سعود القحطاني.. وزير الذباب الإلكتروني! 

للتبرع عن طريق عملة البت كوين الالكترونية
34AxwPuaohmp91uYJtW1o7Bn34A8YiUBKD
وزير الذباب الإلكتروني.. سعود القحطاني
السلام عليكم أيها المشاهدون الكرام ورحمة الله وبركاته
هل يمكن ان يصير واحد هكر وزير في السعودية؟
أيه نعم، يصير.
هذا عندكم سعود القحطاني، مستشار الدب الداشر للشؤون الاعلامية برتبة وزير!
الهكر ذا ـ واللي يسمونه الدليم ـ هو للمعلومية اللي يسطي على حسابات الناس في مواقع التواصل الاجتماعي وفي الإيميلات، ويوقع المغردين وغيرهم ويكتّبهم تعهدات، ويبتزهم، غير اللي يدخلهم السجن من اصحاب الرأي.
مثل هذا اللي يسوي الفعل القبيح عادي يصير وزير في المهلكة المرخانية السعودية.
لا تستغربوا يصير عندنا هاكر برتبة وزير.
هالقحطاني ـ وتكرم قبيلة قحطان عنه ـ انا أسميه وزير الذباب الالكتروني.
وشغله أوسخ من شغل المباحث الدبابيس اللي يتجسسوا على الناس ويعذبوهم في السجون.
ليه؟
لان دليم تقدروا تقولون (مباحث بلاس) يعني مباحث برتبة أعلى، وبكفاءة أعلى. وعلى فكرة المباحث عندهم جيش الكتروني طويل عريض بعد. وكثير من الجهات الحكومية عندها جيش الكتروني خاص فيها يدافع عنها ويلمع وجهها.
ليه دليم مباحث وزيادة؟
ليه هو أوسخ من الآخرين، يمكن حتى من الجلادين اللي يعذبون الناس.
ببساطه لأنه:
اول شي يستخدم فلوس الشعب في اختراق خصوصيات الناس. يهجم مثلا على ايميلك ويسرق مراسلاتك، وصورك، وصور عايلتك، وكل خصوصياتك، ويبدأ يبتزك: لا تكتب كذا، تراجع عن كذا، قفّل حسابك، اشتغل عندنا مباحث، اكتب اللي نقول لك عليه.. وإلاّ سوّينا فيك كذا وفضحناك ونشرنا صورة عايلتك: زوجتك او بنتك او اي شي آخر، وفوقها راح ندخلك السجن.
ترا كثير من الناس قفلوا حساباتهم على مواقع التواصل الاجتماعي، بعد التهديدات والابتزاز.
راجعوا اسماء المغردين المشهورين قبل اربع سنوات، راح تشوفون نصهم على الأقل اختفوا، اما بالتهديد الجبري، او بالابتزاز الشخصي.
صحيح ان دليم ما هو الوحيد اللي يسوّي الجرايم، لكنه واحدن اساسي.
واظن ان في رقبته اعتقال اصحاب الحقوق والراي. ولا واحد من هذولي ما كان تغريداته جزء من الاتهامات.
الشي الثاني اللي يخلي دليم جاسوس بلاس، هو انه ما يكفيه الهاكرز اللي يجندهم هو والمباحث من المواطنين ضعيفي النفوس، عشان يأذون خلق الله.
لا.. دليم اشترك في مواقع الهكرز واشترى خدماتهم بفلوس الشعب نفسه اللي هو يتجسس عليه.
والخبيث وزير الذباب يشتري خدمات الهكرز أحيانا بالقطعة: اغلقوا لي حساب فلان وهذي عشرة آلاف دولار. افعلوا لي كذا وكذا.
وهذا هو اللي كشفت عنه ويكيليكس، واللي كشف عنه سقوط موقع واحد من الهكرز، وتبين من اللي ورا هالمجرم.
شي ثالث، هذا الخبيث وزير الذباب الالكتروني، يقوم في اغلب الحالات بالشغلات الاجرامية بنفسه.
هو اللي يحدد فريسته، وهو اللي يجند اللي تحته عشان يصيدوها، وهو اللي يقرر ايش يسوي في الضحية: يحقق معه؟ يعتقله؟ يطلب منه الاستقالة من عمله؟ يجنده في المباحث وغيره؟ هو اللي يختار العقاب صباب قهوة المراخين دليم قبحه الله.
يعني دليم هو جاسوس، وهو مسؤول اعلامي يحاسبك، وهو رجل مباحث يبتزك، وهو قاضي يحكم عليك باللي يبيه.
الله يخسك يادليم.. أنا ما أدري كم واحدن دخل السجن على يدك وبتخطيطك وبأوامرك. وكم واحدن رجعتوه من المطار وحرمتوه من السفر. وكم ستر ناس هتكتوها ونشرتوها كتهديد على مواقع التواصل.. وكم ستر كشفته يا خبيث لصالح سيدك الدب الداشر، وكم قايمة سودا شبّحت عليها يا شبيح الديوان يا أسود الوجه؛ وكم حساب سرقته من صاحبه وباسمه وقمت تكتب فيه على لسانه اللي تبيه.. وكم يا دليم من جهد لناس عاديين خربت حياتهم وقضيت على آمالهم وأشغلتهم باجرامك،
وكم وكم.. وحتى الصحفيين المحليين كم واحدن حققت معه، وكم واحدن اقلته، وكم واحدن هددته. حتى السطو على قناة فضائية رياضية مثل بي ان سبورت، اظن لك يد في السطو عليها يا دليم، وما هي بعيدة انك ضمن اللي خططوا لاختراق وكالة انباء قطر..
وكل ذا باسم الوطنية والدفاع عن الوطن يا عديم الضمير.
برنامج الجنادرية مع غانم الدوسري
لتقديم الدعم اضغط هنا مشكورا
www.gofundme.com/ghanem
حساب تويتر
/ ghanemalmasarir
حساب فيس بوك
/ galmasarir
إيميل
galmasarir@gmail.com
whatsapp:
00447478260630
سناب
/ galmasarir