سيناريو الهجوم النووى فى حرب روسيا وأوكرانيا 

حلقات مقترحة
العركة ابتدت
• حرب روسيا على اوكرانيا
الصين باعت روسيا
• تخلى الصين عن روسيا وت...
إيران تنقذ روسيا
• ايران تنقذ روسيا من ال...
تركيا خدعت الكل
• كيف استغلت تركيا حرب ر...
مصر تنقذ اوروبا
• مصر تنقذ أوروبا من قبض...
نهاية الحرب
• ألمانيا تتدخل لإنهاء ح...
هزيمة بوتن
• فضيحة بوتن بعد ضرب قاع...
العقوبات طلعت فشنك
• حرب روسيا وأوكرانيا
اليومين اللى فاتو ظهرت من جديد المستشارة الألمانية السابقة أنجيلا ميركل فى مناسبة رسمية.. وبعد ما خلصت كلامها الروتينى العادى.. قامت مغيره الموضوع فجأة وقايله جملتين فى منتهى الخطورة.. قالت أنا بنصح القادة الأوروبيين انهم ميستهونوش بتهديدات الرئيس الروسي بوتن.. خصوصا تهديده باستخدام السلاح النووى.. لأن بسبب خبرتى فى التعامل معاه خلال فترة شغلى كمستشارة لألمانيا.. أقدر أقولكم انه مبيهزرش..
سيدى المواطن خد بالك ان انجيلا ميركل مقالتش الكلمتين دول فى غرفه مغلقة ولا اجتماع سرى.. دى قالتهم فى مؤتمر صحفى بيحضره مراسلين من كل دول العالم.. وهنا الخطورة بتكمن فى حاجتين.. الأولى هى ان تدخل انجيلا ميركل فى القرار السياسي للقادة الأوروبيين حتى بعد خروجها من الخدمة.. دليل واضح على رفضها لسياستهم وتحديهم لبوتن.. الحاجه التانية ان كلامها يكاد يكون هو نفس كلام هنرى كيسنجر وزير الخارجية الأمريكي الأسبق.. اللى طلع برده من كام يوم وقال ان الخاسر الوحيد من حرب روسيا واوكرانيا.. هما أمريكا وأوروبا.. روسيا مش هتخسر حاجه..
خد بالك مين اللى قال الكلام؟.. ده أتقل اتنين فى أمريكا والاتحاد الأوروبى.. هنرى كيسنجر.. وانجيلا ميركل.. طيب هنا سؤال مهم.. هل كلامهم صح ولا بيجاملوا بوتن؟.. وايه حكاية ضم روسيا لأربع مناطق جديدة فى أوكرانيا بعد ضمها لشبه جزيرة القرم؟.. وايه موقف أمريكا واوروبا من عمليات الضم دى؟.. وهل كده الحرب انتهت ولا لسه مستمرة؟.. وايه حكاية اختراق بوتن لمؤتمر حلف الناتو؟.. والسؤال الأهم؟.. هو اللى حصل ده معناه ان روسيا خلاص انتصرت وأمريكا خسرت الحرب؟.. وايه علاقة مصر بالموضوع؟.. أقولك الله ينور عليك.. هى دى الأسئلة المهمة.. تعالا بقى نجاوب..
مبدئيا كده الناس دى مبتجاملش حد.. يعنى لا هنرى كيسنجر ولا انجيلا ميركل هيجاملوا بوتن.. خصوصا وانه العدو الاول لبلادهم دلوقتى.. أمال الناس دى بتقول كده ليه؟.. أقولك انى جاوبتك على السؤال ده فى حلقات كتير سابقة منها حلقة العقوبات طلعت فشنك.. وحلقة العركة ابتدت.. وحلقة غزو أوكرانيا.. وحلقة عملية أبواب الجحيم.. وحلقة الحرب النووية بدأت.. وخليك فاكر معايا الحلقة دى علشان هنحتاجها كمان شوية..
للأسف بعض الناس طلعت هاجمت بعض الحلقات وشككت وقالت انت بتطبل لروسيا وبتكره الغرب ومش عارف ايه؟.. رغم اننا عملنا برده حلقات عن المعارك اللى روسيا خسرتها.. زى حلقة هزيمة روسيا اللى حكينا فيها ازاى قاعدتها الجوية انضربت فى شبه جزيرة القرم.. واتكلمنا فى حلقة تانيه عن اغتيال بنت فيلسوف بوتن داخل الأراضى الروسية نفسها.. الحلقة كان اسمها مصر تنقذ أوروبا.. وحلقة تالتة عن استهداف قادة الجيش الروسي.. لكن للأسف فى بعض الناس لما بتحب تقيمنا.. بتكتفى بمشاهدة حلقة واحده.. رغم اننا بنغطى حرب كاملة.. يعنى المفروض قبل ما تقيمنا تتفرج على كل حلقاتنا.. لكن مش مشكلة.. يكفينا ثقة حضراتكم فينا.. خصوصا وان الأيام بتثبت صحة اللى بنقدمه يورا بعد يوم.. فمثلا النهاردة روسيا بتعلن ضم أربع مناطق اللى هما لوهانسك ودونيتسك وخيرسون وزابوريجيا.. مش بس كده.. ده بوتن قام موجه دعوة لأمريكا واوروبا علشان يقعدوا يتفاوضو معاه..
وده نفس اللى قولناه لحضراتكم فى حلقة نهاية الحرب وحلقة الصين باعت روسيا.. وهو ان الصين والهند بدءوا يضغطوا على بوتن علشان ينهى الحرب ويكتفى بالأراضى اللى احتلها.. وفعلا.. الراجل بعد ما كان خلاص داخل على العاصمة الأوكرانيية كييف.. ولقى مقاومة شديدة من القوات الأوكرانية اللى أمريكا وحلف الناتو وفرولهم احتياجاتهم من السلاح.. قرر انه يكتفى بالأراضى اللى خدها فى الشرق والجنوب.. وسحب وراه القوات الأوكرانية اللى فرحت وقالت لك روسيا بتنسحب.. لكن فجأة لقوا الطيارات الانتحارية الايرانية بتنزل على دماغهم من السما.. لدرجة ان قادة الجيش الأوكرانى هما نفسهم اللى طلعوا يصرخوا ويقولوا روسيا عملت لنا كمين.. وكل ده شرحناه لحضراتكم فى حلقة ايران تنقذ روسيا.. بالمناسبة تذكير حضراتكم بحلقاتنا مش نوع من التفاخر بإن كلامنا طلع صح.. لكن هو مجرد رد على الناس اللى حاولت تشكك فى رؤيتنا للى بيحصل فى روسيا واوكرانيا.. وفى نفس الوقت شكر مننا لحضراتكم على ثقتكم فى كلامنا وتقديركم للجهد اللى بنبذله فى الحلقات..
طيب هنا حد من حضراتكم ممكن يسأل سؤال مهم.. هى لما أمريكا واوروبا كانوا بيبعتوا لأوكرانيا السلاح اللى محتاجاه.. ليه أوكرانيا منتصرتش فى الحرب..
من المصادر
bit.ly/3rrhbxv
bit.ly/3dZ4qaq
bit.ly/3ybDYkF
bit.ly/3EtUi4z
bit.ly/3ycvU3k
bit.ly/3SCRMgn
bit.ly/3C1RTv2
bit.ly/3SVL9Wp
bit.ly/3URlNL3
cnn.it/3CpZUez
bit.ly/3e1eoIl
bit.ly/3roaCMr
on.wsj.com/3SCRS7J
on.wsj.com/3CsEZr6
#المواطن_سعيد #روسيا_أوكرانيا