سلام شيرات كيراكم غاية لباس نتمنى متبخلوش عليا بليجام والبارطاج واللي دخلت جديدة متنسيش تشتاركي في القناة وتفعلي زر الجرس 🔔 ليصلك كل جديد 🥰 رابط قناتي الثانية youtube.com/@Safia_dz?si=YRkP6iVqycSnQsrQ
@@Hkayat_safia_dzصفية نعطيك نصيحة على الحوت ألي قليتيه خاطر انا تاني نديرو بصح هاذوك الزيوتات غير مرض ديريه مالأحسن فالفرن بنفس تتبيلة ديريه في مول مالأحسن تاع زجاج لا عندك وماتزيدي لا ماء لاوالو دهني بشوية زيت ويجي طايب زبدة ماشاء الله وتحبي تاكليه مع صلصة تحبي تفوري شوية خضرة وديريها مرافقة ويجي صحي ماشاء الله وحاولي تنحي الزيت من طيابك راه مضر🎉❤
حاولي تشري سكنة بالدراهم لي بقاولك باش ما تقعديش فالكرا ولا تاكليهم و تقعدي برا مكانش لي يرفدك من غير دارك . متخليش بنتك تلويلك دراعك بلإبتعاد عليك خليها تزعف يجي نهار لي ترجعلك كي يضربها الحيط
والله رانا في وقت عجب بدل من انه البنت تحوس على رضى الام ولات العكس الام تحوس على رضي البنت والله لو بنتي نغضب عليها ليوم الدين بركاو متضعفو قدام اولدكم لا حول ولا قوة الا بالله
روحي شري سكنة على حساب دراهمك قبل ميكملو غي فالكراء وتلقي روحك برا ومن بعد حاولي تجيبي حقك اذا دار مشروع دخلي معاه بنص ولا يرجعلك بشوية وبنت هاذيك لفعة كنتي تربي فيها
تندبي عليها روحي اجري اشري دار بالدراهم لي بقاو دار صغيرة قيسك وانساي بنتك لي تحب راجلها اذا رجعت تكملك الباقي اقفزي واضمني دار لشيخوختك واحد ما يرفدك خوذي لي الراي . راني خايفة هي لي تشكي بيك وتقول يما كلاتلي ورثي باين راجلها موافقها لخاطر خباو عليك وزاد دار مشروع بدراهم مسروقين وما هدر والو هذا اطونسيو منو. ياو الجيل تع ذرك اناني😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢 ربي معاك والله يعوضك خير
صاحبة القصة روحي بالدراهم لي بقاولك اشري دار قبل ما يزيدو ينقصولك منهم و الدراهم لي راحو تطفرت ما تشكي ما تخسري بنتك انتي ما عندك غير هي ربي يصلح حالها و يرزقك برها
اللهم في هذا اليوم من كانت مريضة فاشفها و عافها و من كانت مهمومة ففرج همها و من كانت تنتظر خبرا سعيدا فعجل لها به و بشرنا جميعا بكل خير يااااارب 🤲🏻🤲🏻🤲🏻
مساء الخير ممكن تثبتيلي تعليقي أختي صفية❤❤،أنا أستاذة إبتدائي مع فترة الاختبارات أردت مساعدة الامهات لتقديم اختبارات مقترحة بقوة لكل سنوات الابتدائي من الاولى الى السنة خامسة جعلت تلاميذتي يتحصلون على علامات ممتازة مرحبا بكم صديقاتي الأمهات والتلاميذ.
من فضلك ساعدو التلاميد ذوي الحالات الخاصة انا ابني من الحالات الخاصة يدرس جيد وعلامات ممتازة لكنه ضعيف قليلا في اللغة العربية بحكم عند مخزون اللغة ناقص هو عند توحد لكن نسبة قليلة وكثير الحركة جدا و قليل الانتباه ،في الورقة يكتب الجواب وينسى الاخر معلمته راءعة لكن لا تنبه بإعادة كتابة الإجابة على الاسءلة التي ينساها ارجوكم ساعدوهم انا اتعب معه في المنزل كثيرا وتساهلوا هعهم في التصحيح قليلا
يا ام سارة أثرت فيا حكايتك بزاف بزاف 😭 غدرة جاتك من اقرب الناس 😢 واعرة بزاف يعني لوكان نتي حطيتي دراهمك في البنك 800 مليون ما تتخباش في الدار ✋ بصح لي صرا صرا هذي سرقة ماهوش حقها بنتك كيما قاتلك المهم انا في مكانك ندعي ربي يصبرني و يفرج عليا و ثانيا لازمك بسرعة تشري دار وتسجليها باسمك في أقرب وقت✋ خاطر ممكن جدا يرجعو و يساوموك على المبلغ الباقي يبكو و يشكو و يكلخولك و تبقاي لا دار لا دوار 😖 عندك يلعبو عليك اللعبة💔 ما تحوسي عليها ما والو يجي النهار ترجعلك وحدها ربي يفرج عليك يا رب العالمين 🤲
سلام علاه ماتشكيش بيهم اليوم 300مليون مرة أخرى يذبحوك وانت لاخبر لي يخون مرة يخون الف مرة خمى على عقوبتك خبي حوايجك مليح حتى بنتك مافيهاش أمان تشوفي زوج تاعها كيفاش يرمها عند وجهك كي يعرف بلي ما تسال ما ولو او ما تعطيهاش دورك هكدا تشوفي لعجب من عند نسيبك اشري دار صغيرة قيسك ما تخمي على حتى واحد خمى على روحك اما بنتك يجي نهار تندم
ياختي اوربي روحك و دراهم لي بقاولك اشري دار لروحك قبل ليزيدو يديوهملك مدام راجل بنتك طمع في دراهمك وبنتك تبعاتو لشتا رجعو عندك يبقا شيطان يلعبلو بعقلو مديريش لمان وشري دويرة تخبي راسك فيها دار الناس مدوملكش
سلام اختي اسمعى واش اقلك روحي اشري سكنة f 2 في بطيمة وخلي للباقي عندك عند راسك لزمان وحطهم في البنك هذي بنتك ما اتهزكش وهزي منهم غير ما تصحكي متخليش لها سكن كبيرة يتمتع فيها رجلها ويورثها بعدك واكتبها وقف للبنتك ما تتبعش بعدك اخلاص وسقسي اهل الخبرة اما بنتك لزها ولزي رجلها يكتبولك شيكات لتسديد الدين حتي تضمنى راحتك وخبهم في البريد سقسى في البوسطة او البريد افهموك اكثر وماتبقيك اتنقرزى ياسر علي بنتك وحولى اتفطنها وتوعها وصليلها غير بشويي بلي رجلها طماع ومستغل وروحي اي محامي او موثق يكتبك عهد بي تسديد الدين واطلبي منو اشور عليك وربي يسترك وكثري من كلمة لا حول ولا قوة الا بالله بنية يهديهم ربي ورجعولك دراهمك و الله المستعان
الله معاك يااختي لا تسامحيها وقوليلها تجيبلك دراهمك يكون زوجها كذب عليها وطمعها في كاش مشروع هاته البنت طماعة خونت أمها ومابلك تزيد تخونلها هاته المرة وترميها للخارج الله يحفظنا ويبعد علينا المصائب أمين😢
انا ننصحك بيعي كلش حتى ذهبي اذا عندك وروحي اشري سكنة وعيطي لبنتك وحاولي ترجعي المياه لمجاريها لكن هذا المرة وانا متأكدة انو زوجها يستغل فيها ونهار يطلع ويكبر راح يبدلهابوحدة خير عليها ويجي نهار الي عايرها يا سراقة دراهم يماك وحكاية بيعوكراء السكنة وسرقة الدراهم من تحت راسو واول حاجة ديريها حاولي تفطني بنتك تطلب من عندو دراهمك واذا بدا يتهرب معناها راه طفرط فيك وحكاية خروجهم من عندك لدار عجوزتها ماهي غير تمثيلية با يقولو ماشي حنا لي ديما الدراهم حاولي كيفاش تهدري معاهم بالهاتف وسجلي المكالمات راح تكون نقطة في صالحك وادعي ربي هيدروليك كلش بالهاتف وقوليلو لما حبيتوا الدراهم علاه ماطلعت ش مني انا نمدلكم علاه دراهم من ورايا وحاولي كيفاش تستخدميها غير في الهاتف وربي معاك سلام اختك ام محمد
ربي يشفيها وجميع مرضى المسلمين .نصيحتي ليها تشري دار بهاذوك الدراهم لي بقاو باش ماتبقاش فالزنقة وبنتها الخائنة الله يهديها جاي النهار وتولي وتندم بعد فوات الاوان
يختي ردي بالك تسكتي على دراهمك ياك سمعتي قصة ديك لمرا لي دير الشمة وشعال دارت الخير في راجل بنتها وفالاخير جزاها بلسيئة مالا نقلك عيطيلو وقلو انا لقيت دار دبر راسك ترجعلي دراهمي ولا نشتكي بيك نتا ميش بنتي بسك علبالو بلي مستحيل تشكي ببنتك وقلو روح نفضحك عن والديك بلي خونتلي دراهم داري اما بنتك كانت مخططة لكلش وقاتلك بيعي الدار لوكان انا في بلاستك نايفها ونعاقبها بسك مرحمتك كبرك وضعفك و تهجالك عليها وفضلت زوجها عليك ربي وكيلها وكما تدين تدان
موقف صعيب لكن كوني حكيمة ، بنتك وراجلها مترجعيهمش لدارك حطيهم قدام الامر الواقع داو دراهم خطيهم وبلا اذن يرجعوهم ، ولا تشكي بيهم انت متشكيش مجرد تهديد ولا محبوش اقطعي علاقتك بيهم مؤقتا كعقاب فقط ، حتى تندم بنتك وتستعرف بلي غلطت ولازم تتحاسب ، ونصيحة مني والله الانسان يدير حساب من اي واحد في هاد الزمان ماتقولي ختي ولا خويا ولا بنتي ولا ابني عيشي فايقة وخليها على ربي .
عيطي لراجل بنتك وقولو كن ما تجيبليش دراهمي راني راح نشكي بيك ونقلهم دالي دراهمي و خشني صوتك و حلي عينيك فيه مليح خوفيه ما تبينيش بلي خايفة على بنتك وكان قالك راح تظخل بنتك للحبس قولو انا علاجال دراهمي تدخلو في زوج ما دخلنيش فيكم المهم دراهمي يرجعو ولا نشكي ،ما تسكتيش بنتك ما رحماتكش ترحماها انتي هيا مغطية راسها خمي على روحك راح تقعدي مطيشة بلا دار وهيا يجي نهار يطيشها و يخدعها كيما خدعاتك و ما تعيا ترجعلك
يعطيك الصحة على الحكاية المؤثرة غاضتني بزاف ام سارة قع هاذيك الميزرية اللي جوزتها في حياتها زادت كملت عليها بنتها مع راجلها وزيد ماشاورتكش في الدراهم اداتهم بلا علمك ولشكون لراجلها باش تشيتلو تروح تقود هاذي حابة تلويلك ذراعك على جال وليد الناس في التالي يشبع من دراهمها ويدير بيهم التاويل ويرميها وتولي وحدها عند رجلك خليها تشبع من راجلها وماليه يعاودو يقولولها باش نرضاو عليك زيدي جيبينا بقية المبلغ وتلقاي روحك برا في الزنقة لا والي لا دلال مالا اقفزي على روحك وقوي قلبك واشري دار بالمبلغ اللي بقا ميشي هي اللي رايحة دخلك للجنة دور ودور وتاليتها اجي عندك كي يضربوها الحيطان المهم ديري تاويل لعمرك قبل فوات الاوان والله يحنن القلوب وربي يشافيك ويعافيك ان شاء الله
الدراهم إلى بقاوو يا اختى روحى اشرى بيهم مفتاح ولا برطمة صغيرة واكتبها على روحك وروحى للعمرة وربي يشافيك ويعافيك وهى عاقب ها لأنها ما رحمتك ما رحمت مرضك وكبرك ومزال تشوفى وش يصرا لها من راجلها ربي يحييك وتتفرج تقرأ بالعماء
والله لكان جيت في بلاستك نروح نشتكي بيهم يردولك رزقك والله نبني ب الباقي جامع صدقة جارية عليا هاذي مثمرش فيها الخير والله قبل ماتكمل الحكاية كنت نلوم فيك بالصوت كنتي تتزوجي كنتي تتزوجي حتي ربي وخبرنا اننا نقدرو نولدو اعداء من صلبنا والله منتوحشهم طماعين وجافيين والله مايعيا راجلها محاوزها ومتزوج عليها ومخرجها صفرة اليدين ربي يشفيك ويهنيك❤
اشري سكنة على قدك في اسرع وقت ونحي بنتك من راسك تقول ماكانش وهادي ما حنت عليك ماتسقسي عليك ما تواحشك وانت مطيشا فالكرية ومريضة زهرك عوج هي اكيد راح يدور عليها هاد المخادع خلاها تسرق وتهجر يماها راح ترجع مكسورة عن قريب اقري حدرك لاتعشي برة
السلام عليكم 👍👍👍💖الأخت لي درتلي ابوني ربي يخلي شملك مجموع وكلامك مسموع وراسك مرفوع وين ما رحتي ربي يجعل مقامك عالي في جنة الفردوس آمين يارب العالمين 💖💖💖💖
البنكا و البوسطا لاش نداروا قريب مليار نحطيها في الدار مئة متين بلاك بصح تسعمية مليون بزاف معليش حقا حتى بنتك تسال في ورث باباها حلي كارني في البوشطا و حطي دراهمك و كي تحتاجي روحي جبدي باش تداوي و تعيشي
سلام عليكم ياختي اجري على روحك وحوسي على دار قيس دراهمك قبل مايخلاصولك فالكراء وعلى بنتك خليك منها ماتحوسي عليها ماوالو خليها هي تندم وكيخبطوها لحيوط تولي لعند رجليك وتطلب السماح وتولي لعندك ان شاءالله وهداك راجلها باين بلي طماع وراه يستغلها وكلي عليه ربي يجيبلك حقك حتى لعندك وربي يسهلك
يا صحابة القصة شري سكنة على حسابك وحساب دراهمك وكتبيها على اسمك وبنتك نورمالمو تشاورك قبل ماتدي دراهم لاخاطش نتي تعبتي عليهم ماشي هي ورجلها وخليها هي وراجلها يجو عندك ويطلبو سماح وربي يشفيك
وتلد الأمة ربتها. رانا في وقت الام تخاف من بنتها يامخلوقة روحي رجعي دراهمك واشري دار درقي فيها راسك ولاه متشكيش هذو دراهمك رجعيهم بأي طريقة وخلي بنتك تدخل للحبس باه تتربى ياو هي لجي تبكي وتحاولك مش انت .
ختي درهماك لي بقاو شري سكنى حتى وصغير معليش خير مايكمللاك درهماك ومعليك سميها ولكن حارسي منها ملفرود لي درتي على خطابها مادرلكش هاك جيل تلع درواك طماع وحرزي رحاك ديري سكنة على سماك خير متلقي رحاك في دار العجوة رشيدة وهران
الأخت صفية كالعادة قصص من الواقع و توعوية من احسن اليوتوبر في هذا المحتوى بنسبة لصاحبة القصة اقترح عليك أن تشتري شقة ولو F 2. او F 3 لأن الشقق في تصاعد مستمر ولاتتركي هدا المبلغ في البيت افتحي حساب بنكي او حساب جاري البريدي و ضاعي هده الأموال ولا تلميسهم لحين شراء منزل لتفادي حدوث أي مفاجأة كسرقة أو أي شيء آخر . الله يعوضك خير إنشاءالله وأتمنى أن ترجع الامور الى مجاريها انتى و ابنتك و الله يعافيك من مرضك وترجع لك صحتك .
ليس من حق أي واحد او وحدة حتى صفية باش تقول لصاحبة القصة روحي اشتكي ببنتك و زوجها . لا لا بنتك تطول و لا تقصر ترجع لك حتى لو كان زيارة و زيد راهي كبيرة ديري عند الموثق فريضة و شوفي حقها و تحاسبو انا ننصحك باش ما تشتكيش بها . وانت ثاني يجي اليوم لي تحتاجي لابنتك ما ينفعوكش الدراهم .اشري سكنة قد ما عندك . و الحاجة لي نلومك عليها هي فضحك لأختك . كانت صغيرة و غلطت و ربي وصانا على الستر . المسلم يستر المسلم مهما عمل .
لازم نعلق ماتحاوليها ما تشكي بيها خليها وروحي اشري دار على حسابك عيشي فيها وداوي روحك وداوي جراحك لكان جات بنتك فيها الخير ماتسرقكش دجي وتطلب منك دراهم هذا جيل المصلحة سمحيلي اختي والله يشافيك
سلام اختي نقلك أشري دار بدراهم لي بقاولك يا لوكان بيت و كوزينة متشكيش ببنتك خليها كما تدين تدان و متحاولش انتي ترجعيلها خليها تحس هي بلي راكي زعفانة عليهآ وبلي راهي غالطة في حق يماها لي ضحات عليها وربي يهديها ويشفيك أن شاءالله يآرب
احكمي نسيبك بالذات و قوليلو رجعلي دراهمي راني لقيت الدار باش نكمل نخلصها و لا و الله غير نشكي بيك انت ....انت لقلت لها جيبيلي الدراهم يا الخداع دخلت من الاول بنية الخدع 💔 ربي يحيبهالهم في زوج ما رحموكش و انتي مريضة ربي يشافيك 🤲🤲
ختي ماعندك حتى دليل بلي هوا لي ادالك الدراهمك القانون لا يحمي المغافلين تخسري بنت هذا مكان حاولي مع بنتك ترجعهم هيا تهدر مع راجلها خبي هذوك لي بقاو بلاكي تزيد تسرقهم خبيهم في البنك ماتخليش الدراهم في الدار
مساء الخير اختي صفية انا أختك في الله ام محمد متتبعة ومدمنة على حكاياتك كي نسمعك ننسى نص لمعانات لي عايشتها والله متمنية ومحتاجة نتكلم معاك لكن للاسف والله ماعندي حتى وسيلة تواصل اجتماعي من غير ليوتيوب اذا امكن رقم لهاتف ونتاصل بيك في اقرب وقت 🌺💐🌸👍👍👍👍
الأخت أم سارة عليكي بالاعتناء بصحتك اولا و عالجي صحتكي لأن هذا هو المهم فالمشاكل التي تمورين بها و القلق و الحزن لايساعدك على الشفاء انسي ولو. مؤقتا . اشتري منزل بالمبلغ المتبقي فى أقرب وقت و بعد ذلك حاولي استرجاع أموالك والا احتسبي امرك لله . الله يمهل و لا يهمل زوج ابنتك استغلالي و انتهازي. ويأتي يوم تندم ابنتك على فعلتها.
صاحبة القصة روحي لزوج بنتك وقوليلو نديرو ورقة عند النوتير بلي راني نسألك دراهم والمهلة الي تتفاهم عليها باش ارجعهملك ثانيا اذا بقالك شويا دراهم ارجعي لمنطقة الي كنتي تسكني فيها واشتري حوش صغير على قدك عيشي فيه ربي فيه طيور مثل دجاج واغرسي شجيرات فوتي بيهم الوقت متفكريش بزاف في بنتك يجي نهار تجي وحدها خميي على روحك عالجي نفسك شوفي مع الأطباء اذا يديرولك عملية استئصال الرحم نعرف بزاف دارو العملية وبراو
الدراهم تغير النفوس حتى البنت على امها اشري دار قد دراهمك وعيشي بشهريتك اما بنتك كيما قالت ادات حقها راها من بعد تولي وما تلقاش راحتها في دار شيخها كان عليها تطلب حقها بالمعروف خير من السرقة ، ربي اشافيك باذنه تعالى
ربي يشفيك و ينصرك عليهم و يرجعلك حقك، اختي واش نقلك صعيبة باش تشكي ببنتك العاقة وممكن هي تربح القضية لأنه يعتبر حقها ورثة ابوها و لكن روحي اشكي بزوجها عند باباه و اعمامو و اذا كانو عايلتوا تخاف ربي انشالله يرجعلك حقك.
الدراهم لي بقاو شري سكنة صغيرة . وبنتك لو كان تروحيلها بلاك تقْولك كلام يجرحك خليها تنحرم منك و ترجعلك وحدها . اياكي تحطي من قيمتك حتى لو لبنتك و ربي يشافيك و يحنن قلب بنتك عليك .
Rohi chri une maison avec l'argent qui te reste et bentek et son mari lahla iradhom , un jour ta fille te reviendra car avec un mari pareil sûr idor 3liha , voleur un jour voleur toujours .Allah yechfik et thalay fi sahtek c'est l'essentiel
م الأفضل تشري قبر الدنيا وهو شقة F2على قدها بقيمة 400 مليون مثلا والباقي تروح للعمرة و تدي معاها صحبتها الارملة في وجه الله وتشرب كتيرا ماء زمزم حتى تشفى والباقي تقلش روحها و تخبي شوية وتشوف حياتها علاش لالا ربي معاها ان شاء الله وتأكد على السكنة لازم تشريها و متغلطش مرة أخرى
للاسف ختي خوك هذا انسان جاهل كان المفروض يميز بين التلميذ المجتهد والتلميذ الضعيف وزيد النجاح مكانش متوقف غير على نقطة المادة تاعك راهم عدة مواد والا راني غالطة؟!!لوكان جا وليدو قارى كان نجاحو ما يتوقفش على مادة بل كان قادر يعوض نقص العربية بالرياضيات وغيرها .يعيا يتكاكا والعام الجاي كي يعاود يشوف النتاءج الفصلية الى تعكس مستواه ونتى تكوني بعيدة لا دخل لكي وبعد نتاءج الشهادة ما عندو ما يقول لي يكون يكون وووليدك ما تنسايش تحصنيه لانه محسود
شوفي انت ضحيتي على جال بنتك وهي نكارة الخير كيفاه اتخون وتسرقك هذه جريمة .صح هي تسال في رزق باباها لكن بحقها مش تسرقك وتهجرك باه تعاقبك شوفي ديري اجماعة كبار العائلة وهدديها تشكي براجلها أن شاء الله لتولي لطريق
