سجاد جدعان قصيدة حضر جزمتك  

قصيدة: حضر چزمتك
من ديوان: #شلهوبيات
حضر چزمتك هالدورة خلصانه
وتعال اكنس الشارع يلا ويانه
تعال اكنس حبيبي حـتــى تــالي تفوز
وكرسي بالحكومة الجايه الك محجوز
واذا چــم صوت عادي لون انـت تعوز
تحــالف صــير تــابــع لبن مـرجــانه
حـضر چــزمــتك هـالدورة خلصانه
يشلهوب الدرج بشرني بـــخباره
يرهم فوگ (سي باية) الجكسارة
لو هسه شــمـرته وضــاع فجاره
والينكر فضل طايع لشيــطــانه
حضر چزمتك هالدورة خلصانه
الچزمه والدرج والفيس والسبيس
هن الصعدنك تـالي صــرت ابليس
ياخافي بخت يالما تعـرف تقيس
ياناقص ويـتـفاخـر بــنـقـصـانه
حضر چزمتك هالدورة خلصانه
ياناقص ثقافــة وعقل ناقص دين
تضحك عالفقير وتاجرت بحسين
من ربك يشلهب تنطي وجهك وين
مو باچر تلـهمــك لــهــم نيـرانه
حضر چزمتك هالدورة خلصانه
#سجاد_جدعان
- 2022 - 12 - 24 -