سؤال حلو عشان نسيت اتكلم عن نقطة الامتحانات: هم طبعا متغيرين من باتش للتاني ومن شركة للتانية بس أنا امتحنت ٣ امتحانات؛ ١- امتحان جرماتيكا كان اسئلة ف pdf حليتها وبعتلها الإجابة واتساب والموضوع مخدش ربع ساعة، ٢- امتحان سرعة كتابة جابتلي لينك موقع ومعدتش من أول مرة عيدته لحد ما جبت السكور اللي هي عايزاه وكان من الموبايل كمان (هتتعودي ع الكيبورد بعد كدا مش أزمة)، ٣- ميلين من عملا بيحكوا مشكلتهم وأنا برد عليهم، زيهم زي سؤال هندلة العميل بتعتذري وتوعديه اننا هنحل المشكلة بس طبعا في الفورمة الصح بتاعت كتابة الميل .. في ناس دخلوا بعدي كانوا بيمتحنوهم ascolto كمان بيشغلوا audio ويخلوهم يكتبوا اللي سمعوه .. بس كدا.
ما شاء الله لا قوة إلا بالله .... انت جميلة جدا و تفكيرك منظم و نصائحك جدا مفيدة .... ربنا يكرمك و يوسع و يفتح عليكى و يوفقك دايما يا رب .... اللهم آمين
طبعا شكرا للفيديو الجميل دة أسلوبك جميل أوى و هادى أنا حاليا مدرس لغة فرنسية حر و باخد كورس محادثة مع مدرسة خاصة و ناوى أن شاء الله أقدم السى فى بتاعى أول الشهر/أدعيلى بالتوفيك
بهنييك عشجعاتك انا اشتغلت مع ارامكس اربع شهور كول سنتر وجع رقبة و راس و دنين الناس بتقلي انت مجنون تترك ارامكس بس محدش بكون فاهم الشغل الا ما ينحط بنفس الموقع
السلام عليكم ماشاء الله اسلوبك جميل جدا انا كنت دارسة ايطالي من سنين دلوقتي عايزة اعرف ازاي ممكن اتعمل ايطالي لو في مدارس ف مصر ياريت حضرتك تعرفيني اكون ممتنة ليكي ربنا يوفقك
وعليكم السلام ورحمة الله وبركاته مش فاهمة عايزة تعلميه ولا تتعلميه؟ لو تتعلميه: راجعي جرماتيكا من كتاب una grammatica italiana per tutti وكورس محادثة لحد م توصلي لمستوى كويس لو تقصدي مدارس تشتغلي فيها فدوري في محافظتك
ربنا يباركلك يارب يا ندي انا قدمت من يومين مبدأيا اتقبلت ايطالي برضه بس عاوز اسالك سؤال عشان فيه انترفيو face to face لو سمحتي اخطاء الجراماتيكا بيعدوها طالما الجملة مفهومة ولا مش بيعدو
آمين يارب وإياك لا بيركزوا جامد مع الجرماتيكا راجع الكلام كويس قبل الانترفيو وفي نفس الوقت متخليش تركيزك ع الجرماتيكا يبطئك في الكلام معادلة صعبة بس مش مستحيلة، حضر الكلام كويس بس واتدرب عليه كتير بالتوفيق
حضرتك انا كنت فرنساوى ثانوية و بعرف اتكلم لكن مش فلونت طبعا و انا ف كلية تمريض هل شرط ادخل كلية ليها علاقة ب الفرنساوى علشان اشتغل ولا ممكن كورسات و اجتهاد شخصى علشان ابقى كول سنتر
@@WeilaNada طب معلش لو تديني راي حضرتك انا في اداب و بدأت اتعلم شوية في البرمجة لكن بصراحة خايف بسبب الشهادة و بسبب قلة الوظائف في اسكندرية و كمان حكاية تسريح الشركات للمهندسين الفترة الأخيرة فبفكر اني اتعلم الماني لكن سمعت الناس و هي بتقول مش كارير و الكلام ده عايز رايك بأمانة لانه حقيقي هيكون فارق بالنسبالي
طب م انت ممكن تتعلم ألماني وتتسرح بردو عادي، التشاؤم لو ادتله طريق هيوقفلك حياتك مهما كانت خطتك حدد هدفك وامشي الطريق لأخره وتاكد إن ربنا هيجازيك على سعيك .. عن تجربة شخصية
رايك اتعلم ايطالي ولا ألماني طيب عشان انا استصعبت الالماني بعد ما خلصت A1 وبدات في الايطالي لسه في بدايات ال A1 بس قلقت من فكره ان فيه كتير والعرض اكتر من المطلوب بللغه
ازيك يا ياسمين؟ 🤍 أنا دايما بحسبها بالشغف أكتر شوية من الفلوس يعني الاتنين شغلهم متوفر بس الألماني مرتباته أفضل شوية يبقى اللغة اللي ترتاحلها اتعلميها، فرق المرتب دا مش هيفيدك وانتي كارهة حياتك في الشغل عشان كارهة اللغة لكن لو ع الصعوبة فحقيقي الاتنين صعبين، مش عايزاكي بس تقف فالإيطالي عند A1 وتبقي لا طلعتي ب دا و لا دا العبرة مش فالصعوبة ولا فالعرض والطلب، العبرة باللي يوصل لمستوى ال c1 من غير ما يستسلم في النص فرأيي انتي اتعرفتي ع اللغتين بما فيه الكفاية، احسمي قرارك للغة اللي تحبيها وركزي انك تكملي مشوارها للآخر
طيب بما ان حضرتك خريجة كلية ألسن و كمان اشتغلتي في الكول سنتر هل شغل الكول سنتر او الترجمة عموما لازم تكوني خريجة السن او اداب و لا لو بتكلم اللغة بإتقان شديد ده حيكون كافي ، هل حضرتك شوفتي اي حد شغال معاكي في الشركة مش خريج ألسن و بيشتغل عادي
ازاي اتخطيتي احباط انك اترفضتي كذا مرة وقدرتي تكملي انك تطوري من نفسك ؟ ولو كمان في ضغط من الاهل في حالتي يعني ان قد اية فاشلة علشان مخلصة من شهرين ومشتغلتش 😂
لا اسمحيلي ارغي بقى أنا اول مرة اترفضت كان متقدملي عريس صالونات وكنت بأجل قراية الفاتحة وبابا قاله بالنص معلش اصلها فاكرة نفسها هتشتغل في شركة انترناشونال وهتقبض عشر الاف، بعدها اترفضت ووشي بقى اد السمسمة. رمضان اللي بعده اترفضت في التريننج بعد كزا انترفيو فبقى شكلي نيلة بجد. بعدها ربنا كرم واتنقلت ماديا نقلة جامدة لما اتقبلت واللي اتريق عليه بقى حقيقة. وعلى فكرة أنا النهاردة اتأكدت اني مش هعرف اسافر ايطاليا السنادي بعد مرمطة سنة كاملة واحباط جامد، بس كثفا الشغل عشان احوش فلوس اكتر وحجزت كورس انجلش عشان اخد الايلتس. الخلاصة اني فهماكي أوي، بس صدقيني الوصول بعد السعي حتمي جدا حتى لو اتأخر شوية، لكن لو استسلمتي للإحباط مش هينوبك الا ضمان الفشل. حطي في دماغك ان ملكيش اوبشن تاني غير استمرارية السعي، والنتيجة على ربنا بقى.
بصي والله نصيحه لله متنصاعيش ورا ضغط الأهل...واصبري ع نفسك واشتغلي بالايطالي سواء في كول سنتر او سياحة ومتستعجليش وتشتغلي بمؤهلك واللي هو انا ليسانس وانجلش مثلا وخلاص...لا قوي نفسك واصبري.. واشتغلي بالايطالي عشان م تضيعيش وقت ف حاجات مش مجالك هتخبطي فيها من سنة ونص ل٣
لو سمحت ممكن تعملي مراجعة عن تطبيق بوسو حقيقي انا استعملته فالفرنساوي وحاجة فوق الرايق وساعدني كتير فالنطق لاني لما جبت كتاب توندوس كان حلو بس كان مجهود كبير عليا اني اشتغل لوحدي ف ممكن لو تشوفي التطبيق دا فالايطالي لاني عايز اكمل عليه بصراحة، بدل ما اجيب كتاب بروجيتو ايطاليانو واعيد نفس التجربة ومعلش سؤال تاني، انا ليه وداني لسة مش عارفة تلقط كويس الكلام. مع اني مخلص بي٢ إنجليزي و اه ٢ فالفرنساوي ولسة برضو نفس الأزمة، بالرغم اني فلوينت شوية فالانجليزي ف ازاي بتكلم ومش بسمع كويس
أنت لغبطتي يا ابراهيم 😅 ١- تطبيق busuu موحود ايطالي واتكلمنا عنه من سنين ع جروب الفيسبوك لكن ازاي بتقارنه بكتاب؟ دا الكتاب الحنرال لوحده مش كفاية ازاي متوقع تكتفي ب app؟ التطبيقات دي جانبية للتسلية بعد المذاكرة الأساسية. ٢- اتقانك للغات تانية ملوش علاقة بإتقانك للإيطالي، السؤال: مستواك ايه في الإيطالي؟ اشتغلت أد ايه على مهارة السمع عشان تبدأ تحس إن في ضعف في المهارة دي رغم اجتهادك فيها؟
@@WeilaNada معلش ولله الاسئلة كلها جت ف دماغي مرة واحدة😅😅😅 لا انا فالايطالي لسة معرفش حاجة انا بستعمل بوسو فالانجليزي والفرنساوي والتجربة حلوة اوي اوي اوي. بس انا فالانجليزي كله كان من كتاب وبعدين دلوقتي براجع كدا من التطبيق والفرنساوي لحد ايه ٢ كان كتاب ولما راجعت تاني من التطبيق لاقيت نفس الكلام اللي خدته وبطريقة اسهل وبنطق صح لان الفرنساوي ليه طريقة فالنطق السماع بقا انا ضايع خالص، ف كله لدرجة انا مبقتش عارف فين المشكلة بالظبط. انا ليه مش سامع كويس 😭😭😭 لو مفهمتيش يبقا المشكلة من عندك بقا😜
