بضيف لكم تجربتي معها ٤ سنين اول مانزلت وكاله شريتها للحلال عشان وسع الحوض ببدا بالسلبيات سلبيات المقطع كلها صح الى الداخليه امورها طيبه واللي ماذكرها بالمقطع : ١-سعر القطع من الوكاله غالي لكن فيه بدايل وعن تجربه اشتري البديل جودته بنفس الوكاله ٢- الراحه معدومه خصوصا بالبلد مع الخطوط الطويله راسيه وكنت بعض الاحيان اسافر عليها فوق الف كيلو وعلى ١٩٠ امورها طيبه . الايجابيات :١- دبلها يصدمك من قوته الثقيل جريت فيه دينه مغرزه ويطلعك من اي رباضه اما الخفيف تعبان لازم تنسم وتوديك اي محل تبغاه . ٢- الحوض يشيل حمل الشاص وكنت كل اسبوع اخذ ٧٠ حبه برسيم بس لازم تفك حنايها وتلحم عليها حقات هلي . ٣- توفيرها رهيب تحملها وكرفها اخت الهلي بالجوده . نصيحتي اذا انت راعي حلال ويهمك حوض كبير سعرها ب٦٧ الف تراه فيها وتستاهله بس انتظم بزيوتها وفلاترها وامورك طيبه واغلب العيوب يمكن تلافيها اما اذا ودكت سياره طرب ومريحه ابعد عنها 😂 وذكرنا تجربتنا من باب الاجر وتسهيل الاختيار لخوانا المسلمين
هل السياره تصلح لكرف اقصد لنقل العفش لاني نجار اشتغل في نقل غرف نوم ومطابخ وانا في حاجة سيارة غمارتين منها اشتغل ومنها مشاوير عائلية فاعحبتني السيارة لان حوضها كبير تنصحني فيها
الونجل 7 اثبت جدارته وجودته بالنسبه لسيارات البيكب الصينيه مايطلب ولا يوجد فيه عيوب مصنعيه مثل الmg علما ان قطع الونجل متوفره متوفره في الوكاله عكس ال mg لازم طلبيه وزيدك من الشعر بيت في المناطق اللي ماتوجد وكاله لشركه هافال يوجد بدايل للقطع من الاسيزو والمستوبيشي والتايوتا العيوب اللي ذكرتها يا اخ ابو مدى ماتقارن بعيوب الmg والماكسيوس بصراحه يكفيك ان الونجل 7من فضل الله مايشتكي من الحراره ابد ابد ولا السلف والا خراطيش التيربو ولا دينمو الدبل الموتر بصراحه منافس وبقوه مع الديماكس والهايلكس من واقع تجربه تحياتي لك
السلام عليكم بالنسبة للونجل 7 استخدمتها و هي اصفار تبع دوامي صيانة لجهة حكومية وماشيه معي الان 47000 الحق لله انها جبارة وراسية مع الخط على سرعات عاليه ومدى الديزل فوق الف كيلو اذا سواقتك رايقه اما بالنسبة للشكل الخارجية صراحة قبيح ويعيبها ضيقة من جوا
أختلف معك . السيارة شاريه قبل الضريبة بستين ألف . كمل معي 4 سنوات . الموتر ممتاز بالنسبة للسعر . الصندوق كبير خاصة للي يبي يركب شد . الديكورات ممتازة و متماسكة . قطع الغيار الاستهلاكية متوفرة .
السلام عليكم ورحمة الله وبركاته أبومدى سؤال لو تكرمت سألت أحد الأخوان عن الهنتر من حيث الاعتمادية قال اي سيارة ديزل تشتغل بالكمبيوتر ماهي عملية وش وايك في هالكلام
راي شخصي بالنسبه انا اشوف انه ايجابيه غير سلبيه بالنسبه لشاص الديمكس حتا لو كان مبني على شاص قديم بالنسبه لشح القطع ب السيارات الصيني واختلف معك ان الام جي افضل من وينجل وينجل افضل
اتوقع سبب استمرارها مع وجود الكونج هو ان سعرها دون ال٧٠ ألف ريال والسيارة اثبتت وجودها في السوق كقيمة مقابل سعر. آخر مرة رحت الوكالة ماشفتها والظاهر ان اكثر مبيعاتها للشركات وليس للأفراد مثل السابق يوم ما كان فيه خيارات مناسبة مثل الان
من يوم دخل الصيني عيشنا بحيرة وتشتت اذا زانت المواصفات شان المحرك واذا زان المحرك شانت المواصفات الواحد ماغير يتنقل من نوع لنوع وبالاخير مردك ل ديماكس gt
لا ، انت في عنوان الفيديو كاتب ايجابيات وسلبيات وماجبت طاري للايجابيات ، وانا اشوف انني احصل على سيارة غمارتين دبل ديزل جديدة بسعر معقول مقارنة بمثيلاتها اللي ب 150 الف اللي مالنا قدرة فيها . تكون خيار جيد وتعد ايجابية ( تقبل تحياتي وفقك الله ✋🏻)@@ABOMADACARS
