نفس الطريقة تاع الزيت رجعت نخدم بها هذ العام. واظن احسن الزيت ماطولش وماتقدمش. انا عن نفسي كل مانحل بيدون جديد نكتب عليها التصاريح باه ندير تحدي مع نفسي ونشوف شحال تشدلي. وثاني نفرع منها 2ل نخدم بها وباقي نخبيه خطرات البدون يشدلي شهر والنص وخطرات اقل وخطرات اكثر.
بصح حنا اصحاب الشرق مانضيعوش الزيت المشكل نتاعنا نديرو بزاف لمسمن والشخشوخة نتاع الرقاق وخلي كسرة فطير مانقدروش نعيشو بلا بيها الله غالب كل واحد واش تعود
كيف كيف،، انا نسكن في العاصمة بصح اصلنا من الشرق ،، احنا مشكلتنا الكسرة عايشين بها عن نفسي ما نشريش كامل الخبز الا اذا درت قرنطيطا،، اتخيلي زوج لترات يكفونا للشهر😑😑 زوج لترات غير للكسرة وياربي ههههه
يعطيك الصحة ام ساجد رجعت مدمنة على فيديواتك واستفدت بزاف بزاف منك ، الزيت درت تحدي قبل رمضان حكمتلي شهرين بصح رمضان و بعد رمضان هذا ماقدرتش نتحكم فيها بحكم زوجي يحب ندير الكسرة رخساس كل يوم نخبز صباح و لعشية و يبغيها مبسسة بالزيت عليها راهي تمشيلي بزاف الزيت صينو القليان نقلي مررة فالفال و الزيت نتاع القليان نخليه ننصب بيك الطياب.
