انا ثاني دارنا ميجوش عندي بزاف خطراتش حتى نقعد نلوم فيهم وحتى لفامي ميجوش عندي وقاع لبناتنا يقولك بالك راجلها ميبغيش ولا اهلو ميبغوش ويقولك تاني منسمطوش زيارة بالڨمنة
@@omthamoha1406 ربي يرزقو خدمة مستقرة ويكون بشهرو بصح عن تجربة ختي متخصروش طونوبيلكم ناس والله ماتستحفض نهار بعيد الشر تخسرلكم تستقاملكم كثر ملي لميتوه
صحيح يا أختي ملزمش تكثرو على النسيب عيب بصح لازم يروحو في الأعياد أو مناسبة والله يا اختي كمرض أبني عائلتي وعائلة زوجي جبدو رواحهم 😢 زوجي يخدم بعيد ملقيت حثى وأحد مع العلم قبل مرض ابني داري كانت بالفندق شكرا اختي على المجهودات ❤❤❤
اختي انا اهلي مثا ل اهل ام طموحة بصح شفت ناس داري تبدلو كانوا يقولولي عيب الاهل يجيو بصح مع العرايس الجدد تبدلت العقليا ولاو يديرو ميات حساب للعرايس الجدد يعني عندهم اكثر من 5 سنوات لان اهلهم كل دورا في دار شيخي
لا مستحيل إياكي غلطة عمرك مهما يصرى في داركم خليه في داركم الزمان مافيه أمان ويجي نهار بعيد الشر كاش مايصرى يرجع يعايرك بداركم ويحب يحكم عليكم حاجات مش ملاح باش يستفزك بيهم صح الرجال ماشي كامل كيف كيف مي لي خاف سلم خالي داركم بعاد
نتومة كيما حنا هادو ناس مدية عندهم نفس العقلية أنا مايجونيش كامل غير مسبة لسبة أنا لينروح كول سمانة بابا مسكين الله يرحمو كان يجي يدي ولادي ملباب مايحبش يدخل خاطر أنا ساكنة مع اهل الزوج يقولي مانديرونجي حتى واحد ودركة بقاتلي يمى وخياتي مايحبوش يجو معليش ليسونسيال نكونو بخير وربي يهني كول واحد ❤❤❤❤
ربي يرحم الوالد تاعك ويسكنو الفردوس الأعلى الله غالب العادات والتقاليد ميتبدلوش ومن شب على شيئ شاب عليه المهم يكونو بخير هذاك هو الصح والانسان يبعد على المشاكل قد مايقدر وربي يحفظلك ميمتك نتي روحي ليها وسقسي عليها وفرحيها حتى وماتجيش هي عندك
الله يبارك ماشاء الله قليل وين تلقاي وحدة تجي مع الحق ربي يعطيك على حساب قلبك ان شاء الله وردي بالك يغرك الشيطان وتوقفي معاهم راهي يتيمة ومحتاجة الحنانة والاهتمام ديريها كيما ختك خوك يفرح ويزيد فيه النص ربي يحفظك ان شاء الله والله غير فرحت من قلبي كي سمعت كلامك
يا أختي كيفاه نتصرف مع ماما جاء خلاف بينها بين راجلي وماما لي بدات وانا ماما من نوع النرجسية غلبتني والله تحب تدخل في حياتي بصغيرة ولكبيرة تدخل حتى بيني وبين راجلي ماما بزاف سلبية بصح والله ماني نتبع فيها ونعيطلها كل يوم ونسقصي عليها بصح وين انعيطلها نكره حياتي غلبت انصحيني كيفاه نتعامل معاها ربي يعيشك انصحيني وراجلي قالي ماما حابة تطحن عليا المهم انا ذرك جايا ما بين نارين مهوش كمني على دارنا وقالي منزيدش نروح الداركم نولي نوصلك ونسلم على باباك من باب وسلام انا انشوفي في راجلي عندو حق بصح ماما زايدة فيها بزاف نتمنا تشوفي تعليقي وتنصحيني يا ختي😢💔
سلام حبيبتي شوفي اول حاجة نقصي الإتصالات مع الأم تاعك اذا كنتي تعيطي قداش من خطرة فنهار عيطي غير مرة وحدة وكي تهدري معاه متطوليش ومتدخليش معاها فالخصوصيات تاعك واذا راكي خايفة تكبر بين الام تاعك وزوجك هو عندو الحق متخليهش يدخل قلها عندو شغل مستعجل حطني وراح متقلهاش محبش يدخل على جالك المهم حاولي دايمن تخليه بعاد على بعض حتى تهدى الامور بيناتهم وينساو لي فات لانو حاجات كيما هاذو قادر يوصلوك للموحال مع الزوج تاعك نتي كوني ذكية ودايمن حاولي توصلي ليماك بلي راجلك يحترمها ويحبها وهكذا هههه قصدي كلخيلها مام الزوج تاعك نفس الشي ولي يسمعك حاجة على الثاني متقوليهالوش ربي يصلح الأحوال ان شاء والله يهدي الام تاعك
حاجة وحدوخرى نسيت مقلهالكش منين ذاك اشري حاجة خفيفة ومديها ليماك قلها هو بعثهالك ونتي ثاني كي تكوني في داركم منين ذاك طيبي حاجة واديهالو قلو ماما بعثتهالك ههههه ربي يغفرلي ان شاء الله المهم حاولي تصلحي العلاقة بيناتهم وربي يهنيك
@@omthamoha1406 طول نهدر معاه بتليفون درنا كل نهار نحكيو بصح ميجونيش وساكنة مع دار شيخي واذا بغيت حاجة يجي لباب ميدخلش داري لداخل ميعرفهاش هو ولا بابا ماما كي نولد دجي تتعشا تروح هذا مكان وبيت شيخي يعروني خاطر عزوزتي عايشة عند بناتها
انا روحت ل دارنا اليوم وماشي موالف نروح بزاف ولله يا ختي ملڨري دار تاعنا وحدنا وهي وحدها غير تشوفني تجي تهبط وتعكر فيا ماتبغيش كي نروحو انا وختي ول مانبغيش نروح غير على جالها
ربي يرحمو ويوسع عليه الحمد لله قلبك واسع ربي يفرحك ان شاء الله ويعيطك على حساب قلبك شدي في دارك و راجلك وولادك هاذي هي سنة الحياة مايقعد على حالو غير ربي سبحانو
ايه شفتي الأغلبية هكذا ميحبوش يكونو ثقال على نسيبهم ومايحبوش أهل الزوج يديرولك ليرومارك على خاطر كاين لي ميحبوش ويقعدو يظلو يهدرو مالي هكاك خير ماعدى للضرورة
شوفي حبيبتي اذا كنتي عارفة روحك تقدري تغسيلها عادي راكي ساكنة معاها مافيها والو ولكن اذا كنتي ماتقدريش وحاسة روحك تعبانة متكلفيش نفسك فوق طاقتك و الهدرة فيها فيها نقيتي ولا منقيتيش نتي ديري لي تساعدك ولي تريحك وربي يعطيك وقفة ساهلة ان شاء الله
سلام اختي انا ام نجيب كراكي ختي و عاألة لاباس بغيت نحكيلك عندي مشكل مع جارة تسكن فوقي مشيطتني ودردك عليا والحس الليل مع نهار والله والله كرهتلي حياتي و زوجها يعمل فل الحكم غير زوجي يتكلم علا الحس تع ولادها يقولنا نشتكي عين بزاف بزاااف فليل تبدا جر ونقول لولادها لعبو بل بالون ماسبت كي ندير حتا ولات مشاكل مع زوجي و حتي التوالات يقطر كاريتا عييييييت قوليلي كي ندير يرحم والديك و يعطيك الصحة ❤
وعليكم السلام حبيبتي بالعكس نتي لي تشتكي بيها على خاطر هذاك راهو تعدي على الجار وكاين قانون خاصة تاع التوالات روحي لوبيجي يورولهم الزنباع وين ينباع وعمرك ماتبيني روحك خايفة منها هكاك تزيد تتفرعن كثر وكثر قلها راح نشتكي بيكم ووين وصلت توصل هاذو باينين ميحشموش وراهم يديرو فزكارة بلعاني ربي يهنيك منها والله غير عيب عليهم
@@omthamoha1406 ربي يحفضك و يخليك وليداتك ويرزقك الصحة و الخير قلت لزوجي نشتكو مابغاش ياختي يخاف من المشاكل انا لي راني نعاني و انا راني كاريا مشي سكنتي بصح مزينا نيتي فيها وانا لي نبنترها و نقيها غير انا لي راني نعاني ،😔😔😔
هاذي أكيد عندك فيها الحق ولكن انا دايمن نحاول معاهم يقولولي منجوش راكم مسامحين وثانيك باش نبعدو على المشكل قد مانقدرو والحمد لله على كل حال دار الوالدين مفتوحة في كل وقت وقت ماحبيت نروح عندهم ونكون مرتاحة وبدون مشاحنات نتمنى تكوني فهمتي قصدي وربي يصلح الأحوال ان شاء الله
الحمد لله لي ريحتي انا كنت خايفة تقولولي كاش ماصرالك الحمد لله رجعتي لدارك وبنتك بخير آسفة عالسؤال حبيبتي من خلال هدرتك فهمت بلي والديك مطلقين ولالا اذا كانت الأم تاعك عايشة عيطيلها وسقسي عليها ماشي شرط حتى تروحي عندها مام الأب تاعك يجي نهار ويكشف ربي الستار على كل شي ويفطن مع روحو لا يفلح الساحر حيث أتى نتي هكاك ومتقطعيش علاقتك بالأب تاعك منين ذاك روحي عالغفلة دخلة وخرجة شوفيه مادام راه عايش هو الله غالب عليه مش جايب خبر ومنين ذاك ثاني عيطيلو سقسي عليه والله غير كي نسمعو هم الناس ننساو همنا ربي يعوضك بحب العائلة مع زوجك واولادك ان شاء الله معندنا مانديرو ياحبيبتي هاذي هي الدنيا ربي يلم شملكم مرة أخرى