المرأة تستحق العيش بكرامة لكن هذا لايعني انها من اول مشكل. تطلب الطلاق... اللي مشحاح تقول نطلق. واللي مايحبهاش تقول نطلق. واللي خانها تقول نطلق شدي دارك واعرفي وين الخلل وحاربي من أجل أولادك للأسف الشديد.. أصبحت النساء لاتهتم لأمر أطفالها الضحايا ... لكن لما تعيش حياة الذل والمرار بعد الطلاق... تبدأ بالنواح وتقول ياندامتي... نار راجلي ولا نار دارنا...
والله الاختيار الصح ايكون من الاول.اذا دخلتي المعماعة انتع الزواج مع الشخص الخطأ والله غير اتخلصي كاش من صغرك وصحتك 🦋🦋البنات خيروا بعقلكم ما شي بقلبكم،،،الزمان داير والحمار في عولتوا حاير//قالتها جدي
والله عندك الف لحق كي ندابز معاه تلحق لكبيرة نكسر نزقي نخبط ندير كلشي باه نخرج من داري ونخلي واحداخرا تلقاها واجدة لالا والله نقعدلو عل قلبو ونخليه كي دابة
هههههههههههه ووووي وووووي كرشي يا جدك كرشي قتلتيني 🤣🤣🤣🤣🤣صدقيني هاذي عن تجربة عجوزتي كي كانت صغيرة و وليداتها صغار كان شيخي يضربها و مبهدلها و يقوللها في وجهها ياو مانحبكش مانبغيكش نكرهك تزوجتك باطل غير سيف كان يروح يشرب و يفورني على الرقاصات و النسا و هي مسكينة قاعدة تبكي و تصر في قلبها مع ذلك ما استسلمتش و ربات ولادها كبرتهم خرجو سبوعة الله يبارك و ضرك كي لقاتهم في كتافها والله ماعادت تسمع بيه و هو كي كبر و اطفرت فيه عاد يجري موراها و يديرلها رايها و غير كلمتها اللي تمشي و هاذا مكان
عندك الصح الله يحفضك والله نعرف وحدة مسكينة كانة تقول نخدم فام دوميناج أو منقعدة معه طلاقت بربعة أطفال أو هيا خرجت تخدم تمحنت مرضت درت عملية ملقتش وإش تكل هيا رهي تعني الله يحسن عونها كل وحدة تشد دارها
يا اختي لازمك تفرزي روحك لازمك اساع تحبسي لبكا باش يصفا مخك و افرزي كوارطك بالورقة والستيلو اكتبي الايجابيات و السلبيات تاع زواجك و زيدي قارني الايجابيات و السلبيات تاع الطلاق بعيد الشر على اختي و نتمنى تقدري تكملي نڨلك علاه؟ انا نحب لمرا تخرج باقل الخسائر بلاوالو لمرا اي ولية و مغبونة و تزيد تخرج مستسلمة و في مجتمع خبيث كيما هذا ... ربي معاك
و الله في هاذا الموضوع راهو عندك الحق حق حتى انا ونحير فيهم يقلك قلل و دلل يعطيك الصحة على هذه النصائح مع انكي ماديريش ليا القلب بالتوفيق واحلى لايك'هههه 👍👌
Je suis tout a fait d'accord avec toi,j'ai adoré cette phrase"vivre avec un seul loup que d'être dans un troupeau" Comme d'habitude bravoooo .👏👏👏👏👏👏👏👏👏 continue vs êtes comme ça. 👍👍👍👍👍👍👍👍.
والله لعندك الحق . نسا بزاف راهم غافلين . يعطيك الصحة .اول مرة نعلق وقناتك ماشاء الله .وهذا للفيديو جا في وقتو عندي حالة نعرفها كيما هاك ذرك نبعثلها الفيديو.
راكي ماشاء الله سقسيتك من قبل قتلك انصحيني في هذا الفيديو جاوبتيني وقنعتيني يالحبيبة بالرغم اني عندي 2ولاد ماهيش حاجة ساهلة تقعدي في دار باباك براسك وماتتحمليش مابالك بولادك ربي يهدينا اجمعين مراة او رجل راكي تخمي بعقلك وماتهدريش برك احبك في الله
لازملك الليل خليه راقد والتاجءي لربي وقول اللهم كما رددت يوسف الى حضن امه ردي لي زوجي واجعلني قرة عينه وحب فؤاده وربي يجيب الخير استغفري 100مرة كل يوم وكل وقت
شوفي اختي هذا الكلام انا كنت افكر فيه حتى سمعتو من هذيك المحامية ألي تجي بزاف في التلفزة قالت بكري المرأة ككانت تتعفر مع زوجها تروح البيت اهلها وتخلي ولادها عند بباهم وفي دار بباهم ام اليوم ولات الي تروح تدي الاطفال معها ايييي الراجل يلق روحو واعود الزواج . قالت لوكان كل وحدى تروح تخليلو الاطفال والله تقل بزاف نسبت الطلاق ادور اراجل ادور وارجع امهم . المرأة تع بكري كانت شطر على المرأة تع اليوم
ربي يحفظك ويسترك دنيا واخره .ابغض الحلال عند الله الطلاق.فعلا عندك الحق الام هي الصح في الدار كي طيح الام يتهد الدار .انا عانيت من مشاكل كبيره مع زوجي صديقات الفايس ومشكل مع اهله وفي العمل ومشاكل اولادي لكن قلت انا الاقوى ولازم نكون جديره بامومتي .المهم حافظت على داري وكسبت راجلي في صفي بايماني بالله وبالدعاا والصلاه .والقران وحافظت على اسرار بيتي .ما تبعوش رضوى الشربيني وكرامتي قصتها مع الطلاق ونجاحها قصتها لوحدها وقدرها الخاص بها ولكن انت اصنعي قصه نجاحك واهزمي مشاكلك واتحداي الظروف والمشاكل .وربي ماينساش فضلك وصبرك باش ما تهدميش دارك وتشردي اولادك والرجال اللي غي خارج اسوار البيوت ذيبابه بشريه.كوني عفيفه شريفه وقويه وحافظي على زوجك بكل السبل الممكنه.ربي يهنيكم كاملين.كلكم راع وكلكم مسوول عن رعيته.وكفى بالانسان اثما ان يضيع اولاده.شكرا جزيلا..
رامي طوب طوب طوب نحبك ونحرك ختم من بشار ربي يحفظك وصح كلامك كل فت فيه ودود راني حاكمة داري وهو يخلص وراني طوب طوب ياختي واصيلي ومن فضلك ديرينا موضوع على كيد النساء والدهاء والدكاء وكيفاش ندوا حقنا بلا عياط موح ليك ونحن دائما في الانتظار
