ادعوا معايا ربي ينجح ابني يقرا السنة الثانية متوسط الفصل الأول جاب 9.85 والفصل الثاني جاب 10.15 والفصل الثالث راني تعبت معاه بزاف نقريه بالسيف عليه والله اعلم واش دار فيها وربي ينجح جميع الابناء تاعكم
انا والله غير كيفك لاخر لتاع جوان يخلاصلي لكرا وجا عطانا عشرين يوم ويخرجنا صافي خلاصو عشرين يوم بقالنا غدوة برك بصح فالباي للخر تاع جوان ملا راني نلم في قشي نخرج اليوم ولاغدوة ولي تقولي الباي لاخر تاع جوان اقعدي نقولك راني اليوم دخلت الثامن وثقلت وعطاوني بروقرامي عملية فواحد جويلية ملا قلت لراجلي نخرجو شهر من قبل باش نعدل القش ونوجد روحي ان شاء الله لنفاسي ادعولي نلقا اليوم الكرا ودعولي ربي الصحة ونقدر نكمل واش بقالي
ان شاء الله ربي يعطيك وقفة ساهلة وربي يسهلك ويفرج عليك متقلقيش روحك حبيبتي لي تجي من عند ربي مرحبا بيها اتهلاي في صحتك ومتفورسيش روحك بزاف فالرحلة ربي يرزقك بسكن خاص عاجلا غير اجلا وتتهناي مالكرى ان شاء الله
والله ياختي غير من قبل سكنت في دار كيما هكذا صرى فينا الباطل منها قررنا نكرو غير فالباطيمات صح مصاريف بزاف وكاين ظغط ولكن احسن من الأول الله يفرج على كل مغبون ان شاء الله
ياعمري لوكان جات بيدي نسكنك عندي ونتعاونو مع بعضنا ونحكيو ونقصرو وأولادي يلعبو مع أوولادك الله غالب، ان شاء الله ربي يعطيك دار على حساب قلبك ويلاقيك غير مع الناس الملاح آ آآآآ مين يارب العالمين
حبيبة قلبي ربي يعطيك على حساب قلبك ان شاء الله والله ياريت ولكن الله غالب الدنيا تبدلت لوكان مزالت النية كيما بكري دار وحدة يسكنو فيها ثلث عائلات ضركا عاد واحد مايحمل واحد ربي يجيب الخير ان شاء الله والله يفرج على كل مغبون وربي يفرحك ويعطيك ماتتمني ♥️ يا أختي الغالية
حبيبة قلبي ربي يعطيك على حساب قلبك الطيب ان شاء الله والله ياريت ولكن مع الأسف الدنيا تبدلت ماشي كي بكري دار وحدة يسكنو فيها ثلث عايلات وفرحانين ضركا رجع واحد مايحمل واحد ربي يفرج على كل مغبون ان شاء الله ونتي ربي يفرحك ويفرج عليك من بابه الواسع عاجلا غير اجلا
حبيبة قلبي والله وجودكم فحياتي وكلامكم الطيب هو لي راه يزيد يشجعني ويعطيني القوة شكرا غاليتي ❤️ على طيبة قلبك وكلامك المعطر ربي يفرحك ويعطيك على حساب قلبك الأبيض 😘😘😘أحبك في الله وسلمي على بنتك بزاف بزاف وقلها ربي يخليلك الأم تاعك لي مثل الجوهرة وتقعد دايمن تاج فوق راسك
❤❤❤اختي طموحة لا بغيتي ربي يلا عندك معلومة فيدني بليييييز انا درت سيزريان 2 والابرة لي داروهالي فالفخض راهي قاتلتني بسطر كشما تعرفي قوليلي راني في 5اشهر ملي درت العملية ولي تعرف ماتبخلنيش وربي يعطيكم ماتتمناو الفيديو الجاي سقسيلي الاخوات ربي يعطيك سكنة في اقرب وقت أن شاء الله
بشفا عليك حبيبتي طهورا ان شاء الله والله انا ماعندي حتى فكرة على هذا الموضوع بذات ولكن متلعبيش بروحك روحي لطبيب واستفسري عن السبب الصحة مافيهاش لعب وان شاء الله مايكون غير الخير غاليتي
ان شاء الله مايكون غير الخير انا زيدت زيادة طبيعية عندها ربع سنين ومزلت ليومنا هذا منين ذاك وتوجعني الخياطة حتى وراهي قديمة نتي حاولي متلعبيش بروحك وروحي لطبيب وان شاء الله سلامات ومايكون والو
سلام طموحتي حنونتي ربي يفرج عليك في اقرب وقت ربي قالنا انا عند حسن ضن عبدي بي فليضن بي مايشاء وانت الحمدوله عندك يقين قوي بالله فلذا راح تفرج عليك وعندك الحق كي عاودتي نضتي خير ملي تدخلي في اكتاب لانو واعر والله انا ثاني يقولي راجلي نفشل انا ومتفشليش انت يقولي كنشوفك فشلتي نعرفها بلي تغلقت والله نكون في اسوء حالاتي كي يدخل نبدي ندير في الجو ونحسو فرحان الله يفرحنا في اقرب وقت 😊
صح والله راجلك عندو الحق حتى هوما حليلهم ماعندهم حتى واحد يوقف معاهم ويساندهم من غيرنا هوما راهم قوايا غير بينا وحنا الله غالب علينا الظغوطات بزاف إلا مايجي نهار ونفشلو وتروحلنا الطاقة ولكن لازم نتشجعو ونخلقو الطاقة لينا ولعايلتنا مكان حتى حل والحمد لله على كل ربي موحال يخلي عبدو إلا مايجي نهار وتفرج بإذنه ربي يخليك دايمن ناشطة وفرحانة حبيبتي كاين لي راهو يشوف غير ليك 😘😘😘♥️♥️♥️
@abdalhak8274 ياعمري الله يبارك خيار الناس كنت راح نسقسيك وين تسكني وحشمت قلت بلاك حاجة خصوصية غير قلتيلي بوغار عرفت وين الله يبارك ماشاء الله ناس بالطبع كانو يقراو معايا فالجامعة بزاف بنات من تمة ربي يحفظك حبيبتي والله غير كي قلتيلي وكأني جيت وتعشيت واكيد يجي نهار ونتلاقاو دنيا هاذي صغيرة غير لجبال لي ميتلاقوش
@@omthamoha1406 حبيبتي مرحبا بيك في كل وقت انا بالضبط من قصر البخاري وبوغار قريبة لينا وامي من المدية من المصلي حبيت نقولك انا وين هاذي دنيا تفوتي عليا مرحبا بيك
سلام اختي انا من متتبعاتك القديمة وتعجبيني بزاف وربي يعاونك ويسهل عليكي ونحب نصيحتك اختي انا متزوجة 16سنة وعندي ولاد والحمد لله عندي دار وكي مات شيخي ربي يرحمو عجوزتي سكنت معانا وعندي 2 لواس وكل واحد بدارو وراجلي الكبير في العائلة ولكن شاءت الاقدار طلقت لوستي وعندها ولد وزادت سكنت معانا وهي شخصية صعيبة بزاف وانا موالفة واحدي وراني حايرة ومقلقة اعطيني نصيحتك اختي واش ندير وشكرا لك
الله يبارك ربي يدوم عشرتكم ويفرحكم بوليداتكم يا أختي فيما يخص أم الزوج منقدر نقلك حتى حاجة الأم تبقى أم وهي بما أنو اختارت تقعد عندكم نتوما أكيد لقات فيك الخير وربي راح يجازيك عليه وبالنسبة لأخت زوجك الله غالب تقدرت عليها والأخ ميقدرش يتخلى على اختو ديري روحك فبلاصتها وين راح تروحي وممكن يجي نهار ويفرج عليها ربي بلاك تتزوج ولا ترجع لراجلها ولا يمدولها دار حاولي متتقلقيش من هاذي الناحية المرى ضعيفة وكي تطيح بيها ماتروح غير لبوها ولاخوها نتي راكي مولات الدار والدار دارك اتصرفي بكل حرية طبعا بدون تجاوز الحدود واكيد خلي الإحترام بيناتكم اذا كانت اخت الزوج تاعك صعيبة بزاف واذا هدرتي معاها نتي أكيد راح يصراو مشاكل كبار مالي نتي مالأحسن اهدري مع الزوج تاعك ولكن بطريقة لينة ماشي تحرشيه على اختو ولا مي قلو حابة كل وحدة فينا تحكم قدرها ومتتدخل في حياة الثانية ومتفرضش عليها رأيها هو لي لازم يهدر معاها بالحسنى ويقلها ماذابيا مايصراوش مشاكل بيناتكم لانو ممكن خوها تتفهمو وتاخذ برأيو عكس اذا هدرتي معاها نتيا وفجميع الأحوال راهي فظروف صعيبة حاولي توقفي معاها وتسانديها باش حتى هي تحس بالأمان معاك وتعتبرك كيما اختها لأنو نار الطلاق صعيبة ومايحس بيها غير لي عايشها وربي يفرحك ويسهلك ان شاء الله مايكون غير الخير
الهنا يغلب الغنا انا والله ياختي بداري الحمد الله وعندي الوسع بصح والله ماهانيا عايشا في ضيق نفسي ظغوطات في وسط ناس ميحبونيش الوحدة قاتلتني وزيد يقارعولك في الصغيرة والكبيرة بلامنحكيلك على المشاكل هذي هي الدنيا لازم الصبر ربي يفرج عليك وعلى كل مغبون
ربي يريح قلبك ان شاء الله وينصرك على اعدائك هاذي هي الحياة دايمن تجي حاجة تعكرلك المزاج تاعك ولكن ماعندنا مانديرو لازم نساعفو ونصبرو حتى يفرج ربي سبحانو
ختي طموحة ربي معاك ونشالله ربي يرزقك بدار نتي وما تامنيش بلي هذي نتاعك ختي طموحة 16 سنة وانا ساكنة فوق ناس داري بيت وكوزينة بالسيمة والتارنيت فالشتا النو يدخل للداخل وفراشي كامل بالميديتي قستو كامل وكي ندخل للكوزينة نتشمخ كامل سوفريت ياختي كانو ناس داري فالدفا البيوت لاباس بيهم بالرخام والزليج والقش جديد يطلعو ليا ويقولولي راكي فالحبس ولا راكي تجوزي في لارمي ويخزرو في بعضاهم ويتغامزو يا طموحة كان يطيح مني النص ونبكي نبكي نبكي ونقول حسبي الله ونعم الوكيل ياربي انت الرازق بصح نهار الي ربي فرج عليا بالسكن اقسم بالله طاح منهم النص كامل بوهو 😮ولاو كيفاه كيفاه الهدرة راحتلهم😂 ثماك انا وليت غير مبتاسما ونقولهم ايه ربي ربي كان يحلف هذي الولية الي حقرتوها انا الي نرزقها واحد ما ينحيلها واش نمدلها ربي يمتحنا فقط بصح مايحبش علينا ❤
الحمد لله ربي مافيه غير الخير بعد الصبر جبر صح ربي دايمن يختبر الصبر تاعنا من بعد يرزقنا بحاجات منكونوش كامل متوقعينها ربي يهنيك فيها ان شاء الله وان شاء الله تكون عتبة مربوحة عليك وعلى وليداتك
انا عندي فسمانة 200الف ولا 300الف مابين الخضرة و القضيان معناها فالشهر عندي 800الف ومرات أقل على حساب الكماليات لي نزيدهم مثلا حوت ولا لحم ولا جاج هاذو نجيب سمانة بسمانة ومرات نجيب خطرة فالشهر على حساب الظروف المهم جامي نلحق للمليون
ام طموحة دبري عليا حاسة روحي تعبانة ملقيتش لمن نحكي انا ساكنة مع اهل زوجي وبعد كثرت مشاكل ايا قالي راجلي نطيبو وحدنا فشمبرة وبعد ولينا نطيبو وحدنا بصح اهلو كل يوم يسمعوني هدرة كبيرة وصغيرة قلت لراجلي نرجعو معاهم خير لكن هو رفض قالي ترجع المشاكل معرفتش واش ندير نقنعو باش نرجعو ولا ونطيب فشمبرتي بعت كلش باش توساع الشومبرا لمهم ضرك معنديش باش نكري رجلي مش خدام قوليلي واش نرجع معاهم ولا لالا رغم انو راجلي رافض المرجاع قالي ترجعو تتدوسو ومعنديش وين روح ونا كل معرفتش واش ندير نتمنى تجاوبيني
الصح في راجلك خوذي برأي الزوج تاعك بما انو هو لي راهو رافض علابالو علاش تخافي ترجعي معاهم وتندمي ندامة عمرك مالي أخطيك طيبي في شمبرتك واغلقي وذنيك هوما بلعاني راهم يديرو هكذا باش يقنطوك وترجعي معاهم من بعد يذولك احمدي ربي راجلك راهو جاي معاك لوكان راكي فموقف صعيب شدي في راجلك وفي كلمتو هو يعرف واش راهو يدير وربي يفرج عليكم وتتهناو ان شاء الله
الوثيقة لي دايرينها بينكم وبين صحاب السكن تكون بالعام ولا بستة اشهر المهم المدة لي تفاهمتو عليها وحطيها فملف تاع السكن اذا كنتي حاطة دوسي فالإجتماعي باش كي تخرج اللجنة تاع السكن تعرف وين تلقاك ربي يفرج عليكم بالسكن عاجلا غير اجلا
