حتى انا اخيتي كنخدم من الدار التنبات و الراندا وشوية الطرز الرباطي ولكن مشكلتي كنخدم للاحباب فابور يعني الكليان والو بغيت نفتح محل ولكن خايفة او بالمعنى الصحيح مترددة رشديني اخيتي مع العلم انا ارملة محتاجة لمدخول جزاك الله خيرا.
شكرآ جزيلا لك على النصائح القيمة والمفيدة وكلامك كله صحيح والإنسان قبل مايخطو أي خطوة حتى يدرس مزيان المشروع ديالو من جميع النواحي ويفكر ألف مرة فالمثل ديالنا كيقول مياة تخميمة وتخميمة ولا ضربة بالمقص
الله يجازيك بخير أ ختي، كلامك خارج من القلب و غالغبية اللي ماغاديش تلاحظ بأن الوقت تغيرات و طريقة التسويق حتى هي، وخاص الواحد يستافد من تجارب الناس عوض أنو يخوض التجربة بنفسو و يخسر الوقت و الفلوس، تحياتي و تقديري لك سيدتي. 🤗🤗🤗
سلام عليكم عندك الحق انا عندي ديبلوم بلدي ورومي واشتغلت في المدرسة لتخرت منها وهادي عامين فتحت محل ومعنديش مع انستغرام ما تمشاش لي وكنفكر نتخلى على المشروع لانو حسيت بالاحباط والله يصاوب
شكرا لصاحبة القناة 🙋🏻 كنبيع كسيوات لولان و اونسومبلات عوض 150 فقط ب 100 درهم 😍 شي حاجة طوب و على قد الجيب🤗 يالاه فتحت القناة سارعوا والله القسم الى سلعة غزاااالة و تمن جد جد جد منااااسب💯🎉😊♥️
وباش غاتنصحي وحده بدات مشروعها د جلالب ف شعبان خدمات ف تيك توك انستغرام فيس بوك وماجابش الله تيسير ياريت تجاوبيني وتفيديني وشكرا على الفيديو وماكرهناش الجزء الثاني من نفس الموضوع
السلام عليكم اختي انيسة انا متتبعة ديالك من شحال انا من صغري خياطة وطرازة وكلشي لكن ابتلاني الله باءصابة في فقرات العنقية مما جعل دالك عاجزة عن ممارست الخياطة وتطريز اتمنى منكي اختي ان ترشدني ما العمل في هده ازمة التي اصابتني
انا نيت تنفكر نفتح محال، وديمة راجلي تيقولي باقي الحال، منين قولتيها انت والله حتى نزيد نفكر: علاش حيتاش سبحان الله كاع النصاءح ديالك من نهار فتحتي القناة وانا نسمع ليهم بتمعن وتنطبقهوم والحمد بفضل الله عز وجل وبفضلك قدرت انني نغير شحال من حاجة في حياتي ودبا راني غادا مزيان.. الحمد لله
