فين بعد اذنك قناه الشيف لسه قرأت على صفحته انه مسحها !! بجد مش متخيله انا زعلت قد ايه انا متابعه الشيف من اول حلقاته عالاسره والطفل ومعاه فى كل قناه وبحب واطبق وصفاته ارجوك يرجع قناته بلاش كل حاجه حلوه بنحبها تروح كده وصلى كلامى للشيف قوليله ده علم لحضرتك ينتفع به
تسلم ايدك اللي طلع اسمه قشيم. حطي عليه نص كوب للبن وغليه علي النار واول ميطري اضربيه بالهاند بلندر. وستني عليه لما اللبن يستوي مع الجشيم وطفي النار. وعملي بيه البيض المقلي تحفه او أطبخي بيها ممتازه. ليك يا بنات عشان حنون تشوف الرساله
🌦️ سيّد الإستغفار : اللهمّ أنت ربي لا إله الا أنت خلقتني وأنا عبدُك على عهدك ووعدك مٓا أستطعت أعوذُ بك منّ شر مٓا صنّعت ابوءُ لك بنّعمتك عليّ وأبوءُ بذنِبي فأغفرليّ فإنه لايغفرُ الذنوبَ إلا أنت .. 🌹💫
تسلم ايدك يا قمر كيلو من سنم الجمل ونص لتر زيت دوار الشمس تضاف بعد تسبيح الدهن وتصفيته وإضافة كوب لبن وكوب قشطة ونصف معلقة ملح صغيرة مع التقليب المستمر حتي نوصل لمرحلة استواء المرتة
شكراً ليكى يا مدام حنان على شغلك وتعبك ربنا يبارك فيكي ،،القطع المتبقيه من الدهن دى تقدرى تفرميها مع لحمة الحواوشى او كفتة الحاتى وهتديكى نتيجة خطيرة ان شاء الل
حماتى كانت بتعمل زمان السنام للجمل وعليه زيت وتطبخ الاكل بيه .رحمها الله .الجديد اللبن والقشطة. الف هنا و تسلم ايديك. والاشيم بنعمله فى المحشى جزء منه،حواوشى وانت بتسوى فى طاسة على البوتجاز من فوق بدل الزيت .
رضاك ربي والجنة تسلمى ياحنووون انا بعمل لينة ضانى بدون اي اضافات مجرد تقطع وتشطف ونضع عليها كوب ماء فقط وتترك على نار هادئة وتقلب من حين لآخر وتعمل سمنة انا لاستخدامها فى الطبخ وأكثر من روعه الوصفة من فلاحة
كنت لسه حقولك حطى الشغت ال طلع من الدهن فالمحشى بيبقى جميل ومتخافيش مش هيبقى تقيل لان نزل الدهون ال فيه وان شاء الله هجرب وادعيلك وهو اكيد اصح من السمنه المهدرجة
يا حبيبتى بتقولي هو فين الكيلو السمن ب 65 معنى كده انا عندكم اقل من 65 بس احنا عندنا والله 65 وكمان في بعض البلاد ب 70 الاسعار بتتفاوت من كل مكان حسبي الله ونعم الوكيل في التجار كل واحد بيرفع السعر زي ما هو عايز الله المستعان .
انتى ست محترمه وبتحسي بالناس وأنا بحبك وبستفيد منك لأن فعلا الدنيا صعبه جدا وكل حاجه غاليه بطريقه مش طبيعيه اتمنى انك تستمري في الوصفات الاقتصاديّة وربنا يجزيكي خير يارب
الأشيم اللى طلع قطعيه حتت صغيرة وحطى منه على طشة الملوخية وتقلية الخبيزة اللى بالبصل والتوم وعلى تسبيكة المحشى وانتى بتعمليها مع البصلة كده وهى بتتشوح وممكن تاخدى حتة سخنة على شوية ملح وكمون فى لقمة عيش مع كوب شاى كده ياسلاااام هتدوقى اطعم اكل تحفة ما شاء الله علطول بعمل بيه وكمان بحط منه ساعات حتت صغيرة مع كبدة وهى بتتشوح وله استعمالات كتير فى الاكل بس قطعيه صغير خالص عن كده ماما علطول بتعملنا منه ادعيلها ربنا يشفيها ويعافيها يارب هى اللى علمتنى استعمله ماشاء الله اللهم بارك الاكل بيكون له حلاوة وطعم ملوش زى وبيفرق فعلا ربنا يبارك فيها ويعافيها يارب.
أمي الله يرحمها كانت بتعملها زمان وكانت بتسيح كل الدهن بما فيه السلم بتاع الجمل وكنا بحط عليه شويه ملح ونكلو بلاعيش بيبقي طعمه جميل جدا وكنا بحط علي الدهن قشطت اللبن او صباع ذبده بلدي ونسيح مع بعض وكنا بعمل بيها كل الاكل اللي الاورز او الحلويات نعمل بيها تشط الملوخيه ونحط فيها سويه اشيم الدهن وكمان المحشي والبميه الاشيم فيها تحفه وتسلم ايدك
تسلم ايدك يا شف بجد تحفه أنا كنت بسيح الدهن لوحد بس هجرب اللبن والاشطه فعلا عندك حق أحسن من السمن الصناعي العلبه كيلو ونصف وصلت ١١٠ ج في بعض الأماكن جشع التجار ربنا يرحمنا جميعا شكرا على الوصفه الجميله
@@zahrareda7169 ربنا يرحمنا برحمته الواسعة من غلاء الأسعار وحسبنا الله ونعم الوكيل في كل تاجر يستغل الفرصة ويغلي على الناس ربنا يعلم أنا الناس مش مستحمله من دروس. وغاز ونور واللي أعد بالإيجار ربنا يرزقك الجميع يارب
والدتى الله يرحمها طول عمرها بتعملها والقشيم المحمر اللى طلع بنحط مع المحشى ويخلى المحشى تحفه فعلا وانا على طول بعمل السمنه دى علشان دى دهون طبيعيه وصحيه واتربينا عليها
حنون انا هجرب لو طلعت حلوه هبعتلك اشكر لاني بجد احنا في ظروف اقسم بالله شيله هم باكت البامبرز ومعايا طفل واحد تخيلي امل غير يعمل ايه ربنا يدبر من عنده هو اكرم الأكرمين الله يرزقنا ويرزقك يارب
السلام عليكم ورحمة الله وبركاته اضربى بواقي الدهن فى الكبه وعبيه فى برطمان واعملى منه تقلية الملوخيه والبميه وضفيه على تسبيكة المحشي مع شوية زيت زيتون وبالهنا والشفا حبيبتي 💝💝
احلى لايك علشان حنونة عاقلة اليوتيوب ماشاء الله اللهم بارك تسلم ايدك وعنيك وبالهنا والشفاء عليكم ماما الله يرحمها ويغفر لها ولابي كانت بتعمل بها المحشي بس من غير قشطة ولا زيت مانت جميلة جدا وربنا يجزيك خير الجزاء على تعبك يا حنونة ويفرحك باولادك ويدك الصحة والعافية ويبارك في عمرك اتت والشيف
ماما كانت بتسيح الدهن كان الليه الضاني قطع صغيرة هي تاخد السمنة منها تطبخ بها الأكل والقطع ساخنة كنا بنعمل منها ساندوتش وملح ورشة فلفل أسود والباقي تهرسه وتدخله في المحشي زمان كنا صغيرين أيام أمهات زمان كانوا بيدبروا أمورهم رغم إن كان بيجي لنا الزبده البيضاء الأصليه ونأكل المرته وناخد من الزبده ساندوتش ونرش سكر ونسخنها علي عين البوتاجاز فرحانين أحلي حاجة لغاية لما تعمل لما الأكل ..تسلمي وتسلم كل أمهات مصر اللي بيتصرفوا ويدبروا شكرا 🌹🌹🌹🌹🌹🌹🌹🌹🌹🌹🌹🌹😘👍
تسلم ايديكى يا شيف بس لو سمحتى عايزة استفسر عن حاجة كلنا عارفين ان غلى الزيت على النار فترة طويلة مش صحى واحنا بنضيف زيت ولبن وقشطة للدهن وبنسيبه يغلى وقت طويل على النار عشان يتحول لسمنة فهل ده فيه ضرر ولا عادى ولو سمحتي بينفع نحط من السمنة دى ع الرز بما انها ف الاصل كانت دهنة ياريت تردى عليا وجزاكى الله كل خير
تنفع للرز موضوع غلى الزيت هو وصوله لدرجة حرارة عالية وعمليه احتراق الزيت زى طاسة الطعمية لكن هنا وجود اللبن والقشطة بيهدى درجة الحرارة لحد مايستوى عشان فى بخار ماية