[ شأنسى عاشر؟! ]
| عزاء مأتم العقيلة |
| 1445هـ - 2024م |
------------
أداء | الملا أحمد الخليفة
كلمات | أبو نجم الأحسائي
------------
•مكساج | حسن مرهون
•مخطوطات | السيد حيدر البراهيم
•مدير التصوير | ميثم الضيف
•مونتاج | قاسم بوشفيع
•إنتاج | مأتم العقيلة
------------
أنا الباقر..شأنسى عاشر؟!
للمنية حسرتي و نوحي وحِدادي
باقر علوم الإمامة..وعمري هالليلة خلص
عمري گضِّيته بمناحة..وضيم و آهات و غصص
كاس أحزاني و عذابي..ايفيض عبرة و مانُقص
بدفتر اسنيني و شجوني..كربلا أعظم قُصص
عذاب..شفت ابعيني وچم مذبح
عذاب..جروحي الغَضَّة تتفتح
عذاب..و اللي اتعذَّب ما يفرح
فكري حاير..شأنسى عاشر
واللي صار ابكربلا ما هُو اعتيادي!!
##############
عمي من راح الشريعة..الموت بينا ظل يطوف
بالسهم عينه عموها..وطاح مگطوع الچفوف
وبالعمد صابوا جبينه..و سال مُخه اعلى الچُتوف
حِضر يمه حسين جدي..ايلِمَّه والمدمع ذروف
حُسين..محني ظهره و متكسر
حُسين..يم الشاطي متحير
حُسين..يشهگ گُوَّة و متزفُــر
گلبي شاجر..شأنسى عاشر
تضحك و تتشمت ابحاله الأعادي
##############
للخِيم بواليمة ويلي..رجع مكسور الظهر
وصاح بدموعه يزينب..راح عباس الگمر
و صاحت الحُرة العقيلة..ودني خويا للنهر
گَلْها تدرين المعارة..جيوش وخيول وخطر
إمام..ومايرضى إخته تنهان
إمام..مفطر گلبه وظل عطشان
إمام..ناوي ايقاتل بالميـــدان
بهمه صابر..شأنسى عاشر
نادى منهو اللي يقدم لي جوادي!
##############
ودَّع أطفاله ونساءه..وعمتي زينب تلوح
بمعصب الزهرة يشيعة..و بعبايتها تنوح
قبلت صدره و تشمه..ذابِله ومابيها روح
وبرز للميدان وحده..بعطش گلبه والجروح
غُبار..راسه اتصوب بالضربة
غُبار..و صابه امثلث في گلبه
غُبار..وصَّل چبده وِ يِسِحبه!
ماله ناصِر..شأنسى عاشر
حسين وحده وألا مِن ناصر ينادي
##############
بالخشب واحجار صابوه..وبالسيوف وبالسِهام
وگع من مُهره اعلى وجهه..وعينه تشبح للخيام
يفحص و تنزف جروحه..ومن يرفسونه اللِّئام
چِلمةْ (الآه) اشعظُمها..تنسمع مِنِّ الإمام
تريب..حي و داست جسمه الخيل
تريب..يا ويل و يشبه هالويل؟؟؟!
تريب..ماظل باع و ما ظل حيل
ظل يناظر..شأنسى عاشر
سُنْبُك الخيل و رَجِن ذيچ العوادي
##############
شمر جاله وصعد صدره..ورفس جسمه بالثرى
وعلى نحره بسيفه ويلاه..ثنعش ضربة هبره
رفع راسه برُمُح عالي..والسِّما دم مُمْطِره
وظلت الجثة الجليلة..مسلبة بحر العرا
شأگول..ما يتوصف كل ضيمه
شأگول..رد ميمونه للخيمة
شأگول..نِسوة فرت بالهيمة
شاللي صاير..شأنسى عاشر
الفواطم رِكض ابذيچ البوادي
##############
حِرگوا اخيمنا علينا..ومارعوا حق النبي
و عمتي شِبكت عشُرها..على التل الزينبي
بالحِبال و بالسلاسل..رحنا بدروب السبي
وبالمجالس دخلونا..بين كافر واجنبي
يزيد..جمَّع صحبه و أعوانه
يزيد..قابض شيبةْ مولانا
يزيد..بعوده ايكسر أسنانه
طاغي فاجر..شأنسى عاشر
امن الخرابة و القصر ذايب فؤادي
8 сен 2024
