لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
شيلة مذهلات الرسميه
للمالك ناصر عيد الشيباني
الكلمات :
ياليل الشتاء مادااام وجه القمر ماغاب
ياويل السمر ويلاه من شعلة الكبريت
ما نقدر نكب السمر لـو يمنع الحطاب
نسوق الدراهم فيه لو هو ورا تكريت
على جال ناااري لا تويتر ولا وتساااب
سرى الليل .. والافكار ما تقبل التشتيت
لا قمت اتذكر بندر سرور واللي جاب
سرابي خيالي لين اشوف ابرق الكبريت
وانا ابوك حاول ما تجيني وصك الباب
علامك تقاطعني ليا جيت ب اكتب بيت
وانا داري انك لو بتفهم وش الاساب
لقيتك تجاوبني بـ صوتك ليااا غنيت !
خوالك خوالي يوم حظك وحظي طاب
بني مذهل اللي كاسبين الفخر والصيت
على ذكرهم من حقك تولع الشباااب
ولا فيّ خير ان كان عن شانهم صديت
نوو .. نيةٍ ما تقبل العذر .. والمجنااب
على اهل الصياهد وقتو ساعة التوقيت
يقولون حنااا ما ختلنااا ولا نرتاااب
نجي جية الصامل ماهي جية الخرتيت
نبى نعلم اللي قدمناا يحسبون حساب
ترانا نبا نسوي لـ بعض الامور اوبديت
نخض العدا واندق فـ اصدورهم منساب
ياراع التحدي قرب اذنك ليا ما اوحيت
يا بو عيد صرح وانت في قمة المرقاب
وش ينزلك للي تحت عقب مااا عديت
على موعدك لا هيلماني ولا كذاب
وعانك تقول بصوت عالي تراني جيت
نعرفك يا ناصر عيد لـ المفخره كساب
تجمل عتيبه كل ما قمت يا النعتيت
مادورت صمخ الوضح في لايفات سناب
واذا شفت لك فرديةٍ كفو ما شحيت
عشان النوادر تتعب الجيب بـ المهذاب
ما ريحت بالك فالمدينه واخذت سويت
تجوب الدير من يم لينه ليا مشعاب
وتمسي قبل طخفه وتصبح ورا حليت
ما تمتخ من البل غير وضحٍ طوال ارقاب
على طولها تقدر من رماح تارد هيت
شناحٍ تقول قنوف مدري تقول هضاب
تجيك اوبرتها تلتعج مثل لون الليت
لا زاد اتحاد الناس معها من الاعجاب
لقينا اتحادٍ عالمي .. كنه السوفيت
ماجت مذهلات الا تبى تحصد الالقاب
تراهن على اطيب رقم من لجنة التصويت
علي الحراااام انّا هل الماقف الغصاب
وش يردني لا افخر ليا اصبحت واليا امسيت
ليا غاب منّا عقاب جا للمقام عقاب
كلامٍ مثل شمس الضحى ما يبي تثبيت
من يجمل العتبان فـ امداحم الاجناب
فخر واعتزاز .. ومجدٍ اعظم ورب البيت
وانا ادري ان مال البيت قيمه بدون اطناب
وحنا سوى والحي يحفظ مقام الميت
يسولف بناااا تاريخ ويتعب الكتّاااب
ومرجع عتيبه لا بغيتوه عند اثبيت
عتيبه عتيبه .. مجدٍ اكبر من الاسهاب
ما تحصر فعايلنا كتب خل عاد اوبريت
22 сен 2024