سٔنِتھ ہوہُک حُباب درمن ، ونِتھ کس زانہٕ زأجنم تن 

#احد_زرگر
سنِتھ ہوہک حُباب درمن
ونِتھ کس زانہٕ زأجنم تن
چھنِتھ پأوُس امئ سوزن
ونِتھ کس زانہٕ زأجنم تن
سنگے نلِوٹھ سبز خط وار
ہنگے لوگُم سپُن کُلمار
چنگے اچھ دہ لوگس دفتن
ونِتھ کس زانہٕ زأجنم تن
بو تن کُله بل وژھوس سرانس
اتھن اتھ واس کرِتھ پرانس
وطن و چھ مے ستن ناگن
ونتھ کس زانہٕ زأجنم تن
شراب چیوم واو کین پیالن
طُرابس چُھم مے آب زالن
خرابس جاے منز لعلن
ونتِھ کس زانہٕ زأجنم تن
شون دیُت سریہہ نون دارن
رون ہوو پان بیدارن
پون ہند پو اونُم پونن
ونتِھ کس زانہٕ زأجنم تن
شمس یامتھ سپُن سِر فاش
دمس دمہ دمہٕ سپدُم ناش
بُو مس چتھ آس میخانن
ونتھ کس زانہٕ زأجنم تن
رنگیےصندل وچُھم جانور
پھنیگے کیا تاج ستت ساس پر
سنگیے فارس چھ تمئ سُند کھن
ونِتھ کس زانہٕ زأجنم تن
مؤدر سُخناه عجب باؤے
سوور ستھ سنجہ دانن چے
سُه در قیمتی چُھ دُردانن
ونِتھ کس زانہٕ زأجنم تن
کران چھم نور وزمله وہئ
ہران چُھم پرتھ ژہس منز وہئ
پران تکبیر عشق عاشقن
ونتِھ کس زانہٕ زٲجنم
کنِتھ آباد ہیوتُم وأران
بنتِھ گُوم جسم و جانس فان
احؔد زرگر پھِران سفرن
ونِتھ کس زانہٕ زأجنم تن