...إكتفيو بقنواتكم بركات
بارك الله فيك على صدقك وبارك في رزقك وفي صحتك وفي اهلك يا رب من فضلك اخيتي انا من ولاية تبسة واعرف اساسيات الخياطة تعلمتها من اليوتيوب ولكن لم استطع ان ابدا مشروعي لان زوجي ضد خروجي او استقبال الزبائن وفي الحقيقة انه ميسور الحال الحمد لله ولكنني اريد ان استقل عنه ماديا لاثبت له ولنفسي انني قادرة على تحمل المسؤولية من فضلك اعطيني افكار لاقنعه بمشروعي وكذلك افكار لتنظيم وقتي بين الاعمال المنزلية وبين الخياطة ولك الشكر
