هالسيارة جدا ممتازة خاصة في التحمل من نقاط القوى ل سمعة نيسان بس كنت اتمنى لم رجع السوق ع الاقل يرجع ب 8 سرعات لتخفيف صرفية البترول خاصة مع ارتفاع اسعار البترول...مرور عابر
الباترول سيارة قوية جدا في البر ولكن من واقع تجربتي الشخصية للباترول واللاندكروزر احب اذكر ثلاث نقاط هي عيوب النيسان باترول : 1- استهلاك عالي للوقود . 2- اصوات الديكورات تظهر بعد فترة من الاستخدام خاصة لو كنت تطلع البر كثير وتمشي في الصحراء والرمال والجبال . 3- ارتفاع درجة حرارة المكينة لاسباب مجهوله ... حتى ان بعض الناس من هواة الباترول بمجرد انه يشتري السيارة يتجه للصناعيه عند ورش متخصصه تقوم بعمل راديتر اكبر من راديتر الوكالة .
Abu Mais نعم راديتر الباترول صغير لكن الحراره في حالات نادره ترتفع صراحه فيه باترول كان مع احد الزملاء شراه ماشي ميتين الف عليها وباعه وماشي اربع ميه الف وكرف فيه كرف لدرجه غير كراسي مكينه وانا مندهش الموتر باقي في قمه نشاطه من قوه الكرف ف طعس وخط وجبال فالموتر صراحه جبار وبقوه
ابيض وجه يابو بندر .. الله يعطيك الف عافيه الموتر ذا كفو لكن سعره مبالغ فيه جداً خصوصاً انه بمحرك بتقنيه قديمه من 2002 و قير قديم و في هالوقت السيارات حصلت على تطورات افضل مكائن اخف وزن و اكثر اداء و اقل صرفية و ينطبق الكلام على القيور للجيوب الجديدة اوزان القيور اخف و يدخل فيها الالمونيوم و نمر اكثر 6 او 7 نمر وبعضها 8 و هذا ماينقص الفتك مع ذلك سعره شاطح فوق , اللي عاشق الموتر عاد على ماقالو راع الهوى مايلام بيشوف انه رخيص :)
سيارة جميلة حقاً لكن تستهلك الكثير من الوقود وهذا عائق في الرحلات الطويلة كم اتمنى ان تأتي مزودة بمحرك يعمل بوقود الديزل . واشكر صاحب القناة على جهودة المبذولة اتمنى لك التوفيق ي صديقي
لاعاشقينه يبونه بالمكينه هذي اقل اعطال وتحمل اقوى وتورك عالي واقوى من مكينة الباترول ال6سلندر البلاتينيوم وتتحمل تعديل لين تمل ولاتنسى انها باقيه براس واحد اي اقل اعطال واكثر تحمل
الموتر بشكل عام كويس بس يبغاله عدة تعديلات 1- مكينة اقوى 2- يكون القير التماتيك 7 سرعات اقل شي 3- يوفرون منه قير عادي يكون 6 سرعات 4- يوفرون الوان خارجية اكثر واقدر اغير لون الرفرف بس
اول شي هذي السياره توقفت رسميا بعد مانزل بطل الدروب وبعد مطالبات من العملاء استجابت الشركة ورجعت وكانت اول سياره من نصيب الامير فزاع و عشاق الفتك يبونه بحالته فمابالك بعد الاضافات مثل دركسون الكهرب والونش وقياس الكفرات وشكله المميز واللي يبي المواصفات الاكثر يتجه للبلاتينيوم وبالنسبه للي مو مقنعته الميز ماينقصه شي من الميز الاساسيه لاستخدام البر او الرحلات ولاتنسون ان بعض السيارات عندنا مثل اللكزس الى ٢٠٠٧ وهو مانزل لا توب ترونك او الجمس كذلك مانزل توب ترونك حتى يوم نزل شكل ال ٢٠٠٧ لا و المصيبه انه باقي ٤ نمر ولا نزل الا مؤخراً بعكس الفتك من ٢٠٠٢ اما عن صرفية البنزين اولاً صرفية النيسان تقاس بمعدل الصرف بعكس بعض الشركات تآخذ الصرفيه بأفضل الحالات وافضل الاجواء اللي افضل حتى من جوّنا لان النيسان اذا كتبت لك ٧ كيلو لو تمشي على سرعة ١٠٠ طبيعي بتكون الصرفية افضل والمضحك بعض الناس يقول مايمشي الا ٧ كيلو باللتر وهو مايدري عن سيارته يمكن حتى السبع ماتمشيه لا والمصيبه لو كانت سيدان والا هو مع الخيل ياشقرا ولو تتحسب صرفية السبعه كيلو لو نركب تانكي الاف جي كان مشى ١١١٣ هذا على الحسبة الحاليه وطبيعي لو يبي يثبت على ١٠٠ كان مشاه اكثر اما بالنسبه عن الهربده موتر مع صقارة والا راعي كشتات والا راعي تطعيس كثر الله خيره انه وقفت على التربيط على استخدامهم ارحم من بعض السيارات اللي تحتاج تربيط وتغيير بعض القطع بطن السياره ويكفين شهادة افضل من يربط بالسعودية شهد له وسب بعض السيارات المنافسه وعطان وش عيوبهن والله يشهد على مااقول واهم نقطه انه هي السيارة الوحيدة اللي تمشي بالنفود كأنه على جلد مهما كان وعر سواء انك ماتحس بوعوره الارض او الراحه واللي جرب يبي يأيد كلامي
M Mon كلامك ميه بالميه لكن فيه غلط عندك السفاري ما توقف مستمر بس اما اذا قصدك السوبر سفاري انا معاك توقف من موديل 2009 وردوه 2017 السوبر سفاري اما السفاري ما توقف نهائي
السلام عليكم ورحمه الله وبركاته ومبروووك عليكم شهر رمضان نبي فزعتكم ياشباب انا باخ بترول باب واحد فتك ٢٠٢٠بس محتار في الون الأفضل الأبيض ولا الذهبي وجزاكم خير
وش وضع الي يقولون يتفكك يعني البيبان تطيح😂 والله لا يتفكك ولا حراره ولا خربات موتر راحه ويجي يقول خرابات اصوات الاصوات دورها ف الربع والشاص تويوتا النيسان موتر شيوخ ❤️
vtc 4800 اقول لاتحلف وانت ماجربته وحنا مجربين انه فيه حراره ويتفكك أصوات من تحت وقرقعه من الداخل والربع والشاص مهنا أصوات قرقعه ياخي تركب ب النيسان كلشي اسود كأنك راكب ددسن قديمه مهنا شكل لا من برا ولا من الداخل ومهنا نشاط مواصفات زق👎🏻
تسلم ابوبندر على المجهودات اللي تقدمها جزاك الله خير وبالنسبة لرآيي النيسان معروف ماشالله بس خلفيته بصراحة والأنوار اللي تحت مشوهه منظره وسعره غالي ومافيه ذيك الزياده. ليش زياده بتصميم جديد مثلا كل موديل جديد يغيرون فيه حاجات بسيطة جدا ويرفعون السعر والله ضحك على المستهلكين اتركوه والله ينزل سعره غصب احد سمع بمقاطعة البيض في كوريا عبره القصة ومفيدة افهم يافهيم 🤔🤔🤔🤔🤔🤔🤔🤔