نعطيكم نصيحة متبنوش في دار الوسط انا بنيت فوقهم كي فاتت 20 سنة خرجوني وران كارية ب5 ذراري ولوس دا سكنة ملا نصيحة خرج قاع بعيد قعد معاهم حتى يفرج ربي ومتبنيش في دار الورثة نصيحة لوجه الله
عندك الحق انا كنت ضد الفكرة ولكن ضطريت نعاونو بعت ذهبي وبنينا عندهم و كن كانت اكبر غلطة دمرت حياتي بيدي وراحلي ميساعفنيش مستغليتش كامل حياتي مع المشاكل
اختي قاع لهضرتيه انا كنت عايشة فيه منبعد لماتو والديه باعو دار ومشاوروناش حتى مع علم ان زوجي بنى فوق بيت اهلو والله يا ختي عشت ضغط نفسي كبير حتى شدتني لطونسيو من مشاكل بغاو يخرجونا ويقسمو كلشي في نص
ام ساجد نتي مديتلي كراج تاع بنيان مند بداية قناتك و راني ساكنة الحمدلله صح درنا كريدي مزال مكملناه لكن الحمدلله تهنيت من مشاكل العجوز و شكرا و ربي يحفضلك وليداتك
اختي ماشي لازم ترمي بزاف الما باش تنقي تجيك الميديتي في الدار مع الوقت وتولي فيها الريحة ...هي تبانلك نقية بصح لي يدخل من برا يشم ريحة مزعجة ... نصيحة برك عن تجربة .
فعلا مشاكل كبار يصراو على البنيان عند الاهل .انا واحد خطب بنتي و باني في دارهم كجينا نفتحو قاتلي تسكن عندي همالا بطلت قالت حوش بوش كلش تاع باباه و باباه ميت
هاد الناس نحير معدنهم واشنو ؟:لوكان غير كي يسكنو بنات الناس عندهم يهنيوهم والله ما تغيضني ... تحبها بالسيف تسكن معاها باش تعدبها وتحرث عليها و تكرهلها حياتها ...حسبنا الله ونعم الوكيل.
صباح الخير يا ام ساجد ربي يشفيك ويعطيك الصحة اشربي فتامين. C يساعدك بزاف وعلى البناء حبيتي قليلي كيفاش نتجاوز نوبات الاكتأب والفشل باسكو انا عيت وهي ما كملت والحمد لله على كل حال وشكرا مسبقا راني نستنى جاوبك في اقرب وقت ❤❤❤
انا القطعة تاع الارض تاع زوجي وفي وحد وقت كتبها باسم عجوزتي علي جال ضرائب قبل مانتزوج ومابعد كي تزوجت قالي زوج تاعي جاتني عادي قولت تخطي راسي وفي وحد الوقت قولت لزوج نبني فوق الاخ تاعك قالي جامي تصري مادام الارض باسم امو قالي غدوة كاش مابصري يخرجوك وراثة لقيت عندو الحق
حبيبتي صح مكاش لي مايحبش دار مستقلة، بصح احيانا الواحد مايقدرش، مانكذبوش على بعضانا، انا واحدة بنينا انا وزوجي فوق ناس داري والحمد لله هادي 3سنوات مصرالنا حتى مشكل، وكأني ساكنة وحدي، نلبس واش نحب ونهبط نڨسر كي نحب مرة مرتين فالاسبوع وبس، يعني مكاش دصارة حتى هوما مايطلعوش عندي الا بسبة كي نخدم نحب نشري من برا نشري عادي، كي نحب نخرج نهبط نسلم على عجوزتي ونخرج في غرضي، حتى هوما متونسين ببناتي عشية يهبطو يلعبو مع عماتهم ولو كبار، وهديك تع دار الورثة الحمد لله مزال ماسمعتهاش واذا سمعتها فالمستقبل رانا دايرين حسابنا ان شاء الله
حنا بنينا فوق أهل الزوج ولكن بعد وفاة والد الزوج قالوله قاع نسالو لخاطرش هذي دار الوراثة ايا رحلنا من قاع هذيك البلصة ورحنا مدينة خلاف بحكم عمل الزوج وشرينا أرض وبدينا نبنو بالشوية ربي يقدرنا
انا بنين في أرض قدام شيخي تاع الدولة ودرت التسوية وعلى بالهم كاملين بلي تاع دولة ماعندهم حتى حق فيها فاتت 22سنة ولادي ولاو في الجامعة ناضت اخته متزوجة دخلتنا للشرع وغلبناها لكن امهانها أظهرت وحد العداوة صدمتنا قالتنا أعطوني داري وحنا بنيناها وتعبنا عليها وصلت لدرجة اتهمت بناتي وشكات بيهم عند الشرطة الحمد لله ربي لقانا بولاد الحلال خرجوا منها سلامات ومن بعد زادوا كامل عاداونا مانروح ليهم ما يجو ليا زوجت بنتي وما خبرتهمش خفت منهم مافيهمش الثقة رغم ان زوجي بغى يضغط عليا ونخبروهم بصح قنعتو باه يسكت خاطر دارو بزاف مناسبات وما عرضوناش اختو تزوجت وما سمعش راني غالطة في قراري ماهو الحل معاهم؟
الحسد يا بنتي يدير كثر من هكذا لكن بحكم انني عاملة رحت درت قرض من بنك السلام وشريت دار احتياط ويزيد اللي ضرتني ان زوجتي يخاف منهم ومبين ضعفه وهوما كاملين يد وحدة
حنا عند الزوج دار الوراثة و كي تزوجنا تقاسمناها مع خوه و شيرات متزوجات و كل واحد و دخلة تاعه مخدمناهاش كنا نلمو باه نديرو دالة و القاراجات و نعاودوها من الصفر مع حنا مقيمين فالخارج ...ايا الصيف لي فات كي هبطنا حاوزنا من دار و مخلاناش ندخلو 😂...مزية مبنينا مضيعنا دراهمنا 😅كون واحد قتل واحد على وسخ الدنيا
ختي دجي لصح ماشي لكناين لي يرفدو لعجايز أبار كنت ساكنة معاها وبغيتي تعاونيها بناتها هوما لي يرفدوها ماشي كناين ختي قوليله يخليها في دارها وتناوبو عليها قاع كليوم تجي وحدة وبناتها تاني كل يوم تجي وحدة عندها ومتجيبيهاش عندك غادي تحصل فيك غي نت لكنة يجيبوها غي لتهنبير حرام عليهم أنا كرهتهم ❤